Жаш кызматкерлер жумуш орун жайында. Архив

Россияда кайсы кесипти аркалаган жаштар эң көп маяна алары аныкталды

256
(жаңыланган 11:43 18.11.2021)
Программалоо тилин билген жаштар айына 360 миң рублге чейин тапса, эң азы баристтер 80 миң рублдин тегерегинде киреше табат.

БИШКЕК, 18-ноя. — Sputnik. Россиядагы жаштар үчүн эң көп маяналуу вакансиялар тиркеме иштеп чыгуучу, логопед жана слесарь-монтажник экени аныкталды. Бул тууралуу РИА Новостинин "Работа.ру" изилдөөчү сервисинде жазылган.

Материалга ылайык, жаштарга адатта көп тажрыйбаны талап кылбаган, ошондой эле жумуш берүүчүнүн эсебинен квалификациясын жогорулатууга жана окуусу менен айкалыштырууга шарт түзгөн вакансиялар сунушталат.

Иркутскидеги компанияда аралыктан иштеген С# иштеп чыгуучуларынын кирешеси 360 миң рублге жетет. Ал үчүн C# программалоо тилин жана Git системасын өздөштүрүп, Unity платформасын, шейдер программасын билип, DotWeen плагин менен иштей алышы шарт.

Подольск шаарындагы логопеддер айына 100 миң рубль табышы мүмкүн. Бул кесип ээлеринен жогорку атайын билими жана профессионалдык кайра даярдоо курсунан өтүшү талап кылынат. Башында бир ай стажировкадан өтөрү жазылган.

Ал эми Жуковский шаарында слесарь-монтажниктер 100 миң рублге чейин маяна алат. Жумуш берүүчүлөр андан жеке автоунаасын жана айдоочулук күбөлүгүн сурайт. Башында бир айлык сыноо мөөнөтү берилет.

Эркектердин чачын кырккан чач тарач Екатеринбургда 90 миң рубль киреше табат.

Пицца жасаган ашпозчуларга Новосибирскиде 85 миң рублге чейин төлөйт. Андан сырткары, таксиге кеткен жол киресин өзүнчө берет.

Барда турган сатуучулар Москвада 80 миң рубль алары белгиленген.

256
Белгилер:
Россия, жаштар, маяна
Тема боюнча
Кыргызстандын судьясы канча айлык аларын айтты

Кененсаров баштаган "Азия MIX" командасы Москвадагы КВНге катышты. Видео

453
(жаңыланган 15:37 29.11.2021)
Бишкектин "Азия MIX" командасы Москвада КВНдин 60 жылдык юбилейине катышты. Оюн кечээ Россиянын Биринчи каналынан көрсөтүлдү.

"Шайырлар жана тапкычтар клубунун" юбилейлик оюну эң таанымал командаларды чогулткан, арасында мурда кубокту уткандар жана чемпион болгондор бар. Иш-чара 23-ноябрда Москвадагы Crocus City Hall концерттик залында өттү.

Калыстар тобуна Россиянын президентинин маалымат катчысы Дмитрий Песков, музыкант, саясатчы жана RTVI телеканалынын башкы продюсери Сергей Шнуров, Биринчи каналдын башкы директору Константин Эрнст, режиссер жана алып баруучу Юлий Гусман, Россиянын эл артисти Геннадий Хазанов жана актриса Юлия Пересильд кирген.

Бишкектин командасынын курамында Эльдияр Кененсаров жана иниси Эрмек Кененсаров, Камила Абдил, Сергей Душимов, Азамат Токтосунов, Азамат Уланов жана башкалар ойногон.

Программанын саламдашуу бөлүмүндө кыргызстандыктар Дмитрий Песков тууралуу тамашалуу ыр ырдаган.

"Башчыңар каякта, жолдобу? Ал азыр Кремлде жалгыз отуруп көп маселени чечип жатат. Чалса албайсыңар, бир саат издеди, а силер КВН көрүп жыргап отурасыңар", — деп айтылган ырда.

"Азия MIX" финалды да ыр менен жыйынтыктаган.

КВН 1961-жылдын 8-ноябрынан бери көрсөтүлүп келет.

453
Белгилер:
Москва, 'Азия MIX', КВН, Дмитрий Песков, шоу, юбилей
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт
Кыргызстандык Аскат Осмонов Азиянын келишимдүү жигити сынагына катышууда. Видео
Евразия өнүктүрүү банкын логотиби. Архив

Москва шаарында Евразия конгресси өтөт. Кыргызстандан ким катышат?

102
Евразия конгресси — бийлик органдары, бизнес жана илим тармагынын өкүлдөрү ачык диалог кура алчу аянтча. Максаты — Евразия регионундагы олуттуу маселелерди чечүү жана улуттук экономиканы көтөрүүгө мүмкүнчүлүк түзүү.

БИШКЕК, 29-ноя. — Sputnik. 2-декабрда Москва шаарында Экинчи Евразия конгресси өтөт. Иш-чараны Россия өкмөтүнүн колдоосу менен Евразия өнүктүрүү банкы уюштурууда. 

Евразия конгресси — бийлик органдары, бизнес жана илим тармагынын өкүлдөрү ачык диалог кура алчу аянтча. Максаты — Евразия регионундагы олуттуу маселелерди чечүү жана улуттук экономиканы көтөрүүгө мүмкүнчүлүк түзүү.

Бул жылы адистер ЕАЭБдин потенциалын ачуудагы бизнестин жана мамлекеттик жеке өнөктөштүктүн ролун талкуулашат. Мындан тышкары, транспорт, логистика, суу-энергетика, азык-түлүк коопсуздугу жааттарындагы мамлекеттер аралык долбоорлор жана мамлекеттерди санариптештирүү боюнча сөз болмокчу.

Конгресске кимдер катышат:

  • "РЖД" ААКсынын башкармалыгынын төрагасы Олег Белозеров;
  • "ВЭБ.РФ" мамлекеттик өнүктүрүү корпорациясынын төрагасы Игорь Шувалов;
  • "Банк ВТБ" башкармалыгынын президенти Андрей Костин;
  • "Яндекс" компаниясынын башкы директору Елена Бунина;
  • "Глобальная энергия" ассоциациясынын президенти Сергей Брилев;
  • ДСК "Автобан" ишканасынын башкы директору Алексей Андреев;
  • Евразия экономикалык комиссиясынын өндүрүш жана агроөндүрүш комплекси боюнча министри Артак Камалян;
  • Беларустун айыл чарба министри Иван Крупко;
  • Кыргызстандын айыл, суу чарба жана аймактарды өнүктүрүү министри Аскарбек Жаныбеков жана башкалар.

Евразия өнүктүрүү банкы — Евразия аймагында инвестициялык ишмердүүлүк жүргүзгөн эл аралык финансылык уюм. 15 жылдан бери Армения, Беларусь, Казакстан, Кыргызстан, Россия жана Тажикстандын экономикалык байланышын күчөтүү жаатында иштеп келет. Уставдык капиталы 7 млрд. доллар.

102
Белгилер:
Москва, Евразия өнүктүрүү банкы, конгресс
Тема:
ЕАЭБдеги Кыргызстан
Тема боюнча
Мишустин: ЕАЭБ жарандары союздагы каалаган мамлекеттен кредит ала алат
Франциялык ПСЖ футбол клубу жана Аргентинанын чабуулчусу Лионель Месси жетинчи ирет Алтын топ сыйлыгын алды

Рекорд! Лионель Месси жетинчи ирет "Алтын топ" сыйлыгына татыды

0
(жаңыланган 10:08 30.11.2021)
Акыркы 10 жылда футболдо Мессиге негизги атаандаш катары саналып келген Криштиану Роналду бул ирет алдыңкы бештикке да кирген эмес.

БИШКЕК, 30-ноя. — Sputnik. Франциялык ПСЖ футбол клубу жана Аргентинанын чабуулчусу Лионель Месси жетинчи ирет "Алтын топ" сыйлыгын алды.

Бул - футбол тарыхындагы рекорддук көрсөткүч. Буга чейин бир да оюнчу футболдогу эң престиждүү сыйлыкка жети жолу татыган эмес.

Европадагы эң мыкты футболчуга берилүүчү "Алтын топту" тапшыруу аземи Париждеги "Шатле" театрында өттү. Добуш берүүнүн жыйынтыгы менен экинчи орунду "Бавария" клубунун польшалык оюнчусу Роберт Левандовский ээледи. "Челси" жана Италия курама командасынын футболчусу Жоржиньо үчүнчүгө илинди.

Акыркы 10 жылда Мессиге негизги атаандаш катары саналып келген Криштиану Роналду бул ирет алдыңкы бештикке да кирген эмес.

Месси акыркы сезондо Испаниянын "Барселона" командасынын сабында жана Аргентина курамасы менен 47 оюнга чыгып, 38 гол киргизген. Июль айында Америка кубогу мелдешинде чемпион болгон. Бул анын улуттук команда менен уткан экинчи ири мелдеши. 2008-жылы футболчу олимпиада чемпиону болгон.

Жайында Месси каталондук клубдан кетип, франциялык ПСЖ командасынын сабына кошулган.

Аргентиналык оюнчу "Алтын топ" сыйлыгын буга чейин 2009, 2010, 2011, 2012, 2015, 2019-жылдары алган. 2020-жылы пандемияга байланыштуу айрым өлкөлөрдө чемпионаттар аягына чейин ойнолбогондуктан бул абройлуу сыйлык берилбей калган эле.

Месси бул жарышта сыйлыкка төрт ирет удаасы менен татыган, эң көп: алты жана жети жолу уткан уникалдуу рекорддору менен өзгөчөлөнөт.

"Алтын топ" сыйлыгы 1956-жылы France Football журналы тарабынан Европанын эң мыкты футболчусуна берилүүчү сыйлык катары негизделген (спорттук журналисттердин пикиринин негизинде).

2010-жылы ФИФА менен France Football "Алтын топ" жана "ФИФАнын жылдын мыкты оюнчусу" сыйлыктары бириктирилип бериле баштаган. Мында жеңүүчү клубдардын капитандары жана улуттук командалардын машыктыруучуларынын добуш берүүсү менен аныкталган.

2016-жылдын сентябрь айында France Football аталган сыйлыкты өз алдынча бере баштаганын жар салган болчу.

0
Белгилер:
Лионель Месси, Алтын топ, сыйлык, футбол
Тема боюнча
Месси Пеледен ашып өтүп Түштүк Америка континентинин бомбардири болду
Мессинин буту сынып кала жаздады... Оюндагы опурталдуу учурдун видеосу