Вакцина алып жаткан Москва шаарынын тургуну. Архив

Россияда эмделбеген кызматкерлер иштен четтетилиши мүмкүн

86
(жаңыланган 10:19 15.07.2021)
Роспотребнадзор мекемеси 15-августка чейин соода, кызмат көрсөтүү, коомдук тамактануу, транспорт, саламаттык сактоо, маданият, билим берүү тармактарынын кызматкерлери 60 пайызга эмделип бүтсүн деген токтом чыгарган.

БИШКЕК, 15-июл. — Sputnik. Россияда айрым тармактардагы жумуш берүүчүлөр COVID-19га каршы эмделүүдөн баш тарткан кызматкерлерди иштен четтетип коё алат. Бул тууралуу Роструд мекемесине шилтеме берип "Известия" басылмасы жазды.

"Медициналык каршы көрсөтмөлөр жок учурда коронавируска каршы эмделүүдөн баш тарткан кызматкер иштен четтетилет жана ошол учурда ага айлык төлөнбөйт. Эмгек кодексинин 76-беренеси менен "Жугуштуу ооруларды алдын алуу тууралуу" мыйзам олуттуу себеби жок туруп эмделгиси келбеген адамдарды иштен четтетүүгө жол берет", — деп айтылат кабарда.

Буга чейин Роспотребнадзор мекемеси 15-августка чейин соода, кызмат көрсөтүү, коомдук тамактануу, транспорт, саламаттык сактоо, маданият, билим берүү тармактарынын кызматкерлери 60 пайызга эмделип бүтсүн деген токтом чыгарган.

Эске салсак, Москвада эмгек мигранттары коронавируска каршы "Спутник Лайт" препараты менен июнь айынын аягынан бери эмдөөдөн өтүп жатат.

86
Белгилер:
Россия, коронавирус, эмдөө, жумуш, вакцина
Тема:
Дүйнөгө жайылган коронавирус (1498)
Тема боюнча
COVID маалында грипп эмнеге жок болуп кетти. Казакстандык адистин түшүндүрмөсү
Эмдөөдөн өткөндөр да маска тагынышы керекпи? Иммунолог эмне дейт
Алтайдагы Катунь дарыясы. Архив

Алтайда 25 жаштагы кыргызстандык жигит дарыяга чөгүп каза болду

13
(жаңыланган 19:49 05.08.2021)
Кыргыз диаспорасы полиция жана куткаруучулар менен биргеликте жаранды издеп таба албай коюшкан. 10 күндөн кийин сөөгүн туристтер көрүп калган.

БИШКЕК, 5-авг. — Sputnik. Алтайда инструктор болуп иштеп жүргөн 25 жаштагы кыргызстандык жигит Катунь дарыясында сүзүп жүрүп чөгүп кетти. Бул туурасында Кыргызстандын Новосибирскидеги башкы консулдугу билдирди.

Окуя 20-июлда Тельдекпень-2 аймагында болгон. Кыргыз диаспорасы полиция жана куткаруучулар менен биргеликте издеп таба албай коюшкан.

"30-июлда туристтердин бири Катунь дарыясынын Еланда аймагынан кыргызстандык М.С. аттуу жарандын сөөгүн көрүп полицияга кабарлаган. Кыргыз диаспорасынын көмөгү менен маркумдун сөөгү Кыргызстанга 4-августта жиберилди. Жол чыгымдары үчүн Башкы консулдук тарабынан 70 миң рубль өлчөмүндө мамлекеттик компенсация төлөндү", — деп жазылат маалыматта.

Башкы консулдук окуянын иликтенишин көзөмөлүнө алганы белгиленди. Аны менен катар Россиянын ТИМинин Барнаулдагы өкүлчүлүгүнө, тергөө жана көзөмөл органдарынын жетекчилигине тергөө ишин көзөмөлгө алууну сурап кайрылуу жиберген.

13
Белгилер:
Алтай крайы, Кыргызстан, өлүм, дарыя, сөөк, жеткирүү
Тема боюнча
Экинчи ирет киргенде тапкан. Караколдо милиционер чөккөн өспүрүмдү куткарып калды
Ысык-Көлдө 15 күн мурда жоголгон турист кыздын сөөгү табылды. Сүрөттөр
Бангладештик Рафид Ясардын Бактылуу фермер сүрөтү. Архив

Стенин атындагы сынакта онлайн добуш берүү боюнча жеңүүчү аныкталды

25
(жаңыланган 18:37 05.08.2021)
Сынактын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу.

БИШКЕК, 5-авг. — Sputnik. Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн.

Сүрөттө түстүү капустанын түшүмүн жыйнап, ага кубанып турган фермер көрсөтүлгөн. Бул кадрга интернет-колдонуучулардын дээрлик 25 пайызы "мыкты" деп добуш берген. Сүрөтчү элдин ишеними ага күч берип, өзү кыялданып жүргөн режиссерлук кесипке жетем деп ишенүүдө.

Фотография Счастливый фермер Рафида Ясара из Бангладеша признана лучшим снимком на международном конкурсе фотожурналистики имени Андрея Стенина
© Фото / Stenincontest / Рафид Ясар
Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн
"Элдик добуш берүү гран-при эмес экенин түшүнөм. Бирок ар бир добуш - мен үчүн сыймык. Бул сынакта менчелик жеңишке жеткиси келген адам барбы, билбейм. Эң күчтүүсү жеңсин", — деди ал. 

Сентябрь айынын аягында Стенин атындагы сынактын жыйынтыгы чыгып, гран-при тапшыруу аземи онлайн-форматта өтөт. Уюштуруучулар жылдын соңуна чейин жеңүүчүлөрдүн эмгектерин дүйнөлүк турнеге алып чыгууну пландоодо.

Сынак тууралуу

"Россия сегодня" эл аралык маалымат агенттиги негиздеп, Россиянын ЮНЕСКО иштери боюнча комиссиясынын колдоосу менен өтүп келген Андрей Стенин атындагы эл аралык фотожурналистика сынагынын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу. Бул таланттуу, сезимтал, алдыга умтулган жаш сүрөтчүлөр үчүн мыкты аянтча.

Быйыл башкы маалыматтык өнөктөш Вести.Ru порталы, "Россия-Культура" жана "Москва 24" телеканалдары болду.

Ошондой эле Sputnik маалымат агенттиги жана радиосу, Askanews маалымат агенттиги, Independent Media медиахолдинги, ANA маалымат агенттиги, RT телеканалы жана порталы, Shanghai United Media Group (SUMG), China Daily гезитинин интернет-порталы, The Paper интернет-порталы, Al Mayadeen медиатүйүнү, Prensa Latina, DBW интернет-порталы жана Telam маалымат агенттиги өнөктөш болду.

25
Белгилер:
Россия, сүрөт, сынак, жыйынтык, жеңүүчү
Тема боюнча
Көргөнгө татыйт! Стенин атындагы сынактагы эң мыкты эмгектер