Путин эмдөөдөн кийинки пландары тууралуу айтты

© Sputnik / Алексей Дружинин / Медиабанкка өтүүРоссия президенти Владимир Путин. Архив
Россия президенти Владимир Путин. Архив - Sputnik Кыргызстан, 1920, 25.03.2021
Жазылуу
Буга чейин Россия президентинин маалымат катчысы Дмитрий Песков эмдөөдөн кийин Путиндин абалы жакшы экенин айткан.
БИШКЕК, 25-мар. — Sputnik. Россия президенти Владимир Путин коронавируска каршы вакцинадан антитело иштелип чыккандан кийин иш сапарларынын географиясын кеңейтип, ар түрдүү мекемелерге, анын ичинде маданий жайларга барарын айтты. Бул тууралуу РИА Новости жазды.
Шейшемби күнү Кремль Путин Россиядан чыккан коронавируска каршы вакцинанын биринчи дозасын алганын кабарлаган. Экинчи доза өлкө башчысына болжол менен үч жумадан кийин жасалат.
Президент Садыр Жапаров. Архив - Sputnik Кыргызстан, 1920, 25.03.2021
Садыр Жапаровго COVID-19га каршы эмделүүнүн кажети жок. Министр себебин айтты
Бүгүн РФ президенти маданият кызматкерлеринин күнүнө карата маданият, өнөр, адабияттын жаш ишмерлери үчүн сыйлыктын лауреаттары менен видео байланыш аркылуу жолугушуу өткөргөн. Ал жерден катышуучулардын бири, мамлекеттик балдар китепканасынын жетекчиси Мария Веденяпина Путинди китепканага келип кетүүгө чакырган.
"Мария Александровна, рахмат. Өзүңүз билгендей, эмделдим. Бара турчу жерлеримдин географиясы кеңейет. Анын ичинде маданий мекемелер, китепканалар дагы бар. Баса, бүгүн Москвадагы театрлардын биринин жаңы имаратына барып келейин деп жатам", — деген президент.
Буга чейин Россия президентинин маалымат катчысы Дмитрий Песков эмдөөдөн кийин Путиндин абалы жакшы экенин айткан.
Жаңылыктар түрмөгү
0