Россияда коронавируска каршы үчүнчү вакцина каттоодон өттү

© Фото / ФНЦИ и разработки им. М. П. Чумакова / Медиабанкка өтүүРоссиянын Саламатык сактоо министрлиги каттаган "КовиВак" деп аталган COVID-19дун үчүнчү вакцинасы
Россиянын Саламатык сактоо министрлиги каттаган КовиВак деп аталган COVID-19дун үчүнчү вакцинасы - Sputnik Кыргызстан, 1920, 20.02.2021
Жазылуу
Вакцина 18 жаштан 60 жашка чейинки курактагыларга сунушталат, экинчи фазадагы сыноолордон кийин улгайып калгандарга да уруксат берилиши мүмкүн.
БИШКЕК, 20-фев. — Sputnik. Россиянын Саламатык сактоо министрлиги "КовиВак" деп аталган COVID-19дун үчүнчү вакцинасын каттады. Бул тууралуу РИА Новости агенттиги өкмөт башчы Михаил Мишустинге шилтеме кылып жазып чыкты.
Премьер-министрдин айтымында, жаңы вакцина алгач 127 миң адамга жеткидей болуп даярдалып, март айынын ортосуна жарандык коргонууга жөнөтүлөт.
Муздаткыч бөлүгүндөгү Спутник-V вакцинасы - Sputnik Кыргызстан, 1920, 19.02.2021
Казакбаев: вакцина чыгарууну үйрөнүү үчүн Россияга адистерди жиберүү каралууда
Вакцинаны Илимдер академиясынын иммунобиологиялык дары-дармектерди изилдөө жана иштеп чыгуу менен алектенген М.П.Чумаков атындагы илимий борбору жасап чыккан. Буга чейин жасалган "Спутник V", "ЭпиВакКоронадан" кийин үчүнчүсү, ага атайын күбөлүк берилген.
Аталган изилдөө борборунун директору Айдар Ишмухаметовдун пикиринде, "КовиВак" коронавирустун мутацияланган штаммына ыңгайлаштырылган жана ага да каршы тура алат.
Анын клиникалык сыноолору өткөн жылдын октябрь айында башталып, терс жактары байкалган эмес. Жакында экинчи фазадагы текшерүүлөрдөн өтүп, андан соң 3000дей ыктыярчыга сайылат.
Вакцина 18 жаштан 60 жашка чейинки курактагыларга сунушталап, экинчи фазадагы сыноолордон кийин улгайып калгандарга да уруксат берилиши мүмкүн.
Жаңылыктар түрмөгү
0