РФтин ТИМ башчысы Сергей Лавров

Лавров: Россия АКШга Кыргызстандагы базаларды колдонууну сунуштаган эмес

181
(жаңыланган 10:23 22.07.2021)
Буга чейин ЖМКлар Владимир Путин Женевадагы саммитте Жозеф Байденге афган багытындагы кадамдар менен иш-чараларды макулдашып алып барууну сунуштаганын жазган.

БИШКЕК, 22-июл. — Sputnik. Россия Америкага Афганистандагы кырдаалды жөнгө салуу үчүн Кыргызстан менен Тажикстандагы базаларды колдонууну сунуштаган эмес. Бул тууралуу РФтин ТИМ башчысы Сергей Лавров "Интерфакс" агенттигине берген маегинде билдиргенин Россиянын Кыргызстандагы элчилиги кабарлады.

"ЖККУнун жамааттык аракет көрүүчү күчтөрүнүн курамына кирген базага америкалыктарды кантип чакыра алабыз? Союздаштарыбызга маалымат бербей, кеңешпей туруп чечим кабыл ала албайбыз", — деген Лавров.

Ошондой эле министр Москва кеңири үчилтикте, тагыраагы, Пакистан дагы кошула турчу Россия — Кытай — АКШ форматынын алкагында Афганистандагы кырдаалды жөнгө салууга жана маалымат алмашууга көмөктөшүүгө даяр экенин айткан.

Буга чейин ЖМКлар Россиянын президенти Владимир Путин июнь айында өткөн Женевадагы саммитте Американын лидери Жозеф Байденге афган багытындагы кадамдар менен иш-чараларды макулдашып алып барууну сунуштаганын жазган. Андагы маалыматтарга таянсак, РФ лидери Кыргызстандагы жана Тажикстандагы Россиянын аскер базаларын Афганистандагы кырдаалды көзөмөлдөө үчүн пайдалануу демилгесин көтөрүп, сунуш киргизген.

181
Белгилер:
Сергей Лавров, АКШ, Афганистан, Россия, Кыргызстан
Тема:
Афган бийлиги менен талибдердин тиреши (48)
Тема боюнча
Оордугунан жер майышып. Афганистанга чукул машыккан россиялык танкалардын видеосу
Ил-96 учагы. Архив

Россияда өзөктүк куралдардын согушу болуп кетсе колдоно турган учак жасалат

165
Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болот.

БИШКЕК, 26-июл. — Sputnik. Воронеж шаарында Ил-96-400М лайнеринин базасында өзөктүк куралдардын согушу болуп кетсе аларды башкара турган учакты жасоо иши башталды. Бул тууралуу Sputnik радиосу РИА Новостиге таянып жазды.

Аталган агенттик бул кабарды коргонуу-өнөр жай комплексиндеги маалымат булактарынан алган. 

"Кыямат күндүн учагы" деп аталган аба техникалары жүргүнчү ташыган Ил-86нын базасында куралган кадимки Ил-80 учактарын алмаштырарын айткан. Ил-96-400М деп аталган жаңы лайнерлер азыркыларына салыштырмалуу эки эсе алыс аралыкка уча алат. Аскерлер абадан команда берүүчү эки пунктуга ээ болот. Долбоордун "Звено-3С" деп аталары белгилүү болду.

Анын радиокомплекси алты миң чакырым радиуста туруп учактан жердеги жана суу алдында коё берилүүчү түзүлүштөргө буйрук бергенге мүмкүнчүлүк жаратат. 

Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болору айтылды.

165
Белгилер:
учак, согуш, өзөктүк курал, Россия
Тема боюнча
Батышка тынчтык берчүдөй эмес. Россиянын Аскер-деңиз флотундагы жылыштар
Россиянын Checkmate истребителинин презентациясы болду. Видео
Москва районундагы миграция борбору жанында киши. Архив

Россия мигранттарды кабыл алуу жол-жобосун жөнөкөйлөтөт 

242
(жаңыланган 17:11 26.07.2021)
Буга чейин Россияда ири масштабдагы иш-чара өтсө мигранттарды ишке тартуу боюнча  мыйзам кабыл алынган.

БИШКЕК, 26-июл. — Sputnik. Россиянын мыйзам долбоорлору боюнча өкмөттүк комиссия эл аралык иш-чараларды уюштурууга жана өткөрүүгө, анын ичинде стадион курууга келген мигранттардын түйшүгүн жеңилдетүү демилгесин жактырды. Бул туурасында РИА Новости Россиянын юристтер ассоциациясынын жетекчиси Владимир Груздевге таянып жазды. 

Анын айтымында, эми ири спорттук мелдештерди, түрдүү эл аралык фестиваль, көргөзмөлөрдү уюштурган тараптарга чет өлкөнүн жарандарын чакыруу укугу берилет. Мындай учурда мигранттардан иштөөгө уруксат кагазы талап кылынбайт. 

Груздев буга чейин Россияда ири масштабдагы иш-чара өтсө мигранттарды ишке тартуу боюнча мыйзам кабыл алынганын белгиледи. 

Мында бардык эрежелер системалаштырылып, ар бир мелдеш сайын жаңы мыйзам кабыл алуу практикасы токтойт. Жөнөкөйлөтүлгөн тартипте келген чет элдиктердин даярдык учурундагы мезгилин жана курулуш объектилеринин тезмеси Россия өкмөтү тарбынан бекитилет.

242
Белгилер:
кабыл алуу, тартип, Мигрант, Россия
Тема боюнча
Тольятти шаарындагы хостелде жашаган 23 мигрант ууланды
Көйгөй бар экенин билебиз. РФ муфтийи Москвада мушташкандарга кайрылды
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду