Россия аскерлер машыгуу учурунда. Архивдик сүрөт

Россия Өзбекстан менен тажик-афган чек арасына жакын жерде машыгуу өткөрөт

82
(жаңыланган 12:57 30.07.2021)
Окуу-машыгууга Россиянын Кыргызстандагы аскер базасынын Су-25 штурмовиктеринин экипажы жеткирилет.

БИШКЕК, 30-июл. — Sputnik. Россия менен Өзбекстан Тажикстандын Афганистан менен чектешкен аймагына жакын жерде окуу-машыгуу өткөрөт. Бул тууралуу Борбордук аскер округунун маалымат кызматына таянып Sputnik Өзбекстан жазды.

Белгилүү болгондой, окуу-машыгууга Россиянын Кыргызстандагы аскер базасынын Су-25 штурмовиктеринин экипажы барат.

Машыгуу 5-августтан 10-августка чейин Хатлон облусундагы "Харб-Майдон" полигонунда өтүп, ага Россия, Өзбекстан, Тажикстандын аскерлери катыша турганы айтылды. Буга чейин Афганистан менен чектешкен жерден 20 чакырым аралыкта өтчү иш-чарага Россия тараптан жаңы бронетехника менен күчтөнгөн 201-аскер базанын бөлүктөрү катыша турганы да маалым болгон.

Белгилей кетсек, Россиянын коргоо министри Сергей Шойгу тажикстандык кесиптеши Шерали Мирзо менен жолугушууда өтө турчу машыгуу АКШ аскерлерин Афганистандан алып чыккандан кийин жаралган коркунучка жооп катары жасала турганын айткан.

Эскерте кетсек, июнь айынан бери Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

Афганистандагы саясий туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

82
Белгилер:
Россия, Өзбекстан, Тажикстан, чек ара, машыгуу
Тема:
Афган бийлиги менен талибдердин тиреши (229)
Тема боюнча
Тажикстанда афган качкындарына лагерь курула баштады
Тажикстандын ТИМи афганистандыктарды кабыл алуу боюнча үн катты
Афганистандын дээрлик бардык аймагына коменданттык саат киргизилди
Коронавируска каршы Спутник Лайт вакцинасы. Архив

AstraZeneca менен "Спутник Лайтты" кошуп эмдөө майнаптуу экени айтылды. Иликтөө

21
(жаңыланган 16:45 27.09.2021)
Азербайжанда өткөн изилдөө ушул жылдын февралында башталган. Бүгүнкү күндө ыктыярчылардын саны 100гө жетти.

БИШКЕК, 27-сен. — Sputnik. Коронавируска каршы AstraZeneca жана "Спутник Лайт" вакциналарын кошуп эмделүү S-белогуна карата антителолордун кыйла көбөйө турганын көрсөттү. Азербайжандагы биргелешкен изилдөөнүн жыйынтыгы тууралуу Россиянын Түз инвестициялар фондунун (РТИФ) маалыматына таянып РИА Новости жазды.

"Анализдердин алдын ала жыйынтыгы боюнча иликтөөгө катышып, вакцина сайдырган ыктыярчылардын 85 пайызында SARS-CoV-2 вирусунун S-белогуна карата антителолордун деңгээли кеминде эле төрт эсеге көбөйгөнү аныкталган. Мындай натыйжа изилдөөнүн 57-күнүндө байкалды", — деп айтылат билдирүүдө.

Маалыматтар эки компонентти тең алган алгачкы 20 катышуучуга байкоо жүргүзгөндөн кийинки жыйынтыкка негизделди. Биринчи AstraZeneca сайылса, экинчи жолкусунда "Спутник Лайт" алган. Эки вакцинанын аралыгы 29 күндү түздү.

Азербайжанда өткөн изилдөө ушул жылдын февралында башталган. Бүгүнкү күндө ыктыярчылардын саны 100гө жетти.

Вакциналарды айкалыштыруу боюнча клиникалык иликтөөлөр Азербайжандан тышкары Бириккен Араб Эмирлиги менен Россияда жүргүзүлүп жатат. Эми Беларуста да өткөрүүгө жол ачылды.

Гетерогендик бустирлөө ("вакциналык коктейль") ыкмасы биринчи жолу "Спутник V" вакцинасынын негизинде пайдаланылган. РТИФ алгачкылардан болуп "Спутник V" препаратынын биринчи компонентин чет элдик вакциналар менен айкалыштыруу демилгесин көтөрүп чыккан.

2020-жылдын декабрында Россия президенти Владимир Путиндин катышуусунда РТИФ, Н.Ф. Гамалея борбору, "Р-Фарм" компаниялар тобу жана AstraZeneca компаниясы кызматташуу тууралуу макулдашууга кол коюшкан. Анда AstraZeneca менен "Спутник V" препаратынын биринчи компонентин айкалыштырып, комбинациянын коопсуздугун биргелешип изилдөөдөн өткөрүү каралган болчу.

21
Белгилер:
коронавирус, вакцина, эмдөө, Россия, 'Спутник Лайт' вакцинасы, AstraZeneca, Спутник V, препарат
Тема:
Дүйнөгө жайылган коронавирус
Тема боюнча
Вакцина алган энелердин карынында жаткан балдардан антитело табылды
Казакстанда коронавирустун нигериялык Eta штаммы аныкталды. Белгилери
Россия сегодня медиатобунун имараты. Архив

"Россия сегодня": жетекчилер "Россиянын мыкты 1000 менеджери" рейтингине кирди

22
(жаңыланган 15:25 27.09.2021)
Россиянын мыкты 1000 менеджери" рейтинги 22 жылдан бери аныкталып келүүдө. Негизги максаты — Россиянын жогорку эшелонундагы мыкты менеджерлердин эмгегине баа берүү.

БИШКЕК, 27-сен. — Sputnik. "Россия сегодня" медиатобунун жетекчилигинин арасынан сегиз адам "Россиянын мыкты 1000 менеджеринин" катарына кирди. Рейтингди Менеджерлер ассоциациясы менен  "КоммерсантЪ" басылма үйү аныктап, жыйынтыгы kommersant.ru сайтына жарыяланды.

Кесиптештердин арасынан бул тармакта мыктылар деп башкы директордун орун басары Галина Кожина, башкы редактордун орун басары Дмитрий Груздев жана административдик-чарбалык иштер боюнча директор Вадим Яковлев аталды.

"Корпоративдик башкаруу боюнча мыкты директор" номинациясында жеңишке жеткен Галина Кожина бул сыйлыкты алганына абдан кубанганын айтты.

"Россиянын эң мыкты 1000 менеджери" рейтингине кирүүгө кол кабыш кылган бардык кесиптештериме ыраазычылык билдирем. Баарыбызга алдыда кызыктуу долбоорлорду каалайм, ийгиликтерге бирге жетишели!" — деди ал.

Дмитрий Груздев "Мыкты коммерциялык директор" наамына ээ болду. Ал "бул сыйлык анын эмгегине берилген эң жогорку баа" деп эсептей турганын айтты.

Ал эми "Логистика жана жеткирүү боюнча мыкты директор" болгон Вадим Яковлев "бардык аракети кызматкерлердин ыңгайы үчүн экенин" билдирди.

Рейтингге "Россия сегодня" агенттигинин дагы беш менеджери илинди. Алар: башкы редактордун орун басары Андрей Благодыренко, экономика жана финансы боюнча директор Кирилл Киселев, директордун бизнести өнүктүрүү боюнча орун басары Ольга Рябова, персонал боюнча дирекциянын жетекчиси Евгения Солодова жана Эл аралык мультимедиалык маалымат борборунун жетекчиси Ольга Колева.

"Россиянын мыкты 1000 менеджери" рейтинги 22 жылдан бери аныкталып келүүдө. Негизги максаты — Россиянын жогорку эшелонундагы мыкты менеджерлердин эмгегине баа берүү. Анда өз ишинин мыктыларынын бир жыл ичиндеги жетишкендиктери эске салынат. Бул учурда кайсы бир компанияга эмес, адистин жеке өзүнө артыкчылык берилет.

Добуш берүү учурунда топ-менеджерлер кесиптештеринин эмгегин сындан өткөрүшөт. Жыйынтыгы жыл сайын "Коммерсант" гезитине жарыяланат. Эң жогорку упай алган 1000 жетекчи Менеджерлер ассоциациясынын атайын сыйлыктарына көрсөтүлөт. 27-сентябрь күнү ассоциация "Башкаруучулук кесиптердин келечеги: tech-реалдуулук" форумунда жеңүүчүлөрдүн атын атайт.

"ПРАЙМ"  экономикалык маалымат агенттиги менен Менеджерлер ассоциациясы биргеликте "Кайтып келбес чекит" ("Точка невозврата") атайын долбоорун уюштурган. Анын алкагында бизнес-коомчулук коронавирус пандемиясы ишкерликке кандай таасир эткенин талкуулашат. Мында топ-менеджерлер пандемия алардын бизнесине кандай таасир эткенин айтып беришет. Долбоор тууралуу кененирээк билсеңиз болот. https://1prime.ru/point_of_no_return/

Менеджерлер ассоциациясы — Россиянын алдыңкы кесипкөй бирикмелеринин бири. Негизги  максаты — менеджерлердин профессионалдуулугун арттыруу жана дүйнөлүк экономикага интеграциялоо. Ал 20 жылдан бери өзүн бийликтин, коомдук жана ири ишканалардын ортосунда орчундуу маселелер боюнча бизнестин туруктуу позициясын иштеп чыгуучу эксперттик аянтча катары көрсөтө алды.

"Россия сегодня" — дүйнөдө болуп жаткан өзөктүү окуяларды өз учурунда жана ар тараптуу жеткирүү менен алектенген эл аралык медиатоп. Ага чет өлкөлөрдө иштеген Sputnik маалымат агенттиги жана радиосу, Россиянын ичинде РИА Новости, Прайм, ИноСМИ, Украина.ру, Baltnews жана ТОК агенттиктери кирет.

22
Белгилер:
Россия, 'Россия Сегодня' ЭМА, жетекчи, рейтинг, мыкты
Тема боюнча
Стенин атындагы сынакта онлайн добуш берүү боюнча жеңүүчү аныкталды
Инвестициялар министри Алмамбет Шыкмаматов

Инвестициялар министри Шыкмаматов иштен кетүү ниетин билдирди. Себеби

8
(жаңыланган 18:33 27.09.2021)
Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

БИШКЕК, 27-сен. — Sputnik. Инвестициялар министри Алмамбет Шыкмаматов отставкага кетүү үчүн арыз жазуу ниетин билдирди. Бул тууралуу президенттин маалымат кызматы кабарлады.

Президент Садыр Жапаров принял министра инвестиций страны Алмамбета Шыкмаматова. 27 сентября 2021 года
© Пресс-служба президента КР / Султан Досалиев
Бүгүн, 27-сентябрда, мамлекет башчы Садыр Жапаров министрди кабыл алган

Бүгүн, 27-сентябрда, мамлекет башчы Садыр Жапаров министрди кабыл алган.

"Алмамбет Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирди. Мамлекет башчысы анын отставкасын кабыл алууга даяр экенин айтып, аткарган иши үчүн ыраазычылык билдирди", — деп айтылат маалыматта.

Ошондой эле өлкө башчынын жарлыгына ылайык, инвестициялар министри Алмамбет Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

8
Белгилер:
Алмамбет Шыкмаматов, отставка, Жогорку Кеңеш, шайлоо
Тема боюнча
Арипов: жарым жылда инвестициянын көлөмү 95,4%га өстү