Бешинчи муундагы учак Су-57. Архивдик сүрөт

Орус куралы: биринчи сериялык Су-57 жана анын жетегиндеги "Охотник"

(жаңыланган 18:05 04.12.2020)
Баштапкы сериясында 76 машинадан турган бешинчи муундагы Су-57 алгачкы авиациялык комплекси ушул айда Россиянын Аба-космостук күчтөрүнүн катарынан орун алат.

Комплекстин канатына жасалма интеллекти бар, коштоочу С-70 "Охотник" учкучсуз аппараты турат. Полигондо ал бийиктен кармоо жана ракеталык курал менен буталарды жок кылуу алгоритмдерин ийгиликтүү өздөштүрүп келет. Аскерий баяндамачы Александр Хроленко ушул эки куралдын айкалышын мүнөздөп чыккан.

Мурдараак РФ Коргоо министрлигиндегилер Аба-космостук күчтөр бешинчи муундагы Су-57 алгачкы сериялык истребителин жыл аягына чейин аларын, учак дээрлик даяр экенин маалымдаган.

Кийин өндүрүш көлөмү жылына 15 машинага чейин жеткирилмекчи. Су-57 истребителинин 76сы тең 2021-2027-жылдар аралыгында үч авиациялык полкту жабдыйт. Биринчи баскычтагы кыймылдаткычы бар алгачкы карлыгачтары чыгарылууда, ал эми 2025-жылы сериялык өндүрүшкө экинчи баскычтагы кыймылдаткычтар киргизилет. Ошентсе да Су-57 дүйнөдөгү мыкты жана күчтүү истребителдердин бири болуп саналат.

Бешинчи муундагы россиялык учак абадагы, жердеги жана суудагы буталардын бардык түрүн кыйратууга жөндөмдүү. Бурулганы мыкты жана форсажсыз үндөн ыкчам сапаттарынын айкалышы, борттук электроника комплекси жана көп байкалбастыгы Су-57ге жогорку аскердик натыйжалуулукту жана душманга салыштырмалуу артыкчылыкты камсыз кылат.

Military Watch Magazine журналынын маалыматына таянсак, Су-57нин өз мүмкүнчүлүктөрүнө жараша уникалдуу борттук куралы бар. Анын ичинде ашкере сезимталдуу радарларга, 400 чакырым аралыкка багытталган "аба – аба" тибиндеги гипер үндүү ракеталар, душмандын ракеталарынан лазердик коргонуу тутуму жана башка жогорку технологиялык артыкчылыктарга ээ.

Мындан мурда бешинчи муундагы истребитель үчүн ракеталарды кыйратуучу авиациялык каражаттардын кеңири номенклатурасына ири келишим жөнүндө белгилүү болгон, башкача айтканда, Су-57 "бош" учпайт. Ал эми оор учкучсуздар менен бир бөлүмдө аскердик башкаруу аба борборуна айланат. Жогорку технологиялык эки саамалыктын өз ара аракеттенишинин аскердик эффектисин ашыра баалоо кыйын.

Аскердик артыкчылыгы

Акыркы үлгүдөгү истребитель Сириядагы россиялык күчтөр тобунун курамында сыноодон өткөн. Учуучу-техникалык мүнөздөмөлөрүн, интеллектуалдык маалыматтык-тескөөчү комплексин, куралданышы жана бардык борттук тутумдарын текшерүү үчүн ондон ашуун ирет учурулган.

Су-57нин айрым технологиялык жетишкендиктери – америкалык бешинчи муундагы истребитель, атап айтканда F-22 Raptor үчүн кол жеткис кыял. Жасалма интеллект аскердик башкаруу тутумуна интеграцияланган жана бул аскердик иште революция болуп саналат.

Учкуч менен учурулуучу Су-57 автоматтык режимде милдеттеринин 90 пайызын аткарууга жөндөмдүү. Ал тургай алдын ала даярдалган программа боюнча толук автоматтык түрдө иштей алат. Эгер учкуч согушта жарадар болсо (өлтүрүлсө), башкаруу тутуму негизги буталарды өз алдынча аныктап сокку урат, машинаны жана учкучту базага кайтарат.

Учактын канатына жана корпусуна интеграцияланган, Х-диапазонундагы активдүү фазадагы антенналык торчолору бар радарлар эбегейсиз мейкиндикти байкоону камсыз кылат. Учкучтун кырдаалдык маалымдуулугун арттырат. Башка истребителдерге караганда тактикалык ыкмаларды дурус аткарууга жол берет.

"Каптал радиолокациялык станциялар" буталарды издөөдө автономдуулукту жогорулатат, душмандын радарларына Су-57ни байкалгыстыктын сапаттуу жаңы деңгээлин жаратат. Ошону менен бирге эле бортунда жана арсеналында жайгашкан, жетегиндеги сокку уруучу учкучсуздар үчүн буталарды аныктоонун натыйжалуулугун жоготпойт.

Сүйрөгүчтүн үч өлчөмдүү вектору алыскы жана жакынкы согуштагы болуп көрбөгөндөй маневрларды аткарууга мүмкүндүк берет, согушта чыдамкайлыктын кепилдигине айланат. Анткен менен "учак компьютер" аэродромдук тейлөөдө машакаты жок, аэродромдун ыкчам (кыртыштык) шарттарында пайдаланууга жөндөмдүү. Мындай күчтүү жана технологиялык жактан күтүүсүз машиналар болжолдуу согуш талаасында душманды соо калтырбайт.

Су-57нин экспорттук дарамети да чоң, сериялык өндүрүшкө чыкпай жатып эле потенциалдуу чет элдик буюртмачылардын "кезегин" топтой алды. Бешинчи муундагы россиялык истребителге алгачкылардан болуп Алжир ээ болот. Ал аймактагы коңшуларынын аскердик-аба күчтөрүнүн бекемделишинен улам 14 машинага буюртма берген. Келишимдин наркы 2 млрд. долларды түзүп, 2025-жылга чейин аталган мамлекеттик бул аппараттар менен жабдуу пландалган.

Эриш-аркакта

С-70 "Охотник" учкучсуз аппараты Ашулук полигонундагы ракеталык чабуулда 2-декабрда сыналган. Оор учкучсуз учуучу аппарат истребитель-колго түшүргүч катары "аба – аба" ракеталарын колдонууну тууроо менен бир нече ирет учкан. Ошону менен бирге эле ракеталарды мээлөө тутумдары жана жол баштоочу Су-57 учагы менен борттук радиоэлектрондук системаларын интеграциялоо да бааланган.

"Охотник" дүйнөдө биринчи учкучсуз истребитель-колго түшүргүчкө айланары күтүлөт. Окутуу баскычында аба кырдаалы жана буталар жөнүндөгү маалыматтардын бардыгын учкучсуз аппарат жерден же жол баштоочу истребителдерден алат. Кийин автономдук согуштук аскердик багытта колдонулушу мүмкүн.

Оор учкучсуз аппарат "акылга" жана 5000 чакырымга чейинки аралыкка алты тоннадан ашуун ракета жана бомбаларды ташый алчу жөндөмгө ээ. "Охотник" менен Су-57 истребителинин кыйратуучу аскердик шериктештиги эң жогорку технологиялык душманын да соо койбойт.

Павел Сухой атындагы сыноочу-конструктордук бюродо жасалган анча байкалгыс "Охотник" Россиянын Аба-космостук күчтөрүнүн сокку уруу функцияларга ээ оор учкучсуз аппараты болмокчу.

Ачык булактардагы маалыматтарга караганда, машинанын узундугу 19 метр, канаттарынын кулачы 14 метр, учуш массасы 20 тоннаны түзүп, эң жогорку ылдамдыгы саатына 1000 чакырымдын тегерегинде.

"Охотник" учкучсузу алгач ирет 2019-жылы абада 20 мүнөткө чукул болгон. Учушу болушунча ишенимдүү болгон. Ошол эле жылдын күзүндө "Охотник" жана Су-57 ээрчишип учкан. Оор учкучсуздун аскердик мүмкүнчүлүктөрү жана автономдуулугу улам жакшыртылып, 2020-жылы кыйла технологиялык прогресске жетишкен. Жакынкы келечегинде ар кыл шарттарда аба, жер жана сууда "Охотник" сокку урууга машыккан.

Азырынча дүйнөнүн бир дагы өлкөсү сокку уруучу учкучсуз аппаратын колго түшүрүүчү учак катары пайдаланбагандыгын белгилей кетели. "Өнөктөштөр" мындан улам тынчсызданып жатканы байкалат.

Белгилер:
комплекс, ракета, душман, истребитель, курал, Россия
Тема боюнча
Америкалык F-35тин кезектеги көйгөйү: абада май куюучу учак менен кагышты
АКШ президенти Жо Байден

Байден Путиндин фамилиясын туура эмес айтып алды

(жаңыланган 11:06 16.04.2021)
Басылма башка да ажолор сөздөрүн адашып айтып аларын жазып, бирок Байден көп жаңыларын, муну өзү да моюндап келерин белгилеген.

БИШКЕК, 16-апр. — Sputnik. АКШ президенти Жо Байден Россия тууралуу сөзүндө бир нече ирет жаңылды. Ал эскалация менен вакцинация сөздөрүн алмаштырып, Россия президенти Владимир Путиндин фамилиясын туура эмес айтып алган. Бул тууралуу РИА Новости билдирди.

Американын лидери алгач "АКШ вакци... эскалациянын кезектеги циклин баштагысы келген жок жана Россия менен чырдашууну каалабайт" деп жаңылган.

Андан кийин Россия президенти Владимир Путиндин фамилиясын "президент Клутин" дегендей айтып, кийин оңдоп кеткен.

Басылма башка да ажолор сөздөрүн адашып айтып аларын жазып, бирок Байден көп жаңыларын, муну өзү да моюндап келерин белгилеген.

Байдендин АКШ менен Россиянын мамилеси жана дүйнөдөгү орду тууралуу сөзүн толугураак окуп алсаңыз болот.

Белгилер:
Владимир Путин, Россия, АКШ, Жо Байден
Тема боюнча
Эки держава дүйнөдөгү туруктуулук үчүн жооптуу. Байдендин Россия тууралуу сөзү
АКШнын президенти Жо Байден

Эки держава дүйнөдөгү туруктуулук үчүн жооптуу. Байдендин Россия тууралуу сөзү

(жаңыланган 10:52 16.04.2021)
Саясатчы россиялыктар менен америкалыктарды "намыскөй, патриот эл" деп атап, бардыгы келечектин тынч жана коопсуз болушуна кызыкдар экенине токтолгон.

БИШКЕК, 16-апр. — Sputnik. АКШ президенти Жо Байден Россияга арнап сөз сүйлөп, анда Вашингтон менен Москванын ортосундагы мамилеге келечеги бар деген баасын берди. Бул тууралуу РИА Новости билдирди.

Өз сөзүндө америкалык лидер апта башында Путин менен телефондон сүйлөшкөнүн эске салып, Россия президенти менен сый жана ачык баарлашканын белгилеген.

"Биз эки улуу державанын өкүлүбүз. Дүйнөдөгү туруктуулук үчүн бул эки мамлекеттин жоопкерчилиги чоң. Президент Путин экөөбүз эки өлкөнүн ортосундагы мамилени сактоо үчүн жооптуубуз", — деген Байден.

Саясатчы россиялыктар менен америкалыктарды "намыскөй, патриот эл" деп атап, бардыгы келечектин тынч жана коопсуз болушуна кызыкдар экенине токтолгон.

Байден "АКШдагы шайлоого кийлигишкени үчүн" Россияга каршы санкция киргизилгенин мойнуна алды. Кырдаал ушул нугун сактап калса болмоктугун, бирок ал башка багытты тандап алганын кошумчалаган.

"АКШ эскалациянын кезектеги циклин баштагысы келген жок, Россия менен чырдашууну каалабайт. Биз туруктуу мамилеге кызыкдарбыз. Бирок эгер Россия ички иштерибизге аралашууну уланта берсе, мен ага жооп катары жаңы кадамдарга барууга даярмын",— деген АКШ лидери.

Байден Путин менен жеке сүйлөшүүнүн маанилүүлүгүн белгилеп, ал эки мамлекеттин ортосундагы мамилени жакшыртууга түрткү болушу керектигин кошумчалаган.

АКШ президенти Вашингтон менен Москва дүйнөдөгү бир катар көйгөйлөр боюнча чогуу иштей аларын айткан. Алардын катарында курал-жаракты көзөмөлдөө, коопсуздук бар. Байден СНВ-3 келишимин беш жылга узартууну мисал катары келтирген.

Эске салсак, апта башында Жо Байден менен Владимир Путин экөө телефон аркылуу сүйлөшүп, эки тарап тең Россия менен АКШнын гана кызыкчылыгы эмес, бүткүл дүйнө коомчулугуна пайда алып келүү үчүн мындан ары дагы диалогду улантууга даяр экенин билдиришкен. Сүйлөшүүдө Байден Путинди үчүнчү өлкөдөн жолугууга чакырган.

Белгилер:
мамиле, Владимир Путин, Россия, АКШ, Жо Байден
Тема боюнча
Үчүнчү өлкөдө жолугалы. Байден Путин менен телефондон сүйлөшүп, сунушун айтты
Токио шаарында орнотулган Олимпиада шакекчерели. Архив

Олимпиадага үч ай калды, Спорт агенттигинин 45 млн. карызы бар. Даярданып жетишеби?

(жаңыланган 13:07 16.04.2021)
Токио Олимпиадасына үч ай гана убакыт калды. Машыгуулар пандемия шартына туура келгенине карабастан кыргызстандык спортчулар ондон ашык жолдомо алды. Алдыда бир нече лицензиялык турнир бар.

Sputnik кыргызстандык спортчулардын маанилүү мелдешке даярдыгы жана Олимпиадада медаль алуу мүмкүнчүлүгү тууралуу билди.

Токио Олимпиадасы 

Мелдеш 2021-жылдын 23-июлунан 8-августуна чейин өтөрү пландалган. Япониянын борборунда жай айында өтүүчү оюндар чет элдик көрөрмансыз өтөт. Ага 200дөн ашуун мамлекеттин спортчулары катышары күтүлүп жатат.

Өлкө куржунунда азыр 12 лицензия бар

2019-2020-жылдары жолдомону балбандар Атабек Азисбеков менен Айсулуу Тыныбекова, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов алган.

Ал эми жакында эле Казакстанда өткөн лицензиялык турнирден жолдомону Жоламан Шаршенбеков, Акжол Махмудов, Үзүр Жузупбеков, Айпери Медет кызы, Мээрим Жуманазарова жана Эрназар Акматалиев алды.

Лицензия алып жатабыз, каржылоочу?

Жогорку Кеңештин депутаты Шайлообек Атазов парламенттин жыйынында Олимпиада оюндарына даярданып жаткан спортчуларга каражат бөлүнбөй жатканына нааразы болгон.

Анын айтымында, өлкөнүн Олимпиадалык командасына 105 миллион сом каралса, бүгүнкү күндө анын 16 миллиону гана бөлүнгөн.

Депутат Жогорку Кенеша Шайлообек Атазов на заседании
© Фото / пресс-служба ЖК
Жогорку Кеңештин депутаты Шайлообек Атазов
"Бизде 40 жыл мурун Каныбек Осмоналиев Олимпиада чемпиону болгондон кийин эч ким биринчи орунга чыга элек. Быйыл Токио Олимпиадасында чемпион болуу мүмкүнчүлүгү бар. Деген менен командага каражат бөлүнбөй жатат. Муну Экономика жана финансы министрлигинин өлкө намысын коргоп, желегин желбиретүүчү спортчуларга кайдыгер мамилеси, шалаакылыгы деп бааласак болот. Олимпиадага үч ай калды, анан кантип даярданышат. Урматтуу төрага, ушул боюнча протоколдук тапшырма берип коюуңузду суранам", — деген Атазов.

Ошондой эле ал учурда Олимпиадага даярданып жаткандарга күнүнө 250 сом берилерин айтып, машыгууга барган жеринде мейманкана, авиакассага карыз болуп жатканын кошумчалады.

Спортчуларды даярдоодо көйгөйлөр болуп жатканын Жаштар иши, дене тарбия жана спорт агенттигинин директору Канат Шабданбаев да моюндады.

Директор Госагентства по делам молодежи, физической культуры и спорта (ГАМФКиС) Канат Шабданбаев
© Sputnik / Табылды Кадырбеков
Жаштар иши, дене тарбия жана спорт агенттигинин директору Канат Шабданбаев
"Олимпиадага даярданууга бардык шарттарды түзүп берип жатабыз. Бирок кемчиликтер менен көйгөйлөр жок эмес. Пандемияга байланыштуу көптөгөн мелдештер, окуу-машыгуу жыйындары жылып кетип же болбой калып, даярдыкка терс таасирин тийгизип жатат. Мындан тышкары, дары-дармек сатып алууда мыйзамга тиешелүү тоскоолдуктар бар. Тендер өткөрүү зарыл. Айрым дарылар өлкөдө жок, сырттан сатып алуу керек", — деди Шабданбаев.

Ал депутат айтып жаткан 105 миллион сомдун чоо-жайын да түшүндүрдү. Айтымында, жыл сайын олимпиадалык спорттун түрлөрүнө 55 миллион сом каралат, ал эми быйыл Олимпиада оюндары болот деп 50 миллион сом бөлүнмөк.

"Жалпы сумманын ичинен учурда 20 миллион сому гана берилди, 85 миллиону бөлүнө элек. Финансы министрлиги ушул айда калган каражат которула баштайт деди. Бирок даярдыктар үзгүлтүккө учураган жок, карыз болсок да машыгууга барып жатабыз. Спорт агенттигинин карызы 45 миллион сомго жетти. Мейманканаларга, пансионаттарга, спорт залдарга бересебиз бар. Мындай нерсе жыл сайын эле болуп келет экен. Себеби январь-февраль айларына каржылоо ачылбайт деп түшүндүрүштү. Бирок бул жылы андан да созулуп, толук бөлүнбөй жатат", — деди Спорт агенттигинин башчысы.

Экономика жана каржы министрлигинин маалымат кызматынын адиси Жоомарт Шайдылдаев Спорт агенттиги кайрылган смета боюнча каржылоо жүрүп жатканын билдирди.

Сотрудник пресс-службы Министерства экономики КР Жоомарт Шайдылдаев
© Фото / Элина Мамытканова
Сотрудник пресс-службы Министерства экономики КР Жоомарт Шайдылдаев
"Керектелүүчү чыгымдардын тизмесин беришет, биз приоритетке жараша каражат бөлүп жатабыз. Маанилүү иш-чаралар үчүн акча берилбей калбашы керек. Ошондой болсо арыз жазышса, тиешелүү бөлүмдөр тездеткенге жардам берет. Олимпиаданын акчасы кармалып жатат дегенден алыспыз", — деди Шайдылдаев.

Министрликтин адиси ушул апрель айында Спорт агенттигине 56 миллион сом бөлүнгөнүн билдирди. Ал эми аталган агенттиктин жетекчиси Канат Шабданбаев бул сумманын 47 миллиону айлык акы менен башка чыгымдарга, беш миллиону спорт түрлөрүнө, ал эми төрт миллиону Олимпиадага даярданууга бөлүнгөнүн түшүндүрдү. Ошондой эле ушул ай ичи оюнга камынууга дагы миллиондогон сом каражат сураганын кошумчалады.

Эл аралык олимпиада комитетинин камкордугу

Олимпиада оюндарын өткөргөн эл аралык комитет жолдомо алууга мүмкүнчүлүгү бар, келечеги кең деген спортчуларга 500 доллардан стипендия берип турат. Атлеттердин тизмеси оюнга чейин 3-4 жыл мурун аныкталып, каражат ай сайын машыгуусуна бөлүнөт. Учурда Кыргызстандан ЭОКтун стипендиясын 11 спортчу алат.

Алар дзюдочу Юрий Краковецкий менен Владимир Золоев, балбандар Улукбек Жолдошбеков, Эрназар Акматалиев, Айсулуу Тыныбекова, Атабек Азисбеков, Үзүр Жусупбеков, боксчу Азат Усеналиев, жөө күлүктөр Мусулман Жоломанов, Дарья Маслова жана суучул Денис Петрашов.

Мындан тышкары, эл аралык Олимпиада комитети спортчулардын кийим-кечегин, авиабилеттерин, оюнга барганда жашаган жерин, тамак-ашын жана башка чыгымдарын камсыздайт.

Өлкө 17 лицензия, 3 медаль алууну көздөп жатат

Спорт агенттигинин башчысы Канат Шабданбаев буга чейин Олимпиадага спорттун 13 түрү боюнча 21 лицензия алууну, ал эми оюндарда 3 медаль утуп алуу пландалганын, бирок ага өзгөртүү киргизилгенин айтты.

"Пандемияда мелдештер өтпөй калганына байланыштуу спорттун 9 түрүнөн 17 лицензия алабыз деп пландап жатабыз. Ал эми үч медаль — бирден алтын, күмүш, коло алуу оюбузда бар. Албетте, мындан көп болсо жакшы эмеспи, азыр минималдуу чекти айтып жатабыз", — деди Шабданбаев.

Ал эми паралимпиадалык спорттун түрлөрү боюнча үчтөн кем эмес лицензия жана Паралимпиада оюндарында бир байгелүү орунга жетүү пландалып жатканы кошумчаланды.

Кыргызстан Олимпиадага жолдомону грек-рим, эркин күрөш, аялдар күрөшү, бокс, дзюдо, оор атлетика, жеңил атлетика, сууда сүзүү, беш түрлүү көнүгүүлөрдөн турган спорттук мелдеш (пятиборье — ред.), жаа атуу, ок атуу, байдарка жана каноэ менен сүзүү, фехтованиеден алууну көздөп жатат. Учурда ар биринде кеминде бирден, айрымдарында эки-үчтөн лицензиялык турнири калды.

Бегалиев: балбандардын болуп-толуп турган учуру

Токио Олимпиадасына кыргызстандык балбандар сегиз жолдомо алды, алдыда лицензия бере турчу Дүйнө чемпионаты турганын белгилей кетели. Маселен, 2016-жылы өткөн Рио Олимпиадасына жети балбан лицензияга ээ болгон. Мындай улам Японияга көбүрөөк балбан барат деп айтууга болот.

Олимпиада оюндарынын күмүш байге ээси Канат Бегалиев спортчулардын даярдыгына жогорку баасын берди.

Серебряный призер Олимпийских игр в Пекине, борец греко-римского стиля Канатбек Бегалиев во время интервью
© Sputnik / Табылды Кадырбеков
Олимпиада оюндарынын күмүш байге ээси Канат Бегалиев
"Күрөш боюнча курама командага бул жолдомолор чек эмес. Олимпиадага балдардын даярдыгы көрүнүп калды. Тулпар тушунда дегендей, балдар менен кыздардын болуп-толуп турган маалы. Казакстандагы лицензиялык турнирге Иран, Корея, Япония сыяктуу мамлекеттер келген, биздикилер таза жеңиш менен утуп жатты. Жөн эле лицензия албастан финалдык беттештерде чемпион болушту, кубанып жатам. Мурун Олимпиададан бир-эки медалды көздөсөк, азыр үч-төрт медаль алууга толук мүмкүнчүлүк бар", — деди Бегалиев.

Ал балбандардын ийгилиги каржылоодон мурда өздөрүнүн аракетинен көз каранды деп эсептеп, спортчуларга кеңеш берип өттү.

"Мамлекетке, федерация кызматкерлерине ыраазычылык билдирем, балдарды абдан жакшы карап жатышат. Каржылоону мен биринчи маселе деп эсептебейм, балдардын өзүнүн каалоосу жана ишеними болушу керек. Балбандар Токиого чейин майрам, той-топур, түрдүү чакырууларды токтоткону оң. Адатта жолдомо алгандан кийин коноктойм дегендер көп болот, кыргызбыз да, көңүлүн кыя албайбыз. Уктаганда да, турганда да Олимпиада жана машыгуу деген гана ой болушу керек", — деди Бегалиев.

Ал жолдомо алган спортчулардын бардыгы кесипкөй экенин, бардыгында тең медаль алуу мүмкүнчүлүгү бар деп бирөөнү бөлүп көрсөткөн жок.

Оор атлетчи Улан Молдодосов: бир спортчубуздун мүмкүнчүлүгү чоң

Олимпиада оюндарына балбандар сыяктуу оор атлетчилер да лицензиядан куру калган учур болбойт. Быйыл эки спортчуга ишеним артылып жатканын Оор атлетика федерациясынын вице-президенти Улан Молдодосов билдирди.

Тяжелоатлет Уланбек Молдодосов из Кыргызстана во время Олимпийских игр 2008 года в Пекине. 15 августа 2008 года
© AFP 2021 / JUNG YEON-JE
Оор атлетика федерациясынын вице-президенти Улан Молдодосов
"Бакдөөлөт Расулбеков менен Эмил Молдодосов лицензиялык турнирге учуп кетти. Бул жолдомо ала турчу акыркы турнирибиз. Колдон келишинче даярдандык, каржылоо убагында эле болуп жатты. Расулбековго азиялык спортчулар көз салып, атаандаш катары көрөт. Анын жолдомо алууга мүмкүнчүлүгү көбүрөөк. Молдодосов да өзүн жакшы көрсөтүп келе жатат, бирок азыр жашыраак", — деди федерациянын өкүлү.

Ошондой эле Рио Олимпиадасына катышкан Иззат Артыковдун быйыл маанилүү мелдешке барар-барбасын да сурадык.

"Негизи Олимпиадага баруу үчүн алты турнирге катышып, упай топтоо керек. Иззат Артыков аларга бара албай калды. Бирок азыр машыгуусун улантып жатат. Бул жашоо да, бир гана Олимпиада менен чектелип калбайбыз. Андан кийин Азия оюндары, Ислам оюндары, дагы башка ири чемпионаттар бар", — деди Молдодосов.

Параспортчуларда даярдык кандай?

Спорт агенттигинин мурдагы жетекчиси, Бишкек мэриясынын теннис жана паралимпиада боюнча олимпиадалык резервдеги адистештирилген балдар-өспүрүмдөр спорт мектебинин директору Шейшенкул Бакиров Олимпиадага даярдык катары бөлүнөт деген 105 миллионду аз деп эсептейт.

Директор Государственного агентства физической культуры и спорта КР Шейшенкул Бакиров
© Sputnik / Асель Сыдыкова
Спорт агенттигинин мурдагы жетекчиси, Бишкек мэриясынын теннис жана паралимпиада боюнча олимпиадалык резервдеги адистештирилген балдар-өспүрүмдөр спорт мектебинин директору Шейшенкул Бакиров
"Спортчулар канчалык машыгууларды көп өткөрүп, чет өлкөдөн тажрыйба топтосо ошончолук жакшы жыйынтык болот эмеспи. Пандемия көп тармакты алсыратып, өлкө экономикалык жактан кыйналып жатканын билебиз, бирок маанилүү мелдешке олуттуу мамиле жасоо керек. Параспортчуларга Спорт агенттигинен тышкары мэрия да каражат бөлүп, болушунча даярдыгына көңүл буруп жатат. Жеңил атлетика менен парапауэрлифтингден жолдомо алып, оюнда жок дегенде коло медаль багындырабыз деген ишенимибиз бар", — деди Бакиров.

Ал жалпысынан спорт тармагынын каржылоосун көбөйтүү керектигин кошумчалады.

Новиков: Олимпиадага амбициялуу пландарды коюшубуз керек

Биринчи вице-премьер Артём Новиков өкмөттүн жыйынында быйылкы Олимпиадалык жана Паралимпиадалык оюндарда жеңишке жетүү үчүн спортчуларга бардык шарттарды түзүү керектигине токтолгон.

И. о. первого вице-премьер-министра Артем Новиков принял участие в очередном онлайн-заседании совета ЕЭК на уровне вице-премьер-министров. 30 января 2021 года
© Пресс-служба правительства / Алишер Алиев
Биринчи вице-премьер Артём Новиков
"Эгемендүүлүк жылдары бизде мыкты мүмкүнчүлүктөрүбүз болгону менен жогорку пробадагы олимпиадалык медалдарды жеңип ала алган жокпуз. Кыргыз спортунун тарыхы бай, мыкты ийгиликтерди багындырган инсандарыбыз да бар. Биз Токиодогу Олимпиадалык жана Паралимпиадалык оюндарда медаль жеңүү боюнча амбициялуу пландарды алдыга коюубуз керек. Андыктан спортчуларыбызды даярдоо үчүн бардык шарттарды түзүшүбүз зарыл", — деди Новиков.

Уюштуруу комитетинин кеңешмесинин жыйынтыгы боюнча төмөнкү чечимдер кабыл алынган:

  • спорттун түрлөрү боюнча федерациялар менен биргеликте спортчулардын алдыдагы Олимпиадалык жана Паралимпиадалык оюндарга даярдыгын жана катышуу шарттарын камсыздоо;
  • ШКУ эл аралык марафонун өткөрүүгө, ошондой эле алдыдагы Олимпиадалык жана Паралимпиадалык оюндарга курама командалардын спортчуларын даярдоо үчүн каражаттын өз учурунда бөлүнүүсүн камсыздоо;
  • Олимпиадалык жана Паралимпиадалык оюндардын жеңүүчүлөрү, сыйлануучулары жана алардын машыктыруучулары үчүн бир жолку акчалай сыйлыкты бекитүү тууралуу чечим долбоорун киргизүү;
  • Жайкы олимпиадалык жана Паралимпиадалык оюндарга даярдык алкагында Кыргызстандын курама командалары үчүн окуу-машыгууларынын өткөрүлүшүн жана алардын бардык лицензиялык турнирлерге катышуусун камсыздоо;
  • Кыргызстандын курама командасынын мүчөлөрү үчүн жайкы Олимпиадалык жана Паралимпиадалык оюндарга спорттун түрү боюнча катышуусуна параддык жана спорттук форманын дизайнын (эскиз) уюштуруу комитетинин кароосуна киргизүү;
  • спорттук-массалык иш-чаралардын спортчулары жана катышуучулары үчүн конкреттүү эсептер жана каржылоо булактарын эске алуу менен тамактануунун акчалай ченемин жогорулатуу боюнча сунуш киргизүү.
Белгилер:
медаль, турнир, даярдык, машыгуу, каржылоо, каражат, спорт, Олимпиадалык оюндар, Токио, Кыргызстан
Тема:
2021-жылы Токиодо өтө турган Олимпиада оюндары
Тема боюнча
Япония Олимпиадага карата кошумча чектөөлөрдү киргизмей болду
Жеңилип, кайра өзүн колго алган Мээрим да Олимпиадага жолдомо утту. Видео