Дүкөндөгү киши. Архив

Кукси, чипсы, токоч. Кытай азыктарынан ГМО табылып, Россия импортко тыюу салды

479
Бир нече азыктын курамынан генетикасы өзгөртүлгөн (ГМО) жүгөрү менен соянын ДНКсы табылган.

БИШКЕК, 11-окт. — Sputnik. Роспотребнадзордун эксперттери Кытайдан чыккан тез даярдалчу кесмеден (кукси), жүгөрүдөн жасалган чипсыдан жана башка бир нече азыктан тыюу салынган компоненттерди табышты. Мындан улам товарларды Россиянын аймагына киргизүүгө убактылуу тыюу салынганын РИА Новости жазды.

Мындан сырткары, вермишелдин (жүгөрүдөн жасалган), шоколад креминен жасалган жумуртка десертинин жана ичинде сюрприз-оюнчугу бар токочтун импортуна чектөө киргизилди. Бул азыктардын курамынан генетикасы өзгөртүлгөн (ГМО) жүгөрү менен соянын ДНКсы (0,9 пайыз) табылган. Ал эми кээ бир үлгүлөрүндө ГМОнун курамы беш эсе көп болуп чыккан.

"Продукциялардын сыртында азыктын курамында бул компоненттер бар экени жазылган эмес", — деп айтылат маалыматта.

Ведомство атайын буйрук чыкканга чейин бул азыктарды импорттоого чектөө койду.

479
Белгилер:
Кытай, Россия, азык-түлүк
Тема боюнча
Уругвайдан да келет. Кыргызстанга күрүч ташыган 13 өлкөнүн тизмеси

SputnikPro долбоору: дүйнө жүзүндөгү журналисттерге мастер-класс өткөрүлдү

17
(жаңыланган 15:43 17.10.2021)
Москвада Sputnik маалымат агенттиги жана радиосунун долбоору — SputnikPro модулу бир нече өлкөнүн журналисттерине өткөрүлдү.

Анда Sputnik, @rt_russian, Ruptly жана башка ЖМКлардын алдыңкы журналисттери кесиптештерине тажрыйбалары менен бөлүштү.

Уюштуруучулардын айтымында, ТИМ тарабынан уюштурулган чет өлкөдөгү мекендештердин конгрессинин дээрлик ар бир катышуучусу өз өлкөсүндө ири аудитория менен ЖМК же жеке блогу аркылуу баарлашат. Спикерлер ушул багытта мындан да жакшы жана заманбап иш алып барууну айтып берди.

Алар сайтка жана социалдык тармакка жүктөлгөн маалыматтар, аны берүүнүн жолу, сүрөт жана видео тартуу жана алуунун ыкмасы тууралуу топтогон тажрыйбалары менен бөлүштү. Популярдуу болуп жаткан TikTok жана Instagram менен иштөөнү да үйрөтүшкөн.

17
Белгилер:
Sputnik, SputnikPro, долбоор, ЖМК, тажрыйба, иш-чара, журналист
Тема боюнча
Россиялык эксперт журналисттерге көздөгөнүнө жеткире турган 5 кеңеш айтты

Россиялык киноэкипаж космостон Жерге аман-эсен кайтып келди. Кызыктуу видео

103
(жаңыланган 12:20 17.10.2021)
Россиялык киночулар космосто "Чакырык" картинасынын эпизоддорун тартып, бүгүн космостон Жерге, тагыраагы, Казакстандын Жезказган аймагындагы талаага келип түштү. Алар космонавт Олег Новицкийдин коштоосунда конушту.

Актриса Юлия Пересильд жана режиссер Клим Шипенко космонавт Олег Новицкийдин коштоосунда Эл аралык космос станциясынан фильм тартып, Жерге кайтып келди. Бул тарыхый окуяны RT түз эфир менен берди.

Алар Жерге эки жумадан кийин келип түштү.

Жерди көздөй аттанганда алгач Пересильд, Шипенко жана Новицкий МКСте калган россиялык Петр Дубровый, Антон Шкаплеров жана америкалыктар: Марк Ванде Хай, Шейн Кимбро жана Кэтрин Меган МакАртур, япониялык Акихико Хосид жана француз Том Песке менен коштошуп, кемеге өтүп, люктарды тыкыр жабышты.

Люктардын герметикалык жактан ишенимдүүлүгүн текшерген соң "Сокол-КВ-2" авариялык-куткаруучу скафандрларды кийип, экипаж МКСтен саат таңкы 4:14тө (Москва убактысы) бөлүнүп чыкты. Ал эми саат 6:42де кыймылдаткычты иштетип, орбитадан акырындык менен чыга баштады. Мындан соң "Союз" өзүнчө бөлүктөргө ажырап, анын кое берүүчү аппараты акырындык менен атмосферанын тыгыз катмарына кирди. Көп өтпөй негизги паршют ачылып, саат 7:35те экипаж "Ю.А. Гагарин" аппараты менен Казакстандын Жезказган шаарынан түштүк-чыгышты көздөй 148 чакырым аралыктагы талаага аман-эсен келип конду.

Жерге келип түшкөндөн кийин издөө тобу капсуланы аярлап алып, андан соң экипаждын үч мүчөсүн сыртка чыгарышты. Эми аларды атайын каттам менен Подмосковьеге алып кетип, ал жактан медициналык кароодон өткөрөт. Ал эми шейшемби күнү, 19-октябрда, киноэкипаж маалымат жыйын өткөрөт.

Роскосмостун маалыматына караганда, космостон келгендердин абалы жакшы.

Алар Twitter баракчасына алгачкы маалыматты: "Союз МС-18" кемесинин келип түшкөн аппараты тикесинен турат, кайтарууга алынган. Экипаждын абалы жакшы!" — деп жар салган. 

​Эске салсак, Байкоңур станциясынан тарыхта биринчи ирет "Союз МС-19" кемеси менен киноэкипаж космоско сапар алды. Россиялык киночулар голливуддук кесиптештеринен алдыга озуп, космоско алгачкылардан болуп аттанып, Жерге ийгиликтүү кайтып келишти. "Чакырык" кинокартинасынын башкы ролундагы Юлия Пересильд бул жаатта алгачкы карлыгачтардан болуп калды.

"Чакырык" — бул илимий-агартуучулук долбоор. Азырынча фильмдин сюжетинин чоо-жайы жашыруун сыр. Болгону учушка бир ай камынып, эл аралык космостук станцияга аттана турган врач кыз тууралуу драмалык тасма экени гана белгилүү. Космосто ал экипаждын бир мүчөсүнүн өмүрүн сактап калат.

Клим Шипенко космоско учуп, фильм тартып келген биринчи режиссёр болмокчу. Бул тема ага жаңылык эмес. 2017-жылы ал орбиталык станция туурасындагы "Салют-7" картинасын чыгарган. "Золотой орёл" сыйлыгынын эки жолку лауреаты, Россия жана КМШ аймагындагы эң кирешелүү "Кул" ("Холоп") (үч миллиард рублден ашуун пайда тапкан) тасмасын тарткан.

Команданы тандоо катаал эле болгон. Аялдын башкы ролу үчүн ачык сынак жарыяланып, финалга чыккан 20 актриса врачтык-эксперттик комиссия тарабынан (медициналык жана психологиялык талаптар, күч даярдыгы, кесипке жарамдуулук шайкештиги) текшерилген. Учуш комиссиясынан Пересильд жана анын дублёру Алена Мордовина, ал эми режиссёр Шипенко жана оператор Алексей Дудин бир нече айга созулган ыкчам даярдык курсунан ийгиликтүү өтүштү.

Реабилитациядан киноэкипаж Жылдыз калаасында өтмөкчү. Эки апталык учуштан кийин бул сөзсүз керек. Дасыккан космонавттардын айтымында, кыска мөөнөттүү учуштардан соң организм адатта орточо жети күндө калыбына келет. Ошондон соң гана баарын үйлөрүнө жиберишет.

103
Белгилер:
Россия, космос, союз, кеме, чакырык
Тема боюнча
Жалындап чачырап кетти. Америкалык ракетанын абадан жарылган видеосу
Жогорку Кеңештин депутаты Алайбек Анаркулов

Жогорку Кеңештин 41 жаштагы кызматкери депутаттык мандат алды

0
(жаңыланган 17:11 17.10.2021)
41 жаштагы Алайбек Алымбаев "Биздин Кыргызстан" партиясынын атынан Бишкек шаардык кеңешине ат салышкан. Анда Жогорку Кеңеште эксперт болуп иштей турганын көрсөткөн.

БИШКЕК, 17 окт — Sputnik. Жогорку Кеңештин депутаты Пархат Тулендыбаев мандатып тапшырып, ордуна 41 жаштагы Алайбек Анаркулов келди. Бул тууралуу БШКнын маалымат кызматы кабарлады.

Чечимди бүгүн Борбордук шайлоо комиссиясынын мүчөлөрү кабыл алган. Тулендыбаев депутаттык ыйгарым укуктарын мөөнөтүнөн мурда токтотуу үчүн арыз берген. Ал "Республика — Ата-Журт" фракциясынан депутат болчу.

41 жаштагы Алайбек Алымбаев "Биздин Кыргызстан" партиясынын атынан Бишкек шаардык кеңешине ат салышкан. Анда Жогорку Кеңеште эксперт болуп иштей турганын көрсөткөн.

0
Белгилер:
Кыргызстан, БШК, депутат
Тема боюнча
Ноокаттын мэри менен депутаты 15 млн. сом кымырган деп кармалды. Сүрөт
ЖКга депутат болом деген ниетин 387 киши билдирди