Бишкек шаары. Архив

Күзгө чейин Бишкектен үй сатып алууга үлгүрүңүз! Турак жай рыногундагы баалар

3138
(жаңыланган 18:13 09.03.2020)
Бишкектен турак жайды кайсы маалда сатып алуу оң экендиги, эмнеликтен элиталык батирлердин баасы жогорулагандыгы, кыймылсыз мүлк рыногундагы азыркы кырдаал туурасында Sputnik Кыргызстандын материалынан окуңуздар.

БИШКЕК, 5-июл. — Sputnik. Жыл башынан тарта Бишкекте батир баасы кымбаттаганы байкалууда. Кадастр жана кыймылсыз мүлк укугун каттоо департаментинин отчетунда май айына карата өсүш беш пайызды түзгөндүгү айтылат.

Баасы дагы жогорулап кете элегинде там-таш сатып алганыбыз туурабы? Балким күзүндө баа кайра түшүп калар? Эмнеликтен рынокто мындай өзгөрүүлөр болот? Серепчилер бул соболдорго жооп беришти.

Айрыкча бир бөлмөлүү батирлер асмандап кетти

Бул маалыматтар элиталык бир бөлмөлүү батир сатып алууну кыялдангандардын көңүлүн чөгөрөт. Бир жыл ичинде бул жогорку класстагы турак жайга болгон баа 8 миң долларга өстү. Былтыркыга караганда алар чейрек көрсөткүчкө көтөрүлдү.

Бишкектеги бир бөлмөлүү батирлердин баасы
Бишкектеги бир бөлмөлүү батирлердин баасы

"Площадь" кыймылсыз мүлк агенттигинин сатуу бөлүмүнүн жетекчиси Елена Юн кептин баары курулуш ишканалары бул турак жайлардын акысын бөлүп төлөөнү сунуштагандыгында экенин айтып юерди. Мында сатып алуучу акчаны дароо толук издеп убара болбойт.

"Жаңы курулган турак жайлар бишкектиктерди жакшыртылган шарты менен кызыктырат. Жер алдындагы унаа токтоочу жайы, коноктор үчүн да авто коюучу тилкеси менен бирге курушат. Андан тышкары, элиталык болуп саналган бул үйлөр атайын кайтарууда. Мындай талапка курулуш ишканаларына болгон ишенимдин күч алышы да таасир этти: кардарларды алдоо же курулушчулардын иши жүрбөй калышы сымал учурлар азая түштү", — деди Юн.

Ошондой эле бишкектиктер жактырган 104-сериядагы жана "хрущевкалардын" бир бөлмөлүү батирлери да 1,5 миң долларга же алты пайызга кымбаттады. 105-сериядагы бир бөлмөлүү батирлердин баасы да миң доллардай өстү.

Жилой многоэтажный дом в городе Бишкек. Архивное фото
© Sputnik / Табылды Кадырбеков
Чакан батирлерди ижарага берүү же сатуу оңой

Серепчинин баамында, бюджеттен маяна алгандардын батир сатып ала башташы да бааларга таасир этпей койбоду.

"Орто баадагы батирлердин кымбатташына бюджеттен айлык алчу адамдарга ылайыкталган мамлекеттик ипотека да түрткү болду. Алардын маянасына бап келген турак жайлар — "хрущевка" же 104-сериядагы" батирлер, — деп белгиледи Юн.

Айтмакчы, Бишкекте бир бөлмөлүү батирлер көп өтпөйт. Адатта үч сатып алуучунун бири мындай батирге токтолот. Бирок эки бөлмөлүүлөрдүн сатылышы 40 пайызды түзөт. 

Бишкектеги эки бөлмөлүү батирлердин баасы
Бишкектеги эки бөлмөлүү батирлердин баасы

Бишкектеги эң көп сатылчу эки бөлмөлүү батирлердин баасы

Бул турак үйлөр жаатында да баанын жогорулашы боюнча "элиталык" үйлөр алдыңкы сапта: бир жыл мурун алар азыркыдан 4,5 миң долларга арзан турчу.

Аларга салыштырмалуу эски заманда курулган эки бөлмөлүү батирлердин баасы дээрлик өспөгөндөй: былтыркыдан айырмасы миң долларга да жетпейт. 104-сериядагы эки бөлмөлүү үйлөр 35 миң доллардын тегерегинде турат, ал эми "хрущевкалар" — андан үч миңдей арзан.

105-сериядагы эки бөлмөлүү үйлөрдүн баасы төрт пайызга кымбаттап, азыркы тапта 37-39 миң доллар тегерегинде турат. 

Мындай өсүштү Елена Юн эки бөлмөлүү батирлердин бишкектиктердин көңүлүн көп ээлегендигине байланыштырат.

"Чакан батирлерге талап күч, анткени аларды ижарага берүү же кайра сатуу жеңил. Бишкекте азыр алар эң көп сатылат " — деп түшүндүрдү кыймылсыз мүлк сатуу боюнча адис.

Вид на центр Бишкека с высоты. Архивное фото
© Sputnik / Михаил Дудин
Бишкектиктер премиум-класстагы чакан турак жай сатып алууга ыктай баштады

Үч бөлмөлүү батирдин баалары

Булардын баасында өсүш жокко эсе. Атургай, мындай элиталык турак жайлардын баасы бир пайызга түшкөн. 104-сериядагы үч бөлмөлүү батирлер болгону 500 долларга, ал эми 105-сериядагылары бир-эки миң долларга кымбаттаган.

Бул үч бөлмөлүү батирлердин бишкектиктердин тандоосуна анча татыбастыгы менен түшүндүрүлөрүн айтат риелтор.

"Эгер мындай турак жай ижарага берилсе, коммуналдык кызмат акысы батир ижаралагандардын мойнуна жүктөлөт. Батирге чыккан киши жылуулук, электр жарыгы үчүн көп төлөөгө даярдыгы арсар. Талаптын айырмасы ушундан келип чыгат", — деди Юн. 

Бишкектеги эки бөлмөлүү батирлердин баасы
Бишкектеги эки бөлмөлүү батирлердин баасы

Батирлер эмнеге кымбаттады? Серепчилердин пикирлери

Экономист Нургүл Акимова батирлерге болгон талаптын өсүшүн эмгек мигранттарынын өлкөгө көп каражат которушуна байланыштырат.

"Сатып алынган ар бир чоң нерсе — акча топтоо же насыя алуунун жыйынтыгы. Кыргызстанда ар бир үчүнчү үй-бүлөгө эмгек мигранттары каражат которот. Эгер биз которулган акчанын кыймылын карап чыга турган болсок, алардын жарымы күнүмдүк чыгымдарга, ал эми калганы там куруу же ремонтко жумшалат", — деп белгиледи ал.

Ошондой эле талаптын өсүшүн серепчи жарандар колундагы ашыгыраак акчасын бизнеске салбай, батир жана машинага сарптагандыгына да байланыштырат. Бул тобокелдиги азыраак салым болуп саналарын белгилейт ал.

Ал эми Чет элдик инвесторлор биримдигинин аткаруучу директору Искендер Шаршеев кыймылсыз мүлк рыногундагы кырдаалга сырттан которулган каражаттардын байланышы бир аз апыртылгандыгын айтат.

"Батир баасынын өсүшү — бул рыноктун 2014-жылы кабылган туңгуюктан акырындап чыгып келаткандыгынын жыйынтыгы", — деп түшүндүрдү ал.

Дал ушул убакта батир сатып алуу туурабы? Келечекке божомол

Батирди жайкысын сатып алып, ал эми сатуу күзүндө жүргүзүлгөнү дурус дейт Кадастр жана кыймылсыз мүлк укугун каттоо департаментинин аналитиги Айдар Сукенбаев.

"Эгер быйыл батир сатып алууну кааласаңыз, анда аны азыр — июнь, июль айларында алганыңыз дурус. Жыл соңунда эмгек мигранттарынын акча которуулары 20-25 пайызга жогорулары күтүлөт. Андай шартта бишкектик батирлер күзүндө дагы беш пайызга кымбаттайт", — деди ал.

Строители воздвигают высотное здание в столице
© Sputnik / Табылды Кадырбеков
Курулушту көзөмөлдөө турак жайдын баасына таасир тийгизди

Серепчи адатта экономикалык активдүүлүк, ага ылайык батир бааларынын өсүшү да алгач март-апрель айларында, келеркиси күзгө туш келерин белгилейт.

Курулуш компаниясынын жетекчиси Замир Чаргынов баанын жогорулашына курулуштун жүрүшүнө болгон көзөмөлдүн катаалдашы да таасир этиши ыктымалдыгын белгилейт.

"Курулуш компаниялары үчүн иш баштоого мамлекеттик органдардан уруксат кагаздарын алуу татаалдап барат. Буга көп убакыт жумшалат. Албетте, кошумча чыгымдар турак жайдын наркына кошо эсептелет", — деп түшүндүрдү ал.

Ошентип эгер сиз каражат чогултуп, батир алууга камынсаңыз, көп создуктурбаңыз. Эгер, тескерисинче, турак жай сатууну пландаган болсоңуз, бир жана эки бөлмөлүү батирлерди сатууда кыйынчылыкка кабылбайсыз — алар рыноктогу эң көп сатылгандары. Жайкысын алардын бааларында өсүш жок, андыктан, ашыкпастан, сатышты бир аз жылдыра турганыңыз да оң.

3138
Белгилер:
суроо-талап, турак үй, кыймылсыз мүлк, курулуш, баалар, турак-жай, Бишкек
Тема боюнча
Вице-премьер: үйдүн бир чарчы метрин 350-360 доллардан саткан компаниялар бар
Кейпи кетип... Бишкектеги каралбай калган имараттардын жүрөк түшүргөн сүрөттөрү
Нефть казуучу платформа. Архив

Нефтини кайра иштетүү боюнча Кытай АКШдан озуп баратат. Мындан Россия утабы?

126
Пекин нефтини иштетүү жаатында күчтөнүп, бензин менен дизель майына басым жасоодо. Кийинки жылы КЭР бул көрсөткүч боюнча АКШдан озуп өтөт.

Америкалыктар ИДП боюнча да артта калары боолголонууда. Бирок айрым аналитиктердин айтымында, кытайлыктарга пандемия тоскоол болушу мүмкүн. Абалга РИА Новости сереп салды.

Лидердин алмашуусу

КЭРдин мамлекеттик статистика бюросунун маалыматы боюнча, октябрда нефтини кайра иштетүү эки жарым эсеге көбөйүп, суткасына 14,09 миллион баррелге жеткен. Бул тарыхтагы рекорддук көрсөткүч. АКШда бул убакытта болгону 13,5 миллион баррель болчу.

Кытайлыктар муну менен эле токтоп калгысы жок. Кийинки жылдын соңунда нефтини кайра иштетүүчү эки завод ачыларын Эл аралык энергетика комитети ноябрдагы докладында айтты. Өндүрүш негизи 2023-жылы ишке кирет деп пландалган болчу.

Мындан тышкары, жалпы кубаттуулугу суткасына 1,2 миллион баррелге жеткен дагы төрт завод курулуп жатат. Мынча көлөмдү, мисалы, Улуу Британия өзү араң өндүрөт.

Кытай ондогон жылдардан бери бензин менен дизелге болгон суроо-талапты канааттандырууга аракет кылып келет. Эми минтип берекесин көрө баштаганы калды.

"2000-жылдан бери өлкө мунай зат өндүрүүнү үч эсе жогорулатты. 2025-жылга чейин суткасына 20 миллион баррелге чейинки көрсөткүчкө жетет", — деди ТелеТрейд маалымат-аналитикалык борборунун башкы экономисти Марк Гойхман.

Маектеш АКШ өткөн кылымдан бери ээлеп келе жаткан биринчи орундан 2021-жылы эле сүрүлөрүн белгиледи.

АКШнын нефтинин кайра иштетүүчү заводдору мунайдын арзандашынан кийин келген төмөнкү маржиналдуулуктан улам жабылууда. Узап бараткан жылы кара алтын минимумун бир нече ирет жаңылаган. Мисалы, 18-мартта Brent үлгүсү 15 пайызга арзандап, 2003-жылдан бери биринчи жолу баррели 24,52 долларга бааланды.

Мунайга дүйнө жүзүндө да суроо-талап төмөндөдү. Андыктан нефтини кайра иштетүү 1,7 миллион баррелге чейин түштү. Мунун басымдуу бөлүгү дал ушул америкалык заводдорго туура келет. "Айрымдары жабылып, дагы бири модернизициялоого муктаж. Кээсин жыл сайын Мексика куймасынын жээгинен өтчү урагандан кийин калыбына келтирүү керек", — деп оюн улантты Гойхман.

Жашыл энергетика: ким жеңип, ким жеңилет

Кытайдын ийгилигинин дагы бир сыры — коронавирус менен натыйжалуу күрөшү. Бул тууралуу "Алор Брокердин" башкы аналитиги Алексей Антонов билдирди. Анын айтымында, КЭР экономикасы калыбына келип, туруктуулугун көрсөтүп жатса, Европа менен АКШ начарлоонун үстүндө.

Кытайлыктардын нефть иштетүүдө эле эмес, металлургияда да алдыда экени кокусунан эмес. Гойхман ушундай эле тенденция Индияда, Жакынкы Чыгышта да байкалып жатканын белгиледи. Мындай көрүнүш бүгүнкү күндүн талабына жооп бербей калган Батыштын, керек болсо Азиянын да компанияларынын жабылышын шарттап жатат.

Мындан тышкары, АКШ менен Европа акырындап көмүр суутегинен баш тартып, энергиянын альтернативдүү булактарына ыктоодо. Кытай болсо экологиялык милдеттемелерден бош.

"Кошмо Штаттар жашыл энергетикага басым жасап, КЭРди кирдеген өнөр жай аянтчасы катары көрсөтүү далалатында. Экономикалык жактан өнүккөн өлкөлөр жаңылаган ресурстарга өтүүнү башкалардын эсебинен каржылап, аларды "экологиялык салык" төлөөгө да мажбур кылышат. Ак үйдө бул маселе менен саясий лөк, жаңы президент келгенден кийин климат маселелери боюнча атайын өкүл боло турган Жон Керри алпурушмакчы", — дейт Hamilton инвестициялык компаниясынын эксперти Антон Гринштейт.

Нефтиден көз каранды болгон Россия үчүн жашыл сценарий компаниялардын карызга батышын жана кирешенин азайышын шарттайт. "Чийки зат структурасын сактоо менен Россия экономикасы үчүн нефтини кайра иштетүү тармагында АКШнын лидерлиги алда канча пайдалуу", — дейт маектеш.

Марк Гойхман Россия 15-20 жылдан кийин нефтиден түшкөн кирешесинин ордун жаба турган башка булактар тууралуу ойлонушу кажет экенин белгиледи.

Жакынкы аралыкта Кытай мунай затты арбын колдонорун эске алып сырьену ушул багытта экспорттоого басым жасоо зарыл.

Пандемия: азиялык сценарий

Бирок бардык нерсе качандыр бир кезде соңуна чыгат. 2025-жылы КЭРдин өндүргөн продукциясынын көлөмү суроо-талаптан ашып кетиши толук ыктымал. Кытайдын CNPC нефть-газ корпорациясынын маалыматы боюнча, беш жылдан кийин нефть продуктулары суткасына 1,4 баррелге ашык өндүрүлө башташы мүмкүн.

"Азыр кытай нефть өндүрүүчүлөрү тышкы соодадагы чектөөсү үчүн АКШдан өч алып жаткандай. Мындай аракет менен өлкөнүн кадырын арттырууга да жан далбас жасалып жатат", — деп боолголоду Алексей Антонов.

Демек, алдыдагы 3-5 жылга саресеп салып отуруп, нефтини кайра иштетүүчү тармакта эле эмес, экономиканын башкы көрсөткүчү болгон ИДП боюнча да лидердин алмашуусу күтүлүп жатканын болжолдоого болот.

"Пандемияга чейин Кытайда АКШ экономикасын озуп өтүү үчүн беш жыл керек эле. Эми коронавируска каршы майнаптуу күрөшүүнүн негизинде кытайлыктар алдыга эртерээк чыга алышат", — деди Гринштейн.

Ал эми АКШ позициясын алдырууга даярбы? Бул башка маселе. Америка истеблишменти көйгөйдү экономикалык жактан да, дипломатиялык жол менен да чечүүгө аракет жасаган. Бирок ишке ашкан жок. Эми бийликке бизнесмен-президенттин ордуна саясатчы-президент келе турган болду.

Анын үстүнө Кытайда кайра иштетилген мунай затка суроо-талаптын өсүшү эпидемиологиялык абалдын жакшырганынан кабар берет. Бирок экинчи толкун Азиядан кыйгап өтөрү күмөн. Индонезия, Япония жана Түштүк Кореяда оору катталып жатат. Мындай көрүнүш тараза ташын оодарып жибериши мүмкүн.

126
Белгилер:
пандемия, экономика, завод, Мунай, нефть, Россия, АКШ, Кытай
Тема боюнча
Доору бүтүп баратабы? Мунай жаатында эсти оодарчу окуя күтүлүүдө
Степанакерт аэропорту. Архив

Тоолуу Карабах: аба мейкиндигин ачуу аракеттери. Сереп

99
(жаңыланган 14:04 02.12.2020)
Степанакерттен Ереванга чейинки (Эребуни авиабазасы, Звартноц аэропорту) автомобилдик көчөлөр менен кеткен жолдун узундугу 320 чакырымды түзөт. Операциялардын алгачкы күндөрү тынчтык орнотуучулар Степанакерттен ушул багыт боюнча жүрүшкөн.

Тоолуу Карабахтагы россиялык тынчтык орнотуучу операция татаал логистикасы менен айырмаланат. Степанакерттеги аэродромду реконструкциялоо жана заманбапташтыруу Россиянын Аба-космостук күчтөрүнүн аскердик-транспорттук учактарын кабылдоого мүмкүндүк берет, жаңы операциялык мүмкүнчүлүктөрдү жаратат, аскердик топторду жабдуу боюнча көптөгөн маселелерди чечет. Ушул тапта көпчүлүктүн көңүл борборундагы аймактын аэропорт жагдайына аскерий баяндамачы Александр Хроленко сереп салган.

Карабахты Армения менен туурасы 5 чакырым болгон Лачын коридору гана байланыштырып турат. Россиялык тынчтык орнотуучулардын көзөмөлүндөгү аймакта бул жол кокус кырдаал курчуп кете турган болсо, баары бир эң талуу көйгөйлөрдөн болуп калат. Келечекте жаңы жолдун (коридордун) оңой эмес курулушу жана Азербайжанга өткөрүлүшү күтүлөт. Бирок жүргүнчү жана жүктү ыкчам ташуу бүгүн зарыл болуп турат.

Степанакерттен Ереванга чейинки (Эребуни авиабазасы, Звартноц аэропорту) автомобилдик көчөлөр менен кеткен жолдун узундугу 320 чакырымды түзөт. Операциялардын алгачкы күндөрү тынчтык орнотуучулар Степанакерттен ушул багыт боюнча жүрүшкөн. Кийин (28-ноябрда) аралаш багыт табылып, Россиядан жүк жана техника жүктөлгөн вагондор Азербайжандын Барда темир жол станциясына келчү болду. Автомашиналарга жүктөлгөн соң Барда – Агдам – Степанакерт багыты боюнча 100 чакырым жол жүрүүдө. Багытты кайда бурба, жол ыраак.

Жоокердик бөлүктөрдүн, техника жана жүктөрдүн Тоолуу Карабахтын шартында жүздөгөн чакырымга ыкчам жеткирүү оор аскердик операцияга айланууда. Тынчтык орнотуучулар тобунун ички курамы жылына эки ирет алмашат. Аймактагы кырдаал курчуп кетсе, дагы кошумча күч жана каражат керектелиши мүмкүн.

Ошондой эле Степанакерттен тогуз чакырым аралыкта жайгашкан Ханкенди аэропорту бар. Болжолдуу түрдө оор аскердик-транспорттук авиацияны кабылдай алат. Бул жакта 1990-жылдардын башындагы согуштук аракеттерден улам учуштар токтоп калган.

Аэропорттун инфраструктурасы 2020-жылдын сентябрь жана октябрь айларында Азербайжан тараптын ракеталык аткылоолорунан кийин жабыркады. Бирок учуп-конуучу тилкенин узундугу 2200 метрди түзөт. Бул жердин рельефи да зарылдыгы чыкса тилкени дагы 1000 метрге узартып, жанына экинчисин курууга ылайык келет.

Степанакертке жакын аэропортту кайра калыбына келтирүү жана заманга бапташтыруунун баасы жакын арада каралса, көп жылдык узун каттам, убакыт жана күчтүн олчойгон чыгымдарынан кымбат деле болбойт. Аэропорт жарандык жүктөрдү ташуу, ошондой эле келечегинде Тоолуу Карабахтын экономикалык өсүшү үчүн түзүлгөн логистикалык борбор да болуп калышы ажеп эмес.

Ыраак жана кооптуу жол

Россиялык тынчтык орнотуучулар 23 байкоочу постто Тоолуу Карабахтагы окту токтотуу режимин сактоого күнү-түнү көз салышат. Лачин коридору аркылуу өткөн автотранспорт жана жергиликтүү калктын кыймылынын коопсуздугун камсыз кылышат.

14-ноябрдан тарта 26 миңден ашуун качкын үйлөрүнө кайтты. Аймакта россиялык саперлор, аскердик медиктер, Өзгөчө кырдаалдар министрлигинин кызматкерлери да кызуу иш алпарууда.

Тынчтык орнотуу милдеттерин аткаруу дайымкы ыкчамдыкты талап кылат. Карабах согушун токтотуу боюнча Россия – Азербайжан – Армения үч тараптуу макулдашуусунун негизинде Москва менен Баку кол койгон атайын протокол Азербайжан менен Армениянын ортосундагы транспорттук коммуникацияны жандандырууну да камтыйт.

Степанакерттеги аэропорттогу учуштарды эске алсак, бул документ жердеги гана тургай, абадагы тыюу салууларды жоеру айкын. Россиядан түз маршрут логистика жана жабдуунун көп көйгөйлөрүн чечип, тынчтык орнотуучу 15-бригаданын аскердик топторунун операциялык мүмкүнчүлүктөрүн арттырмак.

Мурда Грузия Азербайжан жана Армениянын өтүнүчү менен өз аба мейкиндигин россиялык аскердик-транспорттук авиацияга ачкан. Учактар Ереванга учуп турган. Андан ары Степанакертке техникада узак жол басууга аргасыз болушкан. Эми аймактын аба мейкиндигиндеги бөгөттөрдү толук алып салууга убакыт келди. Бул Азербайжандан Нахичеван автономиясына чейинки жолду куруу долбооруна да чоң пайда келтирмек.

Жабык асман

Степанакерт аэродрому ремонттолуп, 2012-жылы учактарды кабыл алууга даяр болчу. Бирок Бакунун каршылыгынан улам бул ишке ашпай калган. Анткен менен үч тараптуу макулдашуу түзүлүп, россиялык тынчтык орнотуучу миссия башталгандан тарта аймактагы кырдаал түп-тамырынан бери өзгөрдү.

Учуштардын коопсуздугунун жолдорун карап, тыюу салууларды жокко чыгарууга убакыт келди. Анан да азербайжан-армян "өз ара чегеришмесинин" үлгүлөрү бар: Бакудан Нахичеванга каттамдар Армения асманынан эл аралык коридорлор аркылуу учушат. Армениялык авиакомпаниялар да Азербайжандын аймагындагы эл аралык-корголгон аба коридорлорун колдонушат.

Азербайжандын президенти Ильхам Алиев кечээ: "Тоолуу Карабахты байырлаган армяндар да, азербайжандар да сөзсүз ал жакка кайтышат. Кайрадан ынтымакта коңшулаш болуп жашашат. Мында логистикалык, транспорттук, энергетикалык коопсуздук маселелери бар. Биз ушул маселелердин баарын карайбыз", - деп билдирди.

Бул үмүт жандырат. Эгер тоо койнундагы аэропорт жакында кучак ачса, бул жышаан – региондук тынчтык жана туруктуулукка чоң өбөлгө.

99
Белгилер:
Степанакерт, Армения, Азербайжан, Тынчтык миссиясы, аэродром, Тоолуу Карабах
Тема:
Тоолуу Карабахтагы жаңжал
Тема боюнча
Түркиянын учкучсуз аппараттарынын мыкты сапаты тууралуу имиш кеп кайдан чыкты
Тынчтыкка карай... Россия Тоолуу Карабахка кандай жардам берип жатат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен