Изилдөө лабораториясынын кызматкери. Архив

Россия иштеп чыккан нанобөлүкчөлөр антибиотикти азайтат. Саамалыктын чоо-жайы

52
(жаңыланган 17:39 27.05.2021)
Россиянын "МИСиС" Улуттук илимий технологиялык университети инфекция чыккан жерге антибиотиктерди туура, так жеткирүү үчүн нанобөлүкчөлөрдү иштеп чыкты.

БИШКЕК, 27-май — Sputnik. Окумуштуулардын айтымында, мындай наноматериалдар айрым учурда антибиотиктердин дозасын 6-7 эсеге кыскарта аларын айтып жатышат. Буз өз кезегинде организмге күч келтирбей, патогендердин дары-дармекке көнүп кетүүсүн жайлатат. Иликтөөнүн жыйынтыгы American Chemical Society Applied Materials Interfaces журналына жарыяланганын РИА Новости жазды.

Окумуштуулар ушу тапта дүйнө жүзү боюнча оору көбөйүп, жаңы инфекциялар жаралып, дары-дармек көзөмөлсүз колдонулуп жатканынан улам антибиотик көп пайдаланылганын белгилешүүдө. Антибиотиктерди дайым колдонуу микробдордун аларга туруктуу болуп ыңгайлашуусун шарттайт, бүгүнкү күндө антибиотиктердин көбүнүн бактериялык патогендерге каршы күчү көп жок.

Бирок жаңы антибиотик ойлоп табуу үчүн 10-20 жылга созулган иликтөө, клиникалык сыноо керектелет, ал эми дары-дармек менен дарылоо ушу күнгө чейин инфекция менен күрөшүүдөгү негизги ыкма бойдон калууда.

Бул көйгөйдү чечүүнүн бир жолу — дары-дармекке турукташып калган патогендерди алсыратуучу антимикробдук наногибриддер. Препараттын бейтапка кыйыр таасири болбошу керек. Илимпоздор мындай дары-дармектин артыкчылыгы организмге күч келтирбегенинде жана микробдун ыңгайлашуусун жайлата аларында экенин белгилешти.

Нанобөлүкчөлөрдү "МИСиС" Улуттук илимий технологиялык университетинин окумуштуулары Прикладдык микробиология жана биотехнология илимий борбору жана Бах атындагы биохимия институтундагы кесиптештери менен биргеликте иштеп чыгышкан. Алардын айтымында, күмүштүн бөлүкчөлөрү кошулган бордун гексоганалдык нитридинин негизинде жасалган жаңы наногибрид бактерициддик жана грибокко каршы касиетин көрсөткөн.

Илимпоздор жаңы нанобөлүкчөлөр азыркы антибиотиктерге караганда активдүү заттарды азыраак пайдалануу менен бактериялык популяцияны жок кылууга жөндөмдүү экенин айтышууда. Айрым учурда ортодогу айырма эселеп байкалып келет. Мисалы, E.Coli U-122 штаммына каршы колдонулган гентамициндеги минималдуу концентрация 256мг/л болсо, наногибрид аталган препарат менен 4 мг/л өлчөмүндө ошондой эле натыйжа берет.

"Күмүш бөлүкчөлөрүн пайдалануу бактерициддик натыйжаны арттырууга мүмкүнчүлүк түзөт. Гентамицин толтурулган нанобөлүкчөлөр ичеги таякчаларындагы бактериянын 38 штаммына каршы күрөшө аларын көрсөттү. Ал эми күмүш бөлүкчөлөрү бул санды 47ге чейин жогорулата алды", — дешти илимпоздор.

Мындан тышкары, нанобөлүкчөлөр антибиотиктердин "жүгүн" артынып, кан тамырлардан тканга, кайра ткандан кан тамырларга оңой эле өтө алары аныкталган. Бул ооруган жерге дары үзгүлтүксүз жетип турат дегенди түшүндүрөт. Окумуштуулар аталган препараттар лабораториялык тесттен өткөнүн айтышты.

Учурда илимпоздордун тобу клиникага чейинки сыноолорду улантып жатат. Ал Россия илимдер фондунун № 20-19-00120 долбоорунун алкагында жүрүүдө.

52
Белгилер:
антибиотик, бейтап, оору, бактерия, дары-дармек, окумуштуулар, нанобөлүкчө, Россия
Тема боюнча
Россия биринчи болуп жаныбарлар үчүн коронавируска каршы вакцинаны каттады

Россиянын аскер учагы Кара деңизде британиялык кемени кантип токтотту. Видео

105
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

105
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?
Россиянын президенти Владимир Путин. Архив

Путин: Россия өзүнүн жана коңшулардын коопсуздугу үчүн баарына даяр

183
Владимир Путин Россия эч качан өз оюн башкаларга таңуулабай турганын, ал эми дүйнөлүк жана аймактык көйгөйлөрдү саясий-дипломатиялык ыкма менен чечишүүгө даяр экенин белгиледи.

БИШКЕК, 23-июн. — Sputnik. Москва шаарында өтүп жаткан эл аралык коопсуздук боюнча IX Москва конференциясында Россия президенти Владимир Путин өз өлкөсүнүн эл аралык мамилелер жаатындагы позициясын эске сала кетти.

РИА Новости агенттигинин жазганына караганда, Путин Россия өз элинин коопсуздугу үчүн бардык аракеттерди көрөрүн айтты.

"Кечээ өлкө тарыхындагы эң өкүттүү даталардын бирин белгиледик. Туура 80 жыл мурда фашисттик Германия биздин мамлекетке кол салган. Бул окуя бизге чоң сабак болгон. Андыктан Россия өз элинин коопсуздугу үчүн колдон келген аракетин жасайт. Куралдарыбызды күчтөндүрөбүз, дипломатия жолу менен сүйлөшүүгө аракет кылабыз, кызыкдар тараптар менен диалогго барабыз", — деди Путин.

Ошол эле учурда президент Россия эч качан өз оюн башкаларга таңуулабай турганын, ал эми дүйнөлүк жана аймактык маселелерди саясий-дипломатиялык ыкма менен чечишүүгө даяр экенин айтты.

"Россия эч качан өз оюн башкаларга таңуулабайт. Дүйнөлүк жана аймактык көйгөйлөрдү саясий-дипломатиялык ыкмалар менен чечишүүгө салым кошкубуз келет. Россия жаратмандыкты колдойт", — деди РФ лидери.

Мындан тышкары, Путин Россия коңшу өлкөлөрдүн коопсуздугу үчүн жоопкерчиликтүү экенин эч качан унутпасын белгиледи.

"Коңшулар менен ажырагыс тарыхый жана маданий байланышыбыз бар. Биз алардын коопсуздугу үчүн жоопкерчилигибизди унутпайбыз. Биздин жалпы континентибиздеги тынч жашоо жана ачык асман үчүн аймактык чыр-чатактарды басаңдатууга салым кошо бермекчибиз", — деди ал.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

183
Белгилер:
диалог, коопсуздук, регион, Владимир Путин, Россия
Тема боюнча
Путиндин макаласы: өткөнгө карап кылчактай бербей, ачык болуш керек
Массалык жок кылуучу куралдын жайылуу коркунучу. Путин Москва форумунда сүйлөдү