Россия ТИМ жетекчиси Сергей Лавров

ТИМ жетекчиси Лавров ЕБдин Россия менен алакасынын жоюлушу туурасында билдирди

(жаңыланган 19:07 23.03.2021)
Анткен менен Лавров эгерде Европа кемчилигин жойсо, Москва солгундаган байланышты калыбына келтирерин айткан.

БИШКЕК, 23-мар. — Sputnik. Россия ТИМ жетекчиси Сергей Лавров кытайлык кесиптеши Ван И менен болгон сүйлөшүүлөрдөн кийин Брюссель Москва менен болгон алака-катнашын жойду деп билдирди. Бул тууралуу РИА Новости жазды.

Министр Европада улуттук кызыкчылыкты туу тутуп, Россия менен өнөктөштүк ымаласын сактаган өлкөлөр аз эле калгандыгын, калганы болгон механизмдерин жок кылгандыгын белгиледи.

"Азырынча Батыш фронтубуз өзгөрүүсүз, ал эми Чыгышта биздин күн тартип өтө тез ылдамдыкта кетип, ар бир жыл улам маңыздуу боло баштады", — деп кошумчалаган ал.

Муну менен катар эле Лавров эгерде Европа жаратып алган кемчилигин жойсо, Москва байланышты калыбына келтирерин айткан.

Акыркы учурда Евробиримдик менен Россиянын ортосундагы карама-каршылыктар Алексей Навальныйдын айланасындагы кырдаалдан улам курчуп кетти. Брюссель Россияга каршы санкцияларды киргизди. ТИМден муну "туңгуюкка кептелген жана туура эмес жол" деп атап, ага жооп кылууга убада кылды.

Россия лидеринин маалымат катчысы Дмитрий Песков Кремлдегилер Москвага карата санкциялар максатына жетпесин бөркүндөй көрүп тургандыгын айтты.

Белгилер:
санкциялар, Сергей Лавров, Брюссель, Евробиримдик, Россия
Тема боюнча
Антонов: америкалыктар Россия элчилигинен АКШнын билдирүүлөрү үчүн кечирим сурады
Алаканын жеткен чеги: Россия менен АКШ кол үзүү кооптуулугунда
Россиядагы Гамалея атындагы илим-изилдөө борборунун ишкери. Архив

Уу коргошун коронавирусту сакайта алабы. Россиялык адистин пикири

(жаңыланган 19:24 16.04.2021)
Адистин айтымында, коронавирусту бул же тигил каражат менен дарыласа болорун клиникалык изилдөөдөн кийин гана айтууга болот.

БИШКЕК, 16-апр. — Sputnik. Россиядагы Гамалея атындагы илим-изилдөө борборунун вирусологу, профессор Анатолий Альтштейн "360" телеканалына КР Саламаттык сактоо министрлигинин COVID-19га каршы "Ысык-Көл тамырын" пайдалануу боюнча сунушуна пикирин билдирди.

Анын айтымында, коронавирусту бул же тигил каражат менен дарыласа болорун клиникалык изилдөөдөн кийин гана айтууга болот.

"Бизде пайдаланса болот делген каражаттар толтура. Эгер дарыгерлер кайсы бир препаратка ишенип жатса, аны клиникалык сыноодон өткөрүп көрүү керек. Ага чейин эч нерсе айта албайбыз", — деди адис.

Вирусолог кошумчалагандай, элдик медицинада ар кандай каражаттар колдонула берет. Бирок аларды изилдеп көргөн мисалдар аз.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин "Сөз болуп жаткан кайнатма менен коронавирустан арылса болобу?" деген суроосуна ал: "Мүмкүн эмес. Бардык жерде илимий далил керек", - деп жооп берди.

Ал эми далилдүү медицина боюнча адис Бермет Барыктабасова "Ысык-Көл тамыры" Кыргызстандагы эң уулуу чөп экенин айтып, анын кайнатмасын пайдалануу элдин саламаттыгына коркунуч жаратарын билдирген.

Белгилер:
Ысык-Көл тамыры, пикир, адис, Россия, коронавирус, уу коргошун, Кыргызстан
Тема:
Уу коргошун чуусу
Тема боюнча
ДССУ коронавирусту айыктырат делген уу коргошун боюнча үн катты
Барыктабасова: "Ысык-Көл тамыры" элдин саламаттыгын коркунучка кептейт
Министр Бейшеналиев түз эфирде уу коргошун ичти. Видео

Купальникчен лыжа тепкен сулуулар. Сочидеги фестивалдан укмуштуу сүрөттөр

Россиянын Сочи шаарында BoogelWoogel деген аталыштагы тоо карнавалы болуп, пляж костюмун кийген 700 спортчу лыжа жана сноуборд тебишти.

Абанын табы +8 гана градус болгонуна карабай сноубордчулар 1 170 метр бийиктиктен зуулдап түшүштү.

Иш-чара өткөн курортко келе албаган спортчулар ага онлайн-форматта катышты. Уюштуруучулар атайын тиркеме иштеп чыгып, иш-чарага дүйнөнүн ар кайсы жеринде туруп катышкандар болду.

BoogelWoogel карнавалы "Роза Хутор" курортунда 2016-жылдан бери өтүп келе жатат. Ага миңдеген спортчулар купальник кийип катышышат. Негизги максат — көңүлдүү убакыт өткөрүү жана Гиннесс рекорддорун жаңылоо.

 

  • © AP Photo / Artur Lebedev

    Кышкы карнавалга 700 сноубордчу жана лыжа тебүүчү катышты

  • © Sputnik / Artur Lebedev

    Абанын табы +8 гана градус болгону эч кимди чочулаткан жок

  • © AP Photo / Artur Lebedev

    Сноубордчулар 1 170 метр бийиктиктен зуулдап түшүштү

  • © Sputnik / Artur Lebedev

    Музыканын коштоосунда жүздөгөн спортчу "учуп" жөнөштү

  • © Sputnik / Artur Lebedev

    Иш-чарага онлайн-форматта катышкандар дагы болду

  • © AP Photo / Artur Lebedev

    Онлайн катышууну каалагандар үчүн уюштуруучулар атайын теркеме иштеп чыккан

  • © Sputnik / Artur Lebedev

    Сууктан коркпогон катышуучулар

  • © Sputnik / Artur Lebedev

    Онлайн-форматтагы иш-чарага чет өлкөлүк спортчулар гана эмес, россиялыктар дагы катышты

  • © Sputnik / Artur Lebedev

    BoogelWoogel карнавалы "Роза Хутор" курортунда 2016-жылдан бери өтүп келе жатат

  • © Sputnik / Artur Lebedev

    Карнавалдын негизги максаты — көңүлдүү убакыт өткөрүү жана Гиннесс рекорддорун жаңылоо

  • © Sputnik / Artur Lebedev

    Катышуучулар медициналык кароодон өтүп жатат

  • © Sputnik / Artur Lebedev

    Катышуучу аял

Белгилер:
иш-чара, лыжа, тоо, Сочи, Россия
Тема боюнча
Апта ирмеми: ич кийимчен кыздардан Марстагы тик учакка чейин
Кыргыз эл артисти, композитор Муратбек Бегалиев

Бегалиев: музыка талдоочулар бизде жокко эсе

(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.

Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.

Бегалиев: музыка талдоочулар бизде жокко эсе

Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.

"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби  — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.

Ошондой эле композитор музыка көп убакытты талап кылган абдан татаал окуу экендигин кошумчалады.

Белгилер:
искусство, саясат таануучу, музыка, композитор, Муратбек Бегалиев
Тема боюнча
Рыспай Абдыкадыровдун тун кызы Алтынчач: атамдын каза болгонун теледен уккам