Кыргызстандын желеги. Архивдик сүрөт

Конституция табылды: ал түп нуска эмес, тарыхый экземпляр деп аталат

(жаңыланган 16:13 08.11.2016)
Жогорку Кеңеште издөөгө алынып, аны калың журт карайлап таппай жаткан Конституциянын түп нускасы табылды. Тагыраагы, ал мурун эле бар болгон, Sputnik Кыргызстан агенттиги болгону түп нуска деген эмне экенидигин, ал кайда, эмне болуп катылганын тактап чыкты.

БИШКЕК, 21-окт. — Sputnik, Исмаил Мамытов. Жогорку Кеңештин шаршемби күнкү отурумунда Баш мыйзамдын түп нускасы бар-жогу боюнча маселе көтөрүлүп, Юстиция министри Жылдыз Мамбеталиева менен президенттин ЖКдагы өкүлү Молдакун Абдылдаев Баш мыйзамдын түп нускасы жок экенин билдиришти. Кызыл чеке талаштан улам Молдакун Абдылдаев түп нуска президенттин аппаратында экенин айтып, болгону карандаш, калем сап оңдолгон жазуулары бар экенин тактаган

Ушундан улам коомчулуктан Баш мыйзамдын түп нускасынын бар-жогу боюнча кызуу талкуу жаралып, Sputnik Кыргызстан агенттиги маселени тереңирээк тактап көрүүнү чечти. 

Эске сала кетсек, буга чейин укук коргоочу Токтайым Үмөталиева бир канча ирет 2010-жылы кабыл алынган Баш мыйзамдын түп нускасы өзгөрүп кеткенин айтып чыккан.

Укук коргоочу менен байланышканыбызда булар тууралуу кеп кылды. 

"2010-жылы апрелдеги төңкөрүштөн кийин Баш мыйзамды өзгөртүү боюнча Конституциялык кеңешме куралган. Мына ошол кеңешмеге мен дагы мүчө болчумун. Кеңешме жазган Баш мыйзам талкууга коюлуп, элдин элегинен өткөн. Анткен менен добушка өзгөртүлгөн варианты чыгып, кийин Эркин-Тоо гезитине жарыяланган. Ошентип Конституциялык кеңешме жазган мыйзам менен Эркин-Тоого чыккан мыйзам башка болуп чыкты", — деди Үмөталиева. 

Укук коргоочу Конституциянын тексти алмашып кеткени боюнча сотко, Юстиция министрлигине жана Башкы прокуратурага кайрылып, тиешелүү жыйынтык ала албаганын кошумчалады.

"Учурда териштирип отуруп алты ар башка Конституцияны алдым. Кайсынысы түп нуска экенинин Башкы прокуратура аныкташы керек", — деди Үмөталиева. 

Депутат ЖК VI созыва, лидер фракции Ата-Мекен Омурбек Текебаев на заседании Жогорку Кенеша
© Фото / пресс-служба ЖК КР
"Ата Мекен" фракциясынын лидери, ошол кездеги Конституциялык кеңешменин төрагасы Өмүрбек Текебаев
Ал эми "Ата Мекен" фракциясынын лидери, ошол кездеги Конституциялык кеңешменин төрагасы Өмүрбек Текебаев Sputnik Кыргызстан агенттигине текст алмаштырылбаганын, буга чейин тегерек столдо элге көрсөткөн Конституция түп нуска эмес экенин билдирди. 

"Буга чейин депутаттык комиссия түзүлүп, Баш мыйзамдын "Эркин-Тоого" текст өзгөргөн эмес деген чечим чыгарган. Ал эми мендеги документ түп нуска эмес. Ал расмий деп эсептелинбейт. Расмий болушу үчүн катталды деген реквизиттери, кирди-чыкты деген белгилери болот. Түп нуска деген Убактылуу өкмөттүн 2010-жылы 19-майда чыккан декретине тиркелип, Борбордук шайлоо комиссиясына кетип, "Эркин-Тоо" гезитине жарыяланган долбоор. Бул доолбордун түп нускасы", — деди Текебаев. 

Депутат элдик добуш берүү өткөндөн кийин БШК жыйынтык чыгараарын кошумчалады. 

"Референдум өткөндөн кийин БШК жыйынтыгын чыгарат. Анда мынча пайыз менен сунуш кылынган төмөндөгү текст жактырылды деп тиркейт. Ошол түп нуска деп аталат. БШК аны "Эркин-Тоого", анан президенттин аппаратына жөнөтөт. Декретке ылайык, эч кимдин кол коюусу талап кылынбайт", — деди ал. 

Экс-глава ЦИК Акылбек Сариев
фото предоставлено Акылбеком Сариевым
БШКнын жетекчиси Акылбек Сариев

Анткен менен ошол кездеги БШКнын жетекчиси Акылбек Сариев Баш мыйзам БШКга келбегенин билдирди. 

Акылбек Сариев: БШКга Конституция келген эмес

"Биринчиден, БШКга жөнөтүүнүн себиби жок болчу. Экинчиден, эч кандай укуктук акт болгон эмес. Ошондуктан бизге Баш мыйзамдын долбоору келген эмес. Текебаев бет тырмарлык кылып жатат. Эгер берген болсо документти өткөрүү, алуу деген акт түзүлөт. Ошол кагаздары болсо көрсөтсүн, мен жооп берейин", — деди Сариев. 

Ал "Эркин-Тоого" Баш мыйзамды басып чыгаруу үчүн Убактылуу өкмөттүн мүчөлөрү бергендигин айтып, Конституциялык кеңешменин чечиминен кийин расмий түрдө Убактылуу өкмөттүн декрети менен өзгөртүү киргизилгендигин кошумчалады. 

Ал эми Текебаев болсо Баш мыйзамдын долбоору БШКга жөнөтүлгөнүн айтып, Акылбек Сариев адашып жатканын кошумчалады. 

"Акылбек Сариев адашып жатат. Ал Баш мыйзамдын долбоорун референдумга чыгарды да. Алты жылдан кийин эмнени айтып жатат? Сариев өткөрүп, ал "Эркин-Тоого" жарыялаган. Президенттин аппаратына ошол жөнөтүшү керек болчу", — деди "Ата Мекен" лидери.

Ошол кездеги Конституциялык кеңешменин мүчөсү Эрик Ирискулбеков БШКнын мурунку жетекчиси Акылбек Сариевдин айтканын кайталап, Баш мыйзамдын долбоору Убактылуу өкмөттүн аппаратына жөнөтүлгөнүн кошумчалады. (Ошол кезде Убактылуу Өкмөттүн аппараты президент аппаратынын милдетин аткарган)

"Биз Баш мыйзамды жазгандан кийин кол коюп, Убактылуу Өкмөттүн аппаратына жөнөткөнбүз. Ошол кезде эле Конституциялык кеңешменин жазган мыйзамы акыркы болобу же Убактылуу өкмөттүн мүчөлөрү өзгөртүүгө укуктуубу деген сурооо жаралган. Ошондо Өмүрбек Текебаев акыркы чечимди Убактылуу Өкмөттүн мүчөлөрү кабыл аларын айткан", — деди Ирискулбеков. 

Полномочный представитель правительства в Иссык-Кульской области Эмильбек Каптагаев. Архивное фото
© Пресс-служба правительства / Сабыр Аильчиев
Убактылуу өкмөттүн аппаратын жетектеген Эмил Каптагаев
Ал кездеги Убактылуу өкмөттүн аппаратын жетектеген Эмил Каптагаев Баш мыйзамдын түп нускасы президенттин аппаратында сакталганын айтты.

"Баш мыйзамды референдумга алып чыгуу боюнча Убактылуу өкмөттүн декрети кабыл алынган. Андан соң ага өзгөртүү киргизүү боюнча да декрет чыккан. Мына ошол эки декретке тиркелген Баш мыйзамдын түп нускасы архивде сакталган. Ошол түп нуска", — деди Каптагаев. 

Ал азыркы президент Алмазбек Атамбаев Баш мыйзамдын түп нускасы менен ант бергенин кошумчалады.

Руководитель аппарата президента Кыргызстана Фарид Ниязов. Архивное фото
© Пресс-служба президента КР / Султан Досалиев
Президенттин аппарат жетекчиси Фарид Ниязов
Ал эми президенттин аппарат жетекчиси Фарид Ниязов Баш мыйзамдын түп нускасы катары "Эркин-Тоо" гезитинде жарыяланып, бүгүнкү күндө архивде сакталып жаткан документти эсептесе болорун айтты. 

"Түп нуска дегенде элдик добуш берүүдөн кийин президент кол койгон документти түшүнөбүз. 2010-жылы президент жок болгондуктан, расмий жарыяланган документ дагы түп нуска деп эсептелинет. Учурдагы кырдаалда "Эркин-Тоо" гезитине жарыяланып, архивде сакталып жаткан документ түп нуска болуп саналат", — деди Ниязов. 

Президент аппаратынын жетекчиси болгону ошол документтер тиешелүү түрдө иретке келтирилбегендигин кошумчалады. 

Өмүрбек Текебаев: түп нуска эмес, тарыхый экземпляр болот

"Ата Мекен" фракциясынын лидери, Баш мыйзамдын атасы делген Өмүрбек Текебаев аны түп нуска эмес, тарыхый экземпляр деп атоо керектигин баса белгиледи. 

"Баш мыйзамдын түп нускасы эмес, тарыхый экземпляры деп атоо туура болот. Президент аппаратындагы сакталып жаткан документ тарыхый экземпляр. Андан башка көчүрүлүп, көбөйтүлүп чыгарылган. Бирок баарынын күчү бирдей", — деди Текебаев.

Ошентип анын сөзү боюнча Баш мыйзамдын түп нускасы эмес, тарыхый экземпляры болору, ал президент аппаратындагы архивде сакталып жаткан документ экени белгилүү болду. 

В конце июля парламентские фракции СДПК, Республика — Ата-Журт, Онугуу — Прогресс и Кыргызстан инициировали законопроект о внесении поправок в Конституцию путем референдума.
© Фото / Ася Ибраимова
Актап, сырдап, чаптап беребиз. Арзан…

Белгилер:
түп нуска, нускама, конституция, Өмүрбек Текебаев
Тема боюнча
Улан Примов: Конституцияны өзгөртүү боюнча референдум 11-декабрга белгиленет
"Ата-Мекен" Баш мыйзамды өзгөртүү боюнча Конституциялык палатага кайрылды
Каныбек Иманалиев: Конституциянын тили болсо, көп нерсе айтып бермек
Күндүзгү стационардагы медицина кызматкери. Архив

11 миңдей орун даяр турат. Өкмөт COVID-19дун үчүнчү толкунунан кантип өтөт

(жаңыланган 11:47 12.04.2021)
Кыргызстанда коронавирустун божомолдонуп жаткан үчүнчү толкуну күндөн-күнгө жакындап келе жаткандай сезилүүдө. Март айынан бери Бишкек менен Чүйдө ооругандардын саны кескин көбөйдү.

Акыркы суткаларда COVID-19 боюнча Республикалык штабдын расмий статистикасы чеке жылытарлык эмес. Буга чейин бир күндө вирус аныкталгандардын саны 100дүн тегерегинде болуп келсе, 8-апрелде 222ге жетти.

Мындан улам Sputnik Кыргызстан агенттиги кыргыз өкмөтү жаңы толкунга канчалык даяр экенине кызыкты.

Саламаттык сактоо министри Алымкадыр Бейшеналиев коронавирустун үчүнчү толкуну Кыргызстанда май-июнь айларында башталышы мүмкүн экенин айтууда.

Буга чейин кыргызстандыктар коронавирустун эки толкунун баштан кечирди. Биринчиси июль айына туура келип, жуктургандардын саны боюнча эң жогоку көрсөткүч (1 264 киши) 18-июлда катталды. Экинчи толкун октябрь, ноябрь айларында болду. Жуктуруп алгандар 25-октябрь күнү (606 киши) эң көп болду.

Эмдөө

Учурда адам баласын COVID-19дан сактап калчу бирден-бир айла вакцина экени айтылууда. Препараттар иштелип чыгып көптөгөн өлкөлөр жарандарын эмдөөдөн өткөрүп жатат. Кыргызстанда вакцинация 29-мартта башталып, Кытайдын SinoPharm препараты колдонулууда. Ал 75 миң кишиге жетет.

Күтүлүп жактан вакциналар:

  • гуманитардык жардам иретинде убадаланган Россиянын 500 миң доза "Спутник V" вакцинасы май, июнь айларында келери айтылууда;
  • Саламаттык сактоо министрлиги "Спутник V" вакцинасын Россияда иштеп жүргөн мигранттар менен ишкерлердин эсебинен да сатып алууну пландоодо. Мындай демилгени сыртта иштеп жүргөн кыргызстандыктар  көтөргөнү айтылган;
  • COVAX программасынын алкагында өлкөгө 2 миллион 600 миң доза вакцина алынары дагы маалымдалган. Ал 1 миллион 300 миң адамга жетет;
  • Кытай бийлиги менен вакцина боюнча сүйлөшүүлөр жүргүзүлүп жатат;

Дүйнөлүк банк, Ислам банкы жана өз ыктыяры менен вакцина алып берүүгө даяр тараптар бар.

Медициналык кызматкерлер. Архив
© Фото / пресс-служба мэрии города Ош
Мунун бардыгын эске алуу менен министр Алымкадыр Бейшеналиев Кыргызстан күзгө чейин вакцина менен толук камсыз болорун айтууда.

Баса, Саламаттык сактоо жана социалдык өнүктүрүү министрлиги Дүйнөлүк саламаттык сактоо уюму менен биргеликте жүргүзгөн сурамжылоонун жыйынтыгына караганда, Кыргызстан калкынын 55 пайызы вакцина алууга толук даяр же бир аз да болсо каалоосу бар. Ал эми жалпысынан өлкөдө 18 жашка чейинки балдарды эске албаганда 2,5-3 миллион адам эмделиши керек.

Антитело канча убакытка чейин коргойт?

Министр Алымкадыр Бейшеналиевдин окумуштуулардын изилдөөсүнө таянып билдиргенине караганда, антитело сегиз айдан бир жылга чейин жетет. 

Министр здравоохранения Кыргызстана Алымкадыр Бейшеналиев во время беседы на радио Sputnik Кыргызстан
© Sputnik / Табылды Кадырбеков
Саламаттык сактоо жана социалдык өнүктүрүү министри Алымкадыр Бейшеналиев
"2020-жылдын июнь-июль айларында ооруп айыккандарда антитело көбүрөөк. Кимдики жеңил формада өткөн болсо, алардын антителосу азайып кайра ооруп калуу коркунучу бар", — деди министр.

Ошол себептүү министрлик COVID-19ду жугузуп айыккандарга деле вакцина алып коюуну сунуштап жатат.

Кыргызстанда COVID-19дун кандай штаммдары бар?

Көпчүлүк кыргызстандыктар буга чейин COVID илдетине чалдыгып айыккан соң аларда антитело бар деген ойлор айтылууда. Бирок дүйнөдө коронавирустун жаңы штаммдары пайда болуп жатат.

Март айынын соңунда Казакстандын Алматы шаарында өтө тез тарап кетчү "британиялык" жана "түштүк африкалык" штаммдар табылган эле.

Учурда коңшуларда коронавируска кабылгандардын саны күн санап өсүп барат. Ал эми Алматы шаарынын Санитардык-эпидемиологиялык көзөмөл департаментинин жетекчисинин орун басары Асел Калыкова балдар арасында вирустун тарашына мутация болгон штаммдардын түздөн-түз тиешеси бар экенин айтып келет.

Бактыга жараша, Кыргызстанда азырынча коронавирустун "британиялык" штаммы жок. Саламаттык сактоо министрлигинин билдиргенине караганда, ушул тапта өлкө аймагында COVID-19дун мурда Россия, АКШ, Нидерланд, Германия, Исландия, БАЭ, Латвия, Щвейцария, Щвеция, Япония жана Израилде аныкталган түрлөрү кездешүүдө.

Чектөөлөр

Буга чейин Бишкекте тойлорду өткөрүүгө чектөө киргизүү пландалып жатканы айтылган. Өткөн аптада борбор калаанын жетекчилиги 55 жаштап өтүп тобокелдик тобуна кирип калган жарандарды өзгөчө зарылдык жаралмайынча сыртка чыкпай туруусун өтүндү.

Ал эми өкмөттөн мурдагыдай катаал чектөөлөр азырынча киргизилбесин, бирок коомдук жайларда, эл көп топтолгон жерлерде санитардык-эпидемиологиялык коопсуздук нормалары күчөтүлөрүн айтышты.

Балдарды дарылоого дарыгерлер даярбы?

Өкмөттөн билдиришкендей, акыркы 4-6 жума ичинде коронавируска кабылган балдар арасында көп тутумдуу сезгенүү синдрому (Кавасаки сыяктуу синдром) катталды.

"Бул дарт менен 26 бала Эне жана баланы коргоо борборундагы кардиоревматология бөлүмүндө дарыланышты. Анда баланын денесине кызамык сыяктуу бүртүктөр чыгып, дене табы көтөрүлүп, ашказан, ичегиси жабыркашы мүмкүн. Конъюнктивит болушу дагы ыктымал. Бактыга жараша, көпчүлүк балдарда синдром жеңил өтүп жатат. Учурда балдардын көп тутумдуу сезгенүү синдромун аныктоо жана дарылоо боюнча клиникалык протокол бар, дары-дармек жетиштүү", — деп айтылат билдирүүдө.

Тез жардам унаалары 70 пайыз гана муктаждыкты жабат

Кыргызстанда 2014-жылдан бери Тез жардам кызматынын автопаркы жаңыланган эмес. Андыктан пандемия учурунда анын абдан тартыштыгы билинип, кийин бийлик бир канча автоунаа алганын айтат.

"Пандемия убагында саламаттык сактоо тармагына Дүйнөлүк банк жана Ислам банкынын долбоорунун алкагында — 143, "Коопсуз шаар" тарабынан 39 автоунаа сатып алынды. Гуманитардык жардам иретинде Өзбекстандан — 20, жергиликтүү кайрымдуулук фондунан — 7, ишкерлер тарабынан 20 автоунаа берилди. Учурда Азия өнүктүрүү банкы тарабынан дагы 17 тез жардам автоунаасын сатып алуу каралууда. Бирок бул муктаждыктын 70 пайызын гана жабат", — дешти өкмөттөн.

Кошумча орундар

Ушул тапта Кыргызстан боюнча коронавируска чалдыккандар үчүн 1500дөй орун бар. Анын ичинде 200гө чукулу интенсивдик терапия палатасында. Бирок бул сандар күн сайын эпидемиологиялык кырдаалга жараша өзгөрүп турат.

Саламаттык сактоо министрлигинин планы боюнча, эгер ооругандардын саны көбөйүп кетсе, өлкө боюнча дагы 11 237 орун ачылат. Республикалык деңгээлдеги ооруканаларда — 1 752, Бишкек шаарындагы ооруканаларда – 1 164, Чүй облусунда 1 352 орун болсо, калганы аймактарда иштей баштайт.

Вирус жуктургандар кокус андан дагы көбөйсө, республика боюнча кошумча 4 907 орун ишке берилет.

Белгилер:
оорукана, даярдык, өкмөт, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Изилдөө: кыргызстандыктардын 55%ы COVID-19га каршы эмделгиси келет
Бишкекте COVID-19 жуктурган бейтаптарды 5 оорукана кабыл алууда. Тизме
Украинанын аскер кызматкерлери. Архив

Украина НАТОго кирет деп ишенип... Россияга ким чагымчылык жасоодо

Украинанын геосаясий абалы Россия менен Батыштын ортосундагы мамилеге байланыштуу. Москва үчүн бул талкууланбай турган маселе болсо, Батыш үчүн анчалык принципиалдуу эмес.

Донбасста болчу согушту, башкача айтканда "Россиянын кол салуусун" күткөнү Киевдин жалгыз эле чагымчылыгы эмес. Владимир Зеленскийдин шейшемби күнү айткан сөзү алда канча кооптуураак болуп чыкты.

НАТО менен Украина "алакасына" Петр Акопов баам салып, макала РИА Новости агенттигине жарыяланды.

"Биз армия менен коргонуу секторун реформалоого умтулуп жатабыз, бирок Россияны жалгыз эле реформа менен токтотуу мүмкүн эмес. НАТО — Донбасстагы согушту токтотууга жападан жалгыз жол. Мүчөлүк боюнча иш-аракеттердин планы Россия үчүн чындап сигнал боло алат", — деди президент.

Мындай пикирин Украина ажосу НАТОнун башкы катчысы Столтенберг менен сүйлөшүп жатып билдирди. Ушул эле сөзүн ал Британия жана Канаданын премьерлери менен жолукканда да кайталады. Зеленский мүчөлүк боюнча иш-аракеттердин планына интеграция боюнча конкреттүү кадамдар жана НАТОго кирүү мөөнөтү так жазылышын талап кылууда. Премьер-министри кечээ жакында эле Украина альянска беш-алты жылдын ичинде кошулуп каларын айткан. Зеленскийдин сөзүнө НАТО өлкөлөрү "эл көзүнө" эле реакция жасады. Мисалы, АКШ макул экенин, бирок маселени НАТОнун бардык мамлекеттери чечиши керектигин (башкача айтканда, каршы) кыйытты. Ал эми Берлин "Украина саясий муктаждыктарын эркин тандоо укугуна ээ өлкө экенин айтып, бирок мүчөлүк боюнча кийинки кадамдар тууралуу сөз кылуу мүмкүн эместигин" белгиледи.

Зеленский чындап эле Украина Түндүк Атлантика альянсына кирет деп ишенип жатабы? Ооба, ишенип жатат, Украинанын талуу жери да ушунда.

Анткени Украина НАТО мүчөсү боло албайт. СССР кыйрагандан кийин Россиянын бир бөлүгүндө пайда болгон Украина мамлекети Советтер Союзуна каршы туруу үчүн англосакстар тарабынан Экинчи дүйнөлүк согуштан кийин түзүлгөн түндүк атлантикалык альянска кире албайт. Украинанын элитасы аябай каалашы мүмкүн, калктын басымдуу бөлүгү да бул кадамды колдошу ыктымал, бирок мүчөлүк эгерим ишке ашпай турган кыял. Эмне үчүн? Анткени НАТО Россияны ооздуктоого багытталган, ал эми Украина — тарыхый Россиянын бир бөлүгү.

Антейин десең Украинаны антиРоссияга айландыруу аракети күч болуп жатпайбы, анда эмне үчүн Россиянын каршылаштарынын тобуна киргизбей жатышат.

Анткени Украина — насилинде субъект эмес, ал Россия менен Батыштын ортосунда талашка түшкөн объект. Батыш Россияны маанилүү бөлүгүнөн ажыратып, геосаясий чек араны бөлүп-жарып, өлкөнү чыгышты көздөй сүрүп чыгарууга ниеттенип жатат. Ал эми Россия үчүн Украина талкууланбай турган маселенин катарында: орустар мамлекеттүүлүгүнүн негизин түзүп турган пайдубалдан ажырай албайт, ага жол бербейт. Эки башка мамлекетке бөлүнүүнү түшүнсө болот. Бирок атлантизация, башкача айтканда, Украинанын европалык да эмес, таптакыр бөлөк-бөтөн, башынан эле орустарга каршы турган атлантикалык геосаясий мейкиндикке кирип кетиши Россия үчүн да, жалпы орус цивилизациясы үчүн да таптакыр акылга сыйгыс көрүнүш. Орус цивилизациясынын бир бөлүгүн украин эли да түзөт.

Ошондуктан Украинанын геосаясий абалы Россия менен Батыштын ортосундагы мамилеге байланыштуу. Москва үчүн бул талкууланбай турган маселе болсо, Батыш үчүн анчалык принципиалдуу эмес. Муну ал сөз менен эле эмес, иш жүзүндө да тастыктап келет.

Батыш Украина үчүн Россия менен болчу чыныгы кармашка даярбы? Жок, анткени Батыш үчүн Украинанын Россиядагыдай баасы жок. Европалыктар да, англосакстар да ушундай пикирде. Албетте, булар Украина менен Россиянын убактылуу бөлүнүп-жарылуусун турукташтырып жиберип, өзүнө кошуп алсак дейт. Бул үчүн Россиянын каршылыгын сындырып (ишке ашкыс ой), тарыхый тандоо жасашы керек.

Анда Батыш Россия менен касташкан мамилеге даяр болушу кажет, башкача айтканда, Украинаны кошуп алып Россияны душманга айлантып аларына даяр болушу зарыл. Азыр маалыматтык согушта айтылып жаткан эмес, кадимки душман менен бет келет. Анткени орустар байыркы шаарларынын биринен ажырап тынч отуруп калбайт, мындан улам Батыштын да, Европанын да геосаясий стратегиясы ушул жөпжөнөкөй фактыга баш ийиши керек.

Украинанын атлантизацияланышына ким ишенет? Тарыхты билбегендер, мурдунан алысты көрө албагандар, же Европаны уруп ойнобогондор менен орустарды европалыктар менен каршылаштырууга кызыкдар тараптар. Антлантика элитасында ушундайлар барбы? Албетте, бар, бирок азыркы элитанын басымдуу бөлүгү Украинаны атлантизациялоо демилгесинин өзү канчалык кооптуу экенин жакшы түшүнөт. Европа үчүн кооптуу.

Бирдиктүү Европанын курулушу элитаны реалдуулуктан алыстатып жиберди. Анын бир бөлүгү болгон чыныгы атлантисттер бардык нерсе бирдиктүү Батыштын эркинен көз каранды деген жомокко ишенип алган, көрсө, тарыхты, коңшу цивилизацияларды унутуп койсо болот экен. Глобализациянын атлантикалык долбоорунун кризиске кептелгенин көргөн экинчи бөлүгү деле евроинтеграцияны көзөмөлдөө жөндөмүн сактап калам деп ишенип турат. Бул үчүн англосакстардан бөлүп, европалык чеп куруу менен ишке ашырат имиш.

Бирок канчалык өз алдынчалуу болуп кетсе да Европа Россия менен алака түзбөй кое албайт, ал эми душмандашуу тууралуу ойлонуп да кереги жок. Бирдиктүү Европадан кол жууш үчүн Украинанын артынан түшүү ушунчалык зарылбы? Европалыктар мынчалыкка баргыдай боло элек.

Эмне кылыш керек? Россия качандыр бир кезде өзүнөн өзү алсызданып, Украина эмес өзүнүн айласын таппай калчу учурун күтүш керек. Дал ушул маалда Украинаны өзүнө алып алса болот. Бирок мындай ойдун ишке ашары күндөн-күнгө күмөн болуп бара жатат. Ал эми Европа менен Россиянын өнүгүү тенденциялары күмөнсүнүүнү бекемдеп жатканы айкын.

Белгилер:
Владимир Зеленский, мүчө, НАТО, тарых, Батыш, Украина, Россия
Тема боюнча
Климат көйгөйүнө жамынып ааламды аңтаргандар. Сереп
Эки тизгин, бир чылбырды бере тургула. Дүйнөнү башкарууга умтулган ЕБ лидерлери
Жол кырсыгынан жабыркаган унаа. Архив

Чүйдө төрт унаа кагышып, эки адам жабыркады. Кырсыктын видеосу

(жаңыланган 18:53 13.04.2021)
Жол кырсыгы Александровка айылында катталган. Жеринде ыкчам тергөө тобу иштеп жатат.

БИШКЕК, 13-апр. — Sputnik. Чүй облусунун трассасында төрт унаа кагышып, эки адам жабыркады. Бул тууралуу Чүй облустук жол кыймылы коопсуздугун камсыздоо башкармалыгынын (ЖКККБ) маалымат кызматы билдирди.

Кырсыктын видеосу "Короче" Тelegram-каналына жарыяланган. 

Каргаша Александровка айылында 15:00дөр чамасында болгон. Анда Honda Stepwgn, Ford Transit, Lexus LX470 жана Merceses-Benz үлгүсүндөгү микроавтобус кагышкан.

Натыйжада Ford үлгүсүндөгү унаанын эки жүргүнчүсү жабыркаган. Жеринде ыкчам тергөө тобу иштеп жатат.

Күбөлөрдүн айтымында, жол кырсыгынан улам Бишкекти көздөй кеткен жолдо унаа тыгыны жаралган.

Белгилер:
тыгын, унаа, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жол кырсыгынан 19-20 жаштагы үч бала көз жумду. Дагы үчөө ооруканада