Россия президенти Владимир Путин

СССР менен Германиянын согуштагы ролу ар башка! Путин өзгөчө мыйзамга кол койду

168
(жаңыланган 16:36 01.07.2021)
Адистердин пикиринде, бул мыйзам СССР элинин эрдигин төмөн түшүрүү аракеттери менен саясий капитал топтоого жол бербейт.

БИШКЕК, 1-июл. — Sputnik. Россия президенти Владимир Путин СССР менен нацисттик Германияны Дүйнөлүк экинчи согушта коомчулукта окшоштуруп кароого тыюу салган мыйзамга кол койду. Бул тууралуу РИА Новости жазды.

Өлкө башчы "1941-1945-жылдары болгон согушта Совет элинин жеңишин түбөлүккө калтыруу жөнүндө" токтомго өзгөртүү боюнча мыйзамга кол койгон.

Документ укуктук маалыматтардын расмий интернет-порталына жайгаштырылды.

Долбоорду Маданият жана искусство боюнча президенттик кеңештин отурумунун жыйынтыгы менен Путиндин тизмесин ишке ашыруу үчүн даярдашкан. Демилгени Мамдуманын маданият боюнча комитетинин башчысы Елена Ямпольская, төмөнкү палатанын биринчи вице-спикери Александр Жуков, сенатор Алексей Пушков депутаттардын кароосуна алып чыккан.

Документтин түшүндүрмөсүндө акыркы учурда ЖМКларда, анын ичинен россиялык басылмаларда советтик жетекчиликтин, командачылыктын чечимдери, максаты, жоокерлердин кадамдары нацизм жана вермахттын аскерлеринин кылмыштары менен тең караштырылып, эфирге кетип же жарыяланып келгени айтылган. СССРдин аракеттери алардыкы менен бирдей коюлуп, далилденбеген басмырлаган жалпы пикир менен коштолуп келе жатат.

"Ата Мекенди коргоп, анын эркиндиги, көз карандысыздыгы үчүн өмүрүн берип боштондук тартуулаган аскерлер менен элди кырып-жоюуга баскынчы аскерлер менен багыт алгандарды бирдей кароо таптакыр мүмкүн эмес деп эсептейбиз. Алардын кылмыш жасаганы сотто, Эл аралык аскердик трибуналдын өкүмү менен далилденген", — деп авторлор мурдараак белгилеген эле.

Демилгечилердин пикиринде, бул мыйзам СССР элинин эрдигин төмөн түшүрүү аракеттери менен саясий капитал топтоого жол бербейт. Муну менен катар эле тема боюнча илимий дискуссиялар жана илимий изилдөөлөр сакталып кала берет.

Мыйзамды бузгандарга эмне санкция каралары азырынча аныктала электигин айтышты.

Германиялык нацисттер 1941-жылы 22-июнда, мындан туптуура 80 жыл илгери Европаны дээрлик каратып алып, андан соң СССРге кол салган. Совет эли үчүн Улуу Ата Мекендик согуш башталган. Кармаш 1418 күнгө созулуп, 26,6 миллион советтик адамдын өмүрүн жалмады. Бул Дүйнөлүк экинчи согушта каза тапкандардын 40 пайызы эле.

168
Белгилер:
Россия, Владимир Путин, Улуу Ата Мекендик согуш, Аскер, мыйзам
Тема боюнча
Путин мураскер тууралуу суроого жооп берди
Австрияда согуш маалында кыргыздар туткундалган жерге эстелик коюлду. Видео
Аял китеп окуу учурунда. Иллюстративдик сүрөт

Дарыгер күздөгү уйку басууну кантип жеңсе болорун айтып берди

66
(жаңыланган 11:01 18.10.2021)
Сомнолог беймаал уйкусуроодон кандай учурда өз алдынча кутулса болорун, кайсы мезгилде дарыгерге кайрылуу зарыл экенин түшүндүрдү.

БИШКЕК, 18-окт. — Sputnik. Күз канчалык жаанчыл болуп, күн бүркөлүп турса адамды ошончолук уйку басат. Мындай абалды жеңүүнүн жолдорун сомнолог Михаил Полуэктов Sputnik радиосунун эфиринде айтып берди.

Дарыгердин пикиринде, түнкү уйкудан калып же ооруп жатпаган учурда уйкуңуз келсе, бир чыны кофе эң сонун жардам берет.

"Кофеин уйкуну ачарын баарыбыз жакшы билебиз. Ал адамдардын гана эмес, чычкандардын, курт-кумурскалардын жана балыктардын уйкусун ача алат. Эгер бир нече күн катары менен күндүз уйку басса, демек, уктоо режимин бир аз өзгөртүү керек. Жок дегенде мурдагыдан 1-2 саат көбүрөөк уктаганга аракет кылыңыз", — деди дарыгер.

Ал эми көп уктап, ойдогудай эс алган учурда дагы уйку канбаса, анда дарыгерге кайрылуу зарыл. Анткени бул күздө курчуй турган психологиялык оорулардын белгиси болушу мүмкүн. Мисалы, депрессияга күзүндө жер жүзүндөгү адамдардын 10 пайыздан ашыгы кабылат. Бул илдет көпчүлүк учурда адамдын алын кетирип, уйкусун келтирет.

66
Белгилер:
күз, уйку, ден соолук, дарыгер
Тема боюнча
Күздө иммунитетке кантип кам көрүү керек. Эндокринологдун кеңеши
Дарыгер. Архивдик сүрөт

Кыргызстанда 120дан ашуун медик россиялык адистердин вебинарына катышууда

28
(жаңыланган 10:23 18.10.2021)
Вебинар ноябрдын ортосуна чейин уланат. Анда өзгөчө көңүл алыскы райондордогу медиктердин иш тажрыйбасын жогорулатууга бурулмакчы.

БИШКЕК, 18-окт. — Sputnik. Кыргызстан боюнча 120дан ашуун дарыгер Россиядагы адистердин вирустук гепатитти дарылоо боюнча вебинарына катышууда. Бул тууралуу Саламаттык сактоо жана социалдык өнүктүрүү министрлиги кабарлады. 

12-октябрда башталган вебинар 13-ноябрда аяктайт. Ага өлкөдөгү инфекционист, гепатолог, үй-бүлө дарыгерлери катышат. Өзгөчө көңүл алыскы райондордогу медиктердин иш тажрыйбасын жогорулатууга бурулмакчы.

Лекцияны Москва облусундагы Илим-изилдөө клиникалык институтунун гепатология бөлүмүнүн улук кызматкери, медицина илимдеринин кандидаты Наталья Воронкова менен H-Clinic университеттик клиникасынын дарылоо боюнча консультанты Роман Ледков окумакчы.

Вебинарды "Гепатитке жол жок" коомдук бирикмесинин жетекчиси жана координатору, активист Нургазы Батырбеков демилгелеп, Ден соолук, укук, гендер жана сексуалдык ар түрдүүлүк боюнча Евразия коалициясы техникалык колдоо көрсөткөн.

28
Белгилер:
Кыргызстан, дарыгер, гепатит, вебинар
Тема боюнча
Медик: коронавирустан ооруп айыккандарга шиш така кийүү кооптуу
Эртең менен эмне кылбаш керек? Медик ден соолукка зыян адаттарды атады
Рубрика радио Sputnik Кыргызстан Көөнө сөз

Талантбеков: "Манаста" фонтанды түшүндүргөн көөнө сөз бар

0
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

"Манас" эпосунда фонтанды түшүндүргөн "оргума" деген көөнө сөз бар. Аны учурда күнүмдүк турмушта колдонууга болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "Манаста" фонтанды түшүндүргөн көөнө сөз бар

Анын айтымында, "Манас" эпосунда көптөгөн көөнө сөз кездешет.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Күндөлүк турмушта колдонулуп келген фонтан деген маанини түшүндүргөн сөз "Манаста" барбы деген суроо жаралат. Адатта фонтан сөзү бизге тыштан кирип, биздин тарыхта кездешпегендей кабылданып калууда. "Манас" эпосунда фонтан "оргума" же "оргу" деп айтылган. Бул сөз атырылып чыгуу, оргуштоо, уюлгуу, уюлгуп көтөрүлүү деген маанини түшүндүрөт. Эпосто "оргумасы оргуштап калаа көркү өсүптүр" деген саптар Сагынбай Орозбаковдун вариантында кездешет. Муну бүгүнкү турмушта да колдонууга мүмкүн. Анткени учурда шаарларда оргумалар, башкача айтканда, фонтандар арбын", — деди Талантбеков.

Ал ошондой эле көөнө сөздөрдү колдонуп тилди байытууга болорун кошумчалады.

0
Белгилер:
Нурбек Талантбеков, Манас эпосу, эне тил, Кыргызстан, көөнө сөз
Тема боюнча
Талантбеков: "мажилис" сөзү кеңеш, жыйын деген маанини билдирет