Лаборатория кызматкери. Архив

Россияда "КовиВак" вакцинасынын өндүрүшү башталды. Дары тууралуу маалымат

(жаңыланган 17:23 25.03.2021)
Россияда жасалган үчүнчү вакцина жакынкы күндөрү колдонууга берилип, аймактарга жөнөтүлөрү айтылды. 10 ампуладан турган бир кутунун баасы эң көп дегенде 4 330 рублге жетет.

БИШКЕК, 25-мар. — Sputnik. Чумаков атындагы борбор иштеп чыккан коронавируска каршы "КовиВак" вакцинасы расмий түрдө өндүрүлө баштады. Бул тууралуу Россиянын Билим берүү жана илим министрлигине шилтеме берип РИА Новости жазды.

Суспензия түрүндө чыгарылган препарат булчуңга сайылат.

"Ошентип Россияда жасалган үчүнчү вакцина жакынкы күндөрү колдонууга берилип, аймактарга жөнөтүлөт. 10 ампуладан турган бир кутунун баасы эң көп дегенде 4 330 рубль болмокчу", — деп айтылат билдирүүдө.

Чумаков борборунун адистери препаратты сыноого катышкан ыктыярчылардын организминде антителолордун деңгээли жогорку көрсөткүчтө экенин айтууда. Күз айларында вакцинанын сапатын жана коопсуздугун текшерип берүү сунушу менен Дүйнөлүк саламаттык сактоо уюмунуна кайрылуу пландалып жатат.

"КовиВак" вакцинасы SARS-CoV-2 вирусунун негизинде жасалды. Анын зыян келтире турган касиеттери алып салынган. Бирок иммунитетти пайда кылчу жөндөмү бар. Анда вирус бөлүкчөлөрүнүн бардык белоктору камтылды. Ошол себептүү болушунча күчтүүрөөк иммунитет пайда болушуна шарт түзүлөт", — деп айтылат билдирүүдө.

"КовиВак" февраль айынын аягында каттоодон өткөн, жыл аягына чейин 10 миллиондон көбүрөөк вакцина өндүрүү пландалып жатат.

Чумаков борборунун окумуштууларын бул жетишкендиги үчүн Россиянын билим берүү министри Валерий Фальков куттуктап, ведомстволор аралык сыйлык тапшырды.

"Үчүнчү вакцинаны иштеп чыккан адамдарга сыйлык тапшыруу мен үчүн жагымдуу. Сиздердин талыкпаган эмгегиңер үчүн ыраазычылык билдирем", — деди Фальков.

Анын атымында, борбордун айрым кызматкерлери мамлекеттик сыйлыктарга көрсөтүлөт.

Белгилер:
коронавирус, вакцина, Россия
Тема:
Дүйнөгө жайылган коронавирус (1375)
Тема боюнча
Министрлик: Кытай вакцинасынын кыйыр таасири катталган жок

АКШнын Россияга каршы санкциялык тизмесинде жоктор "кимге иштейт"?

(жаңыланган 16:28 17.04.2021)
АКШнын антироссиялык санкциялары "гегемон чаралары" деп аталды. Мындай аныктаманы Кытай жаңы чектөөлөргө комментарий берип жатып айткан.

Пекин бул жалгыз эле Кытайдын эмес, жалпы дүйнө коомчулугунун пикири экенин билдирди. Ошону менен катар Россия менен Американы бири-бирин чектөөлөр менен кыйнай бербей, сөзгө келүүгө чакырды. Россия ТИМи Вашингтонго кандай жооп берерин да билдирди. АКШнын санкциялык тизмесине кирбеш үчүн "кимге иштеш" керек? Байден Путинге жайында жолугуп эмне тууралуу сүйлөшмөкчү?

Белгилер:
аракет, жооп, санкциялар, Кытай, Россия, АКШ, Владимир Путин, Жо Байден
Тема боюнча
АКШ санкциялары менен дүйнөгө болгон үстөмдүгүн кыйратууда
Бизнесмендерге чыккан туумдар, салык санкциялары жоюла турган болду. Шарттары
Россиядагы мигранттар. Архивдик сүрөт

Россияда мыйзамсыз жүргөн мигранттар 15-июнга чейин чыгып кетиши керек

(жаңыланган 15:28 17.04.2021)
Россия ИИМинин маалыматы боюнча, ушул тапта өлкөдө мыйзамсыз жүргөн чет элдиктердин саны жарым миллиондон ашып кетти.

БИШКЕК, 17-апр. — Sputnik. Россиянын ички иштер министринин орун басары Александр Горовой өлкөдө мыйзамсыз жүргөн мигранттар 15-июнга чейин чыгып кетиши керектигин эскертти. Бул тууралуу РИА Новости жазды.

КМШнын Парламенттер аралык ассамблеясынын 52-жыйынында коронавирус пандемиясы учурундагы миграция маселелери тууралуу сөз болду.

Горовойдун айтымында, буга чейин Россияда мигранттарга бир топ жеңилдиктер берилди. Бирок ушул тапта мыйзамсыз жүргөн чет элдиктердин саны жарым миллиондон ашып кетти.

"Эгер бул санды азайтпасак, 15-июндан тарта президенттин жарлыгына ылайык, мыйзамсыз жүргөндөргө өлкөдөн чыгарып салуу же чек араны жаап алуу сыяктуу чараларды колдонууга туура келет. Ар бир өлкөдө ЖМКлар аркылуу бул нерсе айтылса жакшы болмок", — деди Горовой.

Постсоветтик өлкөлөрдөн келип, уруксатсыз жүргөн мигранттардын саны:

  • 332 миң — Өзбекстан;
  • 247 миң — Тажикстан;
  • 152 миң — Украина;
  • 120 миң —Азербайжан;
  • 115 миң — Кыргызстан;
  • 61 миң — Армения;
  • 56 миң — Молдова;
  • 49 миң — Казакстан.

Министрдин орун басарынын айтымында, пандемия башталгандан бери мигранттарга Россияда жүрүү мөөнөтү автоматтык түрдө төрт жолу жылдырылды. Акыры мөөнөт 15-июнда соңуна чыгат.

Белгилер:
министр, чара, Кыргызстан, мыйзамдар, миграция, Россия
Тема боюнча
Кыргызстандык мигранттар январь менен февралда канча акча которду
Песков: ири пландарды ишке ашыруу үчүн Россияга мигранттар жетишпей жатат
Кыргызстан "Спутник V" вакцинасын мигранттардын эсебинен сатып алууну көздөөдө
Жамгырдуу аба ырайы. Архивдик сүрөт

Жекшембиге карата аба ырайы

Жекшембиге караган түнү Ош, Жалал-Абад жана Баткен облустарынын кээ бир райондорунда жамгыр, тоолуу жерлеринде кар жаайт.

БИШКЕК, 17-апр. — Sputnik. 18-апрель күнү күндүз өлкөнүн көпчүлүк аймактарында мезгил-мезгили менен жаан, тоолуу райондордо кар жаашы күтүлөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүй менен Таласта +16...+21, Ош, Жалал-Абад жана Баткен облустарында +17..+22, ал эми Ысык-Көл, Нарын жергесинде +11...+16 градус болору айтылды.

Бул күнү Бишкек, Ош шаарларында жамгыр жаашы мүмкүн. Күндүн табы Бишкекте +19...+21, Ошто +20...+22 градуска көтөрүлөт.

Белгилер:
Кыргызстан, апрель, аба ырайы
Тема боюнча
Жайдагыдай ысыйт! Май айына карата аба ырайы