Ту-95МС учагы. Архивдик сүрөт

Жылдын машыгуусу: РФ стратегиялык өзөктүк күчтөрүнүн ракеталары кандай иштейт?

166
(жаңыланган 11:19 13.12.2020)
Жыл жаңырар убакта өзөктүк триаданын (көк, деңиз жана кургакта) стратегиялык ракеталарын машыгуу алкагында учуруу менен Россия өзү менен болгон алакада аскердик-саясий кысым жана ультиматумдарга жол берилбестигин ынанымдуу эскертти.

Россиянын куралдуу күчтөрү 9-декабрда Стратегиялык өзөктүк күчтөрдү башкаруу боюнча машыгуу өткөрдү. Баренц деңизинин акваториясынан, Плесецк космодромунан, ошондой эле Ту-160 жана Ту-95МС учактары менен "Ярс" жана "Синева" баллистикалык ракеталары, ыраакка ылайыкталган Х-101 жана Х-555 таамай канаттуу баллистикалык ракеталары коё берилген. Аскерий баяндамачы Александр Хроленко ушул машыгууга, ага түрткү болгон себептерге сереп салган.

Түндүк флоттун атомдук субмариналар, Стратегиялык багыттагы ракеталык күчтөр жана стратегиялык авиациянын экипаждарынын эсеби так жана ийгиликтүү иш алып барган. Кура жана Пембой (Коми республикасы) полигондорундагы (Камчатка жарым аралы) буталары аскердик колдонуудагы чектерден миңдеген чакырым аралыктан кыйратылды. Эске салсак, континенттер аралык "Ярс" баллистикалык ракеталарынын (КБР) максималдуу ыраактыгы – 11000 чакырым, "Синева" КБРдин эң алыскы ыраактыгы – 8300 чакырым, Х-101 абадагы канаттуу ракеталарыныкы (АКР) – 5500 чакырым, ал эми Х-555(АКР) – 2500 чакырым.

Стратегиялык өзөктүк күчтөрдүн машыгууларынын негизги себеби – технологиялык, Россия душмандын мизин кайтаруу (өч алуу) куралынын бышыктыгын сыноодо. Москва кырдаалдын ар кандай курчушуна камылга көрүүдө, себеби Вашингтон куралданууну чектөө жөнүндө эл аралык келишимдерден ырааттуулук менен чыгууда. Ал тургай америкалык The National Interest басылмасы коопсуздук тармагында Түндүк атлантикалык альянстын РФтин чек араларындагы аскердик активдүүлүктүн жогорку деңгээлин, бул менен Москваны жаңы куралдарды жаратууга моюнга алат. Россиянын стратегиялык өзөктүк күчтөрү кокус чоң согуш тутанып кетсе, кадимки куралдар жаатындагы НАТОнун артыкчылыгын ассиметриялуу жана ыкчам түрдө ордун толуктайт.

Ар кандай кубаттуулуктагы өзөктүк дүрмөттөрдүн көлөмү (спектри) душмандын объектилерин жана буталарын жок кылуу милдеттерин дифференциялуу түрдө аткарууга мүмкүндүк берет. РФтин Куралдуу күчтөрүнүн Жогорку башкы командачысынын "өзөктүк чемоданчасын" башкаруу тутуму жана түзүлүшүнө үңүлбөстөн, Стратегиялык өзөктүк күчтөрүнүн компоненттери жана ракеталар (боеголовка) кандай иштей турганына токтололу.

Өзөктүк үчилтик

Өзөктүк ракеталарды ташуучуларды аскердик колдонулушуна (абада, деңизде жана жерде) жараша бөлүштүрүү купуялуулуктун максималдуу даражасына, технологиялык ынанымдуулук, согуштагы бышыктыгы жана өч алуу куралынын натыйжалуулугуна жетүүгө мүмкүндүк берет. Мисалга суудагы абалынан (Дүйнөлүк океандын кай жери болбосун) "Синева" континенттер аралык баллистикалык ракетасы таптакыр көрүнбөй жана күтүүсүз кыймылга келет. Үчилтиктин ар бир компоненти стратегиялык милдетин автономдуу аткарууга жөндөмдүү. Аскердик интеграциясы көйгөйдү сөзсүз чечүүнү камсыз кылат.

Толук кандуу өзөктүк үчилтикке АКШ жана Россия гана ээлик кылат, планетада жасалган өзөктүк куралдардын 90 пайызы аларга таандык. 9-декабрда америкалык RC-135S чалгындоочу учагы Аляскадагы авиабазадан учуп чыгып, кошумча май куюу менен россиялык чек араларга жакын Беринг деңизинде көп саат айланганы тегин жерден эмес. Бул континенттер аралык баллистикалык ракеталарын коё берүү жөнүндө телеметрлик маалыматтарды чогултуу болду.

Өзөктүк куралданууну ооздуктоо жаатында РФтин мамлекеттик саясаты жооп иретиндеги өзөктүк сокку уруунун төрт шартын аныктайт: Россия жана анын союздаштарынын аймагына баллистикалык ракеталардын кое берилиши, массалык кыйратуучу курал менен сокку уруу, өтө маанилүү мамлекеттик жана аскердик объектилерге таасир этүү, ошондой эле РФке коркунуч келтирген конвенциялык (кадимки) курал пайдаланылган агрессия.

РФ Куралдуу күчтөрүнүн Башкы штабы Москва Россиянын территориясына кандай гана ракеталык сокку урулса да өзөктүк потенциалын тарта турганын тактайт. Душмандын кайсы курал менен чабуул койгонун аныктоо мүмкүнчүлүгү болбогондуктан, РФке карай кое берилген баллистикалык ракета өзөктүк деп болжонот.

Батыштагы "өнөктөштөр" мындан кабардар, антсе да Арктика, Балтий, Кара деңиз, Тынч океан аймактарында чагымчыл аскердик активдүүлүгүн азайтпай келет. Мурдараак РФтин коргоо министри Сергей Шойгу Россияга сокку уруу боюнча АКШнын аскердик аба күчтөрүнүн учактары машыкканын, анын ичинде америкалык В-52 бомбалоочу учагынын Санкт-Петербург жана Калининградга жакын өтө кооптуу учуштарын да кабарлаган. Россиянын реакциясы түшүнүктүү.

РФтин стратегиялык өзөктүк күчтөрү графиктен да алдыга озуп улам жаңы, анын ичинде "Ярс", "Сармат", "Авангард" ракеталык комплекстерин алууда. Атомдук субмариналар, стратегиялык багыттагы ракеталык күчтөрдүн бөлүктөрү, бомбалоочу-ракета ташуучулар дайым (күнү-түнү) аскердик күзөттө, айрым бута же багыттарга жооп иретинде тез сокку урууга даяр. Мезгил-мезгили менен окуулар өткөрүлүп, аларга бир убакта россиялык өзөктүк үчилтиктин бардык компоненттери тартылат.

Чынжырлуу реакция

Россиянын тышкы иштер министринин орун басары Сергей Рябков стратегиялык өзөктүк күчтөрдүн машыгуусу өткөн күнү: "Өзөктүк согуштарга жол берилбестигин жана анда жеңишке жетүү мүмкүн эместигин туура жана бардык көз караштан алганда дал маалында тастыктоо өзгөчө мааниге ээ", — деп билдирген.

Россиялык "стратегдер" мурунку окууларда "Россияга жыш топтоштурулган ракеталык-өзөктүк соккудан соңку" кырдаалга карата машыгышкан. Болжолдуу агрессорго шарттуу жооп ушунчалык ынанымдуу көрүнгөн, ошондон кийин дароо НАТОдогулар тайсалдай, "жаңылыш эсептер жана түшүнбөстүктөрдөн качууну" сунуштаган.

Оренбургдун алдында аскердик күзөт өтөгөн "Авангард" гипер үндүү блоктору (РФтин коргонуу жөндөмүнүн технологиялык чеги) душмандын аймагындагы буталарга аргасыз старт алууда.

Континенттер аралык баллистикалык ракеталардын (УР-100Н УТТХ) жардамы менен блок Жердин айланасында учуп, эсептелген убакытта атмосферага бутасынан миңдеген чакырым аралыктан кире алат.

Андан соң саатына 24 миң чакырым ылдамдыкта болжоп болгус траектория менен "Авангард" учуп келип, душмандын объектисин талкаларын бөркүңүздөй көрүңүз. Коргонуу жок. Континенттер аралык үчүнчү муундагы РСМ-54 "Синева" баллистикалык ракетасы атомдук стратегиялык субмариналарын жабдыйт. Ракетанын старттык салмагы – 40 тоннанын тегерегинде. Ал ар бири 100 килотонналык төрт же он аскердик мээлөөчү блокту ташып, 11500 чакырымга чейинки аралыкка уча алат. Реалдуу ооздуктоо куралы деңиздин эң тереңдиктеринде айбаттуу, анан да көзгө байкалбайт.

РФ территориясынын үстүнөн же бейтарап суулардын үстүндөгү мейкиндиктен бомбалоочу-ракета ташуучунун бортунан кое берилген Х-101 абада жайгаштырылган стратегиялык канаттуу ракетасы 30 метрден 10 чакырымга чейинки бийиктиктерде секундасына 270 метрге дейре ылдамдыкта 5500 чакырымды багынтып, 430 килограммдык ракетаны бутасына таамай тийгизе алат.

166
Белгилер:
стратегия, комплекс, блок, Россия, ракета, курал-жарак
Тема боюнча
Тынчтыкка карай... Россия Тоолуу Карабахка кандай жардам берип жатат
Спутник V (Гам-КОВИД-Вак) вакцинасы. Архив

"Спутник V" вакцинасын кайсы оорусу барлар этияттык менен алышы керек? Инструкция

139
(жаңыланган 10:18 25.01.2021)
Россиянын Саламаттык сактоо министрлиги "Спутник V" вакцинасын 2020-жылдын август айында каттоого алган.

БИШКЕК, 25-янв. — Sputnik. "Гам-КОВИД-Вак" вакцинасын колдонуудагы инструкциянын жаңы редакциясында "Спутник V" вакцинасын рак оорусу бар бейтаптар өтө этияттык менен алышы керектиги жазылган. Документ РИА Новостиге жарыяланган.

Мындай алдын алуу препараттын онкологиялык ооруларга карата таасири боюнча маалыматтын жетишсиздиги менен түшүндүрүлгөн.

"Эмдөө боюнча маалыматтын жетишсиздиги аутоиммундук патологиясы барларды жана рак илдетине кабылгандарды тобокелчиликке салышы ыктымал", — деп жазылат инструкцияда.

Белгилей кетсек, Россиянын Саламаттык сактоо министрлиги "Спутник V" вакцинасын 2020-жылдын август айында каттоого алган. Ал Россиянын Түз инвестициялар фондунун колдоосу менен Гамалея улуттук борборунун адистери тарабынан иштелип чыккан.

Коронавируска каршы "Спутник V" вакцинасы дүйнөдө биринчи болуп эсептелет. Белгилей кетсек, "Гам-КОВИД-Вак" деген аталыштагы россиялык вакцина кийин "Спутник V" деп өзгөртүлгөн.

139
Белгилер:
эскертүү, оору, рак, вакцина, Спутник V
Тема:
"Спутник V" вакцинасы
Тема боюнча
Кыргызстан Россиядан 500 миң доза "Спутник V" вакцинасын сурады
Пандемия учурунда балалуу болобуз дегендерге адистин кеңеши
Медициналык маскачан кош бойлуу аял. Архив

Пандемия учурунда балалуу болобуз дегендерге адистин кеңеши

116
Эгер аял киши коронавируска каршы эмделсе, анда жарым жылга чейин бойго бүтүрбөө сунушталат. Ал эми аял кош бойлуу болсо, эмдөөдөн баш тартканы оң.

БИШКЕК, 25-янв. — Sputnik. ДССУ адиси Любовь Ерофеева коронавирус жүрүп жаткан учурда балалуу болууну каалагандар эмнени эске алуусу керектигин Sputnik радиосуна маек берип жатып айтты. 

Адистин айтымында, эгер аял киши коронавируска каршы эмделсе, анда жарым жылга чейин бойго бүтүрбөө сунушталат. А эгерде аял кош бойлуу болсо, эмдөөдөн баш тартканы оң.

"Кош бойлуу аял эч качан вакцина албайт. Бул эне, баланын экөөнүн тең ден соолугуна жана өмүрүнө коркунуч жаратат. Эгер эмделген аял балалуу болууну пландап жатса, анда акушер-гинеколог менен кеңешип, жок дегенде алты айга чейин баланы пландабай кое турганы жакшы", — деди Ерофеева.

Адис балалуу болууну каалагандар коронавирус менен ооруган учурда да антителого анализ тапшырып коюшу керек дейт.

"Көпчүлүк коронавирустун жеңил формасы менен ооруп, иммунитет 3-6 айга чейин эле жетиши ыктымал. Бойго бүтүрүүнүн алдында антителого анализ тапшырып, ал канчага чейин организмди вирустан коргой турарын текшертип алууну сунуштайм", — деди адис.

Пандемия учурунда боюнда бар келиндер көпчүлүк менен байланышта болууну азайтуу керектиги да белгиленген.

"Сырткы чыкканда көпчүлүк менен байланышты азайтуу кажет. Коомдук жайларга, медициналык мекемелерге барганды болушунча кыскартыш керек. Бирок бойго бүтөрү менен дарыгер-акушер-гинекологдун көзөмөлүндө болуу сунушталат", — деди ДССУ адиси.

Төрөйм деген аялдар эмдөөнү канчалык эрте алса, алар ымыркайды ошончо эрте  пландай ала турганын адис кошумчалаган.

116
Белгилер:
аял, адис, кош бойлуулук, пандемия, коронавирус
Тема:
Дүйнөгө жайылган коронавирус
Тема боюнча
Дарыгер коронавирустан дагы коркунучтуу эпидемияны атады
Толгоом кечеңдеп санаага салды... Пандемия кызып турган маалда көз жаргандар

Дүйнөдө биринчи жолу бейтаптын колун ийини менен кошо салып беришти. Видео

0
(жаңыланган 15:27 25.01.2021)
Исландиялык киши 20 жыл мурда электр тогуна урунуп эки колунан тең ажырап калган. Бейтап 2013-жылы эле операция жасатмак, бирок донорду издөөгө убакыт кеткен.

БИШКЕК, 25-янв. — Sputnik. Франциянын Лион шаарында дүйнөдө биринчи жолу бейтаптын колун ийини менен кошо салып беришти. Бул тууралу The Guardian басылмасы жазды.

Трансплантация 13-январда Эдуард Эррио атындагы клиникада жүргүзүлдү. Операцияга даярдык көрүүгө 50 ак халатчан тартылса, аны жасоого медиктердин төрт бригадасы катышып, колдорду "жамоо" 15 саатка созулган.

48 жаштагы исландиялык Феликс Гретарсон 20 жылы мурда электр тогуна урунуп, эки колунан тең ажырап калган. Андан бери ондогон операция жасаткан. Бейтап Лионго 2013-жылы операция жасатууга уруксат алгандан кийин көчүп келген. Бирок донорду издөөгө бир нече жыл кеткен. 

Операциядан кийин оң колу сол колуна караганда батыраак калыбына келерин айтышкан. Себеби сол жак ийиндин бардыгын калыбына келтирүүгө туура келген.

Азырынча Феликс Гретарсон колдору менен өз алдынча кыймылдай албайт.

Тогуз күндөн кийин исландиялык киши клиникадан биринчи видео кайрылуусун жасап, дарыгерлердин бул керемет ишине эбегейсиз ыраазылыгын айткан.

Ролик оорукананын YouTube-канале каналына жүктөлгөн.

0
Белгилер:
кол, бейтап, трансплантация, операция, Франция