Телефондогу Twitter логотиби. Архив

Роскомнадзор Twitter, Facebook, Google боюнча текшерүүнүн жыйынтыгын ачыктады

51
Роскомнадзор АКШда чет элдик агенттерге болгон талап Россияга караганда бир топ кенен жайылган деп билдирди.

БИШКЕК, 11-июн. — Sputnik. Twitter тыюу салынган 500гө чукул постту жаппай, ошол боюнча ээн-эркин таштап койгон. Бул тууралуу Роскомнадзорго шилтеме кылып РИА Новости жазды.

"2015-жылдан тарта аталган аянтчадан тыюу салынган алты миңге чукул материал өчүрүлгөн. Трафикти жайлатуу боюнча кабыл алынган чаралардан кийин да социалдык тармактан 490го чукул материал алынбай турат. Чыкпашы керек деген материалды өчүрүү талабын аткаруунун орточо мөөнөтү 129дан 8 суткага чейин кыскарган", — деп айтылган Роскомнадзор тараткан маалыматта.

Ведомство мындан сырткары россиялык 11 ЖМК менен маалыматтык ресурстарга салынган цензураны таап чыккан. Алардын арасында Russia Today, Sputnik, РИА Новости, андан тышкары, россиялык колдонуучулардын бир нече аккаунттары менен долбоорлор бар ("Лидеры России", "Спутник V" вакцинасы ж.б.). Булар менен катар эле жеке колдонуучулардын маалыматтарын топтоштуруу да жок кылынган эмес.

"Административдик тартип бузуулар боюнча он протокол түзүлгөн. Бүгүнкү күндө сот бардык протоколдорду карап чыгып, тыюу салынган маалыматты өчүрбөгөнү үчүн айып пул 27,9 миллион рублди түзгөн. Өчүрүш керек деп талап кылган россиялык мыйзамдарды сактабаганы үчүн айып төрт миллион рублдин тегерегинде чыккан", — деп айтылат маалыматта.

Регулятордун байкоосу менен катар эле Facebook/Instagram менен Google/YouTube да алынган. Биринчи учурда акыркы алты жылда тыюу салынган 3,7 миң (талапты аткаруунун орточо мөөнөтү 105 сутка), экинчи мөөнөттө 5,2 миң (82 күн) материал табылган. 29 учурдун 26сы цензура экени жана жеке маалыматтарды топтоо жок кылынбаганы аныкталган.

Facebook тармагына каршы 13 протокол түзүлүп, каралган. Айып пулдун жалпы суммасы 47 миллион болгон. Ал эми Google боюнча сегиз протокол түзүлсө, анын ичинен үчөө каралып, компанияга азырынча алты миллион рублдик доо коюлган.

Россиянын мыйзамдары боюнча интернет-платформанын администрациясы шектүү контентке бир сутканын ичине чектөө коюшу керек, антпесе үч миллиондон сегиз миллион рублге чейин айыпка жыгылат. Мындай нерсе экинчи ирет кайталанса, компаниянын айлануудагы жылдык акчасынын ондон бир бөлүгүнөн тарта ондон бешке чейинки бөлүгүнүн көлөмүндөгү айып салынат. Аны менен катар эле трафикти жайлатып же такыр эле токтотуп коюу да каралган.

Роскомнадзор жогорудагы айтылган чаралар маалыматтык суверенитет менен ачыктык принцибине негизделгендигин жана "башка өлкөлөрдөгү, анын ичинен АКШдагы көзөмөлгө караганда алда канча толеранттуу" экендигин белгилеген.

"АКШнын чет элдик агенттиктерди каттоо жөнүндөгү мыйзамы (Foreign Agents Registration Act, FARA) 1938-жылы улуттук пропаганданын толкуну учурунда кабыл алынып, бирок ушул күнгө чейин иштеп келе жатат.

Аны маанисинин чачкындыгы айырмалап турат: маселен, "саясий" FARA катары америкалык ведомствонун ишине таасирин тийгизүүчү кандай гана ишмердүүлүк же кызмат болбосун эсептелип калат", — дешти ведомстводон.

Регулятор АКШда чет элдик агенттерге болгон талап Россияга караганда бир топ кенен жайылган деп билдирди. Юстиция министрлигиндеги каттоо жана финансылык отчётторду берүү менен катар эле уюмдар өздөрүнүн материалдарын белгилеп жана ишинин бардык аспектилери боюнча, ал тургай бийлик өкүлдөрү менен байланыштарын сүрөттөгөн маалыматты билдириши шарт.

Ошентсе да буга карабастан аталган мыйзам бузулганда бере турган жазасы катаал, ал — беш жылга чейин эркинен ажыратуу же 10 миң доллар өлчөмүндөгү айып пул, иштөөгө тыюу салуу. Ал эми чет элдик жарандар дароо депортацияланат (Россияда негизинен айып пул салынат).

2016-жылдан бери FARA Russia Today менен Sputnik агенттигинин артынан түшүп алган.

51
Белгилер:
айып пул, материал, тыюу салуу, цензура, Роскомнадзор, АКШ, Россия
Тема боюнча
Өзбекстан Facebook, TikTok, Telegram кызматтарына талап койду
CNN, New York Times, Twitter, Amazon. Дүйнөгө белгилүү сайттар иштебей калды
Facebook: маалыматтардын ачыкталышы эмнеси менен кооптуу экени айтылды

Россиянын аскер учагы Кара деңизде британиялык кемени кантип токтотту. Видео

46
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

46
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?
Россиянын президенти Владимир Путин. Архив

Путин: Россия өзүнүн жана коңшулардын коопсуздугу үчүн баарына даяр

148
Владимир Путин Россия эч качан өз оюн башкаларга таңуулабай турганын, ал эми дүйнөлүк жана аймактык көйгөйлөрдү саясий-дипломатиялык ыкма менен чечишүүгө даяр экенин белгиледи.

БИШКЕК, 23-июн. — Sputnik. Москва шаарында өтүп жаткан эл аралык коопсуздук боюнча IX Москва конференциясында Россия президенти Владимир Путин өз өлкөсүнүн эл аралык мамилелер жаатындагы позициясын эске сала кетти.

РИА Новости агенттигинин жазганына караганда, Путин Россия өз элинин коопсуздугу үчүн бардык аракеттерди көрөрүн айтты.

"Кечээ өлкө тарыхындагы эң өкүттүү даталардын бирин белгиледик. Туура 80 жыл мурда фашисттик Германия биздин мамлекетке кол салган. Бул окуя бизге чоң сабак болгон. Андыктан Россия өз элинин коопсуздугу үчүн колдон келген аракетин жасайт. Куралдарыбызды күчтөндүрөбүз, дипломатия жолу менен сүйлөшүүгө аракет кылабыз, кызыкдар тараптар менен диалогго барабыз", — деди Путин.

Ошол эле учурда президент Россия эч качан өз оюн башкаларга таңуулабай турганын, ал эми дүйнөлүк жана аймактык маселелерди саясий-дипломатиялык ыкма менен чечишүүгө даяр экенин айтты.

"Россия эч качан өз оюн башкаларга таңуулабайт. Дүйнөлүк жана аймактык көйгөйлөрдү саясий-дипломатиялык ыкмалар менен чечишүүгө салым кошкубуз келет. Россия жаратмандыкты колдойт", — деди РФ лидери.

Мындан тышкары, Путин Россия коңшу өлкөлөрдүн коопсуздугу үчүн жоопкерчиликтүү экенин эч качан унутпасын белгиледи.

"Коңшулар менен ажырагыс тарыхый жана маданий байланышыбыз бар. Биз алардын коопсуздугу үчүн жоопкерчилигибизди унутпайбыз. Биздин жалпы континентибиздеги тынч жашоо жана ачык асман үчүн аймактык чыр-чатактарды басаңдатууга салым кошо бермекчибиз", — деди ал.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

148
Белгилер:
диалог, коопсуздук, регион, Владимир Путин, Россия
Тема боюнча
Путиндин макаласы: өткөнгө карап кылчактай бербей, ачык болуш керек
Массалык жок кылуучу куралдын жайылуу коркунучу. Путин Москва форумунда сүйлөдү