Россиянын президенти Владимир Путин. Архив

Путин: мигранттарды вакцинациялоону 15-июлга чейин баштоо керек

538
(жаңыланган 17:57 27.06.2021)
Вакцина улуу үчүн мигранттын каттоосу жана медициналык камсыздоо полиси болушу шарт. Бул документтери жок мигранттар федералдык мыйзамга ылайык акысыз вакцина ала албайт.

БИШКЕК, 27-июн. — Sputnik. Россиянын президенти Владимир Путин өлкө аймагында иштеп жүргөн мигранттарды коронавируска каршы эмдөө иштерин 15-июлга чейин баштоо жана каржылоо булагын чечүү тапшырмасын берди. Бул тууралуу Кремлдин сайтында жарыяланды.

Мындан тышкары, Путин мигранттарды эмдөө боюнча иш-аракеттер кандай жүрүп жаткандыгы тууралуу 30-июлга чейин доклад берилиши керектигин билдирди.

Буга чейин коронавируска каршы "Спутник Лайт" вакцинасы жакынкы күндөрү толугу менен каттоодон өтүп, ошондон тарта Москва шаарында эмгек мигранттарын эмдөө жайлары ачылары кабарланган. Вакцина алуу үчүн мигранттын каттоосу жана медициналык камсыздоо полиси болушу шарт. Бул документтери жок мигранттар федералдык мыйзамга ылайык акысыз вакцина ала албайт.

538
Белгилер:
Россия, Владимир Путин, мигранттар, вакцина
Тема:
Коронавируска каршы эмдөө (256)
Тема боюнча
Жакынкы күндөрү Москвада мигранттарды эмдөө пунктулары ачылат
Аял китеп окуу учурунда. Иллюстративдик сүрөт

Дарыгер күздөгү уйку басууну кантип жеңсе болорун айтып берди

87
(жаңыланган 11:01 18.10.2021)
Сомнолог беймаал уйкусуроодон кандай учурда өз алдынча кутулса болорун, кайсы мезгилде дарыгерге кайрылуу зарыл экенин түшүндүрдү.

БИШКЕК, 18-окт. — Sputnik. Күз канчалык жаанчыл болуп, күн бүркөлүп турса адамды ошончолук уйку басат. Мындай абалды жеңүүнүн жолдорун сомнолог Михаил Полуэктов Sputnik радиосунун эфиринде айтып берди.

Дарыгердин пикиринде, түнкү уйкудан калып же ооруп жатпаган учурда уйкуңуз келсе, бир чыны кофе эң сонун жардам берет.

"Кофеин уйкуну ачарын баарыбыз жакшы билебиз. Ал адамдардын гана эмес, чычкандардын, курт-кумурскалардын жана балыктардын уйкусун ача алат. Эгер бир нече күн катары менен күндүз уйку басса, демек, уктоо режимин бир аз өзгөртүү керек. Жок дегенде мурдагыдан 1-2 саат көбүрөөк уктаганга аракет кылыңыз", — деди дарыгер.

Ал эми көп уктап, ойдогудай эс алган учурда дагы уйку канбаса, анда дарыгерге кайрылуу зарыл. Анткени бул күздө курчуй турган психологиялык оорулардын белгиси болушу мүмкүн. Мисалы, депрессияга күзүндө жер жүзүндөгү адамдардын 10 пайыздан ашыгы кабылат. Бул илдет көпчүлүк учурда адамдын алын кетирип, уйкусун келтирет.

87
Белгилер:
күз, уйку, ден соолук, дарыгер
Тема боюнча
Күздө иммунитетке кантип кам көрүү керек. Эндокринологдун кеңеши
Дарыгер. Архивдик сүрөт

Кыргызстанда 120дан ашуун медик россиялык адистердин вебинарына катышууда

29
(жаңыланган 10:23 18.10.2021)
Вебинар ноябрдын ортосуна чейин уланат. Анда өзгөчө көңүл алыскы райондордогу медиктердин иш тажрыйбасын жогорулатууга бурулмакчы.

БИШКЕК, 18-окт. — Sputnik. Кыргызстан боюнча 120дан ашуун дарыгер Россиядагы адистердин вирустук гепатитти дарылоо боюнча вебинарына катышууда. Бул тууралуу Саламаттык сактоо жана социалдык өнүктүрүү министрлиги кабарлады. 

12-октябрда башталган вебинар 13-ноябрда аяктайт. Ага өлкөдөгү инфекционист, гепатолог, үй-бүлө дарыгерлери катышат. Өзгөчө көңүл алыскы райондордогу медиктердин иш тажрыйбасын жогорулатууга бурулмакчы.

Лекцияны Москва облусундагы Илим-изилдөө клиникалык институтунун гепатология бөлүмүнүн улук кызматкери, медицина илимдеринин кандидаты Наталья Воронкова менен H-Clinic университеттик клиникасынын дарылоо боюнча консультанты Роман Ледков окумакчы.

Вебинарды "Гепатитке жол жок" коомдук бирикмесинин жетекчиси жана координатору, активист Нургазы Батырбеков демилгелеп, Ден соолук, укук, гендер жана сексуалдык ар түрдүүлүк боюнча Евразия коалициясы техникалык колдоо көрсөткөн.

29
Белгилер:
Кыргызстан, дарыгер, гепатит, вебинар
Тема боюнча
Медик: коронавирустан ооруп айыккандарга шиш така кийүү кооптуу
Эртең менен эмне кылбаш керек? Медик ден соолукка зыян адаттарды атады
Министрлер кабинетинин төрагасы Акылбек Жапаров

Жүк ташуучу автоунаалар көбөйтүлөт. Акылбек Жапаров "Торугартка" барды

0
Жапаров учурда Нарында жумушчу сапары менен жүрөт. "Торугарттан" тышкары, Тайлак баатыр атындагы чек ара аскер бөлүгүнүн заставасынын абалы менен таанышты.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна болгон жумушчу сапарынын алкагында "Торугарт" көзөмөл-өткөрүү жайына  барды. Бул тууралуу өкмөттүн маалымат кызматы кабарлады.

Жапаров "Фантузи" контейнердик кранынын иши менен таанышып чыккан.

"Ал мындан ары жүктөөлөр Арка аймагында  (Арка — Кытай менен Кыргызстандын чек арасынын ортосундагы нейтралдуу аймак) эмес, "Торугарт" көзөмөл-өткөрүү пунктунда ишке ашырыларын жана жүк ташуучу автоунаалардын саны көбөйтүлө турганын белгилеген.  Ошондой эле министрлер кабинетинин башчысы дезинфекциялык барьердин абалы менен таанышып, анын инфраструктурасын жакшыртууну тапшырды", — деп айтылат маалыматта.

Мындан тышкары, Жапаров Тайлак баатыр атындагы чек ара аскер бөлүгүнүн заставасынын абалы менен таанышкан.

0
Белгилер:
Нарын облусу, 'Торугарт' көзөмөл өткөрүү пунку, Акылбек Жапаров, жумушчу, сапар, тапшырма
Тема боюнча
Президенттин администрациясында бөлүмдөрдүн ордуна 4 башкармалык болору айтылды