Россия ТИМинин расмий өкүлү Мария Захарова

Захарова: Батыш баары бир санкцияга шылтоо табат

122
(жаңыланган 22:01 03.02.2021)
Соттор ушуну менен Навальныйдын шарттуу мөөнөтүн өзгөртүүнү өтүнгөн Федералдык жаза аткаруу кызматынын (ФЖАК) сунушун үчүнчү жолу карап чыкты.

БИШКЕК, 3-фев. — Sputnik. Россия ТИМинин расмий өкүлү Мария Захарова Алексей Навальныйдын ишине байланыштуу Батыштын антироссиялык санкциялары тууралуу пикир билдирип жатып бул өлкөлөргө мындай кадам үчүн себеп деле кереги жок экенин айтты.

"Алар маселенин өзөгүнө карашпайт, бул талашсыз. Бардык шылтоо жарай берет. Эгер себеп болсо аны кайдан да болсо чукуп таап чыгышат, жок болсо өздөрү жасап ийишет. Бул 2020, 2016, 2011-жылдары колдонулган тактика. Мындай ооздуктоо саясаты көп жылдан бери колдонулуп келүүдө. Буга ар кандай себеп жарай берерин көрүп келе жатабыз. Иш жүзүндө абал кандай экенин, тигил же бул кырдаалдын чоо-жайын иликтеп отурушпайт", — деди дипломат "Соловьев LIVE" эфиринде.

Шейшемби күнү Москванын Симоновский соту Навальныйдын "Ив Роше" иши боюнча шарттуу мөөнөтүн жалпы тартиптеги абакта 3,5 жылга чейин эркинен ажыратууга өзгөрткөн. Ушундан кийин бир катар мамлекеттер, алардын арасында АКШ, Германия, Франция жана Улуу Британия бар, Россия бийлигин Навальныйды бошотууга үндөп кайрылган.

ТИМ буга чейин Навальныйдын окуясы тууралуу сүйлөгөн чет элдик саясатчыларды эл аралык укук нормаларын сыйлап, өз өлкөсүндөгү көйгөйлөр менен алек болууга чакырган. Ведомствонун жетекчиси Сергей Лавров батыш саясатчыларынын билдирүүлөрү "коёндой окшош" болуп жатканын айтса, президенттин маалымат катчысы Дмитрий Песков Кремль чет жактын Навальный тууралуу кеп-сөзүн кулак сыртынан кетирерин белгилеген.

Соттор ушуну менен Навальныйдын шарттуу мөөнөтүн өзгөртүүнү өтүнгөн Федералдык жаза аткаруу кызматынын (ФЖАК) сунушун үчүнчү жолу карап чыкты. Бардык учурда сыноо мөөнөтү узарып келе жаткан. ФЖАКтын маалыматы боюнча, акыркы үч жылда эле Навальный инспекцияга келип каттоодон өтпөй, кеминде 60 ирет эреже бузган (айына эки жолу келип каттоодон өтүп турууга милдеттүү). Мындан улам ири айып пулдан тарта шарттуу жаза мөөнөтүн өтөөгө чейинки чаралар каралган. Мындай жаза Россияда кеңири колдонулат, былтыр эле 11,3 миң адамдын шарттуу мөөнөтү абакка алмаштырылган. 2019-жылы көрсөткүч 15 миң адамды түзгөн.

Навальный саясий ишмердиги үчүн куугунтукка алынып жатат деген билдирүүлөрдү Европанын адам укугу боюнча соту четке какты. Страсбург үй камагына алынганы үчүн компенсация төлөөнү милдеттендирсе да "Ив Роше" ишинде саясий боёк жок экенин тастыктаган өкүм чыгарганы маалым (дал ушул иш боюнча даттануу түшкөн). Россия бийлиги акчаны толугу менен төлөп берген.

122
Белгилер:
шылтоо, санкциялар, адам укугу, сот, Мария Захарова, Алексей Навальный
Тема боюнча
Путин Геленджиктеги хан сарай жана макулдашылбаган акциялар тууралуу үн катты
Европа РФ менен мамилесин жана өз келечегин сактоого тырышат. Сереп
Россиянын президенти Владимир Путин. Архив

Путин: Россия өзүнүн жана коңшулардын коопсуздугу үчүн баарына даяр

60
Владимир Путин Россия эч качан өз оюн башкаларга таңуулабай турганын, ал эми дүйнөлүк жана аймактык көйгөйлөрдү саясий-дипломатиялык ыкма менен чечишүүгө даяр экенин белгиледи.

БИШКЕК, 23-июн. — Sputnik. Москва шаарында өтүп жаткан эл аралык коопсуздук боюнча IX Москва конференциясында Россия президенти Владимир Путин өз өлкөсүнүн эл аралык мамилелер жаатындагы позициясын эске сала кетти.

РИА Новости агенттигинин жазганына караганда, Путин Россия өз элинин коопсуздугу үчүн бардык аракеттерди көрөрүн айтты.

"Кечээ өлкө тарыхындагы эң өкүттүү даталардын бирин белгиледик. Туура 80 жыл мурда фашисттик Германия биздин мамлекетке кол салган. Бул окуя бизге чоң сабак болгон. Андыктан Россия өз элинин коопсуздугу үчүн колдон келген аракетин жасайт. Куралдарыбызды күчтөндүрөбүз, дипломатия жолу менен сүйлөшүүгө аракет кылабыз, кызыкдар тараптар менен диалогго барабыз", — деди Путин.

Ошол эле учурда президент Россия эч качан өз оюн башкаларга таңуулабай турганын, ал эми дүйнөлүк жана аймактык маселелерди саясий-дипломатиялык ыкма менен чечишүүгө даяр экенин айтты.

"Россия эч качан өз оюн башкаларга таңуулабайт. Дүйнөлүк жана аймактык көйгөйлөрдү саясий-дипломатиялык ыкмалар менен чечишүүгө салым кошкубуз келет. Россия жаратмандыкты колдойт", — деди РФ лидери.

Мындан тышкары, Путин Россия коңшу өлкөлөрдүн коопсуздугу үчүн жоопкерчиликтүү экенин эч качан унутпасын белгиледи.

"Коңшулар менен ажырагыс тарыхый жана маданий байланышыбыз бар. Биз алардын коопсуздугу үчүн жоопкерчилигибизди унутпайбыз. Биздин жалпы континентибиздеги тынч жашоо жана ачык асман үчүн аймактык чыр-чатактарды басаңдатууга салым кошо бермекчибиз", — деди ал.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

60
Белгилер:
диалог, коопсуздук, регион, Владимир Путин, Россия
Тема боюнча
Путиндин макаласы: өткөнгө карап кылчактай бербей, ачык болуш керек
Массалык жок кылуучу куралдын жайылуу коркунучу. Путин Москва форумунда сүйлөдү
Россия президенти Владимир Путин. Архив

Путин: туруктуулук үчүн саясий эрк жана компромисс зарыл

24
(жаңыланган 18:06 23.06.2021)
СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек.

БИШКЕК, 23-июн. — Sputnik. Стратегиялык туруктуулук жаатында ийгилик жаратуу үчүн саясий эрк жана компромисске баруу жөндөмү керек. Бул тууралуу Россия президенти Владимир Путин эл аралык коопсуздук боюнча Москва конференциясында сүйлөп жатып айтты.

РФ лидери өлкө буга чейин коопсуздуктун жаңы механизмин иштеп чыгууну сунуштаганын эске салды.

"Система стратегиялык туруктуулукка таасир тийгизе турчу бардык факторлорду камтышы керек. Саясий эрк жана компромисске бара билүү жакшы натыйжасын берерине ишенебиз", — деди Путин.

Анын айтымында, буга Россия менен АКШнын стратегиялык жана чабуул коюучу куралдын (СНВ-3) көлөмүн 2026-жылга чейин кыскартуу тууралуу келишиминин узарышы ачык далил.

Белгилей кетсек, СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек. Башкача айтканда, жети жылдан кийин жана андан аркы убакытта континенттер аралык баллистикалык ракеталардын, суу алдындагы бомбардировщиктердеги баллистикалык ракеталардын саны 700дөн ашпашы керек. Мындан тышкары, ракета огу 1500,  орнотмолор 800дөн көп болбошу шарт.

Келишим максатына жетип, тараптар арсеналын тийиштүү көлөмдө кармап турат. 2021-жылдын башында, бийликке Жо Байден келери менен, макулдашуу эч өзгөрүүсүз дагы беш жылга узартылды. Буга чейин администрация келишимди узартууну маалкатып, бүтүндөй стратегиялык туруктуулук системасына коркунуч жаратып келди.

24
Белгилер:
система, курал-жарак, коопсуздук, конференция, Владимир Путин
Тема боюнча
Путиндин макаласы: өткөнгө карап кылчактай бербей, ачык болуш керек
Путин менен Байдендин жолугушуусунан кийин дүйнөлүк саясат кандай өзгөрөт
Путин белгисиз жоокердин мүрзөсүнө гүл койду. Видео
Бишкектеги эл аралык Манас аэропортундагы ПЦР лабораториясы. Архив

"Манас" аэропортундагы ПЦР-лаборатория күнү-түнү иштей баштады

9
(жаңыланган 20:08 23.06.2021)
Лаборатория июндан тарта иштей баштаган. Тест тапшыра турган жарандар аэропортко 5-6 саатка эртерээк келиши керектиги айтылды.

БИШКЕК, 23-июн. — Sputnik. "Манас" эл аралык аэропортундагы коронавирусту аныктоочу ПЦР-лаборатория күнү-түнү иштей баштады. Бул тууралуу аба майдандын маалымат кызматы кабарлады.

Лаборатория ачылгандан бери (1-июнь) ПЦР-тест эртең мененки саат 8:00дөн кечки 18:00гө чейин жасалып келген. Ошондой эле "COVID жок саякаттайм" программасына катышкан.

Тесттин жыйынтыгын amsbiolab.kg сайтынан табууга болот. Же болбосо "Манас" аэропортунун 1-кабатынан үч тилде кагазга чыгартып алса дагы жарайт.

"Манас" аэропортуна түштүк кореялык корпорация ПЦР-лаборатория ача турганы 21-майда белгилүү болгон. Өкмөт башчы Улукбек Марипов менен жолуккан фирманын жетекчиси COVID-19га бир күндө 14 миң адам тест тапшыра аларын билдирген.

9
Белгилер:
ПЦР-тест, корпорация, Түштүк Корея, "Манас" эл аралык аэропорту
Тема:
Коронавируска байланыштуу Кыргызстандагы кырдаал
Тема боюнча
Вакцинадан баш тартуу COVID-19дун организмде мутацияланышын шарттайт
COVID: Марипов министрлер кабинетинин кезексиз жыйынын өткөрмөй болду