Коронавируска каршы Спутник V вакцинасы. Архив

"Спутник V" вакцинасын социалдык тармактар аркылуу тааныштыра башташат

95
(жаңыланган 21:14 09.11.2020)
Социалдык тармактарда "Спутник V" вакцинасын клиникалык сыноо, өндүрүү жана дүйнөнүн ар кайсы өлкөсүндөгү вакцинация боюнча маалымат берилет.

БИШКЕК, 9-ноя. — Sputnik. Россиянын түз инвестициялар боюнча фонду менен Гамалея атындагы Эпидемиология жана микробиология улуттук изилдөө борбору социалдык тармактар аркылуу коронавируска каршы "Спутник V" вакцинасы менен тааныштыра баштайт. Бул тууралуу аталган фондго шилтеме берип РИА Новости жазды.

Кампанияда #SputnikV хештеги колдонулат.

"Социалдык тармактарда клиникалык сыноо, өндүрүү жана дүйнөнүн ар кайсы өлкөсүндөгү вакцинация боюнча маалымат берилет. Аны жасаган адамдар кайсы технологиялар колдонулганын айтса, вакцина алгандар өз тажрыйбасы менен бөлүшөт", — деп айтылат кабарда.

#SputnikV хештеги колдонулган каналдарга вакцина боюнча бардык жаңы маалыматтар жазылып турат.

Ошондой эле Twitter, Facebook, Instagram, Youtube тармактарында вакцинага байланыштуу иш-чаралардын видеосу, маектер жүктөлүп турмакчы.

Пандемияга дагы бир сокку. Россияда үчүнчү вакцина сыноодон өтө баштады. Видео

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым. 

95
Белгилер:
маалымат, социалдык тармак, вакцина, коронавирус, Россия
Тема:
Дүйнөгө жайылган коронавирус (1168)
Тема боюнча
Өкмөт Россиядан COVID-19га каршы вакцинаны алып келүү шартын караштырууда
Россия ТИМи. Архивдик сүрөт

Россия ТИМи Латвияда Sputnik журналисттеринин кармалышын сындады

17
(жаңыланган 10:36 04.12.2020)
Журналисттерге Европа биримдигинин (ЕБ) санкциялар режимин бузду деп айып тагылууда. Алар сурактан кийин эч жакка кетпей тургандыгы жөнүндө тил кат жазып беришкен.

БИШКЕК, 4-дек. — Sputnik. Россиянын Тышкы иштер министрлиги Baltnews жана Sputnik Латвия агенттиктеринин орус тилдүү журналисттеринин үйлөрүнө тинтүү жүргүзүлгөнүнө байланыштуу Латвия бийлигин сынга алды. Бул тууралуу РИА Новости агенттиги жазды. 

Буга чейин Sputnik Жакынкы чет өлкөлөр агенттиги аталган агенттиктердин журналисттерине Европа биримдигинин (ЕБ) санкциялар режимин бузду деп айып тагылып, суракка чакырылганын жазган. Ошондой эле ар биринен эч жакка кетпей тургандыгы жөнүндө тил кат алышкан. Латвиянын Кылмыш жана жаза кодексинин 84-беренесине ылайык, журналисттерге айып пулдан тарта эркинен ажыратууга чейин жаза каралган.

"Латвиянын Улуттук коопсуздук кызматынан орус тилдүү журналисттерге карата мындай мамилесин сөз эркиндигин жана демократия принциптерин бузуу деп баалайбыз. Журналисттерди кылмышка күнөөлөп, кармашты. Үйлөрүн тинтип, өздөрүн суракка алууда", — деп айтылат ТИМдин билдирүүсүндө.

Ведомстводон билдиришкендей, Sputnik Латвия агенттигинин журналисттерин ЕБ санкцияларын бузду деп айыптоого мүмкүн эмес.

"Бул чектөөлөр бир гана "Россия сегодня" агенттигинин башкы директору Дмитрий Киселевго тиешелүү. Медиахолдинг менен кызматташкан башка адамдарга таасир этпеши керек. Ошол эле учурда Baltnews агенттигинин орус тилдүү журналисттерин "тынчытуу" аракети болууда", — дешти тышкы саясат ведомствосунан.

Ошондой эле Россия ТИМи бул маселе Европадагы Коопсуздук жана кызматташтык уюмунда (ОБСЕ) көтөрүлүшү керектигин кошумчалады.

"ОБСЕ төрагасы жана ЕБ сөз эркиндигине болгон мындай кысымга көңүл кош карабай, тиешелүү баасын берет деп үмүт артабыз", — дешти министрликтен.

Өз кезегинде RT жана "Россия сегодня" агенттигинин башкы редактору Маргарита Симоньян Telegram каналы аркылуу Россия бийлиги Baltnews жана Sputnik Латвиянын журналисттерине карата куугунтук боюнча жооп берет деп ишенерин айтты.

Ушундай эле кырдаал былтыр Эстония мамлекетинде жаралган. Эстония бийлиги Sputnik Эстониянын журналисттерине кысым жасап, полиция эгер алар иштен бошонуп кетпесе, кылмыш ишин ачууну айтып коркутканы белгилүү болгон. Бул тууралуу агенттиктин маалымат кызматынан кабарлашкан.

Таллин мындай кадамын Евробиримдик 2014-жылы Украинада болгон окуялардан кийин жеке жана юридикалык жактарга салган санкцияларга негиздеген.

ЕККУнун өкүлү Арлем Дезир эстон бийлигинин ЕБдин жеке санкцияларын Sputnik Эстония жамаатына колдонушу ЖМК эркиндиги жаатында көйгөй жаратарын айткан. Таллинди журналисттердин ишин керексиз чектөөдөн алыс болууга чакырган. Дезир Sputnik Эстония Евробиримдиктин санкцияларынын тизмесинде жок экендигин баса белгилеген.

Ал эми РФ президенти Владимир Путин Россия Sputnik агенттигинин башка өлкөлөрдөгү кызматкерлеринин ишин толугу менен колдой турганын айткан.

17
Белгилер:
журналист, кылым, сөз эркиндиги, ЖМК, Sputnik
Тема боюнча
Twitter РИА Новостиге санкция киргизди. "Россия сегодня" үн катты
COVID-19га каршы эмдөө . Архивдик сүрөт

Москва: COVID-19га каршы эмдөө алуу үчүн электрондук кезекке жазылуу башталат

29
(жаңыланган 10:07 04.12.2020)
Эмдөө өнөкөт оорусу жок, 18ден 60 жашка чейинки, клиникалык сыноого катышпаган, акыркы бир айда сасык тумоого каршы вакцина албаган адамдарга жасалат.

БИШКЕК, 4-дек. — Sputnik. COVID-19га каршы эмдөө алуу үчүн Москвадагы медицина кызматкерлеринин, мугалимдердин жана шаардын социалдык кызматтарында иштегендердин электрондук кезекке жазылуусу бүгүн-эртең менен башталат. Бул туурасында РИА Новости жазды. 

Ал үчүн эртең мененки саат сегизден тарта жогорудагы саналып кеткен кызматкерлер mos.ru порталы аркылуу жазылса болот.

Шаршемби күнү Россиянын президенти Владимир Путин вице-премьер Татьяна Голиковага келерки аптада россиялыктарды вакцинациялоо боюнча масштабдуу ишке киришүүнү тапшырган. Анын айтымында, 2 миллион доза вакцина жакынкы күндөрү даяр болот.

Эмдөөнү кимдер ала алат?

Учурда коронавируска каршы вакцина москвалыктарга, анын ичинен өтө тобокел тобунда тургандарга гана салынат. Алар — күнүгө көп сандаган адамдар менен байланышта болгон шаардыктар. Булардан сырткары медициналык кызматкерлер, педагогдор, шаардык социалдык мекемелерде иштегендер эмделет.

Препараттын келип түшүшүнө карата азырынча айтылган категориядагылар, андан кийин акырындап бардык шаардыктар алса болот.

Эмдөө өнөкөт оорусу жок, 18ден 60 жашка чейинки, коронавируска каршы вакцинаны клиникалык сыноо иштерине катышпаган, акыркы бир айда сасык тумоого каршы вакцина албаган адамдарга жасалат. Андан сырткары, Москвадагы бейтапканаларда катталган болууга тийиш. Кош бойлуулар менен бала эмизгендерге эмделүүгө болбойт.

Эмдөөнү кайдан жасатса болот

Москванын мэри Сергей Собянин бул үчүн шаарда атайын чынжырча сымал технология түзүлгөндүгүн айтты. Атайын кампалар тандалып, муздаткычтар коюлуп, вакцинаны муздак алып келүү үчүн да шарттар каралган. Эмдөөнү атайын окуудан өткөн адистер жасамакчы.

Учурда Москвада шаардык бейтапканалардын базасында вакцинация жасай турган 70 жай ачылган. Алар эртеңден, 5-декабрдан тарта, саат 08:00дөн 20:00гө чейин иштеп баштайт. Эмдөө алчулар эки апта мурда жазылып койсо болот.

Эмдөө кандай жасалат?

COVID-19га каршы эмдөө эки ирет жасалат. Негизи биринчи вакцинацияга гана жазылуу керек, ал адам экинчисине автоматтык түрдө катталып калат. Экинчисин жасоого бир сутка калганда ага эстеткен СМС келет.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
Эмдөөнү алууга бир саатка чукул убакыт бөлүш керек. Анын ичинен 10 мүнөт вакцинация алдында дарыгердин кароосуна, 15 мүнөт преапаратты даярдоого, жарым саат вакцина салгандан кийинки жалпы абалды байкоого алууга кетет.

Бул процедурадан өткөн москвалыктарга эки ирет эмделди деген сертфикат берилет.

Эмдөө алганга бара жатканда паспорт, Медициналык милдеттүү камсыздандыруу полисин, тиешелүү жерде иштегенин тастыктаган документти кошо алып алуу керек.

29
Белгилер:
медициналык кызматкерлердин Күнү, мугалим, кампания, коронавирус, вакцина, Россия
Тема боюнча
Кубатбек Боронов коронавируска кабылып, жандандыруу бөлүмүнө түштү
Биолог: коронавирустун жеңил формасынын да кесепети оор болот
Вице-премьер Равшанбек Сабиров кыргыз-казак мамлекеттик чек арасындагы Ак-Жол – Автожол көзөмөл-өткөрмөдө

"Ак-Жол" өткөрмө бекетинин курулуш иши 68 пайызга аяктады. Сүрөттөр

0
(жаңыланган 13:14 04.12.2020)
Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгиледи.

БИШКЕК, 4-дек. — Sputnik. Вице-премьер Равшанбек Сабиров кыргыз-казак мамлекеттик чек арасындагы "Ак-Жол – Автожол" көзөмөл-өткөрмө жайын реконструкциялоонун жана курулуш иштеринин жүрүшү менен таанышты. Бул тууралуу өкмөттүн маалымат кызматы билдирди.

  • Вице-премьер Равшанбек Сабиров кыргыз-казак мамлекеттик чек арасындагы Ак-Жол – Автожол көзөмөл-өткөрмө жайын реконструкциялоонун жана курулуш иштеринин жүрүшү менен таанышты
    Вице-премьер Равшанбек Сабиров кыргыз-казак мамлекеттик чек арасындагы "Ак-Жол – Автожол" көзөмөл-өткөрмө жайын реконструкциялоонун жана курулуш иштеринин жүрүшү менен таанышты
    © Пресс-служба правительства / Алишер Алиев
  • Чек ара кызматынын маалыматы боюнча, Ак-Жол көзөмөл-өткөрмө жайын реконструкциялоо иши 68 пайызга бүткөрүлгөн
    Чек ара кызматынын маалыматы боюнча, "Ак-Жол" көзөмөл-өткөрмө жайын реконструкциялоо иши 68 пайызга бүткөрүлгөн
    © Пресс-служба правительства / Алишер Алиев
  • Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгилеген
    Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгилеген
    © Пресс-служба правительства / Алишер Алиев
  • Ошондой эле мамлекеттин имиджи көзөмөл-өткөрмө жайларынын сырткы көрүнүшүнө көз каранды экенин айтып, модернизациялоо иштери сапаттуу жүргүзүлүүгө тийиш экенин кошумчалаган
    Ошондой эле мамлекеттин имиджи көзөмөл-өткөрмө жайларынын сырткы көрүнүшүнө көз каранды экенин айтып, модернизациялоо иштери сапаттуу жүргүзүлүүгө тийиш экенин кошумчалаган
    © Пресс-служба правительства / Алишер Алиев
  • Вице-премьер Ак-Жол – Автожол пунктун модернизациялоо ишин белгиленген мөөнөттө аяктоо тапшырмасын берди
    Вице-премьер "Ак-Жол – Автожол" пунктун модернизациялоо ишин белгиленген мөөнөттө аяктоо тапшырмасын берди
    © Пресс-служба правительства / Алишер Алиев
1 / 5
© Пресс-служба правительства / Алишер Алиев
Вице-премьер Равшанбек Сабиров кыргыз-казак мамлекеттик чек арасындагы "Ак-Жол – Автожол" көзөмөл-өткөрмө жайын реконструкциялоонун жана курулуш иштеринин жүрүшү менен таанышты

Чек ара кызматынын маалыматы боюнча, "Ак-Жол" көзөмөл-өткөрмө жайын реконструкциялоо иши 68 пайызга бүткөрүлгөн.

Вице-премьер өткөрмө жайды реконструкциялоо жарандарга ыңгайлуу шарттарды түзүүгө багытталганын белгилеген. Ошондой эле мамлекеттин имиджи көзөмөл-өткөрмө жайларынын сырткы көрүнүшүнө көз каранды экенин айтып, модернизациялоо иштери сапаттуу жүргүзүлүүгө тийиш экенин кошумчалаган.

"Кыргызстанга келип жаткан туристтердин жана ишкерлердин биздин өлкө тууралуу таасирлери чек арадан өтүүдө калыптанат. Ошондуктан аткарылып жаткан иштер эл аралык стандарттарга жооп берип, андагы имараттар жана курулмалар заман талабына жараша жасалгаланышы шарт", — деди Сабиров.

Вице-премьер "Ак-Жол – Автожол" пунктун модернизациялоо ишин белгиленген мөөнөттө аяктоо тапшырмасын берди.

Белгилей кетчү жагдай, өткөрмө жайды реконструкциялоодо комплекстин курулушу, инфраструктурасын жакшыртуу, заманбап техника жана жабдуу менен камсыздоо каралган. Бул аракет аталган жерден жарандардын өтүүсүнө ыңгайлуу шарттарды түзөт. Өткөрмө жайды модернизациялоо иши республикалык бюджеттин эсебинен каржыланууда.

0
Белгилер:
Ак-Жол көзөмөл өткөрүү пункту, кыргыз-казак чек арасы, Равшанбек Сабиров
Тема боюнча
Өзбекстан эреже бузган жок! Өкмөт Дейрес айылына жакын жердеги кырдаал тууралуу