Ил-96 учагы. Архив

Россияда өзөктүк куралдардын согушу болуп кетсе колдоно турган учак жасалат

417
Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болот.

БИШКЕК, 26-июл. — Sputnik. Воронеж шаарында Ил-96-400М лайнеринин базасында өзөктүк куралдардын согушу болуп кетсе аларды башкара турган учакты жасоо иши башталды. Бул тууралуу Sputnik радиосу РИА Новостиге таянып жазды.

Аталган агенттик бул кабарды коргонуу-өнөр жай комплексиндеги маалымат булактарынан алган. 

"Кыямат күндүн учагы" деп аталган аба техникалары жүргүнчү ташыган Ил-86нын базасында куралган кадимки Ил-80 учактарын алмаштырарын айткан. Ил-96-400М деп аталган жаңы лайнерлер азыркыларына салыштырмалуу эки эсе алыс аралыкка уча алат. Аскерлер абадан команда берүүчү эки пунктуга ээ болот. Долбоордун "Звено-3С" деп аталары белгилүү болду.

Анын радиокомплекси алты миң чакырым радиуста туруп учактан жердеги жана суу алдында коё берилүүчү түзүлүштөргө буйрук бергенге мүмкүнчүлүк жаратат. 

Бул аба техникасы мамлекеттин башында тургандарды эвакуация кылганга, жердеги жана спутниктик инфраструктура иштен чыгып калганда аскерлерди башкарууга керек болору айтылды.

417
Белгилер:
Россия, өзөктүк курал, согуш, учак
Тема боюнча
Батышка тынчтык берчүдөй эмес. Россиянын Аскер-деңиз флотундагы жылыштар
Россиянын Checkmate истребителинин презентациясы болду. Видео
Мамлекеттик Думага болгон шайлоонун жыйынтыгын чыгаруу

РФтин Мамлекеттик Думасына канча партия өтөт. БШК жыйынтык чыгарды

126
(жаңыланган 22:30 24.09.2021)
Шайлоо 17-19-сентябрь күндөрү болду. Россиянын парламентине беш саясий партия өттү. БШК бүгүн анын жыйынтыгын расмий жарыялады.

БИШКЕК, 24-сен. — Sputnik. Россиянын Борбордук шайлоо комиссиясынын башчысы Элла Памфилова Мамлекеттик Думага болгон шайлоонун жыйынтыгын чыгарды. Бул тууралуу РИА Новости жазды.

"Единая Россия" партиясы 324 мандатка ээ болду, КПРФ — 57, "Справедливая Россия — за правду" — 27, ЛДПР — 21, ал эми "Новые люди" — 13 мандат алды.

"Родина", "Партия роста" жана "Гражданская платформа" партияларына РФ парламентинен бирден орун тийди.

Ошондой эле бир мандаттуу округдар боюнча өзүн-өзү көрсөткөн беш талапкер төмөнкү палатага өтүштү. Алардын ичинен үчөө Москвадан, ал эми калган экөө Адыгей менен Крымдан экени айтылды.

Боршайком шайлоону өттү деп тааныды. Памфилова БШК бул шайлоонун таза өтүшү үчүн зарыл болгон аракеттердин баарын жасаганын, ал эми иштин жыйынтыгын шайлоочулар баалашы керектигин белгиледи.

Мамлекеттик Думага шайлоо, аны менен кошо аймактык жана муниципалдык шайлоолор 17-18-19-сентябрь күндөрү өттү. Анда Москвада, Курскиде, Нижегород, Ярославль, Мурманск жана Ростов облустарында, ошондой эле Севастополдо аралыктан добуш берүү уюштурулду.

126
Белгилер:
Россия, Мамлекеттик Дума, шайлоо, жыйынтык, саясый партия, саясат
Тема боюнча
Мамлекеттик Думага шайлоонун жыйынтыгы белгилүү болду
АКШнын желеги. Архив

Адис АКШнын Россияга каршы санкциялары өзүнө кандай түйшүк жаратарын айтты

103
Американын конгрессмендери негизинен "Түндүк агым — 2" газ түтүгүнө карата жаңы санкцияларды бекитишти. Ошондой эле 35 россиялыктан (саясатчы, ишкер жана журналисттер) турган топко карата чектөөлөрдү кеңейтүү тууралуу сөз болду.

БИШКЕК, 24-сен. — Sputnik. АКШ Конгрессинин өкүлдөр палатасы Москвага карата санкцияларды күчөтүү боюнча бюджет кабыл алды. Sputnik радиосунун эфиринде Саясий серепчилер жана консультанттар ассоциациясынын мүчөсү Кирилл Коктыш санкциялардын айрымдарынын кесепети АКШнын өзүнө кандай болорун айтып берди.

Конгрессмендер негизинен "Түндүк агым — 2" газ түтүгүнө карата жаңы чектөөлөрдү аныкташты. Ошондой эле 35 россиялыктан (саясатчы, ишкер жана журналисттер) турган топко карата чектөөлөрдү кеңейтүү тууралуу сөз болду.

Эми документ сенаттын кароосунан өтүп, андан соң президент Жо Байден кол коюшу керек. Коктыштын айтымында, жаңы санкциялар Россияга караганда АКШнын өзүнө көбүрөөк залакасын тийгизет.

"Албетте, чектөөлөр ар кандай болушу мүмкүн. Мисалы, бизди эл аралык акча которуу менен алектенген SWIFT системасынан чыгарып коюшу ыктымал. Бул нерсе соода операцияларына абдан олуттуу коркунуч жаратат. SWIFT системасынын негиздөөчүлөрү Россияны эч ким чыгарбасын, бул жөн гана коркутуу экенин айтууда. Чынын айтканда, компанияга деле мунун кереги жок. Кардарын жоготуу анын имиджине доо кетирет. Буга чейин Иранды чыгарып салганда бир топ негатив болгон", — деди Коктыш.

Мындан тышкары, адис санкциялардан улам криптовалютанын кадыры өсүп, рынокто долларга атаандаштык жаратарын айтат. Ошондой эле эл аралык соодада башка валюталардын көбүрөөк колдонула баштаарын кошумчалады.

103
Белгилер:
Россия, АКШ, санкциялар, экономика, доллар
Тема боюнча
"Россия Европага айланат". АКШ менен Польшанын эмне талашы бар?
АКШнын "улуу согушунун" жыйынтыгы: миллион адамдын өлүмү, уурдалган триллиондор
Талибан кыймылынын мүчөлөрү. Архив

Саясат таануучу Өзбекстандын талибдерге көз карашы кандай экенин айтты

0
(жаңыланган 11:43 26.09.2021)
Буга чейин Өзбекстандын президенти Шавкат Мирзиёев ШКУ саммитинде "ШКУ — Афганистан" форматында талкуу өткөрүүнү сунуштаган.

БИШКЕК, 26-сен. — Sputnik. "Валдай" клубунун адиси, саясат таануучу Фархад Ибрагимов афган окуясынан кийин Борбордук Азиядагы абал жана Ташкенттин бул өлкөнүн жаңы бийлигине мамилесин түшүндүрүп берди. Бул тууралуу Sputnik Өзбекстан агенттиги жазды.

Буга чейин Өзбекстандын президенти Шавкат Мирзиёев ШКУ саммитинде "ШКУ — Афганистан" форматында талкуу өткөрүүнү сунуштаган.

Саясат таануучунун айтымында, бул Ташкент менен ШКУ "Талибан"* кыймылы менен диалогго барууга даяр болуп калганын түшүндүрөт.

"Муну талибдер белги катары кабыл алса болот. Демек, башкалар аларды укканга даяр, болгону Афганистандын жаңы бийлиги жооп бериши керек. Алар макулдугун берсе ШКУ тараптан диалог үчүн аянтча түзүлөт. Тараптар ымга келе албаган күндө дагы бири-биринин пикирин билүүгө мүмкүнчүлүк пайда болот", — деди адис.

Ошондой эле ал аймакта ар бир өлкөнүн Афганистанга жана талибдерге карата өз түшүнүгү бар экенин кошумчалады.

"Иран менен Тажикстан Афганистанда инклюзивдик (коомдо ар бир адамга тең укук берген) өкмөттүн түзүлбөй жатканына нааразы болууда. Ал эми Өзбекстан эгер талибдер "кызыл сызыктан" өтпөй турган болсо, жаңы Кабул менен иштешүүгө даяр", — деди ал.

2021-жылдын июнь айынан бери "Талибан"* кыймылы активдешип, августта Афганистанды толук каратып алган. Кийин Афганистанда 20 жылга созулган согуш аяктаганын билдирген. Убактылуу өкмөт куралып, ушу тапта Өзбекстан, Казакстан жана Кытай кызматташууга даяр экенин расмий жар салган.

Ал эми өтүп бара жаткан аптада Кыргызстандын Коопсуздук кеңешинин төрагасынын орун басары Таалатбек Масадыков Кабулга гуманитардык жардам жеткирип барып, талибдер дайындаган тышкы иштер министринин милдетин аткаруучу Амир Хан Муттаки менен протоколдук жолугушуу өткөрүп келген.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Кабул, Өзбекстан, Борбордук Азия, мамиле
Тема:
Афган бийлиги менен талибдердин тиреши
Тема боюнча
Масадыковдун Афганистанга барганы боюнча президенттин аппараты түшүндүрмө берди
Талибдер Тажикстанга чектеш афгандык Тахар аймагына миңдеген согушкер жиберди