Мобильное приложение Кыргызский разговорник

Туманов: кыргыз тилин кызыктуу жана жеңил үйрөнүүгө жардам бергим келет

139
(жаңыланган 11:15 02.01.2015)
Мобилдүү технологиялар маалымат издөөдө гана эмес, кыргыз тилин үйрөнүүгө да жардам берет. Бүгүнкү күндө болсо мамлекеттик тилди үйрөнүүдөгү мобилдик технологиялардын ролу азырынча кызыгып берилгендердин гана деңгээлинде экенине карабастан, зарыл саамалыктар айрым учурда колдоого алынууда деп эсептейт Таалайбек Ороскулов.

БИШКЕК, 30-дек — Sputnik. Орус тилдүү журналист катары, мен айрым учурларда мамлекеттик тилди колдонууда кыйынчылыктарга туш болом. Кыргыз тилин жакшы үйрөнүүгө болгон бардык аракеттерим ийгиликсиз калууда. Убакыттын жетишсиздигинен да бул ишти улам кийинкиге калтырып келем. Бирок акыркы кездерде, менин оюмча, Манас менен Айтматовдун тилин үйрөнүүчүлөргө чоң жардам боло турган смартфондордун тиркемелери пайда болууда. Кайсы бир күнү кечинде тогуз жашар балам өзүнүн уюлдук телефонунан кыргызча сөздөрдү дептерине көчүрүп жатканын байкадым. Менин кызыккан суроомо кызым сөздүктү телефонуна көчүрүп алып сабакта да, үйдө да колдонуп жүргөнүн айтты. 

Мен мындай пайдалуу саамалыктарды ким жасап жатканын аныктап, мамлекеттик тилди үйрөнүүдө мобилдик технологияларды пайдалануу жагынан бизде абал кандай экенин кененирээк билүүнү чечтим. 

Бирөө баары үчүн

Алгач тиркемелерди иштеп чыгаруучуларга электрондук каттарды жөнөтө баштадым. Тилекке каршы, алардын бирөө гана жооп берди. Ал программист-фрилансер, Android ачык операциялык системанын негизинде tili.kg тиркемелерин иштеп чыгуучу Александр Туманов эле.

"Мындай тиркемени жаратуу оюм 2012-жылдын бир түшкү тыныгуу учурунда жаралган. Кесиптештериме сунуштап көрсөм, алар колдоп кетишти жана, албетте, оюмду ишке ашырууга жардам кылышты. Буга менин мамлекеттик тилди үйрөнүүгө болгон каалоом түрткү берди. Тилди өздөштүрүүдө ар кандай кыйынчылыктарга туш келип отуруп, акыры өзүмө окшоп тилди жаңы үйрөнүп жаткандарга жарда иретинде бир нерсе жасоону чечтим", — дейт Туманов.

Анын айтымында, бул долбоор болгону төрт адамдын күчү менен жасалган. Жумуштан сырткаркы мезгилде алар "Чернышевкада" китептерди сканерден өткөрүп, анан материалдарды "санариптештиришкен". Баса, бардык материалдар авторлордун уруксаты менен басылып чыккан. Бирок өз маалыматтарын пайдаланууга уруксат бербегендер да болуптур. Нурлан Турдалиев контентти толтуруп, дизайн менен Азамат Токтакунов алектенсе, маалыматтарды толтуруп жана тесттен өткөрүүнү Самат Жукешев өзүнө алган. Баарыбыз муну берилүү менен жасаганбыз жана биз үчүн ал абдан кызыктуу болду деп эскерет иштеп чыгуучу. 

"Долбоор өзүнө интернет-сайтты жана "Play Market" үчүн java тилинде жазылган мобилдүү тиркемелерди камтыйт. iPad жана iPhone пайдалануучулары үчүн тиркемени өзгөртүүгө Калыс Осмонов жардам берди. Азыр Windows үчүн да өзгөртүү пландалып жатат. Албетте, үзгүлтүксүз жаңылантуу колубуздан келбей жатат, бирок биз жок дегенде жарым жылда бир жолу жаңы маалыматтарды кошуп турганга аркеттенүүдөбүз", — деди программист.

Автор сайт менен мобилдик тиркемени пайдалануучулардын саны бирдей, деп белгилейт. 100 миң көчүрүп алуу катталган, 20 миңден ашык адам активдүү колдонуп келет. Алардын 70 пайыздан ашыгы Кыргызстандан, 23 пайызы болсо Россиядан, ошондой эле Түштүк Кореядан, АКШдан, Түркиядан жана Кытайдан да пайдалануучулар бар. 

Тиркемелер акысыз, ошон үчүн кээ бирлер ойлогондой көп киреше алып келбейт дейт автор. "Сорос" фонду берген чакан жардам долбоордун үстүндөгү ишти аяктоого мүмкүндүк берди, ал эми ай сайын жарнамадан түшкөн 30 доллар техникалык чыгымдарга гана жетет.

Бүгүнкү күндө кыргыз тилин күнүмдүк тиричилик деңгээлде түшүнөм, бирок азырынча сүйлөөгө батына албайм, деп улантты Туманов. Мектептерде да, жогорку окуу жайларында да кыргыз тилин жеткиликтүү жана кызыктуу окутса дейм. Мисалы, менин оюмча, "Манас" университетинин тил программасы абдан жакшы, окуу жайынын жетекчилиги аны менен ачык бөлүшсө жакшы болор эле. Анда бул ыкмалар мобилдик тиркемелерде да колдонулмак, деп бөлүштү программист.

Азыр билим берүүчү бир нече тиркеме иштеп чыгуу пландалууда. Алардын биринчи баскычы кыргыз тилинде баштапкы окуу деңгээлине ылайык келе турган 100 сөз каралган, кийинкисинде 500 сөз ж.б. болуп жогорулап кете берет.

Мамлекеттик көз караш

Мамлекеттик тил боюнча улуттук комиссиянын котормолор бөлүмүнүн башчысы Аалы Молдоканов мындай тиркемелер баштоочу деңгээлдегилер үчүн гана эмес, кыргыз тилин билгендер үчүн да мааниси чоң дейт.

"Кыргыз тилин алып жүрүүчүлөр да кепте көп ката кетиришет. Жөн эле сүйлөбөстөн, сабаттуу сүйлөөнүн мааниси чоң. Тилди өздөштүрүүдөгү мындай ыкмаларды толук колдойм. Эгер иштеп чыгаруучуларга жардам керек болсо, биз даярбыз. Жетекчиликке расмий кайрылуу талап кылынса же, эгер долбоор чын эле кызыктуу болсо, кубануу менен ар тараптуу жардам көрсөтөбүз", — деди адис. 

Сүйлөө жана ырдоо

Ата мекендик шоу-бизнес чөйрөсүндө башка тилдүү бир нече ырчы кыргыз тилиндеги ырларды аткарып жүрүшөт. Юлия Руцкая кыргызча ырдайт, бирок азырынча сүйлөбөйт.

"Мен күнүмдүк турмуштагы тилди жакшы түшүнөм, бирок азырынча сүйлөөгө батына албайм. Окшош тиркемелерди түрк жана англис тилинде көп колдончумун. Алар сөз байлыгын кеңейтүүдө анык жардам берет, ошондой эле котормо жагынан же сүйлөшүүдө кыйынчылык болсо, жакшы куткарып кетет. Кыргыз тилиндеги тиркемени да көчүрүп алам", — дейт ырчы.

Дагы бир аткаруучу Ирина Ан мобилдүү сөздүктөрдү эч качан колдонбогондугун айтты. 

"Мындай мүмкүнчүлүккө эч көңүл бурган эмесмин. Айтып койгонуңар жакшы болду, карап көрөбүз. Мисалы, кыргыз тили менин эне тилим эмес, ошон үчүн аны үйрөнүүгө бардык мүмкүнчүлүктөрдү пайдаланам. Менимче, бул кызыктуу болот", — деди ырчы.

Мобилдүү оператор

Мобилдик тиркеме чынында уюлдук телефон менен тыгыз байланышкан, демек уюлдук байланыш операторлору смартфондор үчүн тиркемелер боюнча да бир нерселерди кылышы керек. Компаниялар бул тууралуу мурдатан эле ойлонушуп жана биздин демилгечилерди колдоп келе жатышкан экен. 

"Биздин Мурас" коомдук фонду мобилдик жабдуулар үчүн Android операциялык системанын алкагында акысыз "Эл-Сөздүк" тиркемесин жаратышкан. Бүгүнкү күндө аны дээрлик 4 миң пайдалануучу көчүрүп алган. 

Тиркеме эң популярдуу Юдахиндин кыргызча-орусча сөздүгүн, ошондой эле Абдиев менен Сыдыкованын кыргызча-англисче сөздүгүн колдонууга мүмкүндүк берет. Бул иштелмеге Beeline "Мамлекеттик тилди жана улуттук баалуулуктарды колдоо" программасынын алкагында көмөк көрсөттү. Тиркеме мурдатан бери 1,2 миллиондон ашык адам колдонуп келген "Эл-Сөздүк" онлайн-сөздүгүнүн негизинде түзүлгөн.

Дагы бир оператор азыр иштелип чыгып жаткан "Кыпкыргызча" билим берүү сайтына колдоо көрсөтүүнү чечкен. MegaCom компаниясынын менеджери Айдай Мокушева бул долбоор тууралуу айтып берди. 

"Биздин компания мамлекеттик тилге байланышкан билим берүү долбоорлоруна дайыма колдоо көрсөтүп келет. "Кыпкыргызча" — ушундайлардын бири. Биз кыргыз тилин жайылтууга багытталган мобилдик тиркемелерди да чыгарууну пландап жатабыз", — деди менеджер.

Жыйынтык ордуна

Заманбап мобилдик технологиялар тездик менен өнүгүп жаткан мезгилде кыргызстандыктардын кийинки мууну үчүн мындай тиркемелерсиз жашоо кыйын болот деп ойлойм. Бүгүнкү күндө мамлекеттик тилди үйрөнүүдө мобилдик технологиянын ролу азырынча кызыгып берилгендердин гана деңгээлинде экенине карабастан, зарыл саамалыктар айрым учурда колдоого алынууда. Жана биз кыргыз тилин үйрөнүүнүн алдыңкы ыкмаларына канчалык көп көңүл бурсак, аны билбегендердин же билүүнү каалабагандардын нааразылыктарына себеп ошончолук аз болот.

139
Белгилер:
Мамлекеттик тил боюнча улуттук комиссия, Александр Туманов, Юлия Руцкая, Ирина Ан, Аалы Молдоканов
Тема боюнча
Сааданбеков: кыргыз тили google translate платформасы кийинки жылы кирет деген кепилдик жок
Нефть казуучу платформа. Архив

Нефтини кайра иштетүү боюнча Кытай АКШдан озуп баратат. Мындан Россия утабы?

82
Пекин нефтини иштетүү жаатында күчтөнүп, бензин менен дизель майына басым жасоодо. Кийинки жылы КЭР бул көрсөткүч боюнча АКШдан озуп өтөт.

Америкалыктар ИДП боюнча да артта калары боолголонууда. Бирок айрым аналитиктердин айтымында, кытайлыктарга пандемия тоскоол болушу мүмкүн. Абалга РИА Новости сереп салды.

Лидердин алмашуусу

КЭРдин мамлекеттик статистика бюросунун маалыматы боюнча, октябрда нефтини кайра иштетүү эки жарым эсеге көбөйүп, суткасына 14,09 миллион баррелге жеткен. Бул тарыхтагы рекорддук көрсөткүч. АКШда бул убакытта болгону 13,5 миллион баррель болчу.

Кытайлыктар муну менен эле токтоп калгысы жок. Кийинки жылдын соңунда нефтини кайра иштетүүчү эки завод ачыларын Эл аралык энергетика комитети ноябрдагы докладында айтты. Өндүрүш негизи 2023-жылы ишке кирет деп пландалган болчу.

Мындан тышкары, жалпы кубаттуулугу суткасына 1,2 миллион баррелге жеткен дагы төрт завод курулуп жатат. Мынча көлөмдү, мисалы, Улуу Британия өзү араң өндүрөт.

Кытай ондогон жылдардан бери бензин менен дизелге болгон суроо-талапты канааттандырууга аракет кылып келет. Эми минтип берекесин көрө баштаганы калды.

"2000-жылдан бери өлкө мунай зат өндүрүүнү үч эсе жогорулатты. 2025-жылга чейин суткасына 20 миллион баррелге чейинки көрсөткүчкө жетет", — деди ТелеТрейд маалымат-аналитикалык борборунун башкы экономисти Марк Гойхман.

Маектеш АКШ өткөн кылымдан бери ээлеп келе жаткан биринчи орундан 2021-жылы эле сүрүлөрүн белгиледи.

АКШнын нефтинин кайра иштетүүчү заводдору мунайдын арзандашынан кийин келген төмөнкү маржиналдуулуктан улам жабылууда. Узап бараткан жылы кара алтын минимумун бир нече ирет жаңылаган. Мисалы, 18-мартта Brent үлгүсү 15 пайызга арзандап, 2003-жылдан бери биринчи жолу баррели 24,52 долларга бааланды.

Мунайга дүйнө жүзүндө да суроо-талап төмөндөдү. Андыктан нефтини кайра иштетүү 1,7 миллион баррелге чейин түштү. Мунун басымдуу бөлүгү дал ушул америкалык заводдорго туура келет. "Айрымдары жабылып, дагы бири модернизициялоого муктаж. Кээсин жыл сайын Мексика куймасынын жээгинен өтчү урагандан кийин калыбына келтирүү керек", — деп оюн улантты Гойхман.

Жашыл энергетика: ким жеңип, ким жеңилет

Кытайдын ийгилигинин дагы бир сыры — коронавирус менен натыйжалуу күрөшү. Бул тууралуу "Алор Брокердин" башкы аналитиги Алексей Антонов билдирди. Анын айтымында, КЭР экономикасы калыбына келип, туруктуулугун көрсөтүп жатса, Европа менен АКШ начарлоонун үстүндө.

Кытайлыктардын нефть иштетүүдө эле эмес, металлургияда да алдыда экени кокусунан эмес. Гойхман ушундай эле тенденция Индияда, Жакынкы Чыгышта да байкалып жатканын белгиледи. Мындай көрүнүш бүгүнкү күндүн талабына жооп бербей калган Батыштын, керек болсо Азиянын да компанияларынын жабылышын шарттап жатат.

Мындан тышкары, АКШ менен Европа акырындап көмүр суутегинен баш тартып, энергиянын альтернативдүү булактарына ыктоодо. Кытай болсо экологиялык милдеттемелерден бош.

"Кошмо Штаттар жашыл энергетикага басым жасап, КЭРди кирдеген өнөр жай аянтчасы катары көрсөтүү далалатында. Экономикалык жактан өнүккөн өлкөлөр жаңылаган ресурстарга өтүүнү башкалардын эсебинен каржылап, аларды "экологиялык салык" төлөөгө да мажбур кылышат. Ак үйдө бул маселе менен саясий лөк, жаңы президент келгенден кийин климат маселелери боюнча атайын өкүл боло турган Жон Керри алпурушмакчы", — дейт Hamilton инвестициялык компаниясынын эксперти Антон Гринштейт.

Нефтиден көз каранды болгон Россия үчүн жашыл сценарий компаниялардын карызга батышын жана кирешенин азайышын шарттайт. "Чийки зат структурасын сактоо менен Россия экономикасы үчүн нефтини кайра иштетүү тармагында АКШнын лидерлиги алда канча пайдалуу", — дейт маектеш.

Марк Гойхман Россия 15-20 жылдан кийин нефтиден түшкөн кирешесинин ордун жаба турган башка булактар тууралуу ойлонушу кажет экенин белгиледи.

Жакынкы аралыкта Кытай мунай затты арбын колдонорун эске алып сырьену ушул багытта экспорттоого басым жасоо зарыл.

Пандемия: азиялык сценарий

Бирок бардык нерсе качандыр бир кезде соңуна чыгат. 2025-жылы КЭРдин өндүргөн продукциясынын көлөмү суроо-талаптан ашып кетиши толук ыктымал. Кытайдын CNPC нефть-газ корпорациясынын маалыматы боюнча, беш жылдан кийин нефть продуктулары суткасына 1,4 баррелге ашык өндүрүлө башташы мүмкүн.

"Азыр кытай нефть өндүрүүчүлөрү тышкы соодадагы чектөөсү үчүн АКШдан өч алып жаткандай. Мындай аракет менен өлкөнүн кадырын арттырууга да жан далбас жасалып жатат", — деп боолголоду Алексей Антонов.

Демек, алдыдагы 3-5 жылга саресеп салып отуруп, нефтини кайра иштетүүчү тармакта эле эмес, экономиканын башкы көрсөткүчү болгон ИДП боюнча да лидердин алмашуусу күтүлүп жатканын болжолдоого болот.

"Пандемияга чейин Кытайда АКШ экономикасын озуп өтүү үчүн беш жыл керек эле. Эми коронавируска каршы майнаптуу күрөшүүнүн негизинде кытайлыктар алдыга эртерээк чыга алышат", — деди Гринштейн.

Ал эми АКШ позициясын алдырууга даярбы? Бул башка маселе. Америка истеблишменти көйгөйдү экономикалык жактан да, дипломатиялык жол менен да чечүүгө аракет жасаган. Бирок ишке ашкан жок. Эми бийликке бизнесмен-президенттин ордуна саясатчы-президент келе турган болду.

Анын үстүнө Кытайда кайра иштетилген мунай затка суроо-талаптын өсүшү эпидемиологиялык абалдын жакшырганынан кабар берет. Бирок экинчи толкун Азиядан кыйгап өтөрү күмөн. Индонезия, Япония жана Түштүк Кореяда оору катталып жатат. Мындай көрүнүш тараза ташын оодарып жибериши мүмкүн.

82
Белгилер:
пандемия, экономика, завод, Мунай, нефть, Россия, АКШ, Кытай
Тема боюнча
Доору бүтүп баратабы? Мунай жаатында эсти оодарчу окуя күтүлүүдө
Степанакерт аэропорту. Архив

Тоолуу Карабах: аба мейкиндигин ачуу аракеттери. Сереп

56
(жаңыланган 14:04 02.12.2020)
Степанакерттен Ереванга чейинки (Эребуни авиабазасы, Звартноц аэропорту) автомобилдик көчөлөр менен кеткен жолдун узундугу 320 чакырымды түзөт. Операциялардын алгачкы күндөрү тынчтык орнотуучулар Степанакерттен ушул багыт боюнча жүрүшкөн.

Тоолуу Карабахтагы россиялык тынчтык орнотуучу операция татаал логистикасы менен айырмаланат. Степанакерттеги аэродромду реконструкциялоо жана заманбапташтыруу Россиянын Аба-космостук күчтөрүнүн аскердик-транспорттук учактарын кабылдоого мүмкүндүк берет, жаңы операциялык мүмкүнчүлүктөрдү жаратат, аскердик топторду жабдуу боюнча көптөгөн маселелерди чечет. Ушул тапта көпчүлүктүн көңүл борборундагы аймактын аэропорт жагдайына аскерий баяндамачы Александр Хроленко сереп салган.

Карабахты Армения менен туурасы 5 чакырым болгон Лачын коридору гана байланыштырып турат. Россиялык тынчтык орнотуучулардын көзөмөлүндөгү аймакта бул жол кокус кырдаал курчуп кете турган болсо, баары бир эң талуу көйгөйлөрдөн болуп калат. Келечекте жаңы жолдун (коридордун) оңой эмес курулушу жана Азербайжанга өткөрүлүшү күтүлөт. Бирок жүргүнчү жана жүктү ыкчам ташуу бүгүн зарыл болуп турат.

Степанакерттен Ереванга чейинки (Эребуни авиабазасы, Звартноц аэропорту) автомобилдик көчөлөр менен кеткен жолдун узундугу 320 чакырымды түзөт. Операциялардын алгачкы күндөрү тынчтык орнотуучулар Степанакерттен ушул багыт боюнча жүрүшкөн. Кийин (28-ноябрда) аралаш багыт табылып, Россиядан жүк жана техника жүктөлгөн вагондор Азербайжандын Барда темир жол станциясына келчү болду. Автомашиналарга жүктөлгөн соң Барда – Агдам – Степанакерт багыты боюнча 100 чакырым жол жүрүүдө. Багытты кайда бурба, жол ыраак.

Жоокердик бөлүктөрдүн, техника жана жүктөрдүн Тоолуу Карабахтын шартында жүздөгөн чакырымга ыкчам жеткирүү оор аскердик операцияга айланууда. Тынчтык орнотуучулар тобунун ички курамы жылына эки ирет алмашат. Аймактагы кырдаал курчуп кетсе, дагы кошумча күч жана каражат керектелиши мүмкүн.

Ошондой эле Степанакерттен тогуз чакырым аралыкта жайгашкан Ханкенди аэропорту бар. Болжолдуу түрдө оор аскердик-транспорттук авиацияны кабылдай алат. Бул жакта 1990-жылдардын башындагы согуштук аракеттерден улам учуштар токтоп калган.

Аэропорттун инфраструктурасы 2020-жылдын сентябрь жана октябрь айларында Азербайжан тараптын ракеталык аткылоолорунан кийин жабыркады. Бирок учуп-конуучу тилкенин узундугу 2200 метрди түзөт. Бул жердин рельефи да зарылдыгы чыкса тилкени дагы 1000 метрге узартып, жанына экинчисин курууга ылайык келет.

Степанакертке жакын аэропортту кайра калыбына келтирүү жана заманга бапташтыруунун баасы жакын арада каралса, көп жылдык узун каттам, убакыт жана күчтүн олчойгон чыгымдарынан кымбат деле болбойт. Аэропорт жарандык жүктөрдү ташуу, ошондой эле келечегинде Тоолуу Карабахтын экономикалык өсүшү үчүн түзүлгөн логистикалык борбор да болуп калышы ажеп эмес.

Ыраак жана кооптуу жол

Россиялык тынчтык орнотуучулар 23 байкоочу постто Тоолуу Карабахтагы окту токтотуу режимин сактоого күнү-түнү көз салышат. Лачин коридору аркылуу өткөн автотранспорт жана жергиликтүү калктын кыймылынын коопсуздугун камсыз кылышат.

14-ноябрдан тарта 26 миңден ашуун качкын үйлөрүнө кайтты. Аймакта россиялык саперлор, аскердик медиктер, Өзгөчө кырдаалдар министрлигинин кызматкерлери да кызуу иш алпарууда.

Тынчтык орнотуу милдеттерин аткаруу дайымкы ыкчамдыкты талап кылат. Карабах согушун токтотуу боюнча Россия – Азербайжан – Армения үч тараптуу макулдашуусунун негизинде Москва менен Баку кол койгон атайын протокол Азербайжан менен Армениянын ортосундагы транспорттук коммуникацияны жандандырууну да камтыйт.

Степанакерттеги аэропорттогу учуштарды эске алсак, бул документ жердеги гана тургай, абадагы тыюу салууларды жоеру айкын. Россиядан түз маршрут логистика жана жабдуунун көп көйгөйлөрүн чечип, тынчтык орнотуучу 15-бригаданын аскердик топторунун операциялык мүмкүнчүлүктөрүн арттырмак.

Мурда Грузия Азербайжан жана Армениянын өтүнүчү менен өз аба мейкиндигин россиялык аскердик-транспорттук авиацияга ачкан. Учактар Ереванга учуп турган. Андан ары Степанакертке техникада узак жол басууга аргасыз болушкан. Эми аймактын аба мейкиндигиндеги бөгөттөрдү толук алып салууга убакыт келди. Бул Азербайжандан Нахичеван автономиясына чейинки жолду куруу долбооруна да чоң пайда келтирмек.

Жабык асман

Степанакерт аэродрому ремонттолуп, 2012-жылы учактарды кабыл алууга даяр болчу. Бирок Бакунун каршылыгынан улам бул ишке ашпай калган. Анткен менен үч тараптуу макулдашуу түзүлүп, россиялык тынчтык орнотуучу миссия башталгандан тарта аймактагы кырдаал түп-тамырынан бери өзгөрдү.

Учуштардын коопсуздугунун жолдорун карап, тыюу салууларды жокко чыгарууга убакыт келди. Анан да азербайжан-армян "өз ара чегеришмесинин" үлгүлөрү бар: Бакудан Нахичеванга каттамдар Армения асманынан эл аралык коридорлор аркылуу учушат. Армениялык авиакомпаниялар да Азербайжандын аймагындагы эл аралык-корголгон аба коридорлорун колдонушат.

Азербайжандын президенти Ильхам Алиев кечээ: "Тоолуу Карабахты байырлаган армяндар да, азербайжандар да сөзсүз ал жакка кайтышат. Кайрадан ынтымакта коңшулаш болуп жашашат. Мында логистикалык, транспорттук, энергетикалык коопсуздук маселелери бар. Биз ушул маселелердин баарын карайбыз", - деп билдирди.

Бул үмүт жандырат. Эгер тоо койнундагы аэропорт жакында кучак ачса, бул жышаан – региондук тынчтык жана туруктуулукка чоң өбөлгө.

56
Белгилер:
Степанакерт, Армения, Азербайжан, Тынчтык миссиясы, аэродром, Тоолуу Карабах
Тема:
Тоолуу Карабахтагы жаңжал
Тема боюнча
Түркиянын учкучсуз аппараттарынын мыкты сапаты тууралуу имиш кеп кайдан чыкты
Тынчтыкка карай... Россия Тоолуу Карабахка кандай жардам берип жатат

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды