Лавров: Россия Борбор Азияда АКШ аскерлеринин болушун каалабайт

© Фото / пресс-служба МИД РФ / Медиабанкка өтүүВстреча глав МИД РФ и Иордании С. Лаврова и А. Сафади
Встреча глав МИД РФ и Иордании С. Лаврова и А. Сафади - Sputnik Кыргызстан, 1920, 25.08.2021
Жазылуу
Лавровдун пикиринде, АКШ өз аскерлерин Афганистандан чыгарып, коңшу өлкөлөргө жайгаштырууну максат кылган. Тагыраагы, Афганистан "кыр көрсөтө турган болсо", ага сырттан туруп сокку урган ыңгайлуу болмок.

БИШКЕК, 25-авг. — Sputnik. РФ тышкы иштер министри Сергей Лавров Россия Борбор Азияда америкалык аскерлердин болушун каалабасын айтты. Бул тууралуу РИА Новости жазды. 

"Менден Wall Street Journal басылмасынын кабарчылары "Россия Борбор Азияда АКШлык аскерлердин болушун каалайбы?" деп сурашты. Жок, биз муну каалабайбыз. Биринчиден, бул өлкөлөр менен биздин коопсуздук боюнча жалпы аймагыбыз бар. Ал жерде так милдеттер каралган. Мисалы, Жаматтык коопсуздук жөнүндө келишим уюмунун шарттары боюнча, бул аймакка башка өлкөлөрдүн куралдуу күчтөрү жайгашуусу үчүн баарыбыздын макулдугубуз керек", — деди Лавров.

Министрдин пикиринде, АКШ өз аскерлерин Афганистандан чыгарып, коңшу өлкөлөргө жайгаштырууну максат кылган. Тагыраагы, Афганистан "кыр көрсөтө турган болсо", ага сырттан туруп сокку урган ыңгайлуу болмок.

Американская авиабаза в Киркуке (Ирак) - Sputnik Кыргызстан, 1920, 23.08.2021
Казакбаев: АКШ Афганистандагы аскерин Кыргызстанга жайгаштыруу боюнча кайрылган
АКШнын Өкүлдөр палатасынын чалгын иштери боюнча комитетинин төрагасы Адам Шифф Америка аскерлерин Афганистандан эвакуациялоо иштерин 31-августка чейин аяктай турганынан күмөн санап, алардын миссиясы узартылары боюнча пикирин айтты.

АКШлык ЖМКлар дагы президент Жо Байден өз аскерлеринин Афганистандагы мөөнөтүн жакынкы күндөрү узартарын божомолдоп жатышат. Эске салсак, Байден АКШлык аскерлер Американын акыркы жаранын алып чыкмайынча Афганистанда кала турганын убадалаган.

Лавров мындай окуялардан кийин Борбор Азия мамлекеттери АКШнын Афганистандан чыккан аскерлерин өз аймагына жайгаштырууга макул болорунан күмөн санаарын кошумчалады

"Борбор Азияда болобу же дүйнөнүн башка өлкөлөрүбү, Афганистандагы окуядан кийин өз аймагына АКШнын куралдуу күчтөрүн киргизгиси келеринен күмөнүм бар. Ким эле Американын максаты ишке ашуусу үчүн бута болгусу келсин?" — деди ал.

Афганистандагы кырдаал

Эвакуация в международном аэропорту Хамида Карзаяв Кабуле - Sputnik Кыргызстан, 1920, 25.08.2021
"Талибан"* 31-августтан соң Афганистандан чет элдиктерди эвакуациялоого тыюу салат
Бир нече апта мурда Америка өз аскерлерин чыгарып кете баштаган соң Афганистанда абал кескин курчуган. Талибдер бир катар ири шаарларга кол салып, басып алышкан. Өткөн жекшембиде согушкерлер өлкөнүн бардык чек ара өткөрүү жайларын көзөмөлгө алып, президенттик сарайга киргенин жар салган.

16-августка караган түнү "Талибандын"* өкүлү Мухаммед Наим 20 жылга созулган согуш аяктаганын, жакында мамлекетте жаңы башкаруу формасы киргизилерин билдирди.

Ал арада Панжшер аймагы талибдерге каршылык көрсөткөнү айтылып, вице-президент Амрулла Салех өлкөнүн убактылуу президенти экенин билдиргени айтылды.

"Талибан"* — Кыргызстанда жана башка мамлекеттерде диний-экстремисттик уюм катары тыюу салынган кыймыл болуп саналат.

Жаңылыктар түрмөгү
0