Россиянын президенти Владимир Путин. Архив

Улуу Ата Мекендик согушка 80 жыл. Путиндин макаласы немец басылмасына жарыяланат

121
(жаңыланган 11:35 21.06.2021)
Аза күтүү жана эскерүү күнүндө Путин Москвадагы Белгисиз жоокердин мүрзөсүнө гүл коюп, сөз сүйлөйт.

БИШКЕК, 21-июн. — Sputnik. Владимир Путин Улуу Ата Мекендик согуштун башталгандыгынын 80 жылдыгына карата атайын макала даярдаган. Бул туурасында РИА Новости жазды.

Материалды Германиядагы алдыңкы басылмалардын бири жарыялаарын "Россия 1" телеканалынын "Москва. Кремль. Путин" деп аталган программасында билдиришкен.

22-июнда, аза күтүү жана эскерүү күнүндө, Путин Москвадагы Белгисиз жоокердин мүрзөсүнө гүл коюп, сөз сүйлөйт.

Солдаты конного клуба во время тренировки в Иссык-Кульской области. 1941 год. Фото Л. Вильчинского
© Фото / предоставлено Центральным государственным архивом кинофонофотодокументов / Л. Вильчинский
Маалыматта бүгүн Путиндин Кремлде Мамлекеттик думанын депутаттары менен жолугары, ал эми жума ичинде өкмөт мүчөлөрү менен кеңешме өткөрөрү айтылды.

1941-жылдын 22-июнунда фашисттик Германия тынч жаткан Советтер Союзуна кол салган. Бул дүйнө тарыхында Улуу Ата Мекендик согуштун башталышы катары калды. Ал совет элине, СССРдин курамына кирген ошол кездеги республикалардын элине трагедия алып келди.

Россиянын бардык аймактары менен чет өлкөлөрдө эскерүү иш-чаралары өтөт. Ал эми саат 12:15те (Бишкек убактысы менен 15:15) бүткүл Россия боюнча аза күтүү мүнөтү болот.

121
Белгилер:
Россия, Владимир Путин, Улуу Ата Мекендик согуш, фашизм
Тема боюнча
Путин КМШ өлкөлөрү Улуу Жеңиш жөнүндөгү чындыкты коргогону үчүн ыраазы болду
Путин Жапаровду жана кыргызстандыктарды Жеңиш майрамы менен куттуктады
Экзамен тапшырып жаткан мигранттар. Архив

Россияда мигранттардын экзамен берүү шарттары өзгөрдү

179
(жаңыланган 12:09 01.08.2021)
Россия мигранттардан экзамен алуу жана документтерин жалпы маалыматтык системага киргизүү боюнча эрежелерге өзгөртүүлөрдү киргизди.

БИШКЕК, 1-авг. — Sputnik. Россияда мигранттардан экзамен алууга байланыштуу бир катар токтомдор күчүнө кирди. РИА Новости агенттигинин жазганына караганда, мындан ары орус тили, тарых жана өлкө мыйзамдары боюнча экзамендин материалдары үч жылга чейин сакталат.

"Орус тили, тарых жана РФтин негизги мыйзамдары боюнча экзамен алуу тартиби жана материалдарды сактоо" токтомуна ылайык, мигрант берген экзамендин жыйынтыгы сертификат алган күндөн тарта үч жыл сакталып, андан кийин жок кылынат.

"Квалификация жана билим алгандыгы тууралуу документтердин федералдык реестри жөнүндө" токтом боюнча, мигранттын документтери жалпы маалыматтык системага киргизилиши зарыл.

Ал эми "Орус тили, тарых жана РФтин негизги мыйзамдары боюнча экзамен алуунун баасы тууралуу" токтомго ылайык, мигранттар убактылуу жашоого уруксат алуу үчүн орус тилинен экзамен тапшырууга эң көп дегенде 5,9 миң рубль төлөшү керек. Ал эми ишке орношуу же патент алуу үчүн орус тилинен экзамен тапшырса баасы 3,8 рубль болот.

179
Белгилер:
Россия, мигранттар, экзамен, мыйзам, токтом
Тема боюнча
25-июлдан тарта Россияга "COVID жок саякаттайм" тиркемеси менен гана кирүүгө болот
Уран-6 робототехникалык комплекси. Архивдик сүрөт

Россияда аскердик роботтордун үлүшү төрт жыл аралыгында 30 пайызга жетет

122
Согуштук аракеттерде өз алдынча аракет этүүгө жөндөмдүү жасалма интеллект орнотулган роботтор – Россия армиясынын бүгүнкү реалдуулугу.

Александр Хроленко, аскерий баяндамачы

Роботтоштурулган курал комплекстери бардык күчтөргө активдүү түрдө киргизилип, машыгууларда гана эмес, аскердик чөйрөлөрдүн бардыгында колдонулат. Роботтоштурулган техниканы пайдалануу менен инженердик күчтөрдүн масштабдуу үч күндүк машыгуулары кечээ РФ Батыш аскердик округунда аяктады. Бул иш-чарага баам салган аскердик баяндамачы Александр Хроленконун макаласы РИА Новости сайтына жарык көргөн.

Окууга Россия Федерациясынын алты субъектиси, 12 полигон жана Ока дайрасынын тилкеси колдонулуп, 8 миңден ашуун аскер кызматкери катышты. 1500дүн тегерегиндеги техника, анын ичинде минаны залалсыздандыруучу "Уран-6" жана өрт өчүрүүчү "Уран-14" робототехникалык комплекстери тартылган.

Нижегород облусунун Мулино полигонундагы машыгууларда РФ Батыш аскердик округунун эпизоддорунун биринде Аба-десанттык күчтөр менен биргеликте инженердик бөлүктөр жыш жайгашкан калаага "Уран" сериясындагы роботтордун колдоосу менен чабуул коюуга машыкты. Анда аскердик бөлүктөр Сирияда топтогон тажрыйбасын пайдаланышты.

Инженердик күчтөрдүн талкалоо жана куруу өңдүү өз спецификасы бар. Ошону менен бирге эле Россия армиясында курамында ондогон автономдук сокку уруучу роботтор бар алгачкы бөлүктөр түзүлүүдө. Аларды согушта пайдалануу тактикасы полигондордо гана өздөштүрүлгөн жок. Өткөн жумада россиялык "Соратник" аскердик роботу тарабынан сириялык террорчуларды жок кылуу операциясынын тасмасы жарыяланды.

Жети тонналык сооттолгон чынжыр дөңгөлөктүү машина Сирияда РФтин Куралдуу күчтөрүнүн Атайын операциялар күчтөрүн коштогон. Күндүзү да, түнкүсүн да "жихадчылардын" айрым согушкерлерин жана транспорттук каражаттарын таамай талкалаган.

РФ коргоо министри Сергей Шойгу өлкөдө аскердик роботтордун сериялык өндүрүшү башталганын жарыялаган эле. Айтымында, аларга жасалма интеллект орнотулган, согуш талаасында өз алдынча салгылаша алышат. "Жөн гана эксперименталдык үлгүлөр эмес, чындап эле фантастикалык тасмаларда көрсөтүүгө боло турган роботтор пайда болду", — деген министр.

Күчтөрдү мындай машиналар менен жабдуу – РФтин артыкчылык берилген багыттарынан. РФтин Коргоо министрлигинде аскердик роботторду бул тармакка киргизүүгө жооптуу адистештирилген башкармалык түзүлдү. Россияда жасалма интеллектти өркүндөтүү жаңы деңгээлге чыкты. Бул – мезгил талабы. Акыркы үлгүдөгү куралдардын бардык түрүндө автоматташтырылган тутумдардын мааниси жогорулоодо.

Келечек бүгүн түптөлүүдө

Болочоктогу куралдуу жаңжалдардагы жеңиштер россиялык коргоо жаатындагы ишканалар тарабынан бүгүн камсыздалууда. Бул мекемелерде Россиянын Аба-космостук күчтөр, Аскердик-деңиз флоту жана Кургактагы күчтөр үчүн аскердик роботтор өндүрүлөт. Алардын арасынан белгилүү үлгүлөрдү карап чыгалы.

Жогоруда аталган "Соратник" алгач жолу "Армия-2016" эл аралык аскердик-техникалык форумунда "көзгө чалдыккан". Ал күчтөрдү ок атуу менен колдоо, аймактарды күзөтүү жана объектилерди кайтаруу, минаны залалсыздандыруу жана тосмолорду алуу, ретрансляция, ок-дары жана күйүүчү майды ташууга ылайыкталган.

Робот күчтүү куралдарды, атап айтканда, 40 мм же 30 мм гранатомётторду, 12,7 мм же 7,62 мм пулемётторду, танкка каршы коргонуучу тескелүүчү төрт ракетаны же "Шмель" реактивдүү огнемётторун ташый алат. Чептерге чабуул коюуда, ар кандай атайын операцияларда өзгөчө майнаптуу жана пайдасы арбын. Зарыл учурда эки "Соратник" согуш талаасында өз ара маалымат алмашууга жөндөмдүү.

Бул аскердик автоматташтырылган система аба ырайынын бардык шарттарында күнү-түнү иштей берет. Саатына 40 чакырымдык ылдамдыкта бир ирет май куюу менен 400 чакырым жүрө алат.

Чынжыр дөңгөлөктүү "Уран-9" сокку уруучу дрону да согуш жагдайында сыналган. Ал кеңири коомчулук назарына 2018-жылы Москвадагы Жеңиш парадында коюлган. Чалгындоо, күчтөрдү ок атуу менен колдоо, душмандын аскердик техникасын талкалоого ылайыкталган.

Сүрү катуу 12 тонналык сооттолгон машина тескелүүчү "Атака" курал комплексин ташыйт. Анын курамында танкага каршы коргонуу ракеталары, "Шмель" реактивдүү огнемёттору, 30 мм автоматтык замбиреги, 7,62 мм пулемёт бар.

Машина стелс менен корголуп, лазердик нурлануунун алдын алуу тутуму менен жабдылып жана башка уникалдуу мүнөздөмөлөргө ээ. Батыш аналогдору жок. The National Interest адистешкен журналы да россиялык технологиялардын артыкчылыгы талашсыз экенин тааныды. Толук форматтык танктар тууралуу кеп кыла турган болсок, "Уралвагонзавод" Т-72Б3 базасында роботтоштурулган дрондордун эки модификациясын түзүү менен алек. Ал эми "Ростех" мамлекеттик корпорациясы Т-14 "Арматанын" жасалма интеллект орнотулган (ок атуу боюнча чечимди киши кабыл алат) роботтоштурулган версиясын чыгарган. Кеп "Штурм" долбоорунун учкуч менен башкарылуучу Т-72ни заман талабына төп келтирүү туурасында.

Роботтоштурулган танктар максималдуу түрдө автономдоштурулуп жана болушунча корголгон (Радиоэлектрондук күрөш каражаттарын кошо), командачылык менен байланыш каналдары жашырылган.

"Армата" чынжырлуу платформасындагы айдоочусуз Т-14 танкы узап бараткан айда тесттик сыноолордон ийгиликтүү өттү. Толугу менен роботтоштурулган негизги аскердик танктын чыгарылышы эксперттер россиялык коргоо өнөр жайында топ жаруу деп эсептешет. Машина баарын дээрлик өзү жасайт, адам болгону анын бутасын тандоону гана тастыктайт. Жасалма интеллект орнотулган негизги аскердик танктын экспорттук модификациясы да чыгышы ажеп эмес.

Сирияда танк бөлүктөрүнүн тажрыйбасы согуш талаасында бир эле убакта бир нече типтеги – жеңил, орто жана татаал роботтоштурулган комплекстеринин зарылдыгын айгинелеген.

Роботтоштурулган танктар ок атуу менен бирин-бири калкалоого, түйүндө өз ара аракет этүүгө, маалымат алмашууга тийиш. Көп функциялуу роботтор бөлүктөрү россиялык күчтөрдө 2025-жылы пайда болот.

Экинчи жагынан Россия жакында танктарды жок кылуучу ракеталар менен куралданган учкучсуз аппараттарын сынайт. Бул катарда өзөктүк кыймылдаткычы бар "Посейдон" суу түбүндөгү тутуму өзгөчө орунда турат. Ал каалаган бутасын же бүтүндөй агрессор өлкөнү таамай жок кылууга жөндөмдүү. 2027-жылга чейинки мамлекеттик куралдануу программасынын алкагында Россия Федерациясы үч субмарина курап чыгат. Алардын ар биринин бортунда "Кыямат күндүн торпедаларынан" алты бирдикке чейин жайгаштырылмакчы.

Автоматташтыруунун мааниси

Аскердик роботтор адам өмүрүн сактоого мүмкүндүк берет. Туура чечимдерди бачым кабыл алууга, душманын "сандык көрсөткүчтө эмес, эптүүлүк" менен согуштун бардык чөйрөсүндө – кургакта да, абада да, деңизде да жеңүүгө жөндөмдүү.

Роботтук техникалык комплекстерди өнүктүрүү жана согушта пайдалануу концепциясына ылайык 2025-жылга чейинки мезгилде Россия армиясынын куралдануу жана аскердик техникасынын жалпы структурасындагы роботтордун үлүшү 30 пайызга жетет.

Бул тутумдардын басымдуу бөлүгү жасалма интеллект аркылуу башкарылып, толук автономдуу иштейт. Россиялык программист, конструктор жана инженерлердин эми аскердик роботтордун баарын тегиз автономдоштуруп, башкача айтканда, согуш талаасынан маалымат алуу тутумун жана автономдуу чечим кабыл алуучу татаал аппаратын туташтырып чыгышына аз эле калды. Роботтоштуруунун жыйынтыктоочу баскычы – күчтөрдү башкаруунун бирдиктүү автоматташтырылган системасы.

Жогорку технологиялык курал-жарак жаатында Россия баарынан алдыда, бирок "өнөктөштөрү" аны бул тармакта кууп жетип, озуп кетүү үчүн миллиарддаган долларларын аябайт. Жакынкы он жылда Пентагон келечектеги бир эле кибер согушка даярдык үчүн 2,4 млрд. доллар сарптоого белсенет.

Кошмо Штаттар тармакка багытталган согуштук аракеттерди өрчүтүүнү көздөп, куралдуу күчтөрүн заманга бапташтырып, заманбап аскердик технологияларды колдонуу каражаттарын жакшыртууга далбас уруп келет.

Пентагон үчүн жасалма интеллект системаларын иштеп чыгуу менен DARPA агенттиги алектенет. Ал жыл сайын автономдук роботтордун "жарышын" өткөрөт. 2015-жылдан кийин бул жабык режимде жүрөт. Согуш талаасында андай машиналар душмандын жогорку технологиялык жол менен жок кылууга багытталган.

Тынчтыкты жактаган Россия 2030-жылга чейин расмий түрдө НАТОго негизги аскердик кооптуулук деп аталды. Ага "өнөктөштөрүн" жогорку технологиялык, майнаптуу жана түшүнүктүү каражаттар менен ооздуктоого туура келет.

Аскерий баяндамачы Александр Хроленконун Telegram https://t.me/AKhrolenko каналына жазылыңыздар.

122
Белгилер:
Россия, курал, саясат, робот, курал-жарак
Тема боюнча
Россиялык гипер үндүү ракеталар F-35 жана F-22ни "пайдаланууга жолтообу"? Сереп
Зергерлер жана ишкерлер союзунун президенти Сталбек Акматов

Акматов: өзгөчө кырдаал жөнүндө мыйзам инвестицияга бөгөт коет

0
Зергерлер жана ишкерлер союзунун президенти Сталбек Акматов "Экономикалык өзгөчө кырдаал жөнүндө" мыйзам долбоору шашылыш кабыл алынгандыгын билдирди.

Аталган мыйзам ишке кирсе ички жана сырткы инвестицияга бөгөт коет. Мындай пикирин Сталбек Акматов Sputnik Кыргызстан радиосунда маек куруп жатып белгиледи.

Акматов: өзгөчө кырдаал жөнүндө мыйзам инвестицияга бөгөт коет

Анын айтымында, мыйзамдын чийки жерлери көп жана ал президент кол койгонго чейин дыкат каралып чыгышы керек.

"Экономикалык өзгөчө кырдаал жөнүндө" мыйзам долбоорун эмнеликтен Жогорку Кеңеш өтө шашылыш тартипте карап, үч окуудан тең бир заматта өткөрүп койгонун ишкерлер түшүнгөн жокпуз. Кыргызстанда ансыз да бизнес жасоо оор болуп, бир четинен пандемия күчөп турган учурда бул долбоор ишкерликке чоң тоскоолдуктарды жаратат. Анда чийки, дыкат иштелип чыкпаган жерлери арбын экен. Биз ишкерлер президент кол койгонго чейин бул мыйзамдын кайрадан каралып чыгышын өлкө башчыдан өтүнүп жатабыз. Аталган мыйзам иштеп баштаса ички дагы, сырткы дагы инвестицияга бөгөт коет",— деди Акматов.

Ал өлкө экономикасын көтөрүү үчүн тескерисинче ишкерлерге колдоо көрсөтүү зарылдыгын кошумчалады.

Эске сала кетсек, Жогорку Кеңеш ушул жылдын 29-июль күнү "Экономикалык өзгөчө кырдаал жөнүндө" мыйзам долбоорун үч окуудан өткөрүп кабыл алган. Анын демилгечиси, экономика жана финансы министри Акылбек Жапаровдун айтымында, мыйзам өлкө экономикасынын төмөндөшүнүн алдын алыш үчүн иштелип чыккан.

0
Белгилер:
Сталбек Акматов, экономика, ишкерлик, мыйзам
Тема боюнча
Экономикалык өзгөчө кырдаал боюнча мыйзам жактырылды. Ал эмне үчүн керек