Афганистандын Улуттук полиция кызматкерлери Кабулдагы өткөрүү пунктунда

Россия Тажикстанга Афганистан менен чектеш жерине застава курууга жардам берет

116
(жаңыланган 11:10 22.07.2021)
Элчи Игорь Лякин-Фролов Россиянын Тажикстандагы 201-аскер базасы афгандык террорчулардын кандай гана агрессиялык аракеттери болбосун, аны кайтарууга даяр экенин билдирди.

БИШКЕК, 22-июл. — Sputnik. Россия Тажикстандын Афганистан менен чектеш аймагына аскердик бөлүк курууга жардам берет. Бул тууралуу Россиянын тышкы иштер министринин орун басары Андрей Руденко билдиргенин РИА Новости жазды.

Ал Россия көмөктү Жамааттык коопсуздук келишим уюмунун алкагында көрсөтөрүн белгиледи.

"Биз Тажикстандын коргонуу мүмкүнчүлүктөрүн эки тараптуу форматта бекемдөөгө жана ЖККУнун 2013-жылдын 23-сентябрындагы Жамааттык коопсуздук кеңешинин тажик-афган чек арасын бекемдөө жөнүндө чечимин ишке ашыруунун алкагында көмөк көрсөтүүнү улантабыз. Бул ЖККУнун түштүк чек араларынын коопсуздугун камсыз кылууда негизги курал болот", — деген ал.

Руденко белгилегендей, Тажикстанды колдоого даярдыгын РФ президенти Владимир Путин да тастыктады. Учурда Тажикстанга чек ара аскер бөлүгүн курууга кайтарымсыз жардам берүү боюнча өкмөттөр аралык келишимге кол коюу даярдалып жатат.

Буга чейин РФтин Душанбедеги элчиси Игорь Лякин-Фролов Россиянын Тажикстандагы 201-аскер базасы керек болсо афгандык террорчулардын кандай гана агрессиялык аракеттери болбосун аны кайтарууга даяр экенин РИА Новостиге билдирген.

Тажикстандагы Россиянын 201-базасы РФтин өлкө сыртындагы эң ири аскердик объектиси болуп саналат. Ал Душанбеде жана Бохтарда (Хатлон облусунун борбору) жайгашкан. Курамына мотоаткычтар, танк, артиллерия, чалгындоо, абадан коргонуу бөлүктөрү, радиациялык, химиялык, биологиялык коргоо жана байланыш аскер бөлүктөрү кирет.

Афганистанда өкмөттүк күчтөр менен "Талибан"* кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

Афганистандагы саясий туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

Өткөн жылдын сентябрында Катар өлкөсүндө афгандардын сүйлөшүүлөрү башталган. Бирок дээрлик он ай убакыт өтсө да тараптар жолугушуунун күн тартибин аныктай элек. Тараптар өкмөттүк күчтөр менен "Талибан"* кыймылынын ортосундагы согушту токтотуу боюнча орток пикирге келе албай жатышат.

* "Талибан" – Россияда жана башка бир катар мамлекеттерде тыюу салынган уюм.

116
Белгилер:
Афганистан, коопсуздук, Тажикстан, чек ара, Россия, жардам
Тема:
Афган бийлиги менен талибдердин тиреши (56)
Тема боюнча
Лавров: Россия АКШга Кыргызстандагы базаларды колдонууну сунуштаган эмес
Оордугунан жер майышып. Афганистанга чукул машыккан россиялык танкалардын видеосу
Москва метросунда полиция кызматкерлери. Архив

Россияда кыргызстандыктар массалык түрдө текшерилип жатабы? Расмий жооп

152
(жаңыланган 13:53 03.08.2021)
Буга чейин Россиянын Москва шаарында 180дей мигрант мушташкан. Бул боюнча жалпысынан 102 адам кармалса, анын 71и кыргызстандыктар болгон.

БИШКЕК, 3-авг. – Sputnik. Кыргызстандын Россиядагы элчилиги социалдык тармактардагы "кыргызстандыктарды РФте массалык түрдө текшерип жатышат" деген билдирүүлөр боюнча түшүндүрмө берди.

"Учурда Россиянын компетенттүү органдары "Кузьминки" метросунда болгон окуяга катыштыгы болушу мүмкүн делген чет элдиктерди издөөсүн улантууда. Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган", — дешти элчиликтен.

Ошондой эле дипломатиялык өкүлчүлүк 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды текшерүү иштери дагы болуп жатканын кошумчалады. Маалыматка караганда, бул текшерүүлөрдүн жыйынтыгында жаранды өлкөдөн чыгарып салуу жолу каралган эмес.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон.

152
Белгилер:
Кыргызстан, Россия, жаран, текшерүү, элчилик
Тема боюнча
Кыргызстандык абитуриенттер россиялык ЖОЖго түйшүксүз өтө алат
Кыргызстандыктар Москва — Казань жолун салып иштемекчи
Экзамен тапшырып жаткан мигранттар. Архив

Россияда мигранттардын экзамен берүү шарттары өзгөрдү

184
(жаңыланган 12:09 01.08.2021)
Россия мигранттардан экзамен алуу жана документтерин жалпы маалыматтык системага киргизүү боюнча эрежелерге өзгөртүүлөрдү киргизди.

БИШКЕК, 1-авг. — Sputnik. Россияда мигранттардан экзамен алууга байланыштуу бир катар токтомдор күчүнө кирди. РИА Новости агенттигинин жазганына караганда, мындан ары орус тили, тарых жана өлкө мыйзамдары боюнча экзамендин материалдары үч жылга чейин сакталат.

"Орус тили, тарых жана РФтин негизги мыйзамдары боюнча экзамен алуу тартиби жана материалдарды сактоо" токтомуна ылайык, мигрант берген экзамендин жыйынтыгы сертификат алган күндөн тарта үч жыл сакталып, андан кийин жок кылынат.

"Квалификация жана билим алгандыгы тууралуу документтердин федералдык реестри жөнүндө" токтом боюнча, мигранттын документтери жалпы маалыматтык системага киргизилиши зарыл.

Ал эми "Орус тили, тарых жана РФтин негизги мыйзамдары боюнча экзамен алуунун баасы тууралуу" токтомго ылайык, мигранттар убактылуу жашоого уруксат алуу үчүн орус тилинен экзамен тапшырууга эң көп дегенде 5,9 миң рубль төлөшү керек. Ал эми ишке орношуу же патент алуу үчүн орус тилинен экзамен тапшырса баасы 3,8 рубль болот.

184
Белгилер:
Россия, мигранттар, экзамен, мыйзам, токтом
Тема боюнча
25-июлдан тарта Россияга "COVID жок саякаттайм" тиркемеси менен гана кирүүгө болот

Кубанарымды же кайгырарымды билбей турам. Акжол менен Мээримдин видео маеги 

0
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

0
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин