Эмдөө.Архивдик сүрөт

Россияда өспүрүмдөрдү COVID-19га каршы эмдөө качан башталары айтылды

48
Өспүрүмдөрдү эмдөө боюнча изилдөө эки балдар ооруканасынын базасында башталган. Ал үчүн 100 бала тандалып, 6-июлда 21 өспүрүм эмделген.

БИШКЕК, 14-июл. — Sputnik. Россияда өспүрүмдөрдү коронавируска каршы эмдөө 20-сентябрга чейин башталышы керек, бардык аракеттер көрүлүүдө. Бул тууралуу Гамалея атындагы Эпидемиология жана микробиология илим-изилдөө институтунун директору Александр Гинцбург билдиргенин РИА Новости жазды.

Москвада "Спутник V" вакцинасын 12-17 жаштагы балдарга карата изилдөө иштери жүрүп жатат. Ал 5-июлда Башляева жана Морозовский балдар ооруканаларынын базасында башталган. Жогоруда айтылган курактагы 100 бала тандалып, 6-июлда 21 өспүрүм эмделген.

"Эки баланын дене табы 37 градуска көтөрүлдү. Бирок бул кадимки реакция, аларга физиологиялык эритинди эмес, вакцина сайылып жатат. Эгерде дене табын өлчөбөгөндө, алар муну сезмек да эмес", — деген Гинцбург.

Адис белгилегендей, Россияда өспүрүмдөрдү коронавируска карата эмдөө 20-сентябрга чейин башталышы керек.

"Биз буга жетишебиз. Ал үчүн бардыгын жасап жатабыз", — деп кошумчалаган Гинцбург.

Окумуштуу акыркы кезде илдетке чалдыккан балдардын саны мурдагыга караганда көбөйгөнүн, аларды коргоого алуу керектигин баса белгиледи.

48
Белгилер:
вакцина, өспүрүм, эмдөө, Россия, Александр Гинцбург
Тема:
Коронавируска каршы эмдөө (213)
Тема боюнча
Эмдөөдөн өткөндөр да маска тагынышы керекпи? Иммунолог эмне дейт

1 500 аскер катышууда. Россия менен Өзбекстандын аскердик машыгуусу видеодо

71
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

71
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

65
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

65
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө (213)
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды