Песков: Россия АКШнын күчкө салып сүйлөшүүсүнө жол бербейт

© Sputnik / Григорий Сысоев / Медиабанкка өтүүРФ президентинин маалымат катчысы Дмитрий Песков. Архив
РФ президентинин маалымат катчысы Дмитрий Песков. Архив - Sputnik Кыргызстан, 1920, 30.03.2021
Жазылуу
17-март күнү Байден ABC News каналында маек куруп жатып Путин "шайлоого кийлигишкени үчүн жооп берерин" айтып, аны кыйыр түрдө "жан алгыч" деп атаган.
БИШКЕК, 30-мар. — Sputnik. АКШнын Россияны күчкө салып сүйлөштүрүүгө дарамети жетпейт. Бул тууралуу РФ президентинин маалымат катчысы Дмитрий Песковдун "Аргументы и факты" басылмасына айтканын РИА Новости жазды.
Ал Москванын Вашингтон менен дипломатиялык мамилелерди үзүү ыктымалдуулугу тууралуу суроого жооп берген.
"Бул мүмкүн эмес. Америкалыктар ким менен гана болбосун күч позициясынан туруп сүйлөшөрүн улам кайталап жатат. Путин да, жетекчилик кызматтагылар да эч кимге биз менен минтип сүйлөшүүгө жол бербейт. Бул талкууланбай турган маселе", — деди Песков.
Москвадагы Америка элчилигинде АКШнын мамлекеттик желеги. Архив - Sputnik Кыргызстан, 1920, 24.03.2021
Арышы арбыбаган алака. РФ элчиси АКШга эмнеге кайтышы керек
Маалымат катчы Москва ортодогу пикир келишпестиктерге карабастан Вашингтон менен диалогду улантуу зарыл деп эсептей турганын белгилеген. Песков мисал кылып АКШ лидери Жо Байдендин одоно сөзүнө Владимир Путиндин жообун келтирди.
17-март күнү Байден ABC News каналында маек куруп жатып Путин "шайлоого кийлигишкени үчүн жооп берерин" айтып, кыйыр түрдө "жан алгыч" деп атаган.
Путин ага чың ден соолук каалап, "башка кишиге баа берүү — күзгүгө карангандай эле кеп" экенин белгилеген. Мындан тышкары, РФ президенти Байденге талкууну түз эфирде улантууну сунуштап, сүйлөшүүнү узакка калтырбоого чакырган. Ынанарлык жооп болгон эмес.
"Анын (Путин — ред.) жообунун өзөгүндө сүйлөшүү тууралуу демилге жатат, бирок бул сунуш жоопсуз калды. Биздин пикирибизде ушу тапта эки өлкөнүн мамилесинин мындан да начарлоосуна жол берилбеш кажет. Ансыз деле көп зыян келтирилди, кандайдыр бир жолдор менен калыбына келтирүү керек. Ошондуктан ийри отуруп, түз сүйлөшүү зарыл", — деди Кремлдин өкүлү.
Песков "азыркы түзүлгөн кырдаалда" президенттер кантип, эмне жөнүндө сүйлөшөрү чынында эле кызык экенин кошумчалады.
"Ошентсе да экинчи тарап үчүн чечим кабыл алуу мүмкүн эмес да. Тангону да эки киши бийлейт", — деп сөзүн жыйынтыктады Песков.
АКШ РФтин Арктикадагы экспедициясынан кийин жүрөксүп калды. Себеби - Sputnik Кыргызстан, 1920, 30.03.2021
АКШ РФтин Арктикадагы экспедициясынан кийин жүрөксүп калды. Себеби
Россия менен АКШнын мамилеси илгертеден эле татаал. 2014-жылы Украинадагы мамлекеттик төңкөрүш жана Крымдын кайтарылышынан соң бир топ начарлап кеткен. 2016-жылы АКШдагы президенттик шайлоодон кийин Вашингтон Москванын кийлигишүүсү тууралуу айтып, кине коюп келет. Россия айыптоолорду бир нече ирет четке какканына карабай АКШ РФ жарандарына, компанияларга, керек болсо бүтүндөй экономикалык секторлорго санкция киргизүүдө.
Ортодогу алака Байдендин орунсуз сөзүнөн кийин татаалдашып, Москва Россиянын Вашингтондогу элчиси Анатолий Антоновду акылдашуу үчүн чакыртып алган.
Жаңылыктар түрмөгү
0