Мамдума мигранттарды каттоонун жаңы эрежелери боюнча мыйзам кабыл алды

© Sputnik / Максим Блинов / Медиабанкка өтүүРоссиянын Мамлекеттик Думасы. Архив
Россиянын Мамлекеттик Думасы. Архив - Sputnik Кыргызстан, 1920, 25.03.2021
Жазылуу
Мыйзам менен белгиленген жаңы талаптар Россиянын аймагына 90 күндөн ашык визасыз режим менен кирген бардык чет элдиктерге тиешелүү.
БИШКЕК, 25-мар. — Sputnik. Россиянын Мамлекеттик Думасы мигранттарды манжа издерин тапшырууга милдеттендирген мыйзам долбоорун кабыл алды. Бул тууралуу РФ парламентинин маалымат кызматы кабарлады.
"Мамлекеттик Дума мигранттардын манжа изин каттоо боюнча мыйзам долбоорун колдоду", — деп айтылат маалыматта.
Мыйзам долбоору мигранттарды сүрөткө түшүп, манжа издерин милдеттүү түрдө тапшырууга, биометрикалык идентификациядан жана медициналык кароодон өтүүгө милдеттендирет. Бул процедурадан Россиянын аймагына 90 күндөн ашык визасыз режим менен кирген бардык чет элдиктер өтүшү керек.
Калининград шаарындагы мигранттар. Архив - Sputnik Кыргызстан, 1920, 18.03.2021
Жеңилдиктердин мөөнөтү бүттү. Россиядагы элчилик эмгек мигранттарына кайрылды
"Мигранттардын саламаттыгын көзөмөлдөө жолго салынбагандыгы, кооптуу оорулардын диагнозу коюлган адамдарга карата натыйжалуу алгоритмдеринин жоктугу Россиянын аймагында жугуштуу оорулардын жайылуу коркунучун күчөтөт", — деп жазылат анда.
Мындан тышкары, жеке жарандардын биометрикалык маалыматтары боюнча идентификациялоо мүмкүнчүлүгүнүн жоктугу издөөдө жүргөн адамдарды аныктоону бир топ татаалдаштырат.
Долбоордун түшүндүрмөсүнө ылайык, айрым мигранттар жогорудагы талаптарды аткарбай да Россияда жүрө алары жазылган.
Жаңылыктар түрмөгү
0