Россиянын президенти Владимир Путин

Путин АКШ менен НАТОнун Кара деңиздеги аракеттерине тынчсызданып жатат

149
АКШ менен анын НАТО боюнча союздаштарынын кемелери Россиянын Кара деңиздеги чек арасына жакындаган. Россиянын ТИМи америкалык аскерлер от менен ойноп жатканын билдирди.

БИШКЕК, 11-ноя. — Sputnik. Россиянын президенти Владимир Путин АКШнын Кара деңизде болушуна тынчсызданып жатат жана кырдаалга көз салууда. Бул тууралуу РИА Новости өлкө башчынын маалымат катчысы Дмитрий Песковго шилтеме берип жазды.

"Путин бул нерсеге тынчсызданып жатат (АКШнын Кара деңиздеги аракети — ред.), ал бул тууралуу өзү да айткан", — деди Кремлдин өкүлү.

Анын айтымына караганда, америкалык кемелердин россиялык чек аралардын жанында болушу өзгөчө көңүл бурууну талап кылат. Бирок президенттердин администрацияларынын ортосунда бул боюнча байланыш боло элек.

Бул арада Россиянын Коргоо министрлиги АКШ менен алардын НАТО боюнча союздаштарынын Кара деңиздеги активдүүлүгү жогорулаганын билдирди. Ведомство кеп биринчи кезекте аскер деңиз күчтөрү, аба жана деңиз чалгындоосу, стратегиялык авиация жөнүндө болуп жатканын тактады.

Коргоо министрлигинин маалыматына караганда, акыркы сутка ичинде Россиянын аба космостук күчтөрүнүн зениттик ракеталык аскерлеринин радиолокациондук каражаттары менен НАТОнун төрт чалгындоочу учагы аныкталган. Ошондой эле эки базалык P-8А Poseidon патрулдук учагы, U-2S жана RC-135 чалгынчылары Кара деңиздин түндүк-батыш жана борбордук бөлүгү менен учкан.

Мындан тышкары, британиялык RC-135 саат 12:00дөн 15:00гө чейин Крымдын түштүк-батыш жагындагы Россиянын чек арасына учуп келүүгө аракет жасаган. Анын аракетине көзөмөл жүргүзүү үчүн нөөмөттөгү күчтөрдүн курамындагы россиялык Су-30 ВКС абага көтөрүлгөн. Ал Улуу Британиянын учагына мамлекеттик чек арадан 30 чакырымдай аралыкта жакындаган. Натыйжада RC-135 багытын өзгөрткөн.

Маселенин чоо-жайы

Буга чейин Кара деңизге АКШнын Алтынчы флотунун флагманы Mount Whitney менен Porter эсминеци аскердик машыгуулар үчүн келген. Россиянын Коргоо министрлиги америкалык кемелер боюнча комментарий берип жатып, алардын ар бир аракети көзөмөлдөнүп жатканын кабарлаган. Ведомствонун маалыматына караганда, АКШ Россия менен чектешкен жерге аскердик топ түзүүнү көздөп жатат. Вашингтондун максаттарынын бири — куралдуу күчтөрүн Украинада өздөштүрүү. Министрликтин божомолу боюнча, АКШ Донбасстагы конфликтини күч менен чечүүнү көздөп жатышы мүмкүн.

РФ ТИМи Россия АКШ, анын НАТО боюнча союздаштары жана кээ бир "региондогу бул мамлекеттердин кардарлары" тарабынан токтобогон провокацияларга тынчсызданып жатканын билдирди.

Министрлик аскерлердин аракетин "от менен ойноп жатат" деп сыпаттады. ТИМден Москва алардын оюн окуп жатканын жана каршылык көрсөтүүгө даяр экенин белгилешти.

 

149
Белгилер:
Россия, АКШ, НАТО, Украина, Кара деңиз, Владимир Путин
Тема боюнча
НАТОнун "баш оорусу": Беларусь моюн сунгусу жок
Пассажиры на одной из станций Московского метрополитена.

Москва метросунун жүргүнчүлөрү Кыргызстан менен КМШ өлкөлөрүнө көп чалышат

132
Россиянын борбор калаасындагы метро жүргүнчүлөрү КМШ өлкөлөрүнө чалганда 35 секунддун тегерегинде гана сүйлөшөрү аныкталган.

БИШКЕК, 30-ноя. — Sputnik. Москва метросунун жүргүнчүлөрү көбүнчө Өзбекстан, Армения, Кыргызстан, Беларусь жана Словенияга телефон чалышат. Бул тууралуу МТС компаниясынын иликтөөсүнүн жыйынтыгына шилтеме берип РИА Новости жазды.

Маалыматка караганда, роуминг аркылуу эл аралык чалуулардын 90 пайзы дал ушул мамлекеттерге туура келет.

"МТС компаниясынын уюлдук байланыш боюнча кызматын пайдалангандар метродо жүргөндө көбүнесе Өзбекстан, Армения, Кыргызстан, Беларусь жана Словенияга чалышат. Алыскы чет өлкөлөр тууралуу айта турган болсок, метродо жүргөндөр Болгария, Греция, Италия, Түркия, Кипр сыяктуу өлкөлөрдөгү жакындары менен байланышат", — деп айтылат билдирүүдө.

Метро жүргүнчүлөрү Россиянын ичинен кимдир бирөө менен байланышса, сөз орто эсеп менен 1,5 мүнөткө созулат. Ал эми КМШ өлкөлөрүнө чалгандар 35 секунддун тегерегинде гана сүйлөшөт.

132
Белгилер:
Россия, Москва, Кыргызстан, телефон, чалуу
Тема боюнча
Москвада мигранттардын санын дагы кыскартуу пландалып жатат

Кененсаров баштаган "Азия MIX" командасы Москвадагы КВНге катышты. Видео

656
(жаңыланган 15:37 29.11.2021)
Бишкектин "Азия MIX" командасы Москвада КВНдин 60 жылдык юбилейине катышты. Оюн кечээ Россиянын Биринчи каналынан көрсөтүлдү.

"Шайырлар жана тапкычтар клубунун" юбилейлик оюну эң таанымал командаларды чогулткан, арасында мурда кубокту уткандар жана чемпион болгондор бар. Иш-чара 23-ноябрда Москвадагы Crocus City Hall концерттик залында өттү.

Калыстар тобуна Россиянын президентинин маалымат катчысы Дмитрий Песков, музыкант, саясатчы жана RTVI телеканалынын башкы продюсери Сергей Шнуров, Биринчи каналдын башкы директору Константин Эрнст, режиссер жана алып баруучу Юлий Гусман, Россиянын эл артисти Геннадий Хазанов жана актриса Юлия Пересильд кирген.

Бишкектин командасынын курамында Эльдияр Кененсаров жана иниси Эрмек Кененсаров, Камила Абдил, Сергей Душимов, Азамат Токтосунов, Азамат Уланов жана башкалар ойногон.

Программанын саламдашуу бөлүмүндө кыргызстандыктар Дмитрий Песков тууралуу тамашалуу ыр ырдаган.

"Башчыңар каякта, жолдобу? Ал азыр Кремлде жалгыз отуруп көп маселени чечип жатат. Чалса албайсыңар, бир саат издеди, а силер КВН көрүп жыргап отурасыңар", — деп айтылган ырда.

"Азия MIX" финалды да ыр менен жыйынтыктаган.

КВН 1961-жылдын 8-ноябрынан бери көрсөтүлүп келет.

656
Белгилер:
Москва, 'Азия MIX', КВН, Дмитрий Песков, шоу, юбилей
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт
Кыргызстандык Аскат Осмонов Азиянын келишимдүү жигити сынагына катышууда. Видео
Кыргызстандык режиссёр Айкөл Нурланбек улуу Стамбулдагы эл аралык кинофестивалында

Айкөл Нурланбек уулунун тасмасы 65 өлкө катышкан фестивалда баш байге утту

0
(жаңыланган 18:49 30.11.2021)
Нурланбек уулунун эмгеги абройлуу эл аралык кинофестивалда "Эң мыкты даректүү тасма" деп аталып калды.

БИШКЕК, 30-ноя. — Sputnik. Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту. Маалыматты Sputnik Кыргызстанга режиссёр тастыктады.

  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту
    © Фото / Alemlere Rahmet Kısa Film Festivali
  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Аталган сынакка 65 өлкөдөн 568 кыска метраждуу тасма катышкан
    © Фото / Alemlere Rahmet Kısa Film Festivali
  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Анын ичинен Нурланбек уулунун эмгеги "Эң мыкты даректүү тасма" сыйлыгына татыган
    © Фото / Alemlere Rahmet Kısa Film Festivali
1 / 3
© Фото / Alemlere Rahmet Kısa Film Festivali
Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту

Аталган сынакка 65 өлкөдөн 568 кыска метраждуу тасма катышкан. Анын ичинен Нурланбек уулунун эмгеги "Эң мыкты даректүү тасма" сыйлыгына татыган.

"Канн кинофестивалында сыйланган франциялык режиссёр, сценарист жана актёр Оливер Лакс менен сүйлөшкөндө "Мээрман" фильмине "мен көргөн мыкты даректүү тасма" деген баасын берди. Ал бул фестивалда калыстар тобунун төрагасы болгон. Тасманы жаратууга салым кошкон чыгармачылык топко ыраазычылыгымды билдирем", — деди Нурланбек уулу.

"Ааламдарга ырайым" — абройлуу эл аралык кинофестивалдардын бири. Быйыл 22-27-ноябрь күндөрү Түркиянын Стамбул шаарында жетинчи ирет өткөрүлдү.

Белгилей кетсек, Айкөл Нурланбек уулунун "Мээрман" киносу буга чейин "Түрк дүйнөсүнүн даректүү тасмалары" фестивалында үчүнчү орунга татыган.

0
Белгилер:
Айкөл Нурланбек уулу, режиссер, фестиваль, баш байге
Тема боюнча
АКШда сыйлык алган "Шамбала" фильминдеги кичинекей Артур: апамды сагынып ыйладым
"Акыркы көч" тасмасы Россиядагы кинофестивалда "Мыкты музыка" сыйлыгына татыды
Артыкпай Сүйүндүковдун "Шамбала" тасмасы АКШда дагы бир сыйлык алды