АКШнын президенти Дональд Трамптын Американын качкындарды кабыл алуусун 120 күнгө токтоткон жаглыгына каршы акциясы

АКШдагы кыргыз мигранттары Трамптын жарлыгынан жабыркабайбы

2707
(жаңыланган 14:13 01.02.2017)
"Замандаш" ассоциациясынын үч жыл мурун жүргүзгөн изилдөөлөрүнө ылайык, АКШда болжол менен 20-25 миңдей кыргызстандык жашайт.

БИШКЕК, 31-янв. — Sputnik. АКШ президенти Дональд Трамп 20-январда ант берип, Американын 45-президенти болуп расмий түрдө иштеп баштады. Инаугурациясынан көп күн өтпөй эле жаңы шайланган президент шайлоо алдында берген убадаларын аткара баштады көрүнөт.

25-январда ал миграция маселесине тиешелүү мурда кылмыш кылган мыйзамсыз мигранттарды өз мекенине депортациялоо жана Мексика менен АКШнын чек арасына мигранттардын агымын токтотуу үчүн дубал куруу боюнча жарлыкка кол койду. 

Мындан улам 25-январь АКШда жашаган 12 миллионго чукул мигрант үчүн "кара" күн болуп калды.

Андан көп өтпөй эле Трамп Американын качкындарды кабыл алуусун 120 күнгө токтоткон жана өлкөгө кирүү эрежелерин татаалдаткан Жарлыкка кол коюп, бул документтин максаты — "радикалдашкан мусулман-террочуларды" өлкөгө киргизбөө экенин айтты.

Документте Ирак, Иран, Сирия, Судан, Йемен, Ливия жана Сомали өлкөлөрүнүн жарандарына АКШга кирүүгө убактылуу тыюу салынганы жазылган.

Трамптын АКШдан акырындык менен качкын, мигранттарды тазалай башташы Америкада жүргөн кыргыз мигранттарына тийгизе турган таасирин, ал жакта мыйзамдуу жана мыйзамсыз жашап жаткан кыргызстандыктар тууралуу Sputnik Кыргызстан агенттиги билип көрдү.

АКШда жашаган кыргыздар

Америкада учурда канча мигрант жашаары боюнча так маалымат жок. Бирок "Замандаш" ассоциациясынын үч жыл мурун жүргүзгөн изилдөөлөрүнө ылайык, аталган өлкөдө болжол менен 20-25 миңдей кыргызстандык жашайт.

"АКШда жашаган кыргызстандыктардын көпчүлүгү тейлөө кызматтарында иштешет. Мисалы, беш кыргызстандыктын экөө окуп же ар түрдүү долбоорлор менен келген болсо, калгандары атайын иштөө үчүн келишет. Ал жакка конокко, окууга, долбоор менен барышса да келишимдери бүткөн соң калып калгандар көп. Ошолордун көбү мыйзамсыз жашап келет", — деди "Замандаш" ассоциациясынын төрагасы Майрамбек Жапанов.

Кыргызстандык Эркин Урманбетов АКШнын Огайо штатынын Цинцинатти шаарына барганына 3 жыл гана убакыт болгон. Бирок үй-бүлөсү менен мыйзамдуу түрдө жашайт. Анын айтымында, кыргыз мигранттары үчүн Трамптын жаңы чыгарган жарлыгы азырынча кооптуулук жаратпайт.

"Биринчиден, Трамптын келгенине аз эле убакыт болду. Анын киргизген мындай мыйзамдары азырынча бизге сезиле элек. Экинчиден, АКШ — мигранттар үчүн мүмкүнчүлүктөрдүн өлкөсү. Бул жакта мигранттар эч кандай мыйзамды бузбай иштесе, эч ким ага тийишпейт. Мен үч жылдан бери үй-бүлөм менен Америкада жашайм. Ушул күнгө чейин мени мигрантсың деп эч ким келекелеген жок. Мыйзам бузбаган мигранттарга эч ким унчукпайт", — деди Урманбетов.

АКШда мыйзамдуу жашоо кыйынбы?

Флорида штатынын Майами шаарында жашаган Манас Муратбеков АКШда квалификациялуу иммиграциялык адвокат болуп иштеп келет. Анын жеке компаниясы мекендештердин юридикалык суроолоруна жооп берип, укуктук жактан жардам берет.

Муратбеков АКШда мыйзамдашуунун жолун төмөндөгүчө түшүндүрүп берди.

"Эгер АКШга келген жаран иммиграциялык мыйзамдарды бузбаса же дайыма мыйзамдын негизинде жүрсө мыйзамдашуу процесси оңой эле бүтөт. Бул үчүн ал адам эч качан депортацияланбаса, АКШнын жаранына турмушка чыгып же ал жактан аял алса же саясий куугунтукка кабылган болсо гана мыйзамдуу жүрө алат. Ошондой эле мекендештер бул жакка беш жылга конок визасын алып иштеп кетсе болот. Бирок бул убакыт бүткөндөн алты айдан кийин дароо өлкөдөн чыгып кетиши керек. Болбосо алар мыйзамсыз жүргөн жаранга айланып калат", — деди Муратбеков.

Трамптын жарлыктары кыргыз мигранттарына таасир тийгизбейби?

"Замандаш" ассоциациясынын өкүлү Майрамбек Жапанов Трамптын миграция маселесине койгон талаптары биздин мекендештерге да терс таасирин тийгизиши мүмкүн экенин жашырбайт.

"Америкага акыркы он жылдан бери барган кыргызстандыктар учурда мыйзамдашуунун үстүндө. Депортациялангандар дээрлик каттала элек. Бирок Трамптын жаңы мыйзамдары биздин мыйзамсыз жүргөн мигранттарга кандай таасир берет, азырынча айтуу кыйын", — деди Жапанов.

Ошол эле учурда Жапанов АКШга кирүү мурдагыдан да кыйыныраак болуп кала турганын кошумчалады.

"Акыркы эки жылдан бери АКШга виза ачып баруу өтө кыйын болуп калган. Ушундай жол менен эле Трамп башка жактан келгендерге бөгөт коюп коёт. Анын чыгарып жаткан жарлыктары көпчүлүк учурда Мексика — АКШ чек арасынан мыйзамсыз топ-топ менен өтүп жаткан мигранттарга тиешелүү болсо керек", — деди Жапанов.

АКШдагы адвокат Манас Муратбековдун айтымында, Трамптын чыгарып жаткан жарлыктарынан кыргыз мигранттары кооптонбой эле койсо болот. Анткени, бүгүнкү күндө Кыргызстандын жарандарына тиешелүү атайын жарлыктар чыга элек.

Адвокаттын бул оюна Америкада төрт жылдан бери жашап жүргөн кыргыз мигранты Рамиль Мамырканов да кошулат.

"Биринчи кезекте бул чыгарылган токтомдор мурун кылмыш кылган эки миллион мигрантка тиешелүү. Буларды өз өлкөсүнө жөнөткөндөн кийин гана башка мыйзамсыз жүргөндөрдү депортациялоо каралат. Бирок АКШда мыйзамсыз жүргөн 11 миллион мигрант болсо, алардын баары өз мекенине жөнөтүлүшү мүмкүн эмес. Анткени АКШнын экономикасы мигранттардан көз каранды. Мындан улам бийликтин миграция боюнча айтып жаткандары иш жүзүнө ашышы күмөн", — деди ал.

Ал эми мыйзамсыз жашап жаткан кыргыз мигранттары (көпчүлүгү өздөрү тууралуу маалымат берүүдөн баш тартышты) жалпы сурамжылоодо жарлыктан кийин кооптонуу болуп жатканын айтышып, бирок, башкысы тартипти бузбай, тынч жүргөндөргө эч ким тийишпейт деген ойдо.

Майрамбек Жапановдун айтымында, эгер мыйзамсыз жүргөн кыргыз мигранттары депортациялана турган болсо мындан Кыргызстандын экономикасы да жабыр тартышы мүмкүн.

"Албетте, өлкөгө акча которуулар көбүнчө Россия, Казакстандан болот. Бирок мекендештерди АКШдан чыгарып сала турган болсо, он миңдеген адам туруктуу кирешесинен куру калат", — деди ал.

Улуттук Банктын билдирүүсүнө ылайык, былтыркы жылдын 11 айында мигранттар Кыргызстанга 1 миллиард 835 миллион акча которсо, анын 34,5 милллиону АКШдагы кыргыздардан келген.

2707
Белгилер:
жарлык, мекендештер, мигранттар, Дональд Трамп, АКШ, Кыргызстан
Тема боюнча
Трамп АКШга качкындарды киргизүүнү токтотуп, талаптарды бир топ татаалдантты
Марк Цукерберг АКШ президенти Трамптын качкындарды өгөйлөгөнүн сындады
Трамп 3 миллион мигрантты депортациялаганы жатат
Афганистандагы АКШ аскер кызматкерлери. Архив

"Россияны жеңүүнүн ыгын таптык". Пентагон кандай ишке киришти?

195
(жаңыланган 11:06 20.01.2021)
Америкалыктар атомдук энергетиканын аскердик багытын өрчүтүүнү чечишти. Тактыдан кетерден мурун президент Трамп куралдуу күчтөр жана космосту изилдөө үчүн кубаттуулугу азыраак өзөктүк реакторлорду иштеп чыгуу жөнүндөгү жарлыкка кол койду.

АКШ атомдук энергияны аскердик-деңиз күчтөрүнөн башка багыттарда жарым кылымдан бери алгач ирет колдонгону турат. Вашингтонго жаңы тыгыз реакторлордун зарылдыгы эмне экенине сереп салган Андрей Коцтун макаласы РИА Новости сайтына жарык көргөн.

Резервдик булак

АКШнын Куралдуу күчтөрүндө суу алдындагы кайыктар жана авиаташуучулар атомдук реакторлор менен жабдылган. Мындан улам америкалык флоттун эң ири вымпелдеринин деңизде жүрүү убактысы дээрлик чектелбейт.

Өзөктүк энергияны бөлөк өлкөлөрдүн да аскердик-деңиз күчтөрү пайдаланат. Мисалы, француздарда "Шарль де Голль" авиаташуучу, ал эми Россияда "Петр Великий" оор ракеталык крейсери атомдук күч менен жүрөт. Бирок АКШда атомдук күч менен жүрүүчүлөр алда канча арбын. Америкалыктар бул жетишкендиктери менен токтоп калбайт.

"Президент Трамптын көрсөтмөсү менен аз кубаттуулуктагы атомдук реакторлордун чыгымдары боюнча алып караганда Коргоо министрлиги өлкө ичиндеги аскердик объектиде энергетикалык ийкемдүүлүк жана майнаптуулукту көрсөтүү планын иштеп чыгып жана ишке ашырмакчы. Ошондой эле аз кубаттуулуктагы мобилдик реакторду сынайт.

Энергиянын мындай булактары күн энергиясын, ошондой эле коргонуу тармагында колдонууга мүмкүн болбогон алыскы космосту изилдөөдө алмашкыс", — деп маалымдашат Ак үйдүн басма сөз кызматынан. Тыгыз өзөктүк реакторлор дал эмнеге керектелгенин АКШ бийлиги так кабарлабайт. Белгилүү defensenews.com порталынын эксперттери кеп армиялык базалардагы резервдик кубаттоо булактары жөнүндө деп эсептешет.

Эгер аскердик объектиде электр энергиясы жоголсо, реактор өтө маанилүү жабдыкты энергия менен камсыз кылат. Жарлыктын текстине ылайык, адистердин пикиринде биринчи прототипти сыноолор жарым жыл ичинде АКШдагы ири – Невада полигонунда башталууга тийиш.

Космосту багындыруу

Secure World Foundation коммерциялык эмес уюмунун космостук коопсуздук маселелери боюнча эксперти Брайан Уиден узак, анын ичинде учкуч тескеген, Ай, Марс жана башка планеталарга учуштарда өзөктүк энергиясыз болбостугун эскертет.

Келечекте жерден тыш (башка планеталардагы) биринчи колониялар үчүн реакторлор керектелет. Айрым адистер жаңы технологияларды орбиталык курал платформаларында пайдаланууга болорун эсептешет. Негизинен бул сценарий космосту потенциалдуу согуш талаасы катары караган АКШнын Космостук күчтөр агрессивдүү доктринасына сыярлык.

"Америкалыктарга бул биринчи кезекте космостук максаттарда зарыл деп боолголойм, — дейт РФтеги "Арсенал Отечества" журналынын башкы редактору Виктор Мураховский. — Бизде "атомдук реактор" деген сөз айкашы башка маанини туюндурат. Биринчиден, бул – уранды ок-жайлатуучу менен бөлүнүүнүн удаалаш реакциясынын жана кубаттуулукту жөнгө салуунун негизинде иштеген түзүлүш. Россияда мындай орнотмолор "Буревестник" жана "Посейдон" үчүн жасалган. Экинчиден, бул – спутник, радиобуй (маяк) жана метеостанцияларда колдонулган изотоптук өзөктүк энергия булактары. Алардын майнаптуулугу азыраак, антсе да анчалык күчтүү жаркырабайт".

Эксперт АКШда 1950-60-жылдарда СССРде да учактар үчүн чакан өзөктүк реакторду иштеп чыгууга аракет кылышканын эске салат. Бирок андай долбоорлордон баш тартышкан, бир эмес, ал түгүл эң чоң учак да экипаждын биологиялык коргоо тутумунун жүгүн көтөрө алмак эмес. Ошондуктан реакторлорду колдонуу ири кемелер менен чектелген.

Мураховскийдин айтымында, азыркыга дейре дүйнөнүн бир дагы өлкөсү учкуч айдаган учактарда, сыйымдуулугу азыраак кемелерде жана жердеги транспорттук каражаттарда пайдаланууга мүмкүн болгон чакан реакторлорду (бөлүнүү реакциясына) жарата алган эмес.

Ошол эле убакта эксперт америкалыктар россиялык "Буревестник" жана "Посейдондорду" кайталоону каалай тургандыгынан шек санайт. "Бул системалар болушунча спецификалык, — деп түшүндүрөт ал. — Аларды агрессор өзөктүк согушту тутанткан шарттарда кепилденген жооп иретиндеги сокку жана ракетага каршы коргонуунун батыш тутуму үчүн жасашкан. Америкалыктарда алардын максаттарына төп келчү куралдар ансыз да жетиштүү".

Радиация көйгөйү

Өзөктүк күч түзүлүшүн кезегинде континенттер аралык Convair B-36 стратегиялык бомбалоочу учагы үчүн иштеп чыгышкан. Алар 1949-жылдан 1959-жылга дейре АКШнын Аскердик аба күчтөрүндө турган.

NB-36H учуучу лабораториясынын тумшук бөлүгүнө 12 тонналык коргоочу капсуланы орнотушкан. Ал эми ыкчам нейтрондогу бир мегаватт кубаттуулуктагы, диаметри 1,2 метрлик, 16 тонналык реакторду бомба жайгаштырылчу бөлүгүнө коюшкан.

Ал учушта коё берилип, учактын бортундагы аба топтогуч аркылуу кирген атмосфералык абада муздоого тийиш эле. Эксперименталдык машина 47 ирет учкан, бирок өзөктүк кыймылдаткычын кыска убакытка гана жандырышчу. Демилге дурустай эле көрүнгөн. Мындай учуучу аппаратты бир нече сутка кошумча май куюлбастан абада аскердик күзөт өтөй алчу стратегиялык бомбалоочу же чалгындоочу учак катары да колдонууга болмок. Бирок көйгөйлөрү өтө көп эле. Биринчиден, ар бир атомолет – маңызында бөтөнгө эмес өзгө да кулап калышы толук ыктымал "ыплас" бомба. Экинчиден, абада да эксперименталдык борттун "этеги" радиоактивдүү заттарга толо эле. Акыры, экипаж баары бир катуу нурланчу. Өзөктүк куралды жеткирүүнүн негизги каражаты катары континенттер аралык баллистикалык ракеталардын өнүгүшү атомолеттордун татаал жана кооптуу программасынын келечегине биротоло бөгөт койгон.

АКШда өзөктүк реакторду жердеги техникага да орнотууга аракет кылышкан. Жыйырма беш тонналык Chrysler TV-8 танкын эч качан массалык түрдө чыгарышкан эмес, ал алты штаттык тутумдар менен жабдылган толук өлчөмдүү макет түрүндө гана болгон.

Машинаны кыймылга буу кыймылдаткычы келтирмек, жылуулукту ага чакан атомдук реактор берип турган. Антсе да америкалык аскерлер Chrysler корпорациясынын куралчыларынын инновациялык маанайын баалай алышкан эмес. Танкты өтө эле татаал деп таап, ал эми анын аскердик мүмкүнчүлүктөрүн кадимки машиналардан баш тартууга жетишсиз деп баалашкан. 1956-жылдын 23-апрелинде TV-8 долбоорун жаап салышкан.

195
Белгилер:
армия, АКШ, танк, Пентагон, Россия, асман, курал
Тема боюнча
6-муундагы кубаттуулук. МиГ-41 качан көккө кое берилет?
Посейдон көп буталуу океандык тутуму. Архив

Агрессивдүү саясатка россиялык жооп. Жаңы субмарина тууралуу эмне белгилүү?

104
(жаңыланган 22:32 19.01.2021)
Атайын багыттагы суу түбүндөгү атомдук кайыктын курулушу аяктап барат, жакында гидравликалык сыноолору башталат. Россиялык Аскер-деңиз флоту бул кемеге 2027-жылга чейин ээ болот.

09853 долбоорундагы "Ульяновск" субмаринасы 2017-жылы Севмашта курула баштаган, 09851 долбоорунун "Хабаровск" кемеси сымал эле негизги өлчөмдөргө ээ, бирок курулушунда заманбап тутумдар жана механизмдер пайдаланган. Аскерий баяндамачы Александр Хроленко бул жолу "Посейдондордун" артыкчылыгына токтолду.

Military Watch Magazine маалыматтарына таянсак, бул кемелер стратегиялык багыттагы суу түбүндөгү "Борей" ракеталык крейсерлеринин кичирейтилген конструктивдүү мураскерлери болуп саналат.

"Ульяновск" субмаринасынын "Хабаровск" жана "Белгороддон" (949А долбоорунун сынамык ташуучусу) принципиалдуу айырмасы – жаңы субмаринанын РФтин Аскердик-деңиз флотунун катарына бортундагы "Посейдон" уникалдуу термоөзөктүк торпедалары менен кошула турганында. Россия жакынкы келечекте Түндүк жана Тынч океан флотторунун аскердик курамында экиден "Посейдонго" ээ болууга ниеттенет.

"Посейдон" көп буталуу океандык тутуму – НАТОнун кеңейишине жана Чыгыш Европада АКШнын абадан коргонуучу глобалдык системасын түзүүгө Пентагондун сокку уруучу потенциалын топтогонуна РФтин асимметриялык жообу. Ал тутумду россиялык коргонуу дараметин алдын ала талкалоо үчүн пайдаланууга болот.

"Посейдон" – Россиянын Аскердик-деңиз флотунун эң купуя долбоорлорунун бири. Антсе да мурда жарыяланган орточо мүнөздөмөлөрү (адистердин баасы) өзөктүк ооздуктоонун уникалдуу системасынын өзгөчөлүктөрүн толук элестетүүгө мүмкүндүк берет.

"Ульяновск" сериялык субмаринасы – "Хабаровск" концепциясынын уландысы жана өркүндөтүлүшү, ошондой эле эки корпустук түзүлүшкө ээ. Узундугу – 113 метрдин тегерегинде, толук сыйымдуулугу – болжол менен 10 миң тонна, жумушчу сууга чумкуу тереңдиги – 500 метрге чейин, суу алдындагы ылдамдыгы – 30дан ашуун узел. Автономдуулугу – 120 сутка.

Чектөөсүз ыраактыгын принципиалдуу түрдөгү жаңы өзөктүк энергетикалык орнотмосу камсыздайт. Экипаж – 100 чакты киши. Ага "Посейдон" алты термоөзөктүк торпедасы "Ульяновскинин" тумшук бөлүгүнө жайгаштырылышы мүмкүн. Мындан сырткары, субмарина "Калибр-ПЛ" канаттуу ракеталарын, гипер үндүү "Циркон" жана "Пакет-ПЛ" (душмандын торпедалык чабуулдарынын мизин кайтаруу үчүн) коргонуу комплексин алышы ыктымал.

Океандык көп буталуу система болжолдуу душмандын сокку уруучу авиаташуучуларын, ири аскердик базаларын жана жээктеги райондордогу экономикалык стратегиялык объектилерин кыйратуу, ошондой эле агрессор өлкөнүн кеңири аймагына орду толгус зыян берүү үчүн багытталган.

Путинден "Матрешка"

09851 жана 09853 долбоорлорунун өзөктүк "Тозок оту торпедаларын" суу алдында ташуучулары – жашыруун, кубаттуу, өтө тереңдикте (өйдө көтөрүлбөстөн) аскердик кызматтын милдеттерин төрт айга чейин өтөй алат. Алар дүйнөлүк океандын каалаган бурчунда иш алпара алат. Өз кезегинде "Посейдон" учкучсуз аппараттары согушта колдонууда бышыгыраак, автономдуураак, таптакыр кыйрагыс.

Жалпысынан көп буталуу океандык бул тутум – бортундагы атомдук субмарина жана термоөзөктүк трансконтиненталдык торпедалар орус матрешкасын элестетет, бул учурда РФтин тынчын албай эле койгон оң. Жүйөлүү себеп болбосо, "Посейдон" эч качан ишке кирбейт. "Посейдон" өзөктүк кыймылдаткычтуу учкучсуз аппаратынын узундугу  20 метрдин тегерегинде, диаметри – 1,8 м, салмагы 100 тоннаны түзөт.

Аракет этүү алыстыгы чектелген эмес, сууга чумкуу тереңдиги – 1000 метр, ылдамдыгы – 100 узел (185 км/час), параметрлери болжолдуу душмандын заманбап торпедаларынын дээрлик баарына жеткиликсиз. Мындан тышкары, термоөзөктүк учу бар суу түбүндөгү аппарат компьютердик интеллектиге ээ, ташуучусунан миңдеген чакырым аралык ыраактыктан өз алдынча аракет этүүгө жөндөмдүү. Максималдуу ылдамдыгы кандай гана коркунуч болбосун буйтап кетүүсүнө жол берет. Гидроакустикалык каражаттар менен мындай бутанын изине түшүү дээрлик мүмкүн эмес. "Посейдон" 10 миң чакырымга чейинки аралыктан деңиз түбүнүн рельефи боюнча кыймылдай алат. Ал эми багытталган чекитинде согушта колдонуу же базага кайтуу сигналын деңиз топурагында айлап күтүп жата алат (узун толкундары суунун катмарына туруштук берет).

"Посейдондун" ок бөлүгүнүн кубаттуулугу – тротилдик эквивалентте 100 мегатонна. Анан калса кобальттык секциялуу ок учу аймакты максималдуу радиоактивдүү булгоо үчүн түзүлгөн.

Мындай ачык мүнөздөмөлөрү Россия менен "күч позициясынан" сүйлөшүүгө ниеттенген "өнөктөштөрү" үчүн атайын ачыкталган. Атомдук субмарина-ташуучулар жана стратегиялык торпедалардын уникалдуу мүмкүнчүлүктөрү узак келечекте болжолдуу душман кургакта жана деңизде ракетага каршы коргонуучу "ок өткөрбөс купол" жасай алса да, кыйратуучу сокку менен тосуп алуусун кепилдейт.

Пландалган төрт субмарина-ташуучу – бул дүйнөлүк океанда жайгаштырылган 24 "Посейдон" учкучсуз аппараты. Forbes берген баа боюнча, алар кандай гана душман болбосун жээктеги коргонуу тутумун "жокко чыгарып", Аскердик-деңиз флотунун авиаташуучу сокку уруучу топторун кыйратып, Кошмо Штаттардын чыгыш жана батыш жээктерине орду толгус зыян келтирүүгө жөндөмдүү. Ал эми башка аскердик-деңиз флоттору мындай аппарат жаратары да арсар.

Флот стратегиясындагы орус революциясы

Вашингтон өзүнүн жетишерлик агрессивдүү тышкы саясатында аскердик-деңиз күчтөрүнө чоң басым жасайт, чет өлкөлүк базалардын ири түйүнүнө таянуу менен планетаны көзөмөлдөөгө умтулат.

Россия асимметриялык чара көрүп, бүгүн деңизде стратегиялык жана көп буталуу субмариналар менен гана коргонуп тим калбайт. Чындыгында америкалык эксперттер да "Посейдон" АКШнын ракетага каршы тутумдарын жана 2500 чакырымга чейинки аралыкка атылуучу "Томагавк" канаттуу ракеталары менен куралданган крейсерлери, эсминецтери, суу түбүндөгү кайыктардын бүтүндөй армадасын түзүүгө болгон жооп экенин түшүнөт.

Америка тарап россиялык "Посейдондордун" пайда болушуна катуу тынчсызданат, согуштук жаңжал маалында бул курал эл аралык укук ченемдерине шайкеш колдонулуп-колдонулбай турганына түйшөлөт. Россиялык "Посейдондор" АКШнын эки океан менен "кепилденген" коопсуздук жана жазасыз калуу артыкчылыгынан ажыратат.

Термоөзөктүк "аргументтери" бар суу алдындагы "акылдуу" дрондор өзүнүн жаралышы менен эле тынчтыкка мажбурлайт, америкалыктардын сүйлөшө билүү жөндөмүн жогорулатат. Вашингтондун "Тозок отунун торпедаларына" каршы туруучу жаңы система түзүүгө сарптаган эбегейсиз чыгымдары гана бул аппаратка альтернатива боло алышы ыктымал. Бирок бул багытта да АКШ технологиялык жактан РФтен артта калгандыктан, аскердик тармакта ийгилик жарата алары күмөн. Ал эми келечегинде суудагы ири, тагыраак, аскердик же гидрографикалык, соода-сатык деп жашырылган кемелер өзөктүк торпедаларды ташуучу боло алышат.

"Посейдон" системасы куралданууну чектөө жөнүндөгү келишимге туш келбейт, ири экспорттук дараметке ээ, конвенциялык ок-дары бөлүгү менен эл аралык рынокто сатууга болот. Индия жана Кытай аны көпкө ойлонбостон сатып аларын боолголоого болот.

Кытайлык адистер мындай технологиялардын терең суулардагы изилдөөлөр үчүн төп келет. Чындап эле "Посейдон" корпусунун бышыктыгы ага 14 чакырымга чейинки тереңдикке чөмүлүүгө мүмкүндүк берет.

Кандай болгон күндө да өзөктүк энергетикалык орнотмосу бар континенттер аралык терең сууга ылайыкталган россиялык стратегиялык аппараттын келечеги кең. Ал эми гуманисттик "күч позициясындагы" Москва эң ыңгайсыз өнөктөштөрү менен тең укукта жана тынч сүйлөшүүлөргө дайым даяр.

104
Белгилер:
ийгилик, Аскер, деңиз, Суу, субмарина, АКШ, Россия
Мончо. Архив

ИИМ: мончодогу зордуктоо тартылган видео боюнча башка өлкөгө сурам жөнөттүк

0
(жаңыланган 00:00 25.01.2021)
Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык экенин белгилешүүдө. Деген менен милиция окуя Кыргызстанга тиешеси жок деп ишенимдүү айтып жатат.

БИШКЕК, 24-янв. — Sputnik. Бишкек милициясынын маалымат катчысы Улан Жумаков жашы жете элек өспүрүмдү зордуктоого байланышкан видео Кыргызстандан сырт жакта болгонун, өлкөгө тиешеси жок экенин билдирди.

Окуянын видеосу социалдык тармактарда тарады. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышууда.

Бишкек милициясынын маалымат катчысы Улан Жумаков жашы жете элек өспүрүмдү зордуктоого байланышкан видео Кыргызстандан сырт жакта болгонун, өлкөгө тиешеси жок экенин билдирди
"Иликтөө жана издөө иш-чараларынын жүрүшүндө аныкталган маалыматтарга ылайык, видео Кыргызстандан сырт жерде тартылган, бул факты биздин өлкөгө тиешеси жок. Кийинчерээк толук маалымат берилет. Баарыңыздарды чагымчылдыкка алдырбай, тастыкталбаган маалыматты таратпаңыздар", — деп Жумаков өзүнүн Facebook баракчасына жазды.

Ал эми бул боюнча билдирүү тараткан ИИМ видео боюнча иликтөө иштерин жүргүзүп жаткандыгын билдирди.

"Иликтөө иштеринин жыйынтыгы чыга электе окуяга тиешеси жок адамдын сүрөтү жана аудио социалдык тармактарга тарап жатат. Мындан улам шашылыш бүтүм чыгарбоогону өтүнөбүз. Кыргызстандан сырткары болгон бул окуя бир же эки эки жыл мурда тартылган. ИИМ ал боюнча башка өлкөгө иштин чоо-жайын билиш үчүн сурам жиберди", - деп айтылган ИИМ тараткан билдирүүдө.

Анткен менен кыргызстандыктар социалдык тармакта үрөй учурган бул окуя Кыргызстанда болгон деген божомолдорун айтып, пикирлерин калтырып жатат.

0
Белгилер:
мончо, зордуктоо, милиция, Бишкек, Кыргызстан
Тема боюнча
Сурабалдиева педофилдер тууралуу маалымат база түзүүнү сунуштады
Кордолгон 13 жаштагы өспүрүм. Кыздын ата-энеси облустук сотко кайрылды