Голосование на выборах в местные кенеши и референдум в Бишкеке

Президенттик шайлоонун куну менен күнү: кызыл чеке кылган сунуштар

534
(жаңыланган 18:40 11.05.2017)
Быйыл Кыргызстанда тарыхый окуя болуп, эгемендүү өлкөнүн бешинчи президенти шайланат. Дал ушул шайлоо жакындаган сайын ар кыл сунуштар айтылып, ар кандай демилгелер көтөрүлүүдө.

Алгач өлкө башчысы Алмазбек Атамбаев БШК төрайымы Нуржан Шайлдабекованы кабыл алып, жолугушуу учурунда шайлоо үстүбүздөгү жылдын 19-ноябрь күнү өтө турганы айтылган.

Арадан анча убакыт өтпөй "Ата Мекендин" анабашчылары шайлоону ноябрда өткөрүү мыйзамсыз экендигин айтып чыгышты. Алардын айтымынд,  ажону тандоо ноябрдан алда канча эртерээк болушу шарт. Анткени мыйзам боюнча Атамбаев алты жылдан ашык Ак үйдө отурбашы керек. Айтылып жаткан алты жылдык мөөнөт 1-декабрь күнү соңуна чыгат. Демек, шайлоону ноябрда өткөрүү мыйзамга каршы келет.

Жогорудагы жагдайдан уламбы же башка негиз мененби, айтор, КСДП фракциясынын лидери Иса Өмүркулов президенттик шайлоону 15-октябрда өткөрүүнү сунуштап, демилге Жогорку Кеңештин тармактык комитетине жиберилди.

Ал эми КСДПнын дагы бир депутаты Дастан Бекешев "КРдин президентин жана ЖКнын депутаттарын шайлоо жөнүндө" мыйзамга өзгөртүүлөрдү сунуштап, аталган демилге боюнча парламенттик угуу болду.

"Парламенттик угуу учурунда негизги эки сунуш түштү. Алардын бири — шайлоону 15-октябрда өткөрүү, экинчиси — күрөөнү 2 миллион сомго көтөрүү. Биринчи сунушту КСДП лидери Иса Өмүркулов айтса, экинчи сунушту "Республика — Ата-журт"  (РАЖ) фракциясынын депутаттары көтөргөн", — деди Бекешев.

Депутат от фракции СДПК Дастан Бекешев на заседании Комитета по конституционному законодательству, государственному устройству, судебно-правовым вопросам и Регламенту Жогорку Кенеша Кыргызской Республики, где были представлены программа, структура и состав Правительства Кыргызской Республики.
© Пресс-служба правительства / Сабыр Аильчиев
Депутат Дастан Бекешев: парламенттик угуу учурунда негизги эки сунуш түштү. Алардын бири — шайлоону 15-октябрда өткөрүү, экинчиси — күрөөнү 2 миллион сомго көтөрүү

КСДП фракциясынын депутаты президенттин Жарлыгы менен атайын жумушчу топ түзүлүп, алар күрөөнү 1 миллион сомго көтөрүү сунушун айтканын кошумчалады. Белгилей кетчү жагдай, учурдагы мыйзам боюнча күрөө 100 миң сомду түзөт.

Ал эми "Республика — Ата-Журт" фракциясынын депутаттарынын айтымында, күрөөнүн көлөмүн көтөрүү менен шайлоого кеткен чыгымдын кайсыл бир бөлүгүн жабууга болот.

Жогоруда биз кеп кылган жумушчу топтун мүчөсү, "Өнүгүү — Прогресс" фракциясынын депутаты Мирлан Бакиров шайлоонун 15-октябрда өткөрүү компромисттик вариант экенин айтты.

Депутат 6 созыва от фракции Онугуу — Прогресс Мирлан Бакиров. Архивное фото
© Sputnik / Табылды Кадырбеков
Депутат Мирлан Бакиров: шайлоону 15-октябрда өткөрүү — компромисттик вариант. Анткени алгач 19-ноябрь сунушталса, "Ата Мекен" фракциясы август айында өткөрүү керектигин айтып чыкты. Шайлоонун экинчи турун, инаугурацияга даярдыкты эске алганда октябрда өткөрүү керек деген сунушту колдойм

"Шайлоону 15-октябрда өткөрүү — компромисттик вариант. Анткени алгач 19-ноябрь сунушталса, "Ата Мекен" фракциясы август айында өткөрүү керектигин айтып чыкты. Шайлоонун экинчи турун, инаугурацияга даярдыкты эске алганда октябрда өткөрүү керек деген сунушту колдойм", — деди депутат.

Сурамжылоо

Президенттикке талапкерлердин күрөөсүн 2 миллион сомго көтөрүү керекпи?
  • Ооба. Болбосо көрүнгөндүн баары талапкер болуп алат
    23.8% (5)
  • Жок. Акча менен чектеген туура эмес
    52.4% (11)
  • Президенттик шайлоого күрөө керекпи?
    4.8% (1)
  • Мага баары бир
    19.0% (4)
Добуш бергендер: 21
Эл өкүлү күрөөнүн суммасын көтөрүү менен талапкерлердин саны чектелип, мурдагыдай 80-90го чамалап кетпейт деген пикирде.

"Күрөөнү 2 миллион сомго чыгаруу көптүк кылат. Анткени Конституция боюнча Кыргызстандын жарандары шайлоого катышууга акылуу. Аларга чектөө болбошу керек. Бирок жумушчу топтун мүчөсү катары күрөөнү 1 миллион сом кылууну туура деп ойлойм. Бул деле аз акча эмес, арийне талапкерлердин саны 80ге жетпейт", — деди Бакиров.

Ал эми ушул эле топтун дагы бир мүчөсү, "Демократия жана жарандык коом үчүн коалициясы" коомдук уюмунун мурдагы лидери Динара Ошурахунова күрөөнү көтөрүү байлыгы барлардын чырагына май тамызып, колунда жокторго тоскоол болот дейт.

Президент Общественного Объединения Коалиция за демократию и гражданское общество Динара Ошурахунова
© Фото / пресс-служба ЖК
Жарандык активист Динара Ошурахунова: РАЖдын ою боюнча президенттикке талапкер болуп татыктуулар гана чыгышы шарт. Ал эми алардын айтымында, татыктуулардын сөзсүз 2 миллион сому болушу керек экен. Бул жарышка байларга гана катыша алат, капчыгы жукаларга жол жок дегендик. Андыктан күрөөнү 2 миллионго чыгарууга болбойт

"РАЖдын ою боюнча президенттикке талапкер болуп татыктуулар гана чыгышы шарт. Ал эми алардын айтымында, татыктуулардын сөзсүз 2 миллион сому болушу керек экен. Бул жарышка байларга гана катыша алат, капчыгы жукаларга жол жок дегендик. Андыктан күрөөнү 2 миллионго чыгарууга болбойт", — деди жарандык активист.

Ошурахунова күрөөнү бир миллион кылууга да болбой тургандыгын, жок эле дегенде 500 миң сомго теңөө зарылдыгын кошумчалады.

БШКнын мурдагы жетекчиси Акылбек Сариев күрөөнү такыр эле алып салуу керек деген пикирде.

Сариев: президенттик шайлоого күрөөнүн көлөмүн көтөрүү туура эмес

"Шайлоону 15-октябрда өткөрөбүз деп жатышат. Ушунча болду октябрдын башында эле кылышса болмок. Анткени андан кийин кененирээк убакыт калмак. Күрөө боюнча айтсам, ал Конституцияга каршы келиши мүмкүн. Аны алып салса деле болот", — деди Сариев.

"Ата Мекен" фракциясынын депутаты Алмамбет Шыкмаматов президенттик шайлоо 15-октябрь күнү өтө турган болуп калганын баса белгилди.

Шыкмаматов: президенттик шайлоо 15-октябрда өтө турган өңдөнүп калды

"Президентти тандоо — шайлоолордун пири. Андыктан аны 19-ноябрда өткөрсөк дүйнө элине уят болмокпуз. Учурда 15-октябрда өткөрүү сунушталууда. БШК 45 күндүн үчүндө баарына жетишебиз деп жатат. Андыктан ушул датада президенттик шайлоо өткөнү калды окшойт", — деди Шыкмаматов.

Эл өкүлү күрөөнү 2 миллион сом кылууга айрым адамдардын тобу кызыкдар деген пикирин кошумчалады.

Кыргыз-Түрк "Манас" университетинин профессору, саясий серепчи Алмаз Акматалиев шайлоонун убактысын жылдырууда эч кандай саясат жок деп эсептейт.

Архивное фото политолога Алмаза Акматалиева
© Фото / предоставлено Алмазом Акматалиевым
Саясий серепчи Алмаз Акматалиев: алгач ноябрь деп айтылбады беле. Анан эсептеп көрүп октябрга жылдырышууда. Андыктан убакытты жылдыруудан мен эч кандай саясат көргөн жокмун

"Алгач ноябрь деп айтылбады беле. Анан эсептеп көрүп октябрга жылдырышууда. Андыктан убакытты жылдыруудан мен эч кандай саясат көргөн жокмун. Ал эми күрөөнү олигархтар сунуштап жатканы көрүнүп турат. Азыркыдай кылып эле 100 миң сом бойдон калтыруу керек", — деди Акматалиев.

Жогоруда эксперттер айтып өткөн Баш мыйзамга ылайык, 62-беренеде президенттикке ким талапкер боло ала тургандыгы көрсөтүлгөн. Ага таянсак, президент болуп 35 жаштан өтүп, бирок 70 жашка чейинки курактагы, мамлекеттик тилди билген жана республикада жалпысынан 15 жылдан кем эмес жашаган КР жараны шайлана алат. Мындан сырткары, президенттин кызмат ордуна талапкерлердин саны чектелбейт. Башкысы 30 миңден кем эмес шайлоочунун кол тамгасын топтоо зарыл. Байкалып тургандай, Баш мыйзамда күрөө тууралуу кеп жок.

Буга чейин талапкер катары экс-премьер-министр Темир Сариев, "Өнүгүү — Прогресс" партиясынын лидери Бакыт Төрөбаев, "Ата Мекен" фракциясынын төрагасы Өмүрбек Текебаев жана "Республика — Ата-Журт" фракциясынын лидери Өмүрбек Бабанов көрсөтүлгөн.

534
Белгилер:
күрөө, президент, шайлоо, Кыргызстан
Тема:
Кыргызстандагы президенттик шайлоо - 2017 (257)
Тема боюнча
КСДП президенттик шайлоону 15-октябрда өткөрүүнү сунуштоодо
Кыргызстанда президенттик шайлоо 19-ноябрда өтөт
АКШнын Вашингтондогу Ак үй имараты. Архив

"Кара схема": ички душманы АКШны соо койбой, Россияны сактап калышы мүмкүн

236
(жаңыланган 11:45 31.07.2020)
Бүгүн АКШнын Демократиялык партиясынын конвентинде (онлайн форматта өтө турган) мурдагы вице-президент Жо Байден Кошмо Штаттардын болочок президентин, тагыраак, президент айымын жеке өзү шайлашы ыктымал.

Бир нече ирет өткөн сурамжылоолор боюнча Байден ушул тапта өз атаандашынан — азыркы америкалык президент Дональд Трамптан эки, төрт, сегиз же ал түгүл он пайызга озуп чыкты. Сурамжылоого катышкан америкалыктардын басымдуу бөлүгү Трамптын ишине канааттанбаганын улам билдирип келет деп жазат РИА Новости.

Ал эми негедир эл алдына интернет жана теле аркылуу да чанда чыккан, көп учурда сөзүнөн адашкан, андан улам көпчүлүк тарабынан анын акыл саламаттыгынан шек саналган 77 жаштагы Байдендин кийинки президент болушу кепилденген сыяктуу.

"Сыяктанат" дегенибиз – Хиллари Клинтондун да президент болушу кепилденген, бирок реалдуулук өз түзөтүүлөрүн бул божомолго киргизбей койбоду. Жо Байден президенттик ант бере турган болсо да, ал убакка чейин 78 жашка чыгып калат. Кабинетти (АКШ президентинин иш бөлмөсү — ред.) ээлей турган эң карыя президент гана болбостон, рекорд койгон 70 жаштагы Дональд Трампты да караандатпай калат. Мурдагы президенттердин өмүр жолун эске алуу менен демократиячыл талапкердин эмгек милдеттенмелерин аткаруу маалында дүйнө алмаштырып кетиши да мүмкүн экенин баары түшүнүп турат. Кокус андай болуп кетсе, "милдетин аткаруучу" гана эмес, АКШнын чыныгы, жүз пайыз президенти болуп Байдендин төрт жылдык мөөнөтүнүн эң аягына чейин вице-президент калат. Байден президенттик тактыга отургандын эртеси эле өтүп кетсе, эл тарабынан шайланбаса да толук мыйзамдуу президент 2025-жылга дейре батыштагы ири өзөктүк державаны башкарат. Байден саналуу күндөр ичинде дал ошол кишинин ысымын атамакчы. Алдын ала белгилүү бир нерсе бар: бул кызматка аял киши келет, Байден бул туурасында тээ көктөмдө эле убада кылган. Кайсы айым келери эң башкы америкалык саясий конвентти утурлай күндемине айланды.

Трамп ноябрга белгиленген президенттик шайлоону жылдырууну сунуштады

Эң кеңири белгилүү талапкерлердин арасында жыл башында Демократиялык партиянын ички ат салышуусунда Байденге өз добуштарын алдырган сенатор Элизабет Уоррен; Мичиган штатынын губернатору Гретхен Уитмер (48 жашка келип калса да "жаш жана таза кан" деп саналат); Ирактагы согуштун ардагери, сенатор Тэмми Дакворт (Иракта эки бутунан ажыраган, тай кытайлар тегинен); конгрессвумен Вэл Демингс (кызыл терилүү жана мурдагы полиция кызматкери); Карен Басс (кара тору жана баңгизатка каршы күрөшчү); Сьюзан Райс (кызыл терилүү жана улуттук коопсуздук боюнча Обаманын мурдагы кеңешчиси); Камала Харристин (жарым-жартылай кызыл терилүү, индиялык жана Калифорниянын мурдагы башкы прокурору) ысымдары аталууда. Баса, демократиячылардын ички жарышында вице-президенттикке булардын соңку экөөнө басым жасалууда.

Boston Globe өңдүү басылмалар Байден вице-президенттикке дал кызыл терилүү айымдардан тандоого тийиш деген тейде ачык эле жазып чыкты. Кара тору вице-президент тандоо менен республикачылардын жана Трамптын расисттик жүзүн көрсөткүсү – азчылыкты куугунтуктоо саясатынын бетин ачуу аракети жасалып, ал эми Байден Обаманын тушунда коомдо мындай болбогонун, анын вазыйпасы өлкөнү бириктирүү болгонун баса белгилегиси келет. Бирок мындай тандем деле элди бириктире албай турганын, ал түгүл Трамптын убагынан да жаман болорун белгилегендер бар.

Коннектикут университетинин профессору Петр Турчин мындан он жыл оболу эле быйыл АКШда саясий туруксуздук башталарын жоромолдогон. Ага негизги факторлордун бири катары коом каймактарынын кайра жаралышын атаган. Бул – бай адамдардын пайызынын жогорулашы. Биз ойлоп келгендей, байлар менен жакырлардын ажырымынын чоңдугу мында анчалык кооптуу болбой калат окшобойбу. 1970-жылы калктын 62 пайызын түзгөн орто класстын болжолдуу үчтөн эки бөлүгү жакырланбастан, дал коом каймактарына айланган. Ал тургай, ашкере байлардын да саны экиден ашык пайызга артты. Он миллиондон ашуун доллар (1995-жылкы наркында) байлыгы бар үй-бүлөлөр 1983 жана 2010-жылдар ортосунда беш эсеге жогорулаган. Азыр андан да көп болушу ыктымал. АКШда ушул тапта "камкаймактар" чындап толтура, миллионерлерден эле дээрлик 19 миллион (бул бүтүндөй Румыния же Казакстандай бар), децимиллионерлер — жарым миллиондой, ал түгүл миллиардерлерден эле 650 чакты киши чыгат.

НАТОну соода менен алмаштырып алды. Россия эмнеге "Чоң жетиликти" каалабай турат

Бул жагымдуу көрүнүш катары сезилгени менен терс жагы да жок эмес. Адамдар байыганда алар табигый түрдө бийликке умтула башташат. Экономикалык күчүн сезет, аны саясий күчкө айландыргысы келет. Шаар жетекчилиги, штат, конгресс, Ак үйдөн орун алууга ашыгышат. Бирок бийликтеги орундардын саны көбөйүп кеткен жок. 450 орундуу конгресс бардык миллионерлерди да батыра албайт. Мындан улам элитанын арасындагы шериктештик жоюлат да, кыл чайнашкан күрөш башталат. Айтмакчы, ага байлар гана катышат деп ойлоого болбойт. Башкалар да жөн калбайт.

Газ жана Израиль: Европа дагы бир жол таптыбы?

Натыйжада соңку жылдары АКШда калктын санынан да кыйла ашкан юрист, саясат таануучу жана "коомдук илимдер боюнча адистер" ушунчалык тездик менен көбөйдү. Башкача айтканда, теориялык жактан кийин саясий карьераны баштап кете турган бардык адистиктердин ээлери арбыды. Алардын көпчүлүгү саясатта чыйыр гана салып тим болбостон, бул багытта ийгиликке жетери да турулуу иш. Алар кыжырданган, ызалангандар, анан азыркы Американын жалбыртташына да каршы эмес. Анткени бирөөнө каатчылык – башкасына мүмкүнчүлүк. Планетанын эң олуттуу державаларынын бири болгон Американын азыркы жана кийинки тагдыры дүйнөдөгү бир топ өлкөлөрдүн, анын ичинде Россиянын каймактарына да ачык сабак болор. Анткени дүйнөнүн кай мамлекети болбосун, элиталар бири-биринен эч айырмаланбайт эмеспи.

236
Белгилер:
президент, Дональд Трамп, шайлоо, АКШ
Тема боюнча
Трамп ноябрга белгиленген президенттик шайлоону жылдырууну сунуштады
Ооруканадагы дарыгерлер. Архив

Инфекционист, эпидемиолог көздөн учту. Жети дубандын эли кантип дарыланууда

354
(жаңыланган 20:41 30.07.2020)
Кыргызстандын ар кыл аймагында медицина кызматкерлеринин жетишсиздиги маселе жаратып келет. Өзгөчө эпидемиолог, эндокринолог, реаниматолог, инфекционисттер жетишпейт. Мунун кесепетин коронавирус инфекциясынан улам келип чыккан пандемия маалында жон терибиз менен сездик.

Соңку маалымат боюнча, республикада жалпы жонунан 2 743 медицина кызматкери COVID-19 жуктуруп алган. Анын ичинен 1 664 медик айыгып чыкса, 73 кызматкер көз жумган. 

Бүгүн премьер-министр Кубатбек Боронов эпидемиологиялык абал Ысык-Көл, Жалал-Абад жана Чүй облустарында оор экенин билдирди.

Sputnik Кыргызстан агенттиги республиканын аймагындагы жети облуста медициналык кадр маселесине кайрылып, маалымат чогултту.

Коронавирус медицина каймактарын терип кетти. Дарттан көз жумган медиктер

Ысык-Көл облусу

Ушу тапта бул облуста абал кыйын болуп жатканын статистикадан көрүүгө болот. Бир суткада коронавирус жуктуруп алгандардын саны боюнча аймак биринчи орунга да чыккан.

Облуста үстүбүздөгү жылдын 27-июлунда Ысык-Көл райондук аймактык ооруканасынын жандандыруу бөлүмүнүн башчысы Сарбагыш Иманалиев эки тараптуу пневмониядан улам каза болду. Ага чейин аталган райондогу Үй-бүлөлүк дарыгерлер тобунун башчысы, 62 жаштагы Бүбүайым Жээнбаева коронавирустан улам көз жумган.

Өкмөттүн Ысык-Көл облусундагы өкүлүнүн орун басары Элмира Усенованын айтымында, буга чейин облуста дарыгерлер жетишпей ажиотаж жаралган.

"Бишкекте абал жакшырды, бирок аймактарда бир аз оор болуп жатат. Бир жума мурун Ысык-Көлдө врачтар жетишпей тынчсыздануу болду. Кырдаал күч алгандан бери дарыгерлер бир сыйра ооруп да чыгышкан. Ал ортодо Россиядан тогуз медик келди. Азыр облустун кайсы районунда оору күч алса, ошол жакка медиктерди жиберип жатабыз. Негизинен буга чейин эле Ысык-Көлдө эндекринолог жана эпидемиологдор жетишсиз болуп келген. Эпидемиологиялык кырдаал күчөгөндө медиктердин жетишпестиги аябай билинди. Ошол себептен мурда кесибин таштап кеткендерди жана ординаторлорду чогултуп, жалпысынан ооруканага 22 врач алып келдик. Азыр дүрбөлөңгө түшө турган маселе жок", — деди ал.

Пол жууп болсо да кол кабыш кылып кетчүмүн. Ысык-Көлдөгү ыктыярчылардын мээнети

Анын айтымында, облус боюнча Жети-Өгүз районунда абал курч болуп, "Кумтөрдө" иштегендердин көбү ооруп калгандыктан, статистикага таасирин тийгизген. Учурда Жети-Өгүздөгү Кызыл-Туу айылына үч врач жиберилди.

Ысык-Көл районунун акими Данир Иманалиевдин айтымында, учурда райондогу абал туруктуу.

"Азыр Саламаттык сактоо министрлиги тарабынан реанимация бөлүмүнө үч врач жөнөтүлгөн. Андан тышкары, Караколдон келген бир реаниматолог бар. Бишкектен реаниматолог Автандил Умаржанов да чакырылган. Жугуштуу оорулар бөлүмүндө эки врач, хирургияда эки дарыгер, соматикалык оорулар бөлүмүндө эки врач иштеп жатат. Ал эми "Алтын Балалык" стационарына үч дарыгер келген", — деди аким.

Чолпон-Ата шаарынын жашоочусу, 30 жаштагы атын атагысы келбеген ыктыярчы чындыгында абал абдан оор болуп, медиктер жетишпей Чолпон-Атанын стационарында 84 бейтапты эки врач карагандыгын билдирди.

"Бишкекте абал оор болуп турган убакта райондун акимине "Жаштар жарандык коргоо" уюму "жолду жабууга жардам бергиле, азыр борбордон көп киши келип жатат, абал оорлоп кетпесин" деген сунуш менен киргенбиз. Анткени ошол убакта Бишкектеги эпидемиологиялык абалдан кооптонгондор, эс алуучулар Чолпон-Атага көп келе баштаган. Андан көп өтпөй эле Ысык-Көлдө оору жугузгандардын саны көбөйүп кетти. Чолпон-Атада жаңы ачылган стационардагы орундар эки күндө толуп, медиктер жетишпей, 84 бейтапты эки врач жана он чакты медайым дарылаган учур болду. Башында медиктердин коргоочу костюмдары начар болгондуктан көбү ооруду. Жумушта иштеп жүрүп эле эсин жоготуп жыгылгандарды көрдүк. Бир топ эле кыйын болду. Бирок азыр абал турукташып бара жатат", — деди ал.

"Сактап кал" деп жалдыраган көздөр жүрөгүмдү тилип кетти. Ыктыярчылардын маеги

Нарын облусу

Саламаттык сактоо министрлигинин Нарын облустундагы координатору Мурат Алияскаровдун айтымында, Нарында да медиктер жетишпей, жергиликтүү ооруканалар болгон мүмкүнчүлүгү менен иштеп жатышат.

Облуска Россиядан сегиз дарыгер келген. Алар облустагы беш районду кыдырып, үч же беш күндөн иштеп, тажрыйба бөлүшүп, жардам берип жатышат.

"Россиядан келген врачтар бүгүн Ак-Талаа районунан келип, Жумгал районуна кетишет. Ал жактан кырдаалга жараша иштешет. Эпидемиологиялык абал орто болсо үч күн, оорураак болсо беш күн иштешет. Иштөө тартиби ошондой экен. Бөлүмдөрдү кыдырып болгон кеңештерин берип, тажрыйбасы менен бөлүшүп жатышат. Азыр пневмонияга кабылгандар жана алардын өтө оор абалдагыларына өзгөчө көңүл бурулуп, россиялык медиктер менен иштешип жатабыз. Пневмония болгон бейтаптардын дарылоосуна бир катар оңдоолор киргизилди. Жергиликтүү бийлик менен биргеликте иш алып барып жатабыз, жалпы кырдаал акырындык менен жакшырып бара жатат", — деди ал.

Ата-энем COVID жуктуруп алган соң ишке кириштим. Нарындык ыктыярчы кыздын маеги

Алияскаров билдиргендей, Нарынга министрлик тарабынан жиберилген пульмонолог, реаниматолог жана терапевт келген.

"Облуста жалпысынан абал бирдей, пневмония өзгөчө өсүп кетти деген аймак жок. Күндүзгү стационарлардын иштеши менен ооруканалардын иши жеңилдеди. Нарында КММАнын кадрларды кайра даярдоо борборунун филиалы бар, атайын тапшырма менен кыска аралыкта адистерди кайра даярдоо курстарынан да өткөргөнбүз. Бирок кызыл зонага кесипкөй адистерди гана киргизип жатабыз. Ал эми кайра даярдоодон өткөн медиктерди мобилдик топторго бөлдүк", — деди координатор.

Маалыматка ылайык, учурда Нарын облусунда 365 врач, 1 500 орто медициналык билимге ээ кызматкер иштеп жатат. Облуска 135 дарыгер жетишпейт.

Талас облусу

Саламаттык сактоо министрлигинин координатору Айжамал Шабдинова облуста жалпы 251 врач иштеп жатканын билдирди. Анын айтымында, иштеп жаткан дарыгерлерден тышкары 65 жаштан өйдө 51 врач бар, алар милдеттүү медициналык эс алууда. Бирок айлык акылары сакталып калат. Облуста жалпы 934 медайым бар, алардын ичинен 28инин курагы 65 жаштан жогору болуп, атайын категорияга кирет.

"Пандемияга чейин эле Талас облусунда ар кандай багыттагы 108 врач жетишпей келген. Үй-бүлөлүк дарыгер, эндокринолог, реаниматолог, неанатолог жок. Азыр кызыл зонада 261 медицина кызматкери иштеп жатат. Бейтаптарды кароого врачтар жетпей, өзгөчө кырдаал жаралган жок, ошентсе да медиктер чыңалган шартта иштешти. Бирок ишти жөнгө салып келе жатабыз", — деди ал.

Шабдинова билдиргендей, Талас облусу Саламаттык сактоо министрлигине Кара-Буура районунун Чат-Базар айылына бир инфекционист сурап кайрылган.

Учурда облуста күнү-түнү иштеген тогуз стационар бар. Мындан тышкары, бейтаптарды күндүз тейлөөчү жайлар да иштөөдө. Күндүзгү стационарлар суткасына 1 800 кишини кабыл алып жатат.

Жалгыз таштабайбыз: Россия COVID менен күрөшүүдө коңшуларына жардам кылууда

Жалал-Абад облусу

Жалал-Абад облустук Үй-бүлөлүк медицина борборунун директорунун орун басары Кадича Пратованын маалыматы боюнча облуста жалпы 184 дарыгер жетишпейт. Алардын көбү үй-бүлөлүк дарыгерлер, эпидемиолог, инфекционист жана реаниматологдор.

Негизинен облуста жалпы 6 152 медик иштейт. Алардын 1 661и дарыгер.

Пратованын айтымында, Жалал-Абад облусу боюнча 86 врач, 163 медайым коронавирус жуктуруп алган.

"Жалал-Абад облусу боюнча оору жуктургандар көп катталып, аларга орун жетишпегендиктен облустун аймагында жалпы 753 кошумча орун менен күндүзгү стационарлар ачылган. Мобилдик бригадалар да иштеп жатат. Бирок акыркы беш күн ичинде чакыруулар бир топ азайды. Жалал-Абадда үй-бүлөлүк дарыгерлердин көбүнүн жашы 60тан өйдө, кооптуу топко киргендер. Министрликтин атайын буйругу менен дарыгерлер 14 күн иштеп, 7 күн эс алышууда", — деди ал.

Пандемия маалында облуста эки врач, бир медайым көз жумган.

Ош облусу

Саламаттык сактоо министрлигинин Ош шаарындагы координатору Кыялбек Ташболотов Ошто иштеп жаткан дарыгерлердин саны жетиштүү экенин билдирди.

"Шаарда изолятордо 372 медик иштеп жатат. Алардын 127си врач, 130у медайым жана 117си медициналык тейлөө кызматкерлери. Күндүзгү жана түнкү стационарларда 60 медик эмгектенип жатат. Ал эми изоляторго бейтаптар үчүн 1 150 орун даярдалып, анын алты жүзүндө киши дарыланууда", — деди ал.

Министрликтин Ош облусундагы координатору Шаятбек Абдурахмановдун айтымында, Бишкектен жана Россиядан Ошко 18 врач келген. Алар Ош облустук жана Ош шаардык ооруканасында иштеп, дарыгерлерге жардам көрсөтүп, учурда Алай өрөөнүндө жүрүшөт.

"Ош облусунда жалпы 1 971 врач, 6 707 медайым бар. Булардын ичинен 166 дарыгер, 169 медайым жана техникалык персоналдын 107 кызматкери коронавирус жугузуп алган. Пандемиядан улам 9 врач, төрт медайым жана бир медкызматкер каза болгон", — деди Абдурахманов.

Жети облустагы Тез жардам кызматынын учурдагы абалы

Баткен облусу

Саламаттык сактоо министрлигинин Баткен облусу боюнча координатору Арзыбек Борубеков билдиргендей, облуста 800 врач жана 3,5 миң медайым эмгектенүүдө.

Аталган аймакта жүздөн ашык медицина кызматкери коронавирус инфекциясын жугузуп, учурда алардын көбү сакайып чыккан.

"Пандемияга чейин эле облуста жалпы 88 врач жетишсиз болчу. Эпидемиологиялык абал күч алып турган учурда дарыгерлердин тартыштыгы аябай байкалды. Бирок кадрлар менен туура иштешип, маселени жеринде чечүү менен чоң жоготууга учурабай, оор кырдаалдан чыгып кеттик. Башка аймактардагыдай эле инфекционисттер менен эпидемиологдордун тартыштыгы бизде да бар", —  деди ал.

Бишкекте оору күч алып турган мезгилде Баткен жергесинен медиктердин эки тобу борбордогу кесиптештерине жардамга келишкен. Бүгүн алар үйлөрүнө жөнөтүлдү.

Элди мобилизациялай алдык. Баткендеги ыктыярчылар кантип жардам берүүдө

Чүй облусу

Саламаттык сактоо министрлигинин Чүй облусу боюнча координатору Асел Адамалиеванын билдирүүсү боюнча облуста 1 354 дарыгер, 3 141 медайым болсо, медициналык тейлөө кызматында иштегендердин саны —  1 146.

Пандемия маалында оорудан улам сегиз врач каза болуп калган. Ал эми 87 дарыгер, 203 медайым жана 17 медициналык тейлөө кызматкери ооруп өргүүгө чыккан.

Маалыматка ылайык, Чүй облусундагы ооруканаларга 72 врач, 93 медайым жана 63 медициналык тейлөө кызматкери керек.

Азыркы абал

Учурда Кыргызстан боюнча 9 321 бейтап стационарда дарыланып жатат. Анын ичинен 3 801 учур лабораториялык изилдөөлөр аркылуу тастыкталган. Калган 5 520 учур клиникалык белгилери аркылуу аныкталганы айтылды.

Пандемия башталгандан бери өлкөдө коронавирус жуктуруп алган учурлардын саны 35 143кө жетти. Анын ичинен 24 474 киши ооруну жеңип, айыкты. Тилекке каршы, коронавирус 1 364 кишинин өмүрүн алды.

354
Белгилер:
коронавирус, дарыгерлер, КР Саламаттык сактоо министрлиги, Кыргызстан
Тема боюнча
Жалгыз таштабайбыз: Россия COVID менен күрөшүүдө коңшуларына жардам кылууда
Кыргызстанда COVID-19дан каза болгон медиктердин так саны айтылды
Мэрия: шаардагы медиктер июлдун айлык акысын убагында алышат
Ысык-Көл. Архив

Ишембиге карата аба ырайы

0
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы