Россия президенти Владимир Путин. Архив

Байдендин чакыруусун кабыл алды. Путин климат боюнча саммитке катышат

149
(жаңыланган 21:05 19.04.2021)
Буга чейин АКШ президенти аталган саммитке катышууга 40 мамлекеттин башчысын чакырган.

БИШКЕК, 19-апр.— Sputnik. Россия президенти Владимир Путин климат маселеси боюнча саммитке катышат. Бул тууралуу Кремлдин сайтында жазылган.

Талкуу 22-23-апрель күндөрү онлайн-форматта өтөт.

"Саммитте Путин Россиянын климаттын глобалдык өзгөрүшүнүн кесепетин жоюуга багытталган кадамдары тууралуу кеп кылат", — деп жазылат маалыматта.

Буга чейин АКШ президенти аталган саммитке катышууга 40 мамлекеттин башчысын чакырган. Анын ичинде Путин да бар эле.

Америка бийлиги апрелде өтчү талкуу айлана-чөйрөгө чыгарылып жаткан зыяндуу калдыктарды азайтуу боюнча күч-аракеттерди бириктирүүгө арналарын айткан.

149
Белгилер:
климат, чакыруу, саммит, Владимир Путин, Россия
Тема боюнча
Путинге Байден менен жолугуунун эмне зарылчылыгы бар
 Россия президенти Владимир Путин менен Өзбекстандын лидери Шавкат Мирзиеёв менен. Архив

Путин менен Мирзиёев кыргыз-тажик чек арасындагы абалды талкуулашты

333
(жаңыланган 21:26 07.05.2021)
Өлкө башчылары Бишкек менен Душанбенин чырды сүйлөшүү жолу менен чечүү тууралуу макулдашуусун колдой тургандыктарын айтышты.

БИШКЕК, 7-май — Sputnik. Россия президенти Владимир Путин менен Өзбекстандын лидери Шавкат Мирзиёев телефондон сүйлөшүп, кыргыз-тажик чек арасындагы абалды турукташтырууга даярдыгын билдиришти. Бул тууралуу Кремлдин маалымат кызматы кабарлады.

Өлкө башчылары бүгүн пикир алышкан. Президенттер Борбордук Азиядагы кырдаалды талкуулап, Душанбе менен Бишкектин чырды тынчтык жолу менен чечүүгө келген макулдашуусун колдой тургандыктарын айтышты.

Шаршемби күнү Тажикстандын президенти Эмомали Рахмон Москвада Кызыл аянтта өтө турган аскер парадына катышары белгилүү болгон. Сапарынын алкагында РФ лидери Владимир Путин менен жолугуп, анда кыргыз-тажик чек арасындагы кырдаал да сөз болору айтылган болчу. Рахмондун Москвага сапары жана Путин менен жолугушуусу чек ара чыры чыкканга чейин, башкача айтканда, бир ай мурун макулдашылганы да кабарланды.

333
Белгилер:
сүйлөшүүлөр, Эмомали Рахмон, чыр, чек ара, Өзбекстан, Россия, Шавкат Мирзиеев, Владимир Путин
Тема:
Баткендеги кыргыз-тажик жаңжалы
Тема боюнча
Ташиев: бир дагы метр жерибизди бербейбиз, Ворухка коридор ачылбайт
БУУнун жогорку комиссары өкмөттүн чек арадагы жаңжалды жөнгө салуусун кубаттады
Медициналык кызматкер ууланган бейтап менен ооруканада. Архив

Сахалинде тамактан ууланган 12 кыргызстандыктын абалы айтылды

108
(жаңыланган 16:49 07.05.2021)
Түштүк-Сахалиндеги консул оорукананын жетекчилиги менен байланышты. Дарыгерлер кыргызстандыктардын ден соолугу жакшырганын билдиришкен.

БИШКЕК, 7-май — Sputnik. Россиянын Сахалин аймагында ууланган 12 кыргызстандык ооруканадан чыкты. Бул тууралуу Кыргызстандын Тышкы иштер министрлигинин маалымат кызматы билдирди.

Буга чейин ЖМКлар "Оргэнергострой" институтунун Углегорск филиалында иштеген кыргызстандыктардын тамак-аштан ууланганы тууралуу жазышкан.

7-майда Кырызстандын Түштүк-Сахалиндеги консулу Углегорск борбордук ооруканасынын жетекчилиги менен сүйлөшкөн. Анда мекендештердин ооруканага түшкөнүн тастыкташып, алардын ден соолугуна коркунуч келбегендиктен ооруканадан чыгарылганын айтышкан.

Окуяны андан ары териштирүү үчүн материалдар Углегорск прокуратурасына жана Роспотребнадзордун Сахалиндеги башкармалыгына өткөрүп берилген. Элчилик бул маселени тыкыр көзөмөлүнө алган.

108
Белгилер:
консулдук, Сахалин, Россия, ден соолук, мигранттар, уулануу
Тема боюнча
Кара-Сууда тамакка уулангандар. Лабораториялык изилдөөнүн жыйынтыгы чыкты
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

69
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

69
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты