Афган армиясынын жоокери. Архивдик сүрөт

Кремль афган-тажик чек арасындагы кырдаал боюнча үн катты

284
Маалымат катчы Кремль кырдаалга өзгөчө маани берүү менен байкоо салып жатканын жана, тилекке каршы, туруксуздаштыруу күч алганын белгилеген.

БИШКЕК, 5-июл. — Sputnik. Россия президентинин маалымат катчысы Дмитрий Песков Афганистандагы жана афган-тажик чек арасындагы кырдаал боюнча комментарий берди. Бул тууралуу РИА Новости жазды.

Песковдун айтымында, АКШнын жана алардын союздаштарынын аскерлери чыгып кетип жаткан Афганистандагы кырдаал терс нук алып, абалды туруксуздаштыруу байкалууда.

"Кошумча контингент тууралуу айта албайм. Албетте, кырдаалдын өнүгүшүнө жараша (биз, тилекке каршы, абал жакшы эмес маанайда өрчүп жатканын көрүп турабыз) биздин аскерлер тиешелүү чечимдерди кабыл алат. Негизинен биз америкалык жана алардын союздаштарынын күчтөрү Афганистандан чыгарылгандан кийинки кырдаал катуу тынчсызданууга алып келерин бир нече жолу кайталап айтып келгенбиз", — деди Песков журналисттердин Россия Тажикстанга кошумча контингент жөнөтүүнү пландап жатабы деген суроосуна жооп берип жатып.

Ошондой эле ал Кремль кырдаалга өзгөчө маани берүү менен байкоо салып жатканын, тилекке каршы, туруксуздаштыруу күч алганын белгилеген.

Эске салсак, "Талибандын" согушкерлери АКШ өлкөдөн аскерлерин чыгарып кете баштаганда, тагыраагы, июнь айынын ортосунан тарта күч алган. Өкмөттүн күчтөрү менен талибдердин ортосундагы аёосуз кагылышуу чек арада жайгашкан төрт облуста болуп жатат. Согушкерлердин карамагына Бадахшан провинциясынын 28 районунун 18и өткөн. Май айынан бери талибдер Афганистандын 150дөн ашык районун басып алышкан.

Ал эми бүгүн талибдер менен болгон кагылышуудан кийин Тажикстан Афганистандын дагы 1000ден ашык аскерин чек арадан өткөргөнү белгилүү болду

284
Белгилер:
Тажикстан, кырдаал, Дмитрий Песков, кремль, Афганистан
Тема боюнча
Афганистандын өкмөттүк күчтөрү талибдерге каршы чабуул коюуну пландап жатат
Талибдер Афганистандын түндүгүн "тегиздеп", Борбор Азияга "чок таштаганы" турабы?
Ил-96 учагы. Архив

Россияда өзөктүк куралдардын согушу болуп кетсе колдоно турган учак жасалат

161
Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болот.

БИШКЕК, 26-июл. — Sputnik. Воронеж шаарында Ил-96-400М лайнеринин базасында өзөктүк куралдардын согушу болуп кетсе аларды башкара турган учакты жасоо иши башталды. Бул тууралуу Sputnik радиосу РИА Новостиге таянып жазды.

Аталган агенттик бул кабарды коргонуу-өнөр жай комплексиндеги маалымат булактарынан алган. 

"Кыямат күндүн учагы" деп аталган аба техникалары жүргүнчү ташыган Ил-86нын базасында куралган кадимки Ил-80 учактарын алмаштырарын айткан. Ил-96-400М деп аталган жаңы лайнерлер азыркыларына салыштырмалуу эки эсе алыс аралыкка уча алат. Аскерлер абадан команда берүүчү эки пунктуга ээ болот. Долбоордун "Звено-3С" деп аталары белгилүү болду.

Анын радиокомплекси алты миң чакырым радиуста туруп учактан жердеги жана суу алдында коё берилүүчү түзүлүштөргө буйрук бергенге мүмкүнчүлүк жаратат. 

Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болору айтылды.

161
Белгилер:
учак, согуш, өзөктүк курал, Россия
Тема боюнча
Батышка тынчтык берчүдөй эмес. Россиянын Аскер-деңиз флотундагы жылыштар
Россиянын Checkmate истребителинин презентациясы болду. Видео
Москва районундагы миграция борбору жанында киши. Архив

Россия мигранттарды кабыл алуу жол-жобосун жөнөкөйлөтөт 

242
(жаңыланган 17:11 26.07.2021)
Буга чейин Россияда ири масштабдагы иш-чара өтсө мигранттарды ишке тартуу боюнча  мыйзам кабыл алынган.

БИШКЕК, 26-июл. — Sputnik. Россиянын мыйзам долбоорлору боюнча өкмөттүк комиссия эл аралык иш-чараларды уюштурууга жана өткөрүүгө, анын ичинде стадион курууга келген мигранттардын түйшүгүн жеңилдетүү демилгесин жактырды. Бул туурасында РИА Новости Россиянын юристтер ассоциациясынын жетекчиси Владимир Груздевге таянып жазды. 

Анын айтымында, эми ири спорттук мелдештерди, түрдүү эл аралык фестиваль, көргөзмөлөрдү уюштурган тараптарга чет өлкөнүн жарандарын чакыруу укугу берилет. Мындай учурда мигранттардан иштөөгө уруксат кагазы талап кылынбайт. 

Груздев буга чейин Россияда ири масштабдагы иш-чара өтсө мигранттарды ишке тартуу боюнча мыйзам кабыл алынганын белгиледи. 

Мында бардык эрежелер системалаштырылып, ар бир мелдеш сайын жаңы мыйзам кабыл алуу практикасы токтойт. Жөнөкөйлөтүлгөн тартипте келген чет элдиктердин даярдык учурундагы мезгилин жана курулуш объектилеринин тезмеси Россия өкмөтү тарбынан бекитилет.

242
Белгилер:
кабыл алуу, тартип, Мигрант, Россия
Тема боюнча
Тольятти шаарындагы хостелде жашаган 23 мигрант ууланды
Көйгөй бар экенин билебиз. РФ муфтийи Москвада мушташкандарга кайрылды
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду