Бишкектеги аялдамада турган маршруттук такси. Архивдик сүрөт

Миллиондогон сомдор! Маршруткаларды өкмөткө өткөрсөк канча акча түшмөк?

1121
(жаңыланган 09:55 30.04.2018)
Эгер сизге өлкөнүн кайсы бир аймагын өнүктүр деп 163,2 миллион сом берсе эмне кылмаксыз? Ооба, "мага мындай акчаны ким бермек эле?" деп таң калсаңыз керек. Анда маршрутка бизнесине байланышкан иликтөөнү окуп чыгыңыз.

Апрель айынын башында  бийликке бир нече талаптарды коюп Бишкектеги маршруттук такси айдоочулары жапырт иш таштаган. Анын айынан эл бара турчу жерине жете албай, шаарда башаламандык жаралган. Буга эч ким чара көрө алган эмес. Анткени маршруттук такси айдоочулары жеке компанияда иштечү. Жөө калган эл ызаланып автобус, троллейбустарды көбөйтүү же болбосо маршруткаларды менчик ишканалар эмес, мамлекет өзү тескесе мындай чаржайыт болмок эмес деген нааразылыктарын айтышкан.

© Sputnik / Нурис Алымбаев
Маршруттук таксилердин айдоочулары бийликтен эмнени талап кылды. Видео

Мындан улам, Sputnik Кыргызстан агенттиги эгер мамлекет азыркы маршруттук таксилердин баарын өзүнүн карамагына алса, бюджеттин канча бөлүгүн толтуруп, ким кандай пайда алып келет деген маселени иликтеди.

Мурда маршруттук компанияда бригадир болуп иштеген Кыялбек Дүйшөналиевдин пикиринде, эл ташыган кичи автобустарды мамлекет өз колуна алса айдоочуга да, мамлекетке да пайда болмок.

"Азыр жөнөкөй айдоочулардын эсебинен жеке ишкерлер үйүнөн чыкпай отуруп акча таап жатат. Мен бригадир болуп сегиз жылдай иштедим. Жакшы киреше түшпөй жаткан каттамды жандандырып, маршрутканын санын 30га жеткиргем. Бир күнү директор чакырып каттамга киргени үчүн айдоочулардан акча алууну сунуштады. Макул болбой койсом, мени жумуштан кетирип, башкасын алды. Анан алиги кожоюн ар биринен 300 доллардан өндүрүп турду", — деди Дүйшөналиев.

Ошондой эле ал бир фирма жаңы каттам ачам десе, Шаардык транспорт башкармалыгына жолдун схемасын чийдирүү үчүн бир топ акча бере турганын айтат.

"Кээ бир каттамдын айдоочулары патенттин акчасын да өзүнүн фирмасына төлөйт. Ал фирма ошол сумманын ичинен мамлекетке канча төлөй турганы белгисиз. Эгер муну өкмөт өз колуна алганда, бир ишкерди гана байытпай ошол акчалар казынага түшмөк. Айдоочулар да ар кимдин көзүн карабай эле, бир топ жеңилдиктер да  болмок. Атайын автобаза түзүп койсо, ар кайсы жакка барып көп акча коротуунун ордуна унаасын бир жерден арзан жана сапаттуу оңдотуп калышмак", — деди ал.

Маршруттук таксилерди мамлекеттин карамагына өткөрүү сунушун айдоочу Ренат Раимбеков да колдойт.

"Бизди мамлекетке баш ийдирип койсо "жан" деп эле макул болмокпуз. Анда жол инспекторлору да жосунсуз текшерүүнү токтотмок деген ойдомун. Бир айдоочу айына фирмага, патентке, социалдык фондуга жана башка майда-чүйдөсү деп 6000 сомдон ашык төлөйбүз. Мындан сырткары, жыл сайын төлөнчү камсыздандыруу, лицензия алуу дегендери бар. Унааң бузулса, ага кетет", — деди Раимбеков. 

Затор из маршрутного такси во время Нооруза в Бишкеке
© Sputnik / Мирбек Сакенов
Маршруттук компаниялар былтыр 11 млн. 504,8 миң сом салык төккөн. Ал эми айдоочулар 60 млн. 299,5 миң сомго патент алышкан.

Бир айдоочу кимге канча акча төлөйт?

Мэриянын маалыматы боюнча борбор калаада 41 фирманын жетекчилиги астында иштеген 4000 маршрутка бар. Анын ичинен күнүнө 2700 бус 122 каттам менен эл ташыйт. Ал эми мамлекет 287 троллейбус, автобуска ээлик кылат. Салык кызматынын каттоосунда 39 фирма бар, былтыр 3400 айдоочу патент алган.

Алгач маршруттук таксинин бир айдоочусунун айлык жана жылдык чыгымдарын эсептеп көрдүк. Айдоочулар тынымсыз эмгектенип турушу үчүн өзү иштеген фирмага, патентке, унаанын орундуктарын камсыздандырууга, лицензия алууга, Шаардык транспорт башкармалыгынын диспетчерине, наркологго, механикке жана фирманын диспетчерине акча төлөп турат.

Мындан сырткары, Соцфондго айына 600, унаасын камсыздандырууга 750 сомдун тегерегинде төлөшү керек. Бирок бул кызматтарга акчасын короткусу келбегендер көп (алар туурасында башка кеп). Ал эми айдоочунун бир күндүк кирешеси орто эсеп менен 1500 сомду түзөт. 

Маршруттук таксилер мамлекеттик казынага канча каражат төлөйт?

Салык кызматынын маалыматына ылайык, өткөн жылы Бишкектеги маршруттук таксилердин 3400 айдоочусу 1500 сомдон патент алып, бир жылда 60 миллион 299,5 миң сом салык төлөгөн. Ал эми маршруттук таксилерди тескеген 39 компаниядан 11 миллион 504,8 миң сом салык түшөт. Аталган компаниялардын арты бир, алды 16 каттамга чейин иштетет.

Баарын кошкондо 2017-жылы маршруттук таксилердин эсебинен өлкөнүн казынасына 118 миллион 891 миң сом түшкөн.

Белгилей кетсек, эгер патенттин баасы 1500 сом болсо, ага 3400 айдоочуну көбөйтсөк 61 миллион 216,5 миң сом болорун айтышыңыз мүмкүн. Муну Салык кызматы төмөндөгүдөй түшүндүрдү:

Айдоочулардын басымдуу бөлүгү жеке ишкер болуп патент алса, айрымдары компанияга жумушчу катары орношуп айлыкка иштейт. Айлык алып иштегендердин киреше салыгын компания төлөп турат. Анан да айдоочу 6-9 айдыкын бир төлөп патент алган учурда 5-10 пайыз арзандатуу болот экен.

Автомобильный транспорт на пересечении улицы Байтик-Баатыра и проспекта Чуй в центре Бишкека
© Sputnik / Акылбек Батырбеков
Бишкекте маршруттук таксинин айдоочулары бир жылда мамлекетке 118 млн. 891 миң сом, жеке компанияларга 163,2 млн. сом төлөйт

Айдоочулар жеке компанияга канча каражат төгөт?

Айдоочулардын айтымында, аларды каттамга чыгарып жумуш берип турганы үчүн жеке фирмага айына ар бири орточо эсеп менен 2500 сомдон төлөп турат. Муну 3400 айдоочу менен эсептегенде жылына 102 миллион сомду түзөт. Ал эми эки четинде каттамды иретке келтирип, кезеги менен жөнөтүп турган диспетчерге күнүнө 50 сомдон беришет. Бул аз көрүнгөнү менен эсептей келгенде жылына 61,2 миллион сомго жетет.

Мындан сырткары, унааң болсо эле каттамга оңой кирип кете албайсың. Майлуу-сүттүүлүгүнө жараша фирманын жетекчилиги 1000-2000 долларга чейин сурайт.

Мамлекет маршруткаларды өзүнүн кармагына өткөрүү менен кандай пайда көрөт?

Учурда жалпы маршруттук таксилердин эсебинен өлкөнүн казынасына бир жылда 118 миллион 891 миң сом түшүп жатат. Деген менен жеке компаниялар айдоочулардан 163,2 миллион сом пайда көрүүдө. Демек, эл ташыган кичи автобустар мамлекетке өтсө бюджет дагы ушунча каражатка толукталмак.

Эгер сизге өлкөнүн кайсы бир аймагын өнүктүр деп ушул 163,2 миллион сомду берсе эмне кылмаксыз?

1121
Белгилер:
маршрутка, мамлекет, фирма, айдоочу, салык, акча, Бишкек
Тема боюнча
Маршруттук такси айдоочуларынын бийликке талап койгон видеосу
Мэрия бунт чыгарган маршруткачыларды ымга келтирип жолго салды. Видео
Бишкек мэриясы бир көчөттү 9 миң сомго сатып алды. Арзаныраагы жок беле?..
Электр зымдары. Архив

Эскирген жабдуу, тарифтүү болгон майнинг-фермалар. Энергетиканын азыркы абалы

205
(жаңыланган 13:52 03.06.2020)
Кыргызстанда электр энергиясына байланыштуу көп маселени Токтогул суу сактагычындагы суунун көлөмү чечет. Быйыл ал азайып кеткендиктен, экспортту унутуп, тескерисинче, электр жарыгын сатып алганы жатабыз.

Быйыл Кыргызстандын энергетика тармагында бир катар өзгөрүүлөр болду. Айрым категориялар боюнча электр жарыгынын баасы өзгөртүлдү. Ошондой эле мурда өзүнчө тариф каралбаган майнинг-фермаларга анык бир төлөм белгиленди.

Мындан тышкары, 2020-жылда кургакчылык болору күтүлүп жаткандыктан, электр энергиясын эскпорттоону токтотуп, тескерисинче, коңшу өлкөлөрдөн импорттогону турабыз.

Төмөндө Sputnik редакциясынын окурмандарын Кыргызстандын энергетика тармагындагы азыркы абал менен тааныштырабыз.

Тариф саясаты

Өкмөт 27-мартта 2020-2023-жылдарга карата баа саясаты боюнча токтом кабыл алган. Ага ылайык, ушул жылдын 1-июлунан тарта электр энергиясына болгон жаңы баа айрым категориялар үчүн өзгөрөт.

Бир киловатт-саатка тарифтер төмөндөгүдөй (салыктарды эске албаганда):

  • Балдар үйлөрү үчүн — 1,58 сом (азыркысы 2,24 сом);
  • Электр кубаты менен жүргөн транспорт заряд алчу жайлар — 1,58 сом (эгер мындай жайлар ачылып калса, алар троллейбустук ишканалардын тарифи менен төлөй турганы каралган);
  • Майнинг-фермалар үчүн — 2,91 сом (бул категорияга өзүнчө тариф каралган эмес).

Суу  сактагыч. Архивдик сүрөт
© Пресс-служба президента КР / Султан Досалиев
Мындан тышкары, Улуттук энергохолдинг тоо-кен тармагында иштеген компаниялар үчүн электр энергиясынын тарифин көтөрүүнү өкмөткө сунуштап жатат. Энергохолдингдин төрагасы Айтмамат Назаровдун айтымында, эгер өкмөт компаниянын сунушун жактырса, бул ишканалар электр энергиясынын бир киловатт-сааты үчүн 1 сом 3 тыйындан төлөп калат. Мындай жол менен Улуттук энергохолдингдин карыздарынан кутулса болот экен.

Кредиттер

Карыз демекчи, Кыргызстан өз алдынча мамлекет болгондон бери энергетика тармагында жалпы суммасы 2 миллиард 152,8 миллион долларга бааланган 42 келишимге кол коюлган (анын ичинен дээрлик 300 миллиону грант, калганы насыя түрүндө). Жалпы суммадан 1 миллиард 434,8 миллион доллар өздөштүрүлдү. Калган сумма долбоорлорду ишке ашырууда же тендерлерден үнөмдөлдү. Экинчиден, айрым долбоорлор аягына чыга элек.

Эми бул береселерден акырындык менен кутулуу керек. Өнөр жай, энергетика жана жер казынасын пайдалануу боюнча мамлекеттик комитет жетекчисинин милдетин аткаруучу Мухаммедимин Аскаровдун айтымында, эң жогорку төлөмдөр 2025-2031-жылдарга туура келет.

Кийинки 13 жыл ичинде төлөм 5 миллиард сомдон төмөн.

Буга чейин премьер-министр Мухаммедкалый Абылгазиев энергетика тармагынын тышкы карыздагы үлүшү 103 миллиард сом (1,35 миллиард доллар) экенин жана аны бересе компаниялар өздөрү төлөй турганын айткан эле. Баса, бул жаатка насыялар жабдууларды жаңылоо үчүн алынат.

Кендирди кескен кургакчылык

Кыргызстанда электр энергиясына байланыштуу көп маселени Токтогул суу сактагычындагы суунун көлөмү чечет. Быйыл курчакчылык болору божомолдонуп, эмитен эле суунун көлөмү азыраак экени айтылууда. Мисалы, былтыркы май айында 13 миллиард куб метр болсо, быйыл өткөн айда бул көрсөткүч 12 миллиардга түштү. Мындан улам Кыргызстан 2020-жылы 1 миллиард киловатт-саатка чейин электр энергиясын импорттоону пландап жатат. Анын ичинен 500 миллион киловатт-саат электр энергиясын алуу боюнча Казакстан менен макулдашуу болду.

Депутат ЖК от фракции Кыргызстан Айтмамат Назаров
© Фото / пресс-служба ЖК
Улуттук энэргохолдингдин башчысы Айтмамат Назаров
"Ал декабрь айынын соңунан баштап келе баштайт. Мындан сырткары, Кыргызстан менен Казакстан 300 миллион киловатт-саатты алмашат: электр кубаты жайкысын Казакстанга жиберилсе, күзүндө кайра кайтарылат", — деди Улуттук энэргохолдингдин башчысы Назаров.

Анын айтымында, импорт ички баага таасир этпейт. Учурда Тажикстан жана Түркмөнстан менен дагы сүйлөшүүлөр жүрүп жатат.

Жабдуулардын абалы

Улуттук энергохолдингдин генерация жана энергетика өткөрүү башкармалыгынын эксперти Аскат Абылаев Кыргызстандагы энергетика жабдуусунун 90 пайызы эскирип бүткөнүн айтат. Анын пикиринде, бул абал өтө эле начар дегенди билдирет. Адис ушу тапта жабдууларды алмаштыруу боюнча иштер жүрүп жатканын белгилеп, тизмеде Үч-Коргон жана Ат-Башы ГЭСтери бар экенин кошумчалады.

205
Белгилер:
импорт, насыя, энергетика, Кыргызстан
Тема боюнча
Электр энергиясына коюлган жаңы тариф 1-июлдан тарта күчүнө кирет
Каатчылык коркунучу жана ЕАЭБдин жаңы стратегиясы. Жыйынга сереп
Тоо-кен компаниялары колдонгон электр энергиянын баасын көтөрүү сунушталды
Биолаборатория. Архив

Борбор Азия жана Кавказга биолаборатория курууда АКШнын көздөгөнү эмне?

218
(жаңыланган 16:08 31.05.2020)
Совет маалында Армян ССРиндеги Микробиология институту микробиологиялык ири борбор деп эсептелген. Токсонунчу жылдары аталган институттун илимий иштерине АКШ жана Улуу Британия да кызыгар эле.

БИШКЕК, 31-май — Sputnik. Казакстан, Армения жана Тажикстанда америкалыктар биологиялык лабораториялар түйүнүн ачкан. Айрыкча Грузиядагы Лугара атындагы лабораториялык борбордун ишмердиги россиялык бийликти түпөйүлгө салат. Булардын Вашингтонго зарылдыгы канчалык экенине биздин өнөктөш агенттик РИА Новости сереп салган.

"Кошмо Штаттар дүйнө жүзү боюнча, анын ичинде бизди курчаган аймактарда да аскердик-биологиялык ишмердик жүргүзүүдө", — деп билдирген Сергей Лавров ЖККУнун тышкы иштер министрлеринин жолугушуусунда. Москва эбактан бери эле коңшу мамлекеттердеги биологиялык коопсуздукка кабатыр болуп келет.

Атайын жасалган иш беле?

Казакстанда коронавирус марттын башында каттала баштаган. Өлкө бийлиги дароо чек араларды жаап, өзгөчө абал киргизген. Интернетте вирус 2016-жылы америкалыктар тарабынан ачылган республиканын түштүгүндөгү биолаборатория менен байланыштуу экени тууралуу күбүр-шыбыр кеп тараган.

Алматыдагы Борбордук реферанс-лаборатория (БРЛ) Казакстанга мүнөздүү вирус штаммдарын изилдөөгө адистешкен. Казакстандын карантиндик жана зооноздук (жаныбарлардан адамга жугуучу) инфекциялар илимий борборунун базасында иштейт, республиканын Саламаттыкты сактоо министрлигине баш иет. Пентагондун эсебинен курулса да Казакстандын менчиги болуп саналат. Бул объектиге АКШ 108 миллион доллар бөлүп берген.

Вашингтон аймакта америкалык аскер кызматкери бар экенин, изилдөөлөр белгисиз вирустук инфекциялардан коргонууга көмөк болорун түшүндүргөн. ЖККУ, КМШ жана ШКУ саммиттеринде Москванын өкүлдөрү америкалыктар бул лабораторияларды россиялык кызыкчылыктарга каршы колдонушу мүмкүн деген кооптонууларын билдирип келет. Бирок Казакстандын бийлиги жергиликтүү биологдордун ишине эч ким кийлигише албастыгына ынандырган.

"Четөлкөлүк окумуштуулардын катышуусунда биргелешкен изилдөө жана гранттар боюнча долбоорлор ишке ашырылчу учурларда гана уруксат берилет", — деп түшүндүрүшкөн БРЛ өкүлдөрү.
© Sputnik / Максим Блинов
Россиянын тышкы иштер министри Сергей Лавров 2017-жылдын 17-июлунда Минксиде өткөн ЖККУнун тышкы иштер министрлер кеңешинин жыйынынан соң

2018-жылы Казакстанда менингит менен ооругандардын саны көбөйгөнү байкалган, андан улам Алматыда аталган лабораториядан менингококк инфекциясынын штаммы чыгарылган деген сөз чыккан. Журналисттер жана блогерлер ошол убакта америкалыктар вирусту атайын таратканын, мындай жол менен алар лабораторияда иштелип чыгып жаткан биологиялык куралдын натыйжалуулугун текшерип көрүшкөнүн олуттуу түрдө эле жазышкан.

Казакстандын Саламаттык сактоо министрлиги эч кандай эпидемия болбой турганына ишендирген. "Казакстанда менингит 58 кишиде аныкталган, алардын 32си Алматы калаасында катталган. Эгер Дүйнөлүк саламаттыкты сактоо уюмунун ченемдери боюнча эсептеп көрсөк, орточо көрсөткүч төмөн", — деп билдиришкен мекемедегилер. Коронавируска окшош жагдай. Бийлик конспирологияны төгүндөп, дүрбөлөңгө түшпөөгө үндөгөн.

© Sputnik / Тимур Батыршин
Автоинспекциянын кызматкерлери Алматынын көчөлөрүнүн биринде нөөмөттө

Жабык тартип

Совет маалында Армян ССРиндеги Микробиология институту микробиологиялык ири борбор деп эсептелген. Токсонунчу жылдары аталган институттун илимий иштерине АКШ жана Улуу Британия да кызыгар эле. Армениялык адистерди батыш өлкөлөрүнө практикадан өтүүгө чакырышкан. 2000-жылдары америкалыктар өлкөдө бир нече биолаборатория ачууга жардамдашкан. Акчаны да Казакстандагыдай эле Пентагон бөлгөн. Армениядагы Илдеттерди көзөмөлгө алуу жана алдын алуу боюнча улуттук борборду заманбапташтырууга эле он миллион доллар сарпташкан.

Ереван, Гюрми, Ванадзор, Мартун жана Ижеванда курулган илимий борборлор Кавказ аймагына мүнөздүү болгон вирус жана штаммдарды изилдешет. Лабораториялар Армениянын саламаттыкты сактоо тутумуна кирет, бирок АКШнын Коргоо министрлигинин алдындагы Кооптуулуктарды азайтуу агенттиги кийлигише алат. Жергиликтүү адистерден тышкары, ал жакта америкалыктар иштейт.

Армениядагы биолабораториялардын жабык тартипте иштешине Москва сын көз карашта. Шектенүүлөрдү жоюу үчүн былтыр күздө премьер-министр Никол Пашинян россиялык адистер менен Кызматташуу боюнча меморандумга кол коюуга макул болгон. Ийне-жибине чейин макулдашышкан соң армян тарап бул документтен баш тарткан.

© Sputnik / Денис Асланов
Грузиядагы Ричард Лугар атындагы лабораториянын каалгасындагы жазуу

Кооптуу эпидемиология

2010-жылы америкалык биологдор ЖККУнун дагы бир мүчөсү – Тажикстанга кызыга баштаган. Инфекциялык илдеттердин күч алышына алып келчүдөй жагымсыз эпидемиологиялык жагдай аларды чочулаткан экен. Бир нече батыш фонду изилдөө борборлорун ачууга каражат бөлгөн. Ошентип, 2013-жылы Душанбедеги

Гастроэнтерологиялык институттун базасында биологиялык коопсуздук лабораториясы ачылган. Долбоорду франциялык Мерьё кайрымдуулук фонду каржылаган. Ал ушундай эле объектилерди Кытай, Мьянма, Бангладеш жана Африканын бир катар өлкөлөрүндө курган.

Француздарга адаттагыдай эле Бириккен улуттар уюму жана АКШнын USAID эл аралык өнүгүү боюнча агенттиги көмөкчү болгон. Инвестициялар үч миллион доллардан ашкан.

2019-жылы Кургак учукка каршы күрөшүү боюнча республикалык борбордун алдында лаборатория ачышкан. USAID менен Пентагон демөөрчүлүк кылган. Жергиликтүү биологдор четөлкөлүк кесиптештери менен кургак учук, малярия, гепатит жана холера өңдүү Борбор Азияга мүнөздүү болгон ооруларды изилдешет.

Былтыр Тажикстандын түндүгүндөгү Исфара шаарында дагы бир объект ачылган. Аны да америкалыктар каржылаганы гана белгилүү, бирок ал боюнча маалымат аз.

"Борбор Азияда коронавируска чейин эле эпидемиологиялык абал жакшы эмес эле. Бул аймакта гепатит, холера, кургак учук күч алуу коркунучу бар, ошондуктан жаңы биолабораториялар зарыл. Аларга каражат керек. Четөлкөлүк көмөк болбосо, ишке ашыра албайбыз", — деп түшүндүрөт Душанбедеги Саясий изилдөөлөр борборунун директору Абдугани Мамадазимов.

Тажикстандык серепчи америкалыктардын бул багытта жанданганынан шектүү жагдайды байкабаганын айтат. "Болгону алар биринчилерден болуп жардамга кол сунат. Эгер коронавирустан кийин Россия, Кытай же Евробиримдик аймакта вирустарга каршы күрөшүүгө активдүү жардам бере башташса, Борбор Азиядагы республикалардын бийлиги колдоп берет", — деп ишенет эксперт.

Работа референс-лаборатории в Душанбе
© Фото / Национальная Референс лаборатория Республики Таджикистан
Душанбедеги референс-лабораториядагы иш

Грузиндик патоген

Грузия ЖККУга мүчө эмес, бирок Россия менен чектешет жана Кавказда негизги ролду ойнойт. Москваны Ричард Лугар атындагы Коомдук саламаттыкты сактоо боюнча илим-изилдөө борбору бушайман кылат. Россия бийлиги Тбилисинин жанындагы биолаборатория америкалыктардын кызыкчылыгына иштээрин боолголойт.

Мындай шектенүүлөр да тегин жерден чыккан жок. 2018-жылдын сентябрында Грузиянын мурдагы мамлекеттик коопсуздук министри Игорь Гиоргадзе лабораторияларда адамдарга да тажрыйба жасалган болушу мүмкүн деп шек санаган. Ал түгүл документтерди жарыялаган. Анда Лугар борборунда дарыланган он киши каза болгону жөнүндө маалымат камтылат. Аталган лабораторияда америкалык үч жеке фирманын биологдору иштеген. Алар, тагыраак, CH2M Hill, Battelle жана Metabiota Пентагондун буюртмаларын аткарган ишканалардан.

Гиоргадзе лабораториялардын бактериологиялык коргоонун жогорку деңгээлине көңүл бурдурат. Атап айтканда, борбор "зыяндуу заттарды чачуу үчүн жабдуулар жана биологиялык активдүү материалдары бар ок-дары менен жабдылган".

© Sputnik / Илья Питалев
Душанбедеги референс-лабораториядагы иш
"Калкты коргоону көздөгөн мекемеге мындай нерселердин зарылдыгы не?" — деген суроо салат экс-министр.

Москвадагылар муну эшиткен. РФ ТИМинин Куралдарды жайылтпоо жана көзөмөлдөө маселелери боюнча департаментинин башчысы Владимир Ермаков Россия өз чегинде америкалык биологиялык эксперименттердин жасалышына жол бербейт.

Пентагондогулар Гиоргадзенин бул айыптоолору негизсиз дешкен. Тбилисидегилер лаборатория жай эле иштелмелер менен алектенерине, адамдарга эч кандай тажрыйба жасалбай турганына ишендирген. Грузия бийлиги Лугардагы борбор менен россиялык адистердин таанышуусуна каршы эмес. Бирок бул пландар эки өлкөнүн мамилесиндеги былтыркы кризистен улам үзгүлтүккө учураган.

"Грузия физикалык-химиялык биология жаатындагы изилдөөлөргө эч качан кызыккан эмес. Бул лаборатория кызматкерлерди жогорку класстагы биологиялык коргоо экендиги боюнча маалымат түкшүмөлдөрдү жаратат. Мындай оор патогендер менен алектенүүнүн зарылдыгы эмне?" — дейт биологиялык илимдердин доктору, Сибирь федералдык университетинин профессору Николай Сетков.

"Вектор" вирусология борборунун башкы директорунун илимий иштер боюнча орун басары Александр Агафонов "Лугар атындагы борбордо биологиялык куралды иштеп чыгуу жана аны чыгаруу жөнүндө түз маалыматтар менен тааныша албайбыз".

© Sputnik / Леван Авлабрели
Грузиядагы Ричард Лугар атындагы лаборатория

"Ошентсе да CH2M Hill, Battelle жана Metabiota өңдүү жеке ишканалар, алардын келишимдик милдеттенмелери, мисалы, сибирь жарасы, туляремия жана Крым-Конго геморрагиялык лихорадкасы өңдүү кооптуу бактерияларды изилдөөнү көз жаздымда калтырууга болбойт", — деп баса белгилейт адис.

РИА Новости сурамжылаган серепчилердин баары постсоветтик мамлекеттер сырттан жардам күтүү менен эпидемиологиялык кырдаалдын көзөмөлүн колдон чыгарып жибериши мүмкүн деген пикирде. Мунун кесепети оор болушу ыктымал. Анүстүнө пандемия убагында лабораторияларга өтө кооптонуу менен карап калышты. Бул мындай структуралардын ишин ачыгыраак уюштурууга түртөт.

218
Белгилер:
вирус, илимий изилдөө, каржылоо, АКШ, Россия
Тема боюнча
"Жыргалчылыкты арттырат"... АКШ Борбор Азияга эмне үчүн көз артууда?
Парадный расчет Национальной гвардии Вооруженных Сил Кыргызской Республики во время тренировки

Улуттук гвардиянын жоокерлери Москвада өтчү парадга даярданууда. Сүрөт

0
(жаңыланган 12:51 04.06.2020)
Москвада 9-майда өтө турган парад коронавируска байланыштуу жылдырылып, 24-июнда өтмөй болгон. КР жоокерлери ал жакка баруу алдында коронавируска ПЦР-анализ тапшырышат.

БИШКЕК, 4-июн. — Sputnik. Кыргызстандын Куралдуу күчтөрүнүн Улуттук гвардиясынын параддык эсеби 24-июнда Москвада өтө турган Улуу Жеңиштин 75 жылдыгына арналган парадга даярданып жатат. Бул тууралуу Генералдык штаб билдирди.

  • Парадный расчет Национальной гвардии Вооруженных Сил Кыргызской Республики во время тренировки
    Парадный расчет Национальной гвардии
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Парадный расчет Национальной гвардии
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Парадный расчет Национальной гвардии
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Парадный расчет Национальной гвардии
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Парадный расчет Национальной гвардии
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Парадный расчет Национальной гвардии
    © Фото / Пресс-служба Генштаба КР
1 / 6
© Фото / Пресс-служба Генштаба КР
Парадный расчет Национальной гвардии


"Гвардиячылар карантин учурунда дагы машыгууларды токтоткон жок. Жоопкерчиликти талап калган маанилүү иш-чарага күжүрмөн жана саптык даярдыгы мыктылар тандалып алынган. Санитардык талаптарды сактоо менен параддык жүрүштүн элементтерин иштеп чыгышты", — деп айтылат маалыматта.

Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген. Биринчи чакыруу 9-майга чукул жиберилген. Москадагы парад коронавируска байланыштуу жылдырылып, 24-июнда өтмөй болгон.

Аскер кызматчылары Москва шаарына баруунун алдында коронавируска ПЦР-анализ тапшырышат. Гвардиячылар Россиянын борборуна баргандан кийин парадга катышууга чакырылган башка өлкөлөрдүн өкүлдөрү менен бирге жалпы параддын курамында машыгуусун улантат.

Улуттук гвардиянын аскерлери Кызыл Аянттагы юбилейлик парадга ушуну менен экинчи жолу катыша турганы айтылды.

0
Тема боюнча
Биздин армия — мамлекеттин ишенимдүү тиреги. Жээнбековдун куттуктоосу