Россия президенти Владимир Путин. Архив

Путиндин макаласы: өткөнгө карап кылчактай бербей, ачык болуш керек

190
(жаңыланган 17:49 22.06.2021)
Россия президенти Владимир Путиндин Германиядагы Die Zeit апталык басылмасына чыккан макаласы Улуу Ата Мекендик согуштун 80 жылдыгына арналган.

БИШКЕК, 22-июн. — Sputnik. Кремлдин сайтына президент Владимир Путиндин Улуу Ата Мекендик согуштун башталышынын 80 жылдыгына арнап жазган макаласы жарыяланды.

Ой толгоо германиялык Die Zeit апталык басылмасына чыккан.

Төмөндө тексти толук берилет:

1941-жылы 22-июнда, мындан туптуура 80 жыл илгери, нацисттер Европаны дээрлик каратып алып, СССРге кол салган. Совет эли үчүн Улуу Ата Мекендик согуш башталган. Бул биздин өлкөнүн тарыхында кан суудай аккан учур болду. Миллиондогон адамдар курман болуп, экономика менен маданий мурастарыбызга оңбогондой сокку урулду.

Биз Кызыл армиянын, тылдагылардын каармандыгы жана эрктүүлүгү менен сыймыктанабыз. Алар Мекенибиздин эркиндигин, баалуулугун эле эмес, Европа менен дүйнөнү көз карандылыктан сактап калышты.

Өткөн тарыхтын барактарын кимдер, кайсы тарап болбосун башкача жазып чыгууга аракет кылбасын, чындык – советтик жоокердин Германиянын аймагына өч алуу үчүн эмес, жакшы ниет, улуу миссия, тагыраагы, куткаруучу катары киргени болду. Биз үчүн ал баатырларыбыздын, улутчул баскынчылык менен күрөшкөндөрдүн элеси өтө ыйык. Улуу Жеңишти жакындаткандар — гитлерчилерге каршы коалициянын союздаштарын, фашисттик немистерге жасалган каршылыктын катышуучуларын да ыраазы болуу менен эстейбиз.

Дүйнөлүк согуштун азап-тозокторун, үрөй учурган учурларын баштан өткөрүп, Европанын эли чоочундуу, касташуу сезимин жеңип, өз ара ишеним менен сыйлашууну калыбына келтирип, биримдикке баш коюп, өткөн кылымдагы европалык трагедияны аягына чыгара алды.

Мындай Европанын калыптанышына, чыгышта жашаган биздин эл менен бириккен заманбап Германиядагы немистердин тарыхый элдешүүсү болуп көрбөгөндөй ролду ойногондугун өзгөчө белгилеп кетким келет. Алар чыгышта жана батышта – бириккен заманбап Германияда жашап турушканын эске алуу шарт.

Дал ошол немис ишкерлери согуштан кийинки жылдарда биздин өлкөдөгү кооперативдин жарчылары болгондугун эске сала кетейин. 1970-жылы СССР менен ФРГнын ортосунда "кылымдын келишими" түзүлгөн – бул Европага жаратылыш газын узак мөөнөттө берүү болчу. Ал конструктивдүү өз ара байланыштын, дымагы күчтүү, келечектүү көп жылдык долбоорлордун, анын ичинде "Түштүк агымы" газ түтүгүнүн курулушуна себепкер болду.

Биз кансыз согуштун соңу Европанын жеңиши менен аяктайт деп ишенгенбиз. Бир аз убакыттан кийин эле Шарль де Голлдун бирдиктүү континент тууралуу кыялы турмушка ашып, ал тургай "Атлантикадан Уралга" чейин турмак, маданий, цивилизациялуу түрдө Лиссабондон Владивостокко чейин узарчудай сезилген.

Дал ушул логика менен жалпы баалуулуктар, кызыкчылыктар – Чоң Европаны куруу деген ниетке өз ниетин түздөп, Россия европалыктар менен өзүнүн алака-катнашын өнүктүрүүгө баш койгон. Биз жактан да, Европалык биримдик жактан да бул сапарда көп иштер жасалган.

Ростов шаарынын батыш жагын коргоодо жоокер У.Омаров буктурмадан пулемет менен душманды аткылап жаткан учуру. 1941-жыл.
© Фото / Центральный Государственный архив кинофотодокументов КР
Бирок башка ыкма артыкчылык кылып кетти. Анын негизинде кансыз согушка ыктаган Түштүк атлантикалык альянсты кеңейтүү деген нерсе жатты. Ал негизи өткөн доордогу мезгилдердин карама-каршылыктары үчүн түзүлгөн эмеспи.

Советтик жетекчилик бириккен Германияны НАТО мүчөлүгүнө дээрлик макул болгон кезде блоктун чыгышты көздөй бет алышы Европада өз ара ишенимдин кетишине себеп болду. "Сиздерге каршы багытталган эмес", "блоктун чек арасы кыйла алыс болот" деген убаданын баары куру сөз болуп, тез эле унутулуп калды. Бирок прецедент жаралды.

1999-жылдан бери НАТОну кеңейтүүгө беш ирет аракет болду. Уюмга 14 мамлекет, анын ичинде мурунку союздук республикалар, мүчө болуп, бөлүп-жарбай турган сызыгы жок континент боюнча үмүттү жокко чыгарды. Бул тууралуу СДПГ лидерлеринин бири Эгон Бар 80-жылдары айтып-деп, Германиянын бириктирилишинен кийин СССРди да, АКШны да катыштырып, Европанын жалпы коопсуздук системасын кайра түзүүнү сунуштаган. Бирок СССРде да, АКШ да, Европада да аны уккан киши болгон эмес.

Анын үстүнө бир катар мамлекеттер жасалма тандоонун алдында турган же көпчүлүктүн башы бириккен Батышка ыктап, же Россия менен калышы керек эле. Мындай алып караганда бул ультиматум болгон. Агрессивдүү саясаттын кесепетин 2014-жылы Украина башынан кечирген каргашадан көрдүк. Европа аталган өлкөдөгү антиконституциялык куралдуу төңкөрүштү колдоп берди. Баары ушундан башталды. Эмне кереги бар эле? Ошол кездеги президент Янукович оппозициянын бардык талабына макул болуп калган болчу. АКШ эмнеге төңкөрүш уюштуруп, Европа аны ооз ачпай колдоп берди? Мындай кадам Украинанын өзүнө жик салып, Крымдын бөлүнүп кетишин шарттады.

Бүгүнкү күндө Европадагы коопсуздук системасы деградацияга учурады. Чыңалуу күчөп, курал-жарак жарышынын жаңы тобокелчиликтери пайда болуп жатат. Кооперация сунуштап жаткан ири мүмкүнчүлүктөн кол жууп кала турган болдук. Ушу тапта, баарыбыз пандемия жана анын кесепети сыяктуу оор күндөрдү башыбыздан кечирип турган маалда, кооперациянын мааниси олуттуу эле.

Эмне үчүн мындай болуп жатат? Анан да кандай жыйынтык чыгарышыбыз керек? Тарыхтын кайсы сабактарын эске алуу зарыл? Менимче, континенттин коопсуздугун камсыздоо жана аны өстүрүп-өнүктүрүү бардык мамлекеттин, Россиянын да, биргелешип жасаган аракетинен көз каранды. Анткени Россия — Европадагы ири өлкөлөрдүн бири. Мындан улам Европа менен ажырагыс маданий жана тарыхый байланышты сезип-туюп турабыз.

Биз адилеттүү жаратмандыкка ачыкпыз. Муну Атлантикадан Тынч океанына чейин кызматташуу жана коопсуздук боюнча бирдиктүү мейкиндик түзүү идеябыз тастыктап турат. Ага ар кыл интеграциялык форматтарды, Европа бирикмесин да, Евразиялык экономикалык бирикмени да кошууга кызыкдарбыз.

Кайталап өтөйүн, Россия Европа менен толук кандуу өнөктөштүккө даяр. Кызматташуу үчүн сунуштай турган идеяларыбыз да арбын. Бул — коопсуздук, стратегиялык туруктуулук, саламаттык сактоо жана билим берүү, санариптештирүү, энергетика, маданият, илим жана технологиялар, климат жана экология маселелерин чечүү.

Аалам өзгөрүп, улам жаңы кооптуулуктарга туш болууда. Мындан улам өткөнгө улам кылчайып, эски таарынычтарды, катачылыктарды бетке кармап отура бере албайбыз. Бул актуалдуу көйгөйлөрдү чечүүгө тоскоол боло турган жүк. Кетирген кемчиликтерибизди мойнубузга алып, аларды оңдоого аракет кылышыбыз керек. Баарыбыздын башыбызды бириктире турган максат — Европа жана жалпы дүйнөнүн өсүп-өнүгүшү үчүн бөлүнүп-жарылбай жалпы континенталдык коопсуздукту камсыздап, тең укуктуу кызматташуу үчүн бирдиктүү мейкиндик түзүү.

190
Белгилер:
пандемия, макала, экономика, саясат, кемчилик, кызматташуу, Улуу Ата Мекендик согуш, Украина, Европа, Россия, Владимир Путин
Тема боюнча
Путин Жапаровду жана кыргызстандыктарды Жеңиш майрамы менен куттуктады
Германиядагы Түндүк Агым-2 газ түтүгүнүн кургактыктагы объектилери. Архив

"Созулган оюн". Сенаторлор "Түндүк агым-2" долбоорунун айынан соодалашканда

31
Республикачыл сенаторлордун тобу "Түндүк агым-2" долбоорунан улам АКШнын Финансы министрлигинин ишин чектеп коюшарын айтып, сөөмөй кезешти.

Sputnik радиосунун обосунда аталган жагдай боюнча саясат таануучу, Заманбап мамлекеттик өнүгүү институтунун директору Дмитрий Солонников оюн бөлүштү.

Америкалык 12 сенатордон турган депутаттык топ АКШнын Финансы министрлиги менен Ак үйгө "Түндүк агым-2" долбооруна каршы жаңы санкция салуу боюнча шарт койгон.

Жарыяланган каттан Bloomberg агенттиги үзүндү жарыялады.

"Түндүк агым-2" газ түтүгү кошмо штаттардын улуттук кооптуулугуна, биздин өнөктөштөр менен союздаштарга зыян келтирет. Бул долбоордун аякташы Владимир Путиндин Европага жаман таасирин арттырып, Украинанын морт болуп турган коопсуздугун чайпалтат жана Россиянын мындан аркы агрессиясына көмөктөшөт", – деп айтылган маалыматта.

Республикачыл сенаторлор Ак үйдүн администрациясы "газ түтүгү боюнча позициясын өзгөртүп, долбоорго жаңы санкция салбаса" Финансы министрлигинин эки талапкерин дайындабай коёрун айтып коркутууда.

Мурдагы күнү Nord Stream2 AG түтүгүнүн оператору ал 99 пайыз даяр экендигин билдирди.

Sputnik радиосунун обосунда Заманбап мамлекеттик өнүгүү институтунун директору Дмитрий Солонников россиялык долбоорго каршы туруу ички саясий күрөштө курал болуп жаткандыгын айтты.

"Бул созулуп кеткен оюн болду. Азыр демократтар менен республикачылар кантип алмашып калганын көрүп жатабыз. Эми демократтар өзүнүн позициясын коргоп, "Кремлдин тыңчысы" эмес экендигин далилдеши керек. Буга чейин республикачылар беркилерди күнөөлөп, доомат артып жүрүшкөн. Эми өздөрү "тыңчы" болуп калды. Ал эми АКШнын ичиндеги позициялар да ар кыл, өлкөнүн келечегин бир гана президент аныктай албастыгы да анык. Бул позициянын авторлору "Түндүк агым-2" курулуп бүтүп, пайдаланууга берилмейин басым жасаш үчүн ар кыл аракеттерди кылышат. Бирок ал тез арада башталат, оюндун өзү да ушунда турат. Андыктан Финансы министрлигиндеги талапкерлерди дайындоону создуктура беришет. Бул кошмо штаттарынын таасири үчүн болгон күрөш", – деп эсептейт Дмитрий Солонников.

Америкалыктар эбактан бери эле "Түндүк агым-2" долбоорун үзгүлтүккө учуратуу үчүн мүмкүн болгон жолдун баарын издеп келет.

31
Белгилер:
Дмитрий Солонников, долбоор, Түндүк агым - 2, АКШ, Россия
Тема боюнча
Орустардын жашыруун куралы Европанын чок ортосунан АКШга сокку урду
Россиянын Ил-96 учагы. Архив

Россия "Кыямат күндүн" жаңы учактарын куруу камында. Үчүнчү муундун өзгөчөлүктөрү

88
Россиянын Коргоо министрлиги жакында Ил-96-400М базасындагы үчүнчү муундагы абадан башкаруу пунктуна ээ болот. "Кыямат күндүн" эки жаңы учагын куроо иштери "Звено-С" долбоорунун алкагында Воронеж авиазаводунда башталды.

Абадан башкаруу пункту РФ Куралдуу күчтөрүнүн Жогорку башкы командачысы жана Башкы штабынын жетекчилигине күчтөрдүн бардык түрүн, глобалдык куралдуу жаңжалдын (атомдук согуш) жүрүшүндө душман жердеги бардык командалык пункттарды талкалаган күндө да стратегиялык өзөктүк күчтөрдү ынанымдуу башкарууга жол ачат. Мындай технологиялык деңгээлдеги авиациялык комплекске дүйнөдө эки гана мамлекет – Россия жана АКШ ээ боло алат.

Абадан башкаруучу россиялык жаңы пункт америкалык түрүнөн бир нече "Кыямат күнгө" эсептелип, кандай агрессор болбосун мизин кайтара алганы менен айырмаланат.

Абадан башкаруу пунктун атып салышса эмне болот?

Абадан башкаруучу россиялык жаңы пунктуну таап, жок кылуу кыйын. Автономдуулугу жогору, заманбап радиоэлектрондук күрөш каражаттары, душмандын спутник жана радарларына анча байкалбас технологиялары, радиоактивдүү нурлануудан корголушу, ыраактыгы жана болушунча бышыктыгы абадан башкаруу пунктуна жер бетиндеги, жер алдындагы же суу түбүндөгү командалык пунктуларга караганда кыйла артыкчылыктарды берет.

Кошумча май куюу менен учак абада суткалап жүрө алат. Абадан башкаруу пунктун атып түшүрүү кооптуу, ошондой болжолдуу абалда 2-3 мүнөт ичинде Башкы штабдын ыкчам тобу Жер бетинен касташкан он өлкөнү "тазалап" коюуга үлгүрөт.

Заманбап согуш – голливуд тасмасы да, соккуга сокку менен жооп берүү да эмес, жаңжалдашкан тараптар күч колдонуунун бардык чөйрөсүндө сценарийлерди өзгөртүп кое алышат.

РФ Куралдуу күчтөрүнүн жалпы абалы, пландоо жана байланыш тутуму, өзөктүк куралды колдонуунун алгоритмдери, мамлекет башчысы жана Жогорку башкы командачынын саясий эрки эбегейсиз мааниге ээ. Абадан башкаруучу үчүнчү муундагы пунктуну иштеп чыгуу тышкы аскердик коркунучтардын олуттуулугун айгинелейт.

"Кыямат күндүн" россиялык учактарынын чыгарылышы эле Пентагон жана НАТОдогу "каны кайнагандарды" сестентет. Глобалдык куралдуу жаңжалдын мөөнөтүн белгисиз узак мөөнөткө жылдырат.

Россиялык күчтөр улам заманбап автоматташтырылган башкаруу тутумдары, жасалма интеллекттин элементтери орнотулган куралдар менен жабдылып келет. Стратегиялык өзөктүк күчтөр кызуу жаңыланууда. Космостук чалгындоо жана байланыш каражаттары өнүгүүдө. Абадан коргонуу пункту замандын талаптарына шайкеш келүүгө тийиш.

"Кыямат күндүн" учагынын бортундагы радиокомплекс күчтөргө, анын ичинде стратегиялык авиация, стратегиялык өзөктүк куралды ташуучу субмариналардын экипаждарына буйрук жана аскердик токтомдорду, 6000 чакырымдык радиустагы көчмө жана шахталык орнотмолордун эсептерин жеткирет.

Абадан коргонуунун үчүнчү муундагы пункту уникалдуу мүнөздөмөлөрү, жогорулатылган функционалдуулугу, бышыктыгы, кубаттуулукту үнөмдүү пайдалана алышы менен өзгөчөлөнөт.

Бортунда РФ Куралдуу күчтөрүнүн жогору командалык курамынын, Башкы штабдын офицерлер тобунун ыкчам тобунун офицерлери жана техникалык топтун адистеринин узак сааттар бою иштөөсү үчүн ыңгайлуу шарттар түзүлгөн. Глобалдык жаңжал жагдайында Россиянын башкы командалык пункту бир нече сутка аралыгында кошумча май куюу менен учууга туура келет.

Эң оболу – ынанымдуу ташуучу. Ил-96-400 учагы – жогорку күчү жана коопсуздугу менен белгилүү болгон Ил-96-300дүн жүк ташуучу модификациясы. Заманбап материалдар учактын салмагын азайтып, бышыктыгын жана үнөмдүүлүгүн камсыздайт.

Ил-96-300дүн атайын модификациялары Россия Федерациясынын президентинин №1 борту катары пайдаланып, Жогорку башкы командачылыктын функцияларын аткарууга ыңгайлаштырылган.

ПС-90А1 кыймылдаткычы жана көлөмү көбөйтүлгөн жүк ташый алуу мүмкүнчүлүгү менен Ил-96-400 аба кемеси – борттук комплекс үчүн ынанымдуу база. Аскердик башкаруунун азыркы жана келечектеги бардык автоматташтырылган тутумдары менен айкалыша иштей алары талашсыз. Ил-96-400М жарандык версиясы 370 жүргүнчү ташууга ылайыкташкан.

Россиянын автоөндүрүшүндөгү бардык машиналардын ичинен Ил-96 ыраак аралыкка учат. Ошентсе да РФтин алыскы булуң-бурчуна кошумча аэродромдор жана тийиштүү инфраструктура объектилери зарыл.

Азырынча Россиянын Куралдуу күчтөрүнүн Башкы штабынын адистери кеңири масштабдагы аскердик жаңжалдын стратегиялык (компьютердик) сценарийлеринин түзүп чыгып, ал эми "Кыямат күндүн" бир нече учагы базалык аэродромдо өз саатын акырын күтүп жатышат.

Азыркы абадан башкаруу пункту Ил-86 учагынын негизинде түзүлүп, Ил-80 деп аталат. Экинчи муундагы мындай системалардан төртөө чыгарылган. Абадан башкаруучу үчүнчү муундагы пунктуну куроо чечими 2019-жылы экинчи муунду заманбапташтырууга туш келген.

Америкалык аналогдору

АКШнын Аскердик-аба күчтөрү АКШнын жогорку жетекчилиги үчүн төрт заманбап командалык пунктуларга ээлик кылат. Алар Boeing 747-200 ыраак магистралга ылайыкталган кеңири фюзеляждык учактын негизинде түзүлгөн. Эгер жер бетиндеги башкаруу тутумдар өзөктүк согуштун натыйжасында талкаланып калса, бул машиналар максатына ылайык пайдаланылат.

Boeing 747-200 жарандык версиясынын максималдуу учуш салмагы – 374,8 тонна, ылдамдыгы – саатына 895 чакырым, жеткен чеги  13750 м, 10670 чакырымга чейин уча алат. Жүргүнчү орундардын саны – 490. Boeing 747-200Fтин жүк бөлүгүндө 113 тоннага чейин жүк ташууга болот.

Америкалык комплекстердин технологиялык мүмкүнчүлүктөрүн бир нече мисал менен карап чыгууга болот. Boeing C-32 базасындагы АКШ стратегиялык башкаруунун заманбап аба пункту жердеги инфраструктура жокто же душман тарабынан жер бетиндеги башкаруу пунктулары, түйүн жана байланыш линиялары жок кылынган учурларда күчтөрдүн ыкчам аракет этүүсү менен ар түрдүү милдеттерди аткарууга багытталган. Ошондой эле өзгөчө кырдаалдардагы кадамдар боюнча FEMA федералдык агенттиктин мобилдик башкаруу пунктулары катары кызмат кылат.

С-32А аппаратына акыркы үлгүдөгү жабдыктар, навигация системалары жана байланыш каражаттары орнотулган. Жүргүнчүлөр кабинасы бир нече бөлүктөн турат: жогорку аскердик жетекчиликтин иш кабинети, жыйын, ыкчам топтун жана эс алуу бөлмөлөрү, ошондой эле байланыш түйүнү бар.

Мындай учактын алгачкы карлыгачына Сиэттлдеги Boeing заводунда 1998-жылдын 19-июнунда күбө болсок, жалпы төрт учак чыгарылган. Ар бири АКШнын бирдиктүү командачылыгынын жана "Минитмен" континенттер аралык баллистикалык функцияларын аткарууга жөндөмдүү.

E-6B Mercury Boeing 707-320нын базасында General Electric өндүрүшүндөгү F108-CF-100 төрт турбоактивдүү кыймылдаткыч менен жабдылган. Учактын учуш салмагы – 155 тонна. Учуш ылдамдыгы 12000 метр бийиктикте саатына 972 чакырымды түзөт. Эң бийик чеги – 12810 м.

Нөөмөт учурунда кошумча май куюлбастан абада 12 400 чакырым аралыкка жүрө алат. Май куюу менен 72 саат учат. Учактын учкучтар экипажы 14 кишиден турат, борттогу Бирдиктүү командачылыктын ыкчам тобу сегиз адистен турат.

Биринчи аба командалык пунктулары Кошмо Штаттарда 1965-жылы пайда болгон, алар атайын каражаттар менен жабдылган КС-135А май куюучу учактар болгон.

Алар АКШнын Куралдуу күчтөрүнүн башкы командачысына кызмат кылып, Мэриленд штатындагы Эндрюс авиабазасынан аракет этишкен. Кийин алардын ордун бул багытта үч "Боинг" E-4A учагы баскан. Аскердик аракеттердин Европа жана Тынч океандын театрлары үчүн өзүнчө варианттар иштеген.

Кебибизди жыйынтыктасак, Россия менен АКШнын жогорку технологиялар жаатындагы стратегиялык жарышы уланып келет.

88
Белгилер:
согуш, Технологиялар, АКШ, учак, Россия
Тема боюнча
Бешинчи муундагы Су-57 америкалык учактарды рыноктон сүрүп чыгарат
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео