Полиции кызматкери. Архив

Москвада массалык мушташ болуп, 50дөй киши кармалды. Видео

429
(жаңыланган 20:40 28.08.2021)
Буга чейин Москва жана Санкт-Петербург шаарында Борбор Азиядан келген мигранттар ортосунда мушташ чыккан.

БИШКЕК, 28-авг. — Sputnik. Москва шаарынын борборунда массалык мушташ уюштургандыгы үчүн дээрлик 50 киши кармалды. Бул тууралуу ИИМдин шаардык бөлүмүнүн маалымат кызматына шилтеме берип РИА Новости жазды.

Полициядан кабарлагандай, окуя өткөн кечте Бауман көчөсүндө болгон. Күбө болгондордун биринин айтымында, урушту бир нече киши баштаган. Бирок полиция келгенге чейин эле бардыгы качып кеткен.

Мушташка тиешеси бар же жок экенин аныктап, окуянын чоо-жайын билүү үчүн полиция участогуна 49 шектүү жеткирилди. Алардын ичинен 15ине каршы “Ээнбаштык” беренеси менен протокол түзүлдү. Калгандарына түшүндүрүү иштери жүргүзүлдү. Жаракат алгандар боюнча маалымат жок.

Буга чейин Москва жана Санкт-Петербург шаарында Борбор Азиядан келген мигранттар ортосунда мушташ чыккан.

429
Белгилер:
Москва, полиция, массалык мушташ
Тема боюнча
ЖМК: Россияда мушташка катышкан 26 кыргызстандык депортацияланды
Мушташка катышкан мигранттар Россияга кирүү укугунан таптакыр ажырашы мүмкүн
Россиядагы мигранттар манжа издерин милдеттүү түрдө тапшыра баштайт
Ооруканадагы бейтап. Архив

Москвада кара-суулук 26 жаштагы жигит ок жеп, ооруканада оор абалда жатат

169
(жаңыланган 18:14 28.09.2021)
Факты боюнча кылмыш иши козголду. Учурда жаран өтө оор абалда ооруканада жатат. Ага баш сөөк жаракаты жана мээнин шишиги деген диагноз коюлган.

БИШКЕК, 28-сен. — Sputnik. Москвада Кара-Суу районунда туулган 26 жаштагы А.З. октон жаракат алды. Бул тууралуу Кыргызстандын Тышкы иштер министрлиги кабарлады.

Маалыматка караганда, 27-сентябрь күнү Москванын "02" кызматына чакыруу түшкөн. Анда ок жеген киши Тез жардам кызматы менен реанимация бөлүмүнө жеткирилгени кабарланган. Жабырлануучуга баш сөөк жаракаты жана мээнин шишиги деген диагноз коюлган.

"Факты боюнча Москва шаарынын Красносельск району боюнча тергөө бөлүмү "Ден соолукка атайылап оор залака келтирүү" беренеси боюнча кылмыш ишин козгоду. Элчилик Кыргызстан ИИМинин Россиядагы өкүлчүлүгү менен иштешип жатат", — деп айтылат маалыматта.

Учурда жабырлануучу өтө оор абалда жаткандыктан элчиликтин кызматкерлери аны менен сүйлөшө электиги айтылды.

169
Белгилер:
Россия, Кыргызстан, жаран, ок атуу, кылмыш
Тема боюнча
Жакында эле үйлөнгөн. Бишкекте атып өлтүрүлгөн айдоочу тууралуу маалымат
Полиция кызматкерлери метродо. Архив

Россия ИИМи: мигранттар арасында кылмыштар өсүп жатат

59
(жаңыланган 10:18 28.09.2021)
Россиядагы мигранттар арасындагы кылмыштардын басымдуу бөлүгү КМШдан келген жарандарга туура келери айтылат.

БИШКЕК, 28-сен. — Sputnik. Быйылкы жылдын сегиз ай ичинде Россияда мигранттар арасындагы кылмыштын саны алты пайызга өстү. Бул тууралуу ведомствонун расмий сайтында жарыяланды. https://xn--b1aew.xn--p1ai/reports/item/26023627/

Мигранттар арасындагы кылмыштардын басымдуу бөлүгү КМШдан келген жарандарга туура келери айтылды.

"Быйыл чет элдик жана жарандыгы жок адамдар тарабынан 24,7 миң кылмыш жасалган. Бул былтыркы жылдын январь-август айларына салыштырмалуу 5,9 пайызга көп. КМШдан келген жарандар 19,2 миң мыйзам бузууга барган", — деп айтылат билдирүүдө.

Ошондой эле Россияда маалыматтык-телекоммуникациялык технологиялар колдонулган кылмыштар өсүп жатканы айтылды.

Буга чейин Россия ИИМи мыйзам бузган мигранттар менен иштөө керектигин билдирген.

59
Белгилер:
Россия, мигранттар, кылмыш, ИИМ
Тема боюнча
30-сентябрга чейин жетишип калгыла. Россиядагы элчилик эмгек мигранттарга кайрылды
Москвада балалуу болгон мигранттарга 20 миң рублден төлөнөт. Түшүндүрмө
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

625
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

625
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти