Студенттер окуу учурунда. Архив

Россиянын Сургут мунай техникуму Кыргызстандын бүтүрүүчүлөрүн окууга чакырды

67
Университетке күндүзгү окууга кабыл алуу 2021-жылдын 18-июнунан 15-августуна чейин болсо, сырттан окуу формасы боюнча 19-июлдан 25-августка чейин жүрөт.

БИШКЕК, 30-апр. — Sputnik. Россиядагы Сургут мунай техникуму Кыргызстандын бүтүрүүчүлөрүн такай жана сырттан окуу формасына тапшырууга чакырды. Бул тууралуу Билим берүү жана илим министрлигинин маалымат кызматы кабарлады.

Окуу жайдагы факультеттердин тизмеси:

  • Монтаж, технологиялык тейлөө жана өнөр жай жабдуусун оңдоо (тармактар боюнча);
  • Мунай кудуктарын (скважина) бургулоо;
  • Мунайды жана газды кайра иштетүү;
  • Мунай жана газ кендерин иштеп чыгуу жана эксплуатациялоо;
  • Химиялык бирикмелерди аналитикалык контролдоо технологиясы;
  • Автомобилдердин кыймылдаткычтарын, системаларын жана агрегатын техникалык тейлөө жана оңдоо.

Такай окуу формасы боюнча кабыл алуу 2021-жылдын 18-июнунан 15-августуна чейин болсо, сырттан окуу формасы боюнча 19-июлдан 25-августка чейин жүрөт.

Толугураак маалыматты snt.priem@udrasu.ru электрондук дареги же + 7 (3462) 45-76-11/45-76-17/45-76-09 номерлери аркылуу университетке түз кайрылып алууга болот.

67
Белгилер:
Сургут, чакыруу, билим, бүтүрүүчү, Жогорку окуу жайы, мунай
Тема боюнча
ЖРТга аз калды. Тестирлөөгө даярданган бүтүрүүчү кандай ката кетирет?
МГИМО кыргызстандык абитуриенттерди кабыл алат. Шарт-талабы
Кумшекер сатуу. Архив

Россияда кумшекер кымбаттай турганы айтылууда

55
(жаңыланган 11:18 17.05.2021)
Россиялык адистер быйыл кант кызылчасы кеч отургузулуп жаткандыктан жана жаан-чачындуу аба ырайынан улам шекердин баасы кымбатташы мүмкүн экенин божомолдоп жатат.

БИШКЕК, 17-май — Sputnik. Быйыл Россияда кумшекердин баасы кымбатташы мүмкүн. Буга кант кызылчасын себүү иштери кечеңдеп жатканы себеп экенин Айыл чарба министрлигине шилтеме берип "Коммерсантъ" басылмасы жазды.

"Түшүм кеч алынган соң анын так көлөмүн билгиче тиешелүү органдын белгилүү бир бааны коюп берүүсү кечеңдейт. Бул учурда баалар көтөрүлүп кетиши мүмкүн. Учурда министрлик бааны кармап туруу боюнча аракет көрүп жатат", — деп айтылат билдирүүдө.

Агрардык рынок конъюнктурасы институтунун башкы директору Дмитрий Рыльконун айтымында, өлкөнүн түштүгүндөгү салкын жана жаан-чачындуу аба ырайы түшүм алуу мөөнөтүн ого бетер кечеңдетип, бир айга ары жылдырып коюшу ыктымал. Мындан улам кант заводдорунда сырье тартыш болуп калмакчы.

Басылмага кант өндүрүүчү ири компаниялардын биринде иштеген маалымат булагынын билдиргенине караганда, Россияда шекердин баасы 2022-жылы өтө кымбаттайт.

Белгилей кетсек, Кыргызстан өзүн кант менен 56 пайыз пайызга гана камсыздайт. Андыктан чет өлкөлөрдөн бул азыкты импорттоп келүүгө аргасыз. Быйылкы жылдын январь айында Россиядан 1 421,7 тонна шекер алынган.

Буга чейин Евразия экономикалык комиссиясынын кеңеши ЕАЭБ аймагына шекерди импорттоодо бажы алымын убактылуу алып турууну чечти. Жеңилдик 2021-жылдын 15-майынан 30-сентябрына чейин болот. Анын алкагында Кыргызстан 40 миң тонна кантты бажы алымысыз киргизе алат.

55
Белгилер:
баа, кант, Россия
Киши жумуртканы алып жатат. Архив

Диетолог жумуртканы эртең мененки тамакка колдонбой эле коюуга чакырды

105
Адис йогурт, смузинин деле эч кандай пайдасы жок экенин белгилеген. Алар өтө жеңил болгондуктан ашказанда көпкө кармалбайт.

БИШКЕК, 17-май — Sputnik. Диетолог Елена Кален арыктоо үчүн сунушталган айрым азыктар, тескерисинче, курсакты тез ачырарын эскертип, аларды санап берди. Бул тууралуу РИА Новости жазды.

Адистин айтымында, мындай азыктардын катарына кургатылган жемиш, жаңгак кошулган батончик кирет. Анын курамында кумшекер да бар. Батончик организмди азыктандырбай турганы кошумчаланды. Тескерисинче, андан кандагы канттын деңгээли дароо көтөрүлүп же дароо түшүп кетет. Мындан улам курсак бат ача берет.

Диетолог йогурт, смузинин деле эч кандай пайдасы жок экенин белгилеген. Алар өтө жеңил болгондуктан ашказанда көпкө кармалбайт. Адис "аларды эртең менен эмес башка маалда десерт катары жегиле" деген кеңешин берген.

Елена Кален эртең менен жумуртка жебей эле коюуну сунуштаган. Себеби жумуртканын белогу тез эле сиңип, адамдын курсагын тез ачырат. Анын айтымында, эртең менен организм көбүрөөк калорий керектейт. Ошол себептен адис жумуртканы кечки учурга калтырып, таңда анын ордуна адамды ток алып жүргөн азыктарды, алсак, тоок этинен жасалган тамактарды сунуштаган.

105
Белгилер:
жумуртка, азык, йогурт, диетолог
Тема боюнча
Дарыгер шишкебекти даярдоодо кайсы кошулмаларды пайдалануу кооптуу экенин айтты
Арыктоого 20 мүнөт кетет. Кышында топтолгон салмактан арылуунун жолу айтылды
Жалал-Абад шаары. Архив

Жалал-Абадда 25 жыл мурун менчикке берилген жер мамлекетке кайтарылды

5
(жаңыланган 10:18 18.05.2021)
Шаардык прокуратура жүргүзгөн териштирүүнүн жүрүшүндө, жер тилке ишкерлер ассоциациясына берилип кеткендиги аныкталган.

БИШКЕК, 18-май — Sputnik. Жалал-Абад шаардык мэрия тарабынан мындан 25 жыл мурун менчикке берилип кеткен төрт гектар жер тилке мамлекетке кайтарылды. Бул тууралуу Башкы прокуратуранын маалымат кызматы билдирди.

Шаардык прокуратура териштирүү жүргүзүп, жер тилке 1996-жылдын 22-августунда "А" аталышындагы ишкерлер ассоциациясына автосервис куруу үчүн берилип кеткендигин аныктаган.

Текшерүүнүн жыйынтыгы менен жогоруда көрсөтүлгөн буйрукту жараксыз деп табуу жөнүндөгү шаардык прокуратуранын доо арызы бардык соттук инстанциялар тарабынан канааттандырылган.

Прокурордук чара көрүү актысынын негизинде жогорудагы жер тилке Жалал-Абад шаардык мэриянын балансына өткөрүлгөн. Жер тилкенин баасы 98 миллион 160 миң сомду түзөт.

5
Белгилер:
Жалал-Абад, прокуратура, сот, жер, чечим, менчиктештирүү
Тема боюнча
Прокуратура: Таластагы жайыт, Нарындагы жер тилке мамлекетке кайтарылды