Госдумага шайлоо тууралуу баннер

Лавров: АКШ Россиядагы шайлоолорго кийлигишип жатканын тастыктап бердик

60
(жаңыланган 12:57 16.09.2021)
Россияда 17-19-сентябрь күндөрү парламенттик жана башка шайлоолор болот. Өлкө бийлиги добуш берүүгө АКШ кийлигишип жатат деп эсептейт.

БИШКЕК, 16-сен. — Sputnik. Москва расмий Вашингтонго АКШнын Россиядагы шайлоолорго кийлигишкенин тастыктаган маалыматтарды берип, эми жооп күтүп жатат. Бул тууралуу тышкы иштер министри Сергей Лавровго шилтеме берип РИА Новости жазды.

Жума күнү АКШнын Россиядагы элчиси Жон Салливан бул көйгөйдү талкуулоо үчүн Смоленская-Сенная аянтына чакыртылды.

"Маалыматтарды ага бердик. Ал жерде өтө олуттуу көйгөй турат. Эми АКШлык кесиптештерден жооп күтүп жатабыз", — деди Лавров.

Министр кеп айрым чет элдик интернет-платформалардын тыюу салынган контенттерди алып салуудан баш тартканы тууралуу болуп жатканын айтты.

"Майда-чүйдөсүнө чейин айта албайм. Негизгиси чет элдик платформалардын тыюу салынган контенттерди алып салуудан баш тартканы тууралуу сөз болду. Биз фактыларды берип, АКШ элчиси аны маалымат катары кабыл алып, текшерип чыгабыз деп убадалады. Ошол эле учурда ал кимдир бирөө Россиянын мыйзамдарын бузуп жаткандыгы боюнча маалыматы жок экенин кошумчалады", — деди министр.

Ал эми Кошмо Штаттардан Салливан россиялык кесиптеши менен орус-америка мамилелерин турукташтыруу боюнча сүйлөшкөнүн кабарлады.

Эске салсак, Россияда 17-19-сентябрь күндөрү парламенттик жана башка шайлоолор болот. Мамлекеттик думанын депутаттары аралаш система менен шайланат. 225и партиялык тизме аркылуу келсе, дагы ошончо адам бир мандаттуу округдардан шайланып келет.

60
Белгилер:
Россия, АКШ, шайлоо, Сергей Лавров, мамиле
Тема боюнча
Өчүргөнгө шашты. Меркель Путин менен отурганда телефону шыңгырап кетти. Видео
Баягы эле ката. Украинада бийлик эмне үчүн туруктуулукту камсыз кыла алган жок?
Медициналык кызматкерлер бейтап менен ооруканада. Архив

Инфекционист: COVID-19дун жаңы штаммдары мурункудан жеңил болбойт

16
(жаңыланган 11:06 28.10.2021)
Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

БИШКЕК, 28-окт. — Sputnik. Коронавирустун "дельта" штаммынын AY.4.2 деп аталган жаңы варианты өтө жугуштуу жана оор формада өтүшү мүмкүн. Бул тууралуу РИА Новости агенттигине инфекционист Андрей Поздняков билдирди.

"Бул "дельта" штаммынын бир түрү болуп жаткандан кийин аны жеңил өтөт жана көп жукпайт деп ойлобошубуз керек. Байкоолорубузга караганда, бул вариантка кабылган бир киши 9 адамга вирус жугузушу мүмкүн. Ал эми "дельта" штаммы өзү бир оорулуудан сегиз адамга жугат. Эң алгачкы Ухань штаммы орто эсеп менен үч кишиге жукчу", — деди Поздняков.

Дарыгердин айтымында, мутациядан кийин пайда болгон штаммдарды мурдагыларга салыштырмалуу коопсуз деп айтууга болбойт. Анткени вирустун жаңы түрлөрү өз жашоосун болушунча узартуу үчүн күчтүү, жугуштуу болууга аракет кылышат.

Эске салсак, Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан. Россияда вирустун бул варианты азырынча үч кишиден табылды. Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирүүдө.

Буга чейин Роспотребнадзор мекемесинин адистери изилдөө иштери аягына чыга электигине байланыштуу "дельта" штаммынын жаңы варианты өтө кооптуу деп айтууга эрте экенин билдиришкен.

16
Тема:
Дүйнөгө жайылган коронавирус
Тема боюнча
Коронавирус дагы үч адамдын өмүрүн алды, 124ү жаңы жуктурду
Медициналык кызматкер бейтаптын мээсинин активдүүлүгүн көрсөтүп жатат. Архив

Эксперт COVID-19 менен Альцгеймер илдетинин байланышын атап берди

30
Альцгеймер илдетинин белгилери адатта 45 жаштан тарта байкала баштары, адам турмушта өтө унутчаак болуп, маалыматтарды кабыл алышы кыйындары айтылып келет.

БИШКЕК, 28-окт. – Sputnik. Коронавирус инфекциясы Альцгеймер оорусунун башталып кетишине себепкер болушу мүмкүн экендигин Пирогов атындагы Россиялык медициналык илим изилдөө боюнча университеттин Нейрогериатрия жана когнитивдик залалдар боюнча лабораториянын жетекчиси Элен Мхитаряндын айтканына таянып РИА Новости жазды.

"Эгерде бейтапта буга чейин азганактай гана өзгөрүүлөр байкалса, оорунун өрчүп кетишине түрткү болгон фактор жетиштүү. Мындай учурда коронавирус ошол фактордун кызматын аткарып калат... Америкада изилдөө жасалып, 2020-жылы 42 миң адам Альцгеймер илдетинен көз жумганы белгилүү болду. Бул жыл сайын кездешкен көрүнүштөн алда канча көп катталган. Аталган оору табылган бейтаптардын саны коронавирус доорунан кийин кескин түрдө, тагыраагы, эки эсеге өсүп кеткен", – деген Мхитарян "COVID-19дан соң адамдын кайрадан калыбына келиши. Оорудан кийинки реабилитацияны кантип туура жүргүзүү керек?" деп аталган жыйында.

Ал коронавирус Альцгеймер оорусун пайда кылбай тургандыгын, бирок аны ойгото турган факторлордон болуп калышы мүмкүндүгүн айткан. Мхитарян COVID-19дан кийин кишиде кандайдыр бир белгилер байкалса, токтоосуз дарыгерге кайрылуу зарылдыгын эскерткен.

Альцгеймер оорусу — эс тутумдун бузулушу, жүрүм-турумдун өзгөрүшү жана интеллектинин прогрессивдүү түрдө төмөндөшү менен мүнөздөлгөн борбордук нерв системасынын дегенеративдүү илдети.

Буга чейин дарыгер-психиатр Музурхат Курманалиев Альцгеймер илдетинин белгилерин санап берген.

Бул оорунун белгилери адатта 45 жаштан тарта байкала баштайт. Алсак, адамдын кулк-мүнөзү, жүрүм-туруму өзгөрөт. Индивидуалдык сапаттар өтө курч, рельефтүү, даана көрүнөт. Мисалы, мурда активдүү, шаңдуу жүргөн адам оорудан улам андан бетер шайыр болуп калат. Көпчүлүктүн арасында тамашалашканда анысы башкаларга өөн, өтө орой болуп, иренжитип же уялтып коюшу мүмкүн. Айрым адамдар жаш кезинде лидер болсо, кийин кеп-сөзгө келбей калат. Бул нерсе жакын туугандарына мүнөзү бузулуп баштагандай көрүнөт. Бара-бара оору экени анык билине баштайт. Андан тышкары, эске тутуусу начарлайт. Адам турмушта өтө унутчаак болуп, маалыматтарды кабыл алышы кыйындары айтылган.

30
Тема:
Дүйнөгө жайылган коронавирус
Тема боюнча
Диетолог адамдын мээсин жабырката турган азык туурасында айтып берди
Капельницалар улануу учурунда. Архив

Бишкекте тамакка ууланган адамдардын саны 300гө жетти

8
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

8
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме