Коомдук палатанын мүчөсү, Америкадагы түрмөдөн бошонуп чыккан Мария Бутина

Бутина ТИМдин алдында Латвия журналисттерине тилектештик билдирип пикетке чыкты

75
(жаңыланган 18:04 02.02.2021)
Бул акция Россиянын ТИМи Сергей Лавров менен анын швециялык кесиптеши Анн Линденин Москвадагы жолугушуусунун алдында болгон.

БИШКЕК, 2-фев. — Sputnik. Коомдук палатанын мүчөсү, Америкадагы түрмөдөн бошонуп чыккан Мария Бутина ТИМдин жанындагы Кабыл алуу үйүнүн алдында Латвиядагы сөз эркиндигинин кризисине жана орус тилдүү журналисттерге кысым жасалып жатканына коомчулуктун көңүлүн буруу максатында пикетке чыкты. Бул тууралуу РИА Новости жазды.

Бул акция Россиянын ТИМи Сергей Лавров менен анын швециялык кесиптеши Анн Линденин Москвадагы жолугушуусунун алдында болгон. Ал Россия борборуна ЕККУнун учурдагы төрайымы катары келген.

"Мен анын (Линде —ред.) көңүлүн Латвияда биздин мекендештерге, журналисттерге жасалып жаткан мамилеге, укуксуздукка көңүлүн бурайын деп ушул жерге чыктым. Журналисттерди 3-декабрда катуу тинтүүгө алган. Бул кишилерге карата россиялык ЖМК менен кызматташканы үчүн кылмыш ишин козгошкон", — деди Бутина.

Анын айтымында, Латвия бийлиги өзүнүн көз карашын айтууга ниеттенгендердин оозун басууга аракет кылып жатат.

"Бир гана көз караш мааниге ээ болуп калган дүйнөдө жашоону элестетүүнүн өзү коркунучтуу. Андыктан бүгүн мен ушул жерге чыктым", — деген Бутина.

Ал Европанын жарандарынын эркиндиги жана укуктары үчүн кепил болгон ЕККУга Россия бир нече ирет кайрылып, кырдаалга түшүндүрмө берүүнү сураганы эч кандай реакция болбогонун эске салды.

"Буга жооп берүүнү талап кылабыз. Абалдын кандай экени жазылган бул плакатты көтөрүп келишим кандайдыр бир реакцияны жаратат деген ойдомун. ЕККУ Латвияда мекендештерибиз эмне болуп жатканы боюнча көрүнүштү сындап, тиешелүү чараларды кабыл алышы керек", — деген Бутина.

Ал көтөрүп чыккан плакатта англис тилинде "Латвиядагы журналисттерди кысымга алууну токтоткула" деген сөз жазылган.

Балтика боюндагы өлкөлөрдүн бийлиги россиялык ЖМКлардын ишине дайыма бут тосуп келет. Россия ТИМи белгилегендей, Таллин, Рига жана Вильнюстун аракеттеринде биригип, сүйлөшүп алып кылган иштин изи байкалып турат. Аталган мамлекеттерде ЖМКларга байланыштуу абал демократия менен сөз эркиндигинин принциптерин карманарын айтымыш болуп, иш жүзүндө демагогиялык билдирүүлөрдү жасап келерин айткан.

Декабрь айында латвиялык журналисттер, анын ичинде Baltnews жана Sputnik Латвия менен кызматташкан журналисттерди Евробиримдиктин санкция тартибин бузду деп айыпташкан. Аларды тинтип, текшерип, журналисттерге чет жакка чыгууга тыюу салышкан. Алар акчалай айыптан тарта түрмөгө чейин отуруу жазасын алышы мүмкүн.

"Sputnik Латвия" менен Baltnews "Россия сегодня" эл аралык маалымат агенттиги аркылуу байланышта. Бул ЖМКга жазган латвиялык журналисттер алардын кызматкерлери катары эсептелбейт, болгону алар штаттан тышкаркы автор катары кызматташат.

Россия ТИМи латвиялык бийликтин бул кылыгын жазалоо акциясы жана демократиялык коомдун негиздерин — ЖМК эркиндиги, пикирди билдирүүнү тебелеп-тепсеген кыжырды кайнаткан мисал деп атады. Мындан сырткары, журналисттерди санкция тартибин бузду деп айыптоо жеке мүнөздөгү иш жана ал "Россия сегодня" эл аралык маалымат агенттигинин директору Дмитрий Киселевго тиешелүү экенин айтышты. Тагыраагы, анын медиахолдинг менен кызматташкан журналисттерге эч кандай байланышы жок.

RT жана "Россия сегодня" эл аралык маалымат агенттигинин башкы редактору Маргарита Симоньян Россия орус тилдүү журналисттерге ачылган кылмыш иштери боюнча жооп берет деген ишеничин билдирди.

75
Белгилер:
Россия, Латвия, Дмитрий Киселев, Маргарита Симоньян
Тема боюнча
Латвия бийлиги басым жасаган журналист: үйүмдү тинтип, буюмдарымды алып кетишти
Грек-рим күрөш боюнча кыргызстандык балбан Акжол Махмудов. Архив

Акжол Махмудов Роман Власовдун беттеш боюнча чакырыгын кабыл алды

166
(жаңыланган 21:52 07.12.2021)
Роман Власов — грек-рим күрөшү боюнча россиялык атактуу балбандардын бири. Ал кыргызстандык атлет Акжол Махмудов менен беттешүү ниетин айтты.

БИШКЕК, 7-дек. — Sputnik. Грек-рим күрөшү боюнча кыргызстандык балбан Акжол Махмудов россиялык Олимпиада чемпиону Роман Власовдун чакырыгын кабыл алды. Маалыматты балбандын жеке машыктыруучусу Мейрамбек Ахметов Sputnik Кыргызстан агенттигине тастыктады.

Буга чейин Власов Instagram тармагындагы түз эфир учурунда күрөш сүйүүчүлөрү андан Акжол Махмудов менен беттеши тууралуу көп сурашарын айткан. Ал катардагы мелдештерде кез келип калары мүмкүн экенин, бирок көпчүлүктүн каалоосу боюнча аны атайын уюштуруу керектигин белгилеген.

Кечирээк россиялык спортчу кыргыз балбаны менен видеомаек аркылуу байланышканын сүрөт кылып чыгарган.

"Сенин жок деп баш тартпай турганыңды мен билгем. Килемдин арстандары чакырыктарды ар дайым кабыл алат. Жакынкы убакта биз бул ниеттерди ишке ашырабыз. Мен килем үстүндө өлсөм да жеңишти бербейм", — деп жазган Власов.

Махмудовдун жеке машыктыруучусу Мейрамбек Ахметов беттеш жазында шоу-мелдеште болорун тастыктады.

Эскерте кетсек, эки спортчу тең эң күчтүү атаандаштык бар делген 77 килограмм салмактын балбандары.

31 жаштагы Роман Власов россиялык атактуу спортчулардын бири. 2012-жылы Лондон жана 2016-жылы Рио Олимпиада оюндарынын алтын байгесин уткан. Үч ирет дүйнө, көп жолку Европа чемпиону болгон. Ал Токио Олимпиадасына бара албай калган. Деген менен быйыл Ослодо өткөн дүйнө биринчилигине катышып, чемпион болду.

Ал эми 22 жаштагы Акжол Махмудов Токио Олимпиадасынын, 2018-жылдагы Азия оюндарынын күмүш байге ээси. 2018-жылдагы Азия чемпиону.

Эске салсак, Власов буга чейин кыргызстандык балбандар Жоламан Шаршенбеков жана Айсулуу Тыныбекова тууралуу жылуу пикирлерин айтып келген.

166
Белгилер:
Кыргызстан, Россия, Акжол Махмудов, Роман Власов, беттешүү, чакырык, кабыл алуу
Тема боюнча
Укмуш беттеш болот! Роман Власов Акжол Махмудов менен күрөшүү ниетин билдирди
ПЦР-тест тапшырып жаткан адам. Архив

Россия ПЦР-тесттин жарактуу мөөнөтүн кыскартты. Кыргызстандыктарга таасир этеби? 

82
(жаңыланган 21:48 07.12.2021)
Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

БИШКЕК, 7-дек. — Sputnik. Россияда коронавируска каршы тапшырылган ПЦР-тесттин жарактуу мөөнөтү 72 сааттан 48 саатка чейин кыскартылды. Бул тууралуу РИА Новости Роспотребнадзордун жетекчиси Анна Поповага таянуу менен билдирди.

Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

Ошондой эле Попова Россияда колдонулуп жаткан ПЦР-тесттердин баары "омикрон" штаммын жугузгандарды дагы аныктай аларын белгилеген.

Эскерте кетсек, учурда Россияга бара жаткан кыргызстандыктар милдеттүү түрдө 72 сааттан кечиктирбей ПЦР-тест тапшырып, терс жыйынтыгын көрсөткөн сертификат менен кетишет. Демек, изилдөөнүн жыйынтыгынын жарактуу мөөнөтү дагы 24 саатка кыскарат.

82
Белгилер:
ПЦР-тест, Россия, кыскартуу, 'омикрон' штаммы
Тема:
Дүйнөгө жайылган коронавирус
Тема боюнча
"Спутник V" вакцинасы "омикрондон" канчалык коргой аларын дарыгер айтып берди
Казакстан өлкөгө кирүү эрежесин катаалдаштырып, чектөө киргизет
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме