Россия полиция кызматкерлери коомдук тартипти бузган кишини кармоодо. Архивдик сүрөт

Элчилик: Россияда кыргызстандыктар тарабынан жасалган кылмыштардын саны өсүүдө

180
(жаңыланган 14:51 26.08.2021)
Половинко 2021-жылдын 7 айында эле Россиянын борборунда Кыргызстандын жарандарынын катышуусу менен 916 кылмыш (негизинен адамга каршы) катталганын билдирген.

БИШКЕК, 26-авг. — Sputnik. Москва полициясынын жетекчилиги 2019-жылдан бери Кыргызстандын жарандары тарабынан жасалган кылмыштардын жана укук бузуулардын саны кыйла көбөйгөндүгүн билдирди. Бул тууралуу КРдин Тышкы иштер министрлиги кабарлады.

Маалыматка караганда, 24-август күнү Кыргызстандын Россиядагы элчиси Гүлнара-Клара Самат Россия ИИМинин Москва шаары боюнча Башкы башкармалыгынын ыкчам иштери боюнча жетекчисинин орун басары Александр Половинка менен жолуккан.

Половинко 2021-жылдын 7 айында эле Россиянын борборунда Кыргызстандын жарандарынын катышуусу менен 916 кылмыш (негизинен адамга каршы) катталганын билдирген.

"Кыргызстандын жарандары мыйзамсыз аракеттерди көбүнчө өз мекендештерине карата жасашат", - деген ал.

Россиянын Ички иштер министрлигинин Москвадагы Башкы башкармалыгы Кыргызстандын жарандарынын укуктары полиция тарабынан бузулушуна жол бербөөгө даяр экени белгиленген.

Жолугушуунун жыйынтыгында Кыргызстандын Россиядагы элчилиги менен Россиянын Ички иштер министрлигинин Москвадагы Башкы башкармалыгынын ортосундагы өз ара кызматташуу тартиби макулдашылган.

180
Белгилер:
Россия, элчилик, Кыргызстан, жаран, кылмыш
Тема боюнча
Россия улутчулдарды киргизбейт. Мыйзам долбоорунун чоо-жайы
Кыргыз балдар Питерде улгайган аялга болушуп мушташа кетишти. Видео
Ок атуу болгон Россиянын Пермь мамлекеттик изилдөө университетинин жанына коюлган гүлдөр

18 жашта эле... Пермь университетинде студенттин огунан көз жумгандардын тизмеси

104
(жаңыланган 09:58 21.09.2021)
Студенттин огунан көз жумгандардын бирөө эркек бала, калганы аялдар экени айтылды. Алардын улуусу 66, кичүүсү 18 жашта эле.

БИШКЕК, 21-сен. —Sputnik. Пермдин аймактык коопсуздук боюнча министрлиги ЖОЖдо атылган октон курман болгондордун тизмесин жарыялады. Бул тууралуу РИА Новости жазды.

Каза тапкандардын улуусу 66, кичүүсү 18 жашта экени маалым болду.

"Алар Маргарита Энгауз (66 жаш), Ярослав Арамелев (19 жаш), Ксения Самченко (18 жаш), Екатерина Шакирова (19 жаш), Анна Айгельдина (26 жаш), Александра Мохова (20 жаш) болуп чыкты", — деп айтылган маалыматта.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Эске салсак, 20-сентябрда эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 24ү жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

Кыргызстандын ТИМи түндө Пермь мамлекеттик изилдөө университетинде болгон окуяда жабыркагандардын жана каза болгондордун арасында кыргызстандыктар жок экендигин билдирди.

 

104
Белгилер:
Россия, Пермь, студент, ок атуу, өлүм
Тема боюнча
Пермдеги элди аткан студент полиция кызматкерине да ок чыгарган. Чоо-жайы
ТИМ: Пермдеги ЖОЖдо ок жегендердин арасында кыргызстандыктар жок
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

93
(жаңыланган 09:41 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, 20-сентябрда, эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

93
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

0
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

0
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды