Россия президенти Владимир Путин

Мураскер, криптовалюта жана доллардын тагдыры. Путиндин маегинен урунттуу учурлар

200
(жаңыланган 18:03 14.10.2021)
Путин АКШ экономикасынан жалпы дүйнөлүк экономика көз каранды экенин, Россия анын туруктуу, бир калыпта болушуна кызыкдар экенин белгиледи.

БИШКЕК, 14-окт. — Sputnik. Россия президенти Владимир Путин CNBC каналына маек курду. РИА Новости өлкө башчынын президенттик шайлоо, мураскер жана башка урунттуу маселелер тууралуу айткандарын тизмектеген.

"Эч кандай чечим кабыл алына элек"

Шайлоого катышар-катышпасы тууралуу суроого жооп берип жатып Путин баарынын өз убакыт-сааты бар экенин айткан.

"Бул менин салттуу жообум. Кийинки шайлоого чейин дагы көп убакыт бар. Мындай кептер абалды өйдө-ылдый кылып жиберет. Ал эми кырдаал бийлик органдарынын баары тынч, туруктуу, алдыга ишенимдүү кадам таштап иштегидей болушу керек", — деди президент.

Ал экинчи мөөнөткө баруу укугу бар экенин эске салып, "азырынча эч кандай чечим кабыл алына электигин" кошумчалады.

Доллардын келечеги

Путиндин айтымында, доллар дүйнөлүк резервдик валюта катары позициясынан тайып бара жатат. Президент АКШ долларды санкциялык курал катары колдонуп катуу жаңылып жатканына токтолду.

"Мындан улам АКШ өзү отурган бакты кыйып жатат деп айтсак болот. Анткени дүйнөлүк резервдик валюта болушу анын чоң артыкчылыгы, ал эми АКШ бир ирмемдик саясий конъюктурадан улам стратегиялык мааниге ээ экономикалык кызыкчылыктарына балта чабууда". — деди РФ лидери.

Президент бир катар өлкөлөрдүн доллар менен эсеп-кысап жүргүзүү көлөмү кыскарып бара жатканын белгилеген. Путиндин айтымында, Россия да ушул багыт менен кетип бара жатат. Ошол эле учурда Москва доллардан толугу менен баш тартууга кызыкдар эмес. "Биз үчүн азырынча энергоресурстарды, биринчи кезекте нефтини доллар менен сатуу ылайыктуу", — деди ал.

Путин АКШ экономикасынан жалпы дүйнөлүк экономика көз каранды экенин, Россия анын туруктуу, бир калыпта болушуна кызыкдар экенин кошумчалады. Анын айтымында, Москва болуп жаткан окуяларга дыкат көңүл буруп, анализ жүргүзүп, өзүнүн кызыкчылыгы үчүн керектүү чараларды көрүп келет.

Криптовалюта тууралуу

Криптовалюта эсептешүүгө жарактуу каражат боло алат, бирок ал азырынча анча ишенимдүү эмес. "Каражатты бир жерден экинчи жерге которуу болсо — маселе жок, бирок соода жүргүзүүгө, өзгөчө энергоресурс сатууда колдонуу, менимче, эртелик кылат", — деди ал.

Өлкө башчы криптовалюта эч нерсе менен кепилденбегенин белгилеп, мындан аркы абалга көз салып турарын кошумчалады.

AUKUS блогу тууралуу

АКШ, Улуу Британия жана Австралиянын башын бириктирген AUKUS сыяктуу блоктордун түзүлүшү аймакты туруксуздаштырышы мүмкүн.

"Өз ара достук алакада болуу жакшы нерсе, бирок кимдир бирөөгө каршы достошуу, менимче, туура эмес. Бул ошол аймактын баарыбыз сөз кылган, баарыбыз кам көргөн коопсуздугуна коркунуч жаратат", — деп түшүндүрдү Путин.

Ал кырдаал жөнгө салынарына үмүт артты.

Навальный тууралуу

Россия бийлиги кимдир бирөөгө, бөтөнчө саясий ишмердүүлүккө жамынып мыйзам бузгандарга өзгөчө шарт-ыңгай түзүп бербейт. Бул тууралуу Путин Алексей Навальный боюнча суроого жооп берип жатып айтты.

"Сиз сөз кылып жаткан жаран түрмөдө", — деди президент.

Сот 2-февраль күнү Навальныйдын "Ив Роше" компаниясы боюнча берилген шарттуу мөөнөтүн 3,5 жыл түрмөдө отуруу жазасына өзгөрткөн. Федералдык жаза аткаруу кызматынын маалыматы боюнча, Навальный сыноо мөөнөтүнүн шарттарын бузуп, кармалганга чейин издөөгө алынган. Натыйжада шаардык сот чечимди бекитип берген. Навальный азыр абакта жазасын өтөөдө.

200
Белгилер:
Владимир Путин, Алексей Навальный, доллар, криптовалюта, нефть, шайлоо, мураскер
Тема боюнча
Путин: Афганистанга тажрыйбалуу согушкерлер тартылууда, чек араларды бекемдөө керек
Путин АКШлык журналист айымга комплимент айтты. Видео
Москвадагы метронун вагондорун дезинфекциялоо. Архив

Москвада коронавирустан улам бир катар чектөөлөр кирди. Тизме

140
(жаңыланган 17:43 21.10.2021)
Буга чейин өкмөттүн сунушу менен Владимир Путин Россияда 30-октябрдан 7-ноябрга чейин эс алуу болорун жарыялаган. Бул убакытта борбор калаага бир катар чектөөлөр кирет.

БИШКЕК, 21-окт. — Sputnik. Москвада COVID-19 күчөп жатканына байланыштуу 28-октябрдан 7-ноябрга чейин бир катар чектөөлөр киргизилет. Тиешелүү жарлыкка шаар мэри Сергей Собянин кол койгонун РИА Новости жазды.

Белгилей кетсек, буга чейин өкмөттүн сунушу менен президент Владимир Путин Россияда пандемиядан улам 30-октябрдан 7-ноябрга чейин эс алуу болорун жарыялаган.

28-октябрдан тарта Москвада киргизиле турчу чектөөлөр:

  • Соода-сатык жана тейлөө чөйрөсүндөгү ишканалардын иши токтотулат. Ошол эле учурда дарыкана, азык-түлүк жана биринчи керектөөдөгү товарларды саткан дүкөндөр иштейт, жеткирип берүү кызматы да ишин улантат. Кафе менен ресторандар да тамак ташып иштесе болот;
  • Жарандык абалдын актыларын шашылыш түрдө каттоону эске албаганда "Менин документтерим" борборлорунда мамлекеттик кызмат көрсөтүү токтотулат;
  • Мектеп менен бала бакчаларга каникул жарыяланат, ийримдер менен секциялар да иштебейт. Жогорку жана орто кесиптик окуу жайлардын студенттери аралыктан окуйт;
  • Медициналык уюмдар планы боюнча иштей берет. Алгачкы кечиктирилгис медициналык жардам толугу менен аткарылат;
  • Театр менен музейлерге QR-код менен кирүүгө болот. Келгендердин саны аз болуп, бет кап тагынышы керек;
  • Массалык иш-чараларды мамлекеттик бийликтин чечими же Роспотребнадзордун шаардык администрациясы менен макулдашып өткөрүү керек.
140
Белгилер:
Москва, коронавирус, чектөө
Тема:
Дүйнөгө жайылган коронавирус
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
РФте COVID-19дун жаңы варианты табылды. Адис ага вакцина туруштук берерин айтты
Лабораториядагы анализдер. Архив

РФте COVID-19дун жаңы варианты табылды. Адис ага вакцина туруштук берерин айтты

37
(жаңыланган 15:30 21.10.2021)
Буга чейин Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан.

БИШКЕК, 21-окт. — Sputnik. Коронавирустун "дельта" штаммынын AY.4.2 деп аталган жаңы варианты Россияда табылды. Бул тууралуу Роспотребнадзор мекемесиндеги илдеттерди аныктоо боюнча жаңы ыкмаларды издеген илимий топтун жетекчиси Камиль Хафизов билдирип, ал жайылып кетиши мүмкүн экенин кошумчалады.

Буга чейин Улуу Британиядагы Сенгер жана Кембридж окуу жайларынын окумуштуулары "дельта" штаммынын 10-15 пайызга көбүрөөк жуккан AY.4.2 варианты чыкканын айтышкан.

"Бул вариантты "дельта плюс" деп дагы атап жатышат. Бирок мурда бул ат "дельтанын" башка вариантына берилген. Андыктан көпчүлүктүн башы айланып калды. Вирустун бул түрү канчалык жугуштуу экенин азырынча так кесе айта албайбыз, аныктап жатабыз. Бирок окумуштуулар коронавирустун кайрадан күч алып жатканына дал ушул варианттын тиешеси бар деп эсептебейт", — деди Хафизов.

Ошол эле учурда адис Россияда коронавируска каршы колдонулуп жаткан вакциналардын күчү AY.4.2 вариантына дагы жетерин билдирди.

"Вакциналар вирустун AY.4.2 вариантына туруштук бере алат. Анткени инфекция анчалык чоң өзгөргөн эмес. Адистер мутация вирустун S-белогунда болгонун айтууда. Демек, анын жугуу мүмкүнчүлүгү күчөгөн. Бирок оору мурдагыдан оор өтөт деп айта албайм", — деди эпидемиолог.

Эске салсак, Россияда коронавируска кабылгандардын саны өсүп, акыркы кезде бир нече ирет рекорддук көрсөткүчкө жетти.

37
Белгилер:
Россия, коронавирус, жаңы штамм, эпидемиолог, 'дельта' штаммы
Тема:
Дүйнөгө жайылган коронавирус
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Эксперт Россияда COVID-19дун көбөйүп жаткан себебин түшүндүрдү
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

0
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

0
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн