Лаборатория кызматкери. Архив

Россияда COVID-19дун "британиялык" штаммын аныктоочу алгачкы тест иштелип чыкты

62
(жаңыланган 09:51 15.02.2021)
Тест-системаны Роспотребнадзор мекемесинин Эпидемиология боюнча борбордук илимий-изилдөө институту иштеп чыгып, каттоого алды.

БИШКЕК, 15-фев. — Sputnik. Коронавирустун Улуу Британияда чыккан штаммын аныктоочу дүйнөдөгү алгачкы тестти Россияда иштеп чыгышты. Бул тууралуу Роспотребнадзор мекемесинин сайтында жазылды.

Тест-системаны аталган мекеменин Эпидемиология боюнча борбордук илимий-изилдөө институту иштеп чыгып, каттоого алган.

"Каражат клиникалык сыноо учурунда эффективдүүлүгүн тастыктады. Ошондой эле бул жаңы технология менен коронавирустун башка мутациясын аныктай алчу реагенттерди жасаса болот", — деп айтылат билдирүүдө.

Эске салсак, декабрь айынын орто ченинде Улуу Британияда SARS-CoV-2 илдетинин жаңы мутациясын табышкан. Кийинчерээк ал тездик менен тарап жатканы, буга чейинки вируска караганда жугуштуулугу 70 пайызга ылдам экени маалым болгон. Деген менен адам өлүмү көп катталган учур жок.

62
Белгилер:
тест, штамм, коронавирус, Россия
Тема:
Дүйнөгө жайылган коронавирус (1310)
Тема боюнча
Өзбекстанда 10 жашар кыздан коронавирустун "британиялык" штаммы табылды. Видео
Коронавирустун "британиялык" штаммынын алгачкы сүрөтү алынды
Улуттук илимдер академиясынын президенти, академик Мурат Жуматаев

Жуматаев: ЕЭК илимди интеграциялоо үчүн бирдиктүү фонд түзүшү керек

19
(жаңыланган 12:16 26.02.2021)
Улуттук илимдер академиясынын президенти, академик Мурат Жуматаев Кыргызстанда илим финансылык маселеден улам артта калганын айтты.
Жуматаев: ЕЭК илимди интеграциялоо үчүн бирдиктүү фонд түзүшү керек

Евразия экономикалык комиссиясынын алдында илимий-техникалык кеңеш түзүлгөн. Үстүбүздөгү жылдын 17-февралында Москва шаарында аталган кеңештин президиумунун экинчи отуруму болуп өттү. Бул тууралуу Мурат Жуматаев Sputnik Кыргызстан радиосунун эфиринде маек куруп жатып билдирди.

Анын айтымында, иш-чарада академик ЕАЭБ өлкөлөрүнүн инновациялык экономикасын өнүктүрүү стратегиясына өтүү шартында илимий техникалык кеңештин мааниси жөнүндө презентация жасаган.

"Буга чейин мамлекет жетекчилерин декабрь айындагы кабыл алуусунда ЕЭКтин интеграциясынын негизги стратегиялык багыттары кабыл алынган эле. Экинчи отурумда бул боюнча талдоо болду. Стратегиялык 11 приоритеттүү багыт бар. Анын сегизинчи багыты илимий изилдөөлөрдү жүргүзүүнү интеграциялоо жөнүндө болчу. Биздин ЕЭКке киргенибизге беш жыл болуп калды. Анда мыйзамдарды бир нукка түшүрүп, бардык кагаз иштерин бирдей кылуу үчүн көп чечимдер кабыл алынган. Бирок бул чечимдерди ар бир өлкө ар башка түшүнүп, иш алып барууда. Илимий техникалык кеңештин түзүлүшүнүн себеби мына ушунда болуп жатат. Мунун алдында эксперттик кеңеш түзүлүп, ага ар бир өлкөнүн окумуштуулары кирди. Бардык багыттар боюнча аткарыла турган долбоорлор ушул жерде талкууланып, комисиянын алдынан өтүп, анан төрагага бериле турган болду. Мени кызыктырган нерсе, сегизинчи багыт илимий мекеменин интеграциясы болуп турат. Чын-чынына келгенде 30 жылдан бери Кыргызстанда илим финансылык маселеден улам артта калды. 16 жылдан кийин гана президент Илимдер академиясына келип кабар алды. Ал киши өкмөттүк чечимдер илимге негизделиши керек деп айтып, окумуштуулардын көңүлүн көтөрүп кетти. Бул отурумда да биз аябай чоң үмүт менен келгенибизди, ЕЭКтен чоң колдоо күтүп жатканыбызды айттым. Комиссиянын негизги максаты экономиканы теңдөө эмеспи. Экономика качан гана бардык мамлекеттин илим тармагы бирдей өнүккөндө теңелет. Ошондуктан илимий иштердин аткарылышынын механизми керек. Болбосо мурдагыдай эле иш улана берет", — деди Жуматаев.

Академик отурумда ЕЭК илимди интеграциялоо үчүн бирдиктүү фонд түзүп, илимий долбоордун маанилүүлүгүнө жараша каражат берилип, анан ишке ашырылышы керектиги тууралуу ачык айтылганын кошумчалады.

Толук вариантын төмөнкү шилтемеден угуңуздар:

19
Белгилер:
Отурум, ЕЭК, Евразиялык экономикалык биримдик, академия, илим, Мурат Жуматаев
Тема:
ЕАЭБдеги Кыргызстан
Тема боюнча
Кыргызстанда кыргыз-араб илим-изилдөө борборунун курулушу күтүлүүдө
Спутник V логотипинин фонунда шприц жана ампула. Архив

Россия өкмөтү "Спутник V" вакцинасынын сатыктагы баасын эки эсе түшүрдү

102
(жаңыланган 11:02 26.02.2021)
Михаил Мишустин башкы максат "Спутник V" сатып арбын киреше алуу эмес, элге жардам берүү экендигин айткан.

БИШКЕК, 26-фев. — Sputnik. Россиянын Саламаттык сактоо министрлиги "Спутник V" вакцинасынын сатыктагы баасын каттагандыгын РИА Новости жазды.

Мурда ал 1942 рубль (2196 сом) турса, учурда кошумча нарк салыгын кошпогондо эки компонент 866,81 рубль (980.36 сом) болуп калды.

Өнөр жай жана соода министри Денис Мантуров бул арзандоо препаратты жасап чыгаруудагы өнөр жай технологиясынын оптимизациялангандыгынан жана өндүрүү көлөмүнүн көбөйгөндүгүнөн улам болгонун айтты.

"Негизи вакцина чыгаруу жергиликтүү фармацевттик өндүрүш компаниясына берилген мамлекеттин социалдык буюртмасы. Катталган баа эмдөө боюнча россиялык мамлекеттик масштабдуу программадагы вакцинага гана колдонула тургандыгын эскерте кетмекчибиз", — деп кошумчалады ал.

Премьер-министр Михаил Мишустин буга чейин вакциналардын баасы өтө кымбаттап кетпешин көзөмөлдөп туруу зарылдыгын эскерткен. Министрлер кабинетинин жетекчиси башкы максат арбын киреше алуу эмес, элге жардам берүү экендигин айткан.

"Спутник V" — коронавирус менен ооруп калуунун алдын алуу максатында иштелип чыккан дүйнөдөгү биринчи вакцина. "Спутник V" Россиянын Түз инвестициялар фондунун колдоосу менен Гамалея атындагы улуттук борбордун адистери тарабынан иштелип чыккан. РФте 2020-жылы август айында каттоого алынса, декабрдан тарта аны менен жалпы эмдөө башталган.

Россиядан сырткары вакцинаны Беларуста, Аргентинада, Боливияда, Сербияда, Алжирде, Палестинада, Венесуэлада, Парагвайда, Түркмөнстанда, Венгрияда, Бириккен Араб Эмирлигинде, Иранда, Гвинеяда, Тунисте, Арменияда, Мексикада, Никарагуада, Ливанда, Мьянма, Пакистанда, Монголияда, Бахрейнде, Черногорияда, Казакстанда, Өзбекстанда, Сан-Маринодо, Гондураста жана Египетте колдошту.

102
Белгилер:
вакцина, коронавирус, Спутник V, Россия
Тема:
"Спутник V" вакцинасы
Тема боюнча
Министрлик: "Спутник V" вакцинасы Кыргызстанда каттоодон өттү
Кыргызстандын Россиядагы элчилигинде иштегендер "Спутник V" менен эмделишти
Эркектер ортосундагы мушташ. Иллюстративдик сүрөт

Ленин РИИБдин жетекчи орун басары кайгуулчулар менен мушташканбы? ИИМдин жообу

0
(жаңыланган 12:11 26.02.2021)
Ички иштер министрлиги факты боюнча кызматтык териштирүүсүн баштады. Милиция окуя боюнча өзүнүн версиясын айтып берди.

БИШКЕК, 26-фев. — Sputnik. Бишкектин Ленин райондук ички иштер башкармалыгынын жетекчисинин О.Т. аттуу орун басары менен кайгуулчу милиционерлер ортосунда мушташ чыккан эмес. Бул тууралуу ИИМден билдиришти.

Буга чейин айрым ЖМКлар ишенимдүү маалымат булагына таянып, милиционерлер чырдаша кетишкенин жазышкан.

ИИМден билдиришкендей, 21-февраль күнү саат 00:05те Москва көчөсү менен Эркиндик проспектинин кесилишинде Кайгуул-күзөт кызматынын милиционерлери MVD218B номери тагылган Lada Priora үлгүсүндөгү кызматтык унааны токтотушкан.

"Рулду Ленин райондук ички иштер башкармалыгынын Криминалдык милиция кызматынын өкүлү мас абалында башкарып бараткан. Ал эми РИИБдин жетекчисинин Т.М. аттуу орун басары жүргүнчү катары бара жаткан", — дешти ИИМден.

Факты боюнча протокол түзүлгөнү белгиленди.

"Автоунаа айып короого токтотулду. Мушташ чыккан эмес. Ошондой эле РИИБ жетекчисинин орун басары рулду башкарып бараткан деген сөз калп", — деп айтылат маалыматта.

Учурда ички иликтөө кызматы окуянын чоо-жайын аныктап жатат.

0
Белгилер:
мушташ, унаа, милиция, РИИБ
Тема боюнча
Таласта жаш балдар топтошуп мушташа кетишти
Бишкекте Subaru түркүктү сүзүп, ал унаанын үстүнө кулаган. Кырсыктын видеосу