Кабул шаары. Архивдик сүрөт

Россия: Афганистандын жаңы бийлиги элдин жашоосун жакшыртууга аракет кылууда

100
Мария Захарова Афганистанда социалдык-экономикалык абал оор бойдон калып жатканын билдирип, Москва форматындагы сүйлөшүүлөрдө афган элине биргеликте жардам берүү талкуулангандыгын айтты.

БИШКЕК, 23-окт. — Sputnik. Россия Афганистандагы абалга тыкыр көз салып, жашоону жакшыртуу үчүн өлкөнүн жаңы өкмөтүнүн бардык аракеттерди көрүп жатканын байкоодо. Бул тууралуу РФтин Тышкы иштер министрлигинин расмий өкүлү Мария Захарова айтканы аталган ведомствонун сайтына жарыяланды. 

"Афганистандын жаңы бийлиги элдин жашоосун жакшыртууга аракет кылууда. Учурда айрым провинцияларда электр энергиясы менен камсыздоону калыбына келтирүү иштери болуп жатат. Дүйнөлүк саламаттыкты сактоо уюму афган элине полиомиелит дартына каршы эмдөө жүргүзүүгө талибдерден уруксат алды. Жакында кыздарга мектепке барууга уруксат берүү пландалып жатат", — деп айтылган маалыматта. 

Ошондой эле Захарова Афганистанда социалдык-экономикалык абал оор бойдон калып жатканын билдирип, Москва форматындагы сүйлөшүүлөрдө афган элине биргеликте жардам берүү талкуулангандыгын айтты.

Август айында америкалыктар аскерлерин өлкөдөн чыгарууну айткандан кийин  "Талибан"* кыймылы активдешип, кийин өлкөнү каратып алган. Бул нерсе Афганистанда гуманитардык, экономикалык жана саясий кризисти жаратты. Анын кесепетинен коңшу өлкөлөргө качкындар агыла баштады.

* — Кыргызстан, Россия жана башка бир катар өлкөлөрдө тыюу салынган уюм

100
Белгилер:
Афганистан, Россия, Мария Захарова, ТИМ
Тема:
Афган бийлиги менен талибдердин тиреши (281)
Тема боюнча
Афганистан: "Москва форматындагы" сүйлөшүүгө Кыргызстандан Абдуразаков катышууда
Афган делегациясы Өзбекстанга келип, сүйлөшүүлөр башталды
Иран Афганистан боюнча Москвада өтүүчү отурумга катышат
Россиянын полиция кызматкери. Архив

Москвада кыргызстандык таксистке ок атылды. Окуя видеого түшүп калган

337
(жаңыланган 00:07 04.12.2021)
Каргаша болгон жерден айдоочу из жашырып кеткени айтылууда. Алдын ала маалыматка караганда, ал травматикалык курал колдонгон.

БИШКЕК, 3-дек. — Sputnik. Москванын чок ортосунда жолтандабастын айдоочусу кыргызстандык таксист менен жаңжалдаша кетип атып жиберди. Бул тууралуу Кыргызстандын Россиядагы элчилиги билдирди.

Россиянын ЖМКлары окуя Чоң Грузин көчөсүндө болгонун жазууда. Алдын ала маалымат боюнча, таксист оң тарапта авариялык жарыкты жандырып турган. Ал жүргүнчүнү күтүп турушу мүмкүн экени айтылууда. Ал эми Cadillac Escalade унаасынын айдоочусу өтө албай калган. Мындан улам экөө айтыша кеткен. Натыйжада жолтандабастын айдоочусу тапанча менен таксистти көздөй бир нече ирет ок чыгарган. 

Окуя болгон жерден айдоочу из жашырып кеткени айтылууда. Алдын ала маалыматка караганда, ал травматикалык курал колдонгон.

Элчилик таксист Кыргызстандын 23 жаштагы Алманбет Абдрахманов аттуу жараны экенин билдирди.

“Мекендеш окуя болгондон кийин ооруканага жаткырылган. Аталган маселе элчиликтин көзөмөлүнө алынды. Кыргызстандын жаранына тиешелүү консулдук жардам берилет”, — деп жазылат релизде.

Шектүүгө карата курал колдонуу менен бейбаштык кылуу беренеси боюнча кылмыш иши козголгон.

Ал эми РЕН ТВ телеканалы жолтандабастын айдоочусу Дмитрий Махалов экенин билдирди. Ал 2009-жылы уурулук ишине фигурант катары соттолгону белгиленет. Эки жыл мурун да жаңжалга аралашканы айтылат.

337
Белгилер:
Москва, таксист, Кыргызстан, элчилик, сатуу
Тема боюнча
Бишкек: ок чыгарган уландын ГБРде иштээри аныкталып, тапанчасын тапшырды
АКШда атылган кыргызстандык. Каргашага чейинки окуянын видеосу тарады
Россиялык Су-35С истребители

Россиялык Су-35С истребители авиаташуучуларды "соо калтырбайбы"?

173
(жаңыланган 10:45 03.12.2021)
Х-35У канаттуу ракетасы менен 4++ муундагы Су-35С оор истребители коё берилген жерден 500 чакырым аралыктан деңиздеги буталарынын бардык түрүн жок кылат. Кара деңиз аймагы, Балтика, Заполярье жана Ыраакы Чыгышта Россиянын чек арасындагы коргоо тутумун бекемдейт.

Бир катар сыноолордон соң таамай тийчү Х-35У канаттуу ракетасы бүгүнкү күндөгү эң күчтүү россиялык истребителдин арсеналына расмий түрдө кирди. Аскерий баяндамачы Александр Хроленко эриш-аркак иштей турган россиялык куралдардын мүнөздөмөлөрүнө токтолгон.

Ракетаны конструкциялоо жана программалык камсыздоонун айрым элементтерин өзгөртүү менен Х-35У Су-35С комплексине интеграцияланды. Бул оңойго турган жок, ракета чакан эмес. Узундугу – 4 метрдин тегерегинде, салмагы – 550 кг. Болжолдуу душмандын радарларына анча байкалбаган Х-35У менен суу түбүндөгү россиялык ракеталык кемелер, сокку уруучу учактар долбоорлору куралданган, ошондой эле жээктеги "Бал" ракеталык комплексинин курамында пайдаланылат.

Болуп көрбөгөндөй мүмкүнчүлүктөрү бар Су-35С менен интеграция – өнүгүүнүн жана аскердик колдонуунун таптакыр жаңы баскычы. Кубаттуу Х-35У канаттуу ракеталарынын жана "космостук" Су-35С истребителдеринин аскердик шериктештиги Россия, анын союздаштарынын коопсуздугун кыйла чыңдайт.

Канаттуу "көзгө көрүнбөс"

Х-35У ракетасы жээктеги "Бал" ракеталык комплексине пайдаланылары маалым. Жакшыртылган, ыраакка ылайыкталган Х-35У модификациясынын сыноолору 500 чакырымдан ашуун аралыктан суу бетиндеги буталарын кыйратууга жөндөмдүү. Анан калса, жаңы мээлөөчү тутуму душмандын кургактагы да бекем корголгон объектилерин жок кылууга мүмкүндүк берет.

Жаңы модификациясынын мүнөздөмөлөрү "Бастион" жээк комплексинин 800 чакырым аралыкка сүзө ала турган үндөн ыкчам П-800 "Оникс" ракетасынын күчүнө караандады. Ыкчам ылдамдыгы, күчү, көзгө көрүнбөстүгү жана таамайлыгынын айкалышы менен Х-35 "дүйнө чемпиону" атыгууга татыктуу.

Мээлөөчү тутуму аралаш жана баштапкы салмагы жарым тоннадан ашуун бул кемеге каршы канаттуу ракета бутасына карай секундасына 300 метр ылдамдыкта суу бетинен төрт чакырым бийиктикте учат. Соңку тилкеде душмандын абадан коргонуу тутумдарына көрүнбөс зонада 2 метрге чейин ылдыйлайт.

145 килограммдык салмактагы ок бөлүгү эсминец же фрегатты суу түбүнө чөктүрүп, ал эми мындай бир нече ракета бир сокку менен авиаташуучунун да таш-талканын чыгарып коё алат. Канаттуу Х-35 тобу Баренц, Кара, Охота, Япон деңиздериндеги ок атууларда дайым майнаптуулугун көрсөтүп келет.

Россиянын Аскер-деңиз флотунда бүгүнкү күндө өзү жүрүүчү "Бал" орнотмолорунан ар биринде 8 ракета коюлган 40 бирдик бар. Бул РФтин 38 миңден ашуун чакырымга созулган деңиз чек араларынын коопсуздугунун кепили.

Бортуна Х-35У канаттуу ракетасынын куру дегенде эле элүү чакты Су-35Стин бортуна

кошумча жайгаштырылышы Россиянын Аба-космостук күчтөрүнүн кубаттуулугун кыйла арттырып, Дүйнөлүк океандагы ордун ырастайт.

Согуштук аракеттер кырдаалында шарттуу душмандын авиа ташуучу сокку уруучу топтору россиялык жээктерге (палубалык авиацияны пайдалануу аралыгында) жакындай албайт.

"Жерден тышкаркы" истребитель

Көп буталуу Су-35С истребители – технологиялык жактан Россиянын Аба-космостук күчтөрүнүн бешинчи муундун астанасындагы эң жакшыртылган машинасы. Күчү боюнча Су-57ге өтө окшош. Учактардын плазмалык от алгычы бар, 14,5 тонна күчү, жогорулатылган ресурстары, башкаруунун санарип тутуму, жалпы ракурстук тартылуу вектору бар АЛ-41Ф1С кыймылдаткычтары бирдей. Мындай күч түзүлүштөрү форсаждык режимди пайдаланбастан үндөн ыкчам ылдамдыкка жетүүгө мүмкүндүк берет.

Су-35С истребители ылдамдык, маневрдүүлүгү боюнча жакынкы атаандаштарынан алда канча артык, бортунда 8 тоннага дейре аскердик жүк, атап айтканда, узак аралыкка багыт алчу "Калибр-А" жана "аба – жер бети" тибиндеги ракеталарын ташый алат. Максималдык ылдамдыгы – саатына 2500 чакырым. Күйүүчү май бактары илинбесе, 1800 чакырымдык радиуста түз функциясын аткарат.

Чет өлкөлүк адистер истребителдин радиолокациялык комплексин айрыкча белгилешет, ал душмандын учактарын 400 чакырымга чейинки аралыктан байкайт. L диапазонундагы радар америкалык F-22 жана F-35 "көзгө көрүнбөстөрүнө" каршы Су-35тин уникалдуу мүмкүнчүлүктөрүн камсыздайт.

"Ирбис" радиолокациялык станциясы 30 аба бутасын коштоп, бир убакта алардын сегизине чабуул коюуга жөндөмдүү. Ири деңиз объектилери радиолокациялык станция жана Су-35Стин курал-жарагынан кескин айырмаланат жана алсыз. Маселен, бешинчи муундагы F-22 Raptor истребителинин абадагы буталарын кармоо аралыгы болгону 225 чакырымды түзөт. Сирия аба мейкиндигинде Су-35 бута катары Raptor учагын кармай алмак, ошол эле учурда америкалык истребитель "россиялык платформанын" изин аныктай алган эмес.

Истребителдин учкучуна кырдаалдан так кабардар болушун оптикалык-электрондук жана радиотехникалык чалгындоо системалары камсыздайт. Учуш тууралуу маалымат эки суюк кристалдуу экранда чагылдырылат. Маалыматтык-тескөөчү системасынын "интеллектуалдык колдоосу" аскердик тапшырмаларды аткарууну жеңилдетет. Автоматташтырылган маалымат алмашуу жана буталарды бөлүштүрүү менен 16га чукул Су-35тин абадагы топтук аракеттерин уюштурууга болот.

Жогоруда айтылгандай, Су-35Стин "аскердик тушоосу" Сирияда кесилген. Катаал шарттарда жогорку майнаптуулугун, ынанымдуулугун тастыктаган. Россиянын Аба-космостук күчтөрүнүн катарында бүгүн 60тан ашуун машина бар. Ошондой эле чет элдик буюртмачылардын кызыгуусу күч. Алжир менен Египетти эсептебегенде, Кытай Су-35тен 24 бирдик, Индонезия 11 учакка буюртма берген.

Ле-Буржа эл аралык авиасалонунда бийиктигин төмөндөтпөстөн жеринде жапыз айлануудагы аракеттеринен кийин россиялык Су-35С истребителин таанылбаган учуучу аппарат (НЛО) менен салыштырган.

Аскерий баяндамачы Александр Хроленконун Telegram каналына жазылыңыздар.

173
Белгилер:
истребитель, Россия, Кара деңиз, Чабуул, чек ара, станция, учак
Тема боюнча
Талибдер учканды үйрөнүүдө: Түндүк Афганистандагы машыгуу кимге каршы багытталган?
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

0
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

0
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү