Фрукты и овощи в одном из торговых контейнеров на Ошском рынке в Бишкеке

Ун менен шекер кымбаттады. Азык-түлүк, жашылча-жемиштин учурдагы баасы

1467
(жаңыланган 10:21 23.09.2018)
Учурда Бишкектин базарларында кайсы жашылча-жемиштин баасы арзан болууда? Ун менен кумшекердин наркы эмне себептен дароо көтөрүлүп кетти? Sputnik Кыргызстан агенттигинин төмөнкү материалынан окуңуздар.

Азыр дыйкандардын баары талаада, жыйым-терим убагы кызып турган кез. Базарларда болсо жашылча-жемиштин түрүн тапсаң болот.

Той-аштын мезгили башталып, үй кожойкелери кышка камынып турган убакта Sputnik Кыргызстан агенттиги Бишкектеги базарлардын бирин кыдырып, жашылча-жемиштин баасын байкап келди. Ошондой эле кардарлар көп алган ун, чай, шекердин да наркын билип көрдүк.

Люди идут по центральному ряду Ошского рынка в Бишкеке
© Sputnik / Табылды Кадырбеков
Аптанын алгачкы күндөрүнө карабай "Ош" базарында киши баягыдай эле быкылдайт

Аптанын алгачкы күндөрүнө карабай базарда киши баягыдай эле быкылдайт. Жашылча-жемиш саткан жерлерде чоң-чоң баштык көтөргөн аялдар. Бири кышка камылга көрүп бадыраң, помидор алып жатса, айрымдары тойго даярданып жүрүптүр.

"Ош" базарында 20 жылдан бери соода кылган Шайыр Бакенбаева быйыл жашылчанын баасы былтыркы жылга салыштырмалуу арзан дейт. Анын айтымында, бул жылы алма менен сарымсактын түшүмү жылдагыдан мол болуптур.

"Азыр бизге Ош, Талас, Жалал-Абад жана Түркмөнстандын жер-жемиштери келип жатат. Түшүм жакшы болгондуктан баалар дагы арзан. Алсак, былтыр Таластын кара өрүгүнүн бир килограммын 50-60 сомдон сатсак, быйыл 15-25 сомго чейин эле бааланууда. Алма былтыр Чүйдө байлаган эмес. Быйыл бардык жерде алма жакшы болуп, бир килограммы 20-25 сомдон сатылып жатат. Таластын алмасы жол киреге байланыштуу 10 сомго кымбатыраак. Быйыл малина дагы аябай көп. Өткөн жылы анын бир килограммын 140-150 сомдон сатсак, быйыл 90-100 сомго эле алса болот. Малинанын сезону бүтө элек",— деди сатуучу.

Фрукты и овощи в одном из торговых контейнеров на Ошском рынке в Бишкеке
© Sputnik / Табылды Кадырбеков
Соодагерлердин айтымында, быйыл малина менен алма алда канча арзан

Соодагерлердин маалыматында бул жылы болгар калемпири менен помидордун баасы бир аз жогору.

"Былтыр бадыраң кымбат болуп, бул маалда бир килограммы 60 сомго жетип кетти эле, быйыл помидордун баасы көтөрүлдү. Бадыраңды азыр 30-35 сомдон, помидорду да 30 сомдон берип жатабыз. Эл көп алган картошканын чоңун 15 сомдон, орточосун 10 сомдон баалап жатабыз" — деди базарда соода кылган Асылбек Таштанов.

Жашылчалардын учурдагы баасы (1 кг)

Бадыраң — 30-35 сом
Помидор — 30 сом
Болгар калемпири — 15-35 сом
Капуста — 10-20 сом
Сарымсак — 40-60 сом
Сабиз — 18-25 сом
Пияз — 10-15 сом
Мөмө-жемиштердин учурдагы баасы (1 кг)
Малина — 95-100 сом
Карагат — 280 сом
Алма — 20-50 сом
Алмурут — 45-65 сом
Жүзүм — 50-80 сом
Шабдалы — 40-80 сом
Коон —17-20 сом
Дарбыз — 7 сом

Баса, эгер малинанын даяр кыямын алууну кааласаңыз 5 литри учурда 600 сомдон сатылып жатыптыр.

Продукты питания в одном из торговых контейнеров на Ошском рынке в Бишкеке
© Sputnik / Табылды Кадырбеков
Ал эми азык-түлүктөн ун менен кумшекердин баасы дароо көтөрүлүп кеткен

Азык-түлүктүн баасы

Ун 50 кг (бир кап)
"Алия" — 950 сом
"Нооруз" — 1150 сом
Кумшекер —  45 сом (1 кг)
Суу май (5 литр) — 350 сом
Күрүч 1 кг
"Элита" —  75 сом
"Ташкент лазери" — 100 сом
"Баткен" — 100-110 сом

Азык-түлүк саткан Алчынбек Пазыловдун айтымында, ундун баасы бир айдын ичинде дароо көтөрүлүп кеткен.

Продукты питания в одном из торговых контейнеров на Ошском рынке в Бишкеке
© Sputnik / Табылды Кадырбеков
Сатуучу Алчынбек Пазылов бир ай мурун Казакстандан келген ундун бир кабы (50 килограмм) 950 сом турса, азыр ага 150-200 сом кошулганын айтты

"Бир ай мурун Казакстандан келген ундун бир кабын (50 килограмм) 950 сомго сатсак, азыр ага 150-200 сом кошулду. Былтыр бул маалда буудай чабылып түшүм жаңыланды деп арзандачу эле, быйыл тескерисинче көтөрүлүүдө. "Акун", "Элнур" ишканаларынын ундарынын баасы ошол эле бойдон, 900 сом. Мындан сырткары, кумшекердин баасы көтөрүлүп кеткенине 2-3 күн болду. Буга чейин бир килограммын 35-36 сомдон сатып жатсак, азыр 45 сомдон кем берилген жок", — деди Пазылов.

Ун менен кумшекердин наркынын жогорулап кеткен себебин соодагерлер мезгилдик жагдайга байланыштырды.

Монополияга каршы жөнгө салуу Мамлекеттик агенттиги базардагы азык-түлүк, жашылча-жемиштин баасын көзөмөлдөп, текшербей турганын айтты. Аталган агенттиктин атаандаштык чөйрөсүн талдоо жана Евразия экономикалык комиссиясы менен өз ара кызматташуу бөлүмүнүн начальниги Лариса Шустякова себебин түшүндүрүп берди.

Продукты питания в одном из торговых контейнеров на Ошском рынке в Бишкеке
© Sputnik / Табылды Кадырбеков
Баса, учурда базардагы азык-түлүктүн, жашылча-жемиштин баасын бир да маморган көзөмөлдөп текшербейт

"Биздин агенттик ун, көмүр же күйүүчү май сыяктуу социалдык жактан маанилүү нерселердин баасы бир айдын ичинде 20 пайызга көтөрүлүп кетсе гана наркты жөнгө салат. Ошондо дагы өкмөттүн уруксаты менен. Ал эми азык-түлүк, жашылча-жемиштин баасын ишкер, соодагерлер өздөрү коюшат, биз аларга тийишпейбиз. Негизи азык-түлүк, мөмө-жемиштин наркы мезгилге жараша өзгөрүлүп турат. Мисалы, күз мезгилинде бышыкчылык болуп жер-жемиш арзандайт. Ун, кумшекер да мезгилге жараша баасы өзгөрүп турчу азык-түлүккө кирет. Рынокту албетте байкап турабыз, бирок өкмөттүн атайын токтому жок текшерип, көзөмөлдөй албайбыз", — деди Шустякова.

Продукты питания в одном из торговых контейнеров на Ошском рынке в Бишкеке
© Sputnik / Табылды Кадырбеков
Алардын наркын ишкер, соодагерлер өздөрү коюшат экен

Эске салсак, буга чейин өлкөдөгү чөп жана малдын баасы канчадан болуп жатканын маалымдаганбыз. Анда Чүй, Ысык-Көл жана Нарында чөп былтыркы жылга салыштырмалуу кымбатыраак болуп жатканын жергиликтүү тургундар айткан эле.

1467
Белгилер:
жашылча-жемиш, баалар, азык-түлүк, Ош базары
Тема боюнча
Өлкө аймактарында мал менен чөп канчадан сатылып жатат. Баасы
Киши Евробиримдиктин желектеринин жанында кол чатыр менен бара жтат. Архив

Демократияны алгачкылардан болуп Европа кыйратабы? Абалга сереп

138
(жаңыланган 20:18 21.11.2020)
Апта ортосунда Европа биримдигинин кезектеги онлайн-саммити өттү. Алгач COVID-19 боюнча абалдын талкууланары болжонгон. Аймакта эпидемиялык кырдаал кескин начарлап кетти. Мындай жагдай бийликти катаал чара көрүүгө түртүүдө.

Бирок буга коом катуу каршылык көрсөтүп жатат. Анан калса жарандар шаарлардын толук жабылышына гана каршы болбостон, жеңил чектөөлөргө да нааразы. Аталган абройлуу уюм кабылган жагдайга Ирина Алкснис сереп салган.

Жакында эле Берлинде эпидемиялык чектөөлөргө каршы чыккан манифестацияга суу чачылып таратылды. Европалык мамлекеттер саламаттык сактоо тутумун туңгуюкка тушуктурбоо, экономика үчүн кесепеттерин жайкоо жана калктын нааразычылыгына туруштук берүү зарылдыгынын ортосунда белгилүү жомоктогудай — "солго кетсе аты өлөт, оңго жылса өзү өлөт" деген абалга кабылды.

Ошентип реалдуулук саммиттин планына өз түзөтүүлөрүн киргизип, күн тартибинен жакында эле жаралган дагы бир өтө курч маселе орун алды: Европа биримдиги тарабынан Польша менен Венгриянын 2021-2027-жылга карата биримдиктин бюджетин (1,074 триллион евро) жана европалык экономиканы калыптандыруу программасынын (750 миллиард евро) бөгөттөлүшү Брюсселге баш оору жаратты. Европа бюджеттик пландардын маалыматтары аркылуу жогорку демократиялык стандарттардан четтегени үчүн Варшава менен Будапештти жазалоону чечкен. Бирок натыйжада ал өзү казган көргө өзү түшүп калды.

Эң белгилүү жана талуу ыкма – каржы маселеси менен жазалоо каралган. Польша менен Венгрия Европа биримдигинин субсидияларын алуучу катары кыйла артыкчылыктуу жагдайда. Ага катар эле геосаясий факторлор менен да шартталган. Кептин баары аларды каражатсыз калтыруу оңой-олтоң эместигинде. Жакынкы убакка чейин мындай түрдөгү механизм бирдиктүү Европада болгон эмес. Анан да Европа биримдигинде маанилүү чечимдерди кабыл алууда консенсус принциби, башкача айтканда, биримдиктин бардык мүчөлөрүнүн жалпы позициясына негизделет. Ал эми эки өлкө тең европалык бюджеттен бөлүнчү акчадан өзүн ажыратууга добуш бериши фантастикалык көрүнүш болмок. Натыйжада Брюссель соңку айларда татаал айкалышты ишке ашырган. Европа биримдигинин июль саммитинде алдыдагы төлөмдөрдү укуктук мамлекет стандарттарынын жана негизги европалык баалуулуктардын сакталышына байланыштырылган чечимге басым жасалган.

Ал эми сентябрдын аягында Еврокомиссия тийиштүү докладын жарыялап, анда ошол эле Варшава менен Будапешт башкы каарман, тагыраагы, бузукуларга айланган. Ниеттенген ойду аягына чыгарууга акыркы кадам калганда эки чуулгандуу борбор калаа эмне болуп жатканын жакшы түшүнүп жана европалык фонддон "саясий өңүттө" каражат бөлүштүрүүгө жол бербей тургандыктарын кулак кагыш кылышты. Ошентип Брюссель кайрадан Евробиримдикке каршы анын эрежелерин көзгө сайып көрсөткөн поляк менен венгерлердин кайрадан айласын табууга аргасыз. Учурдагы кырдаалдын эң баалуу сабагы мына ушунда.

Атлантиканын эки тарабынан тең Батыш ондогон жылдар бою тегин жерден планетанын калган бөлүгү үчүн өрнөк жана моралдык авторитет болуп келбеди. Демократиялык институттар жана жол-жоболору, жарандардын укуктары жана эркиндиктери ал жакта чындап эле иштеп, "эркин эмес дүйнөдөн" артык экенин далилдеген. Ал эми Европа биримдигинин саясий-башкаруу механизми батыш демократиясы мактанчу табылга болгон. Кезегинде скептиктер мындай система натыйжасыз, узакка өмүр сүрө албайт деп чыгышса, ынтызар тараптар бир топ жылдан бери иштеп келе жатканын мисал келтире жылмайышчу. Ишке ашмак тургай өркүндөп, ондогон өлкө жана миллиондогон адамдарды тартып келет. Анткени бул — накта демократия, анын нагыз үлгүсү катары саналган.

Анткен менен европалык тутумдун анчалык жагымдуу эмес тарабы соңку жылдары улам байкалып калчу болду. Европарламенттин добушу бийик чыккан саясий институттарынын да толук кандуу ыйгарым укуктарынын жоктугу жана реалдуу бийлик көшөгө артындагы брюсселдик бюрократтардын колуна топтолгону ачык-айкын болуп калды.

Чуулгандуу консенсус дайым иштеп турушу үчүн биримдиктин таасирдүү мүчөлөрү "кенже өнөктөштөрүн" тымызын мажбурлоо, кысымга алуу жана шантаж ыкмасына да барышарынан башта шек жаралса, азыр ынанбай коюуга мүмкүн эмес.

Ал үчүн антироссиялык санкцияларды эле эске салуу жетишерлик: бир нече европалык мамлекет экономика чоң доо кетирерин түшүнүп, алардын киргизилишине каршылыгын билдирди. Бирок чечим кабылдоого келгенде алар "көпчүлүктөй эле" добуш беришти.

Ал эми бул чакан, анчалык бай турбаган жана чийинден чыкпаган демократиялык европалыктардын катарында кодуланган эки мамлекет өз пикирлеринен тайбаган жана агымга каршы сүзө алган сапаттары менен азыр аталган системаны оңой эле талкалоодо.

Эксперттер Польша менен Венгриянын Европа биримдигинен чыгышы толук мүмкүн экенин боолголоодо. Алар биримдиктен алчу пайдасын алышты, бара-бара кво-макамынын сакталышына анчалык деле кызыгуусу тарап бараткан.

Өз кезегинде Брюссель жана батыш европалык борбор калаалар үчүн баш ийбеген, тил албаган "дүрбөлөңчүлөрдүн" чыгып кетиши кырдаалдан чыгуунун ыңгайлуу жолу да болушу ыктымал.

Тек гана бул батыш европалык демократияга оор сокку болот. Анткени бул реалдуулукка да, дүйнө жүзү боюнча суктанган эбегейсиз сандагы адамдардын ойлоруна да таасир этпей койбойт...

138
Белгилер:
консенсус, санкциялар, саммит, Европа, кырдаал, эпидемия, коронавирус
Тема боюнча
Түркиянын Карабахтагы тынчтык орнотуучулары: же бар, же жок болуу
Клинтон Американын тынчтык үчүн планын жарыялоодо: Россия үчүн жакшы кабар
Россиядагы мигранттар. Архивдик сүрөт

Россияда бекер дарыланат. ЕАЭБ ичинде мигранттарга каралган жеңилдиктер

378
(жаңыланган 15:17 13.11.2020)
Чет өлкөгө акча табуу үчүн барган жарандарга ооруп, кырсыктап калып ашыкча чыгым болуу, албетте, негизги көйгөйлөрдүн бири. Бүгүн бир нече мамлекеттер кирген ЕАЭБдин алкагында кандай жеңилдиктер бар экенин тизмектейбиз.

Россиянын көпчүлүк аймактарында COVID-19 жуктуруп алган мигранттар акысыз дарыланып жатат. Бул тууралуу өткөн аптада Москва шаарынын Саламаттык сактоо департаменти Sputnik радиосуна билдирген эле.

Буга чейин коронавируска кабылган чет элдиктер Россияда милдеттүү медициналык камсыздандыруу полиси (ММК полиси) бар учурда гана акысыз же жеңилдиктер менен дарылана алчу. Бирок Россия бийлиги коронавирус жалпы адамзатка коркунуч алып келген оору экенин эске алып, полиси жок мигранттарды да акысыз дарылоонун жолун тапты.

Төмөндө ушул туурасында жана ЕАЭБ мамлекеттеринде мигранттарга кандай медициналык жеңилдиктер каралганын айтып беребиз.

Өкмөт Россиядан COVID-19га каршы вакцинаны алып келүү шартын караштырууда

Коронавируска кабылган мигранттар

Камсыздандырылган же акысыз дарыланууга укук берген ММК (ОМС) полиси Россияда убактылуу же туруктуу жашоого уруксаты бар чет элдик жарандарга, качкындарга жана эмгек келишими аркылуу иштеген ЕАЭБ мамлекеттеринин атуулдарына берилет. Ал эми башка өлкөлөрдөн келип, ММК полисин ала албаган жарандарга күтүүсүз кырсыктан жаракат алып, өмүрүнө коркунуч жаралган учурда гана акысыз тез жардам көрсөтүлөт. Эми өлкө бийлиги коронавирусту дагы ушул категорияга кошуп койду.

"Россияда коронавирус жуктурган киши беш күндүк антибиотикалык терапияга орто эсеп менен 10 миң рубль коротот. Ал эми мигранттар акча алары менен мекенине, үй-бүлөсүнө жиберет. Андыктан өтө оор абалга кептелип калышы мүмкүн", — деген пикирин Sputnik радиосунун эфиринде Россиянын Мигранттар федерациясынын башчысы Вадим Коженов айтты.

ЕАЭБ мигранттарынын кандай укугу бар

Биримдикке мүчө өлкөлөрдүн ортосунда медициналык жеңилдиктер боюнча "Евразия экономикалык биримдиги жөнүндө" келишим бар. Документте мигрант жана анын үй-бүлө мүчөлөрү тууралуу гана жазылган.

Мигрант жана анын үй-бүлө мүчөлөрү дегендер кимдер?

Мигрант — биримдикке мүчө өлкөгө башка өнөктөш мамлекеттен мыйзамдуу түрдө келип, эмгек келишиминин негизинде иштеп жаткан жаран. Анын үй-бүлө мүчөсү болуп мыйзамдүү түрдө никеде турган түгөйү, балдары жана анын багуусундагы башка жакын адамдары.

Кайсы кызматтар акысыз?

Жогорудагы документке ылайык, мигрант биримдикке кирген кайсы өлкөдө иштебесин, анын өмүрүнө коркунуч жаралган абалдан чыгарууга чейинки шашылыш медициналык жардам, дары-дармек жана зарыл болгон медициналык каражаттар бекер берилет. Ал эми пландык медициналык жардам жумуш берүүчү өлкөнүн мыйзамдарына ылайык жүргүзүлөт. 

Мужчина на территории международного делового центра Москва-Сити.
© Sputnik / Владимир Песня
Россияда милдеттүү медициналык камсыздандыруу системасы иштейт. 2017-жылдын 1-январынан бери ЕАЭБге кирген өлкөнүн жарандары полисти бекер алып жүрүшөт.

Кыргызстанда

Кыргызстанда иштеп жүргөн эмгек миранттары жергиликтүү эл менен бирдей шартта (анын ичинде Тез жардам кызматын акысыз алуу) медициналык кызматтарды пайдалануу үчүн ММК полисин алышы керек.

Милдеттүү медициналык камсыздандыруу фондунун сайтында анын баасы Кыргызстандын жарандары үчүн 1200 сом, чет элдиктер үчүн 12 149 сом экени көрсөтүлгөн. Бирок фонддон учурда бааларды өзгөртүү маселеси өкмөттө каралып жатканын айтышты.

ММК полиси менен акыркы үч жыл ичинде Кыргызстандын ооруканаларында ЕАЭБ мамлекеттеринен келген 10 миңге чукул чет элдиктер дарыланган. Эң көп көрсөткүч (4 172 киши) былтыр, 2019-жылы, катталган. Быйыл азыркы күнгө чейин Кыргызстанда медициналык жардам алган чет элдик жарандардын саны 2 153кө жетти. Алардын басымдуу бөлүгү Россия менен Казакстандын атуулдары.

Мигранттар ММК полисин кантип алса болот?

Милдеттүү медициналык камсыздандыруу фондунун аймактын башкармалыгына же жашаган жериндеги Үй-бүлөлүк медицина борборуна кайрылуусу керек. Жанында анын ким экенин тастыктаган документ болушу зарыл.

ММК полиси Кыргызстандын бүткүл аймагында мамлекеттик саламаттыкты сактоо мекемелеринде пайланууга жарайт.

Россияда COVID-19 жуктуруп алган мигранттар акысыз дарыланууда

Россияда

Россия Федерациясында дагы ММК системасы иштейт. 2017-жылдын 1-январынан бери биримдикке кирген өлкөнүн жарандары полисти бекер алып жүрүшөт.

Мигранттар ММК полисин кантип алса болот?

Милдеттүү медициналык камсыздандыруу фондуна же башка камсыздандыруу боюнча мекемелерге кайрылышы керек.

Талап кылынган документтер:

  • паспорт;
  • эмгек келишими;
  • Россиянын аймагына киргенде берилген бланктын тытып алма бөлүгү;
  • Россиянын пенсиялык камсыздандыруу системасына кирген жарандын өздүк эсеп номери.

Армения, Казакстан, Кыргызстан жана Беларустун жарандары Россияда эмгек келишими менен иштеп жаткан учурда гана айрым медициналык кызматтарды акысыз ала алат. Ал эми жарандык-укуктук келишимдин негизинде иштегендиктерге мындай жеңилдиктер каралган эмес. Түшүндүрө кетсек, эмгек келишими — жумуш берүүчү менен кызматкердин ортосунда бери дегенде бир нече айга түзүлөт. Анда адам кайсы бир кызматка даярданып, келишимге ылайык тартипти, эрежелерди карманып, милдеттерин аткарышы керек. Ал эми жумуш берүүчү аны иш жана айлык менен камсыздайт. Ал эми жарандык-укуктук келишимде эки тарап бирдей укукта болуп, негизинен иштин жыйынтыгына баа берилет. Мисалы, буга бир же бир нече жолу кызмат көрсөтүү же кайсы бир долбоорду ишке ашырып берүү буюртмасы кирет.

Россиядагы мигранттар тууралуу жаңы мыйзам эмне берет. Талдоо

ММК полиси негизи календардык жылдын аягына чейин жарактуу, бирок эмгек келишими аяктаары менен ал дагы жокко чыгарылат.

Билип ала турган маанилүү жагдайлардын бири — мигранттардын үй-бүлө мүчөлөрү Россияда акысыз медициналык кызматтарды пайдалана албайт. Аларга полис сатып алганга мүмкүнчүлүк берилбегендиктен, медициналык кызмат алар үчүн бекер эмес. Тагыраагы, дарыгерге акча төлөп көрүнөт.

Россияда МКК полиси кандай мүмкүнчүлүктөрдү берерин кененирээк Милдеттүү медициналык камсыздандыруу федералдык фондунун сайтынан таанышсаңыз болот. 

Мэр Москва С. Собянин принял участие в открытии здания миграционного центра
© Sputnik / Денис Гришкин
Мигранттарга медициналык жардам көрсөтүү жагын жакшыртуу боюнча ЕЭК менен ага мүчө өлкөлөрдүн тиешелүү органдары учурда да иш алып барууда.

Арменияда

Евразия экономикалык комиссиясынан (ЕЭК) билдиргендей, бул өлкөдө Милдеттүү медициналык камсыздандыруу системасы жок. ЕАЭБ өлкөлөрүнөн келген мигранттар менен алардын үй-бүлө мүчөлөрүнө медицинадык жардам "Евразия экономикалык биримдиги жөнүндө" келишимге ылайык, Армениянын жарандары менен бирдей шартта көрсөтүлөт.

Баса, Арменияда Саламаттык сактоо министрлигинин алдындагы атайын комиссия акысыз медициналык жардам алчу жарандардын тизмесин түзөт. Адатта ага коомдун аз камсыздалган бөлүгү кирет. ЕАЭБ өлкөлөрүнөн барган мигранттар аталган топко кирип кала турган болсо, акысыз дарылана алышат.

Беларуста

Беларуста да шарттар Армениядагыдай, ММК полиси иштебейт. Бул өлкөнүн саламаттык сактоо системасы ЕАЭБ мигранттарына өз жарандарындай эле кызмат көрсөтүшөт.

Казакова: ЕАЭБ мигранттары Россияда жергиликтүүлөр менен теңата иштешет

Казакстанда

Коңшу өлкөдө ушул жылдын 1-январынан тарта милдеттүү медициналык социалдык камсыздандыруу полиси иштей баштады. Аны Казакстандын жарандары менен бирдей шартта өлкө аймагында мыйзамдуу иштеп жүргөн чет элдиктер жана алардын үй-бүлө мүчөлөрү ала алат. 

Люди на контрольно-пропускном пункте Ак-Жол на границе Кыргызстана и Казахстана.
© Sputnik / Табылды Кадырбеков
Казакстанда да 2020-жылдын 1-январынан тарта милдеттүү медициналык социалдык камсыздандыруу полиси иштей баштады. Аны Казакстандын жарандары менен бирдей шартта өлкө аймагында мыйзамдуу иштеп жүргөн чет элдиктер жана алардын үй-бүлө мүчөлөрү ала алат.

Миграттар ММК полисин кантип алса болот?

Үй-бүлөлүк медициналык борборго каттоого туруп, ММК полисин алууга арыз бересиз. Ал үчүн жумуш берүүчү камсыздандыруу фондуна акча төлөп турат. Кызматкеринин айлыгынын 2 пайызын түзгөн төлөм өз чөнтөгүнөн чыкса, дагы бир пайызын кызматкердин маянасынан кармап калат.

Казакстанда МКК полиси кандай мүмкүнчүлүктөрдү берерин кененирээк Медициналык камсыздандыруу фондунун сайтынан таанышсаңыз болот.

Мигранттарга медициналык жардам көрсөтүү жагын жакшыртуу боюнча ЕЭК менен ага мүчө өлкөлөрдүн тиешелүү органдары дагы деле иштеп жатканы белгилүү болду.

378
Белгилер:
Мигрант, жеңилдик, медицина, Беларусь, Армения, Казакстан, Россия, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бангладештен Өзбекстанга 900 мигрант иштегени келет
Казакова: ЕАЭБ мигранттары Россияда жергиликтүүлөр менен теңата иштешет
Алай районунда жаңы ачылган жугуштуу илдеттер ооруканасы

Алай районунда 60 орундуу жугуштуу илдеттер ооруканасы ачылды. Сүрөт

0
Алгач имарат мектеп катары колдонууга берилген, коронавирус күчөгөндөн кийин оорукана катары иштетүү буйругу чыккан.

БИШКЕК, 29-ноя. — Sputnik. Алай районунда 60 орундуу жугуштуу илдеттер ооруканасы ачылып, пайдаланууга берилди. Бул тууралуу өкмөттүн Оштогу өкүлчүлүгүнүн маалымат кызматы билдирди.

  • Алай районунда 60 орундуу жугуштуу илдеттер ооруканасы ачылып, пайдаланууга берилди
    Алай районунда 60 орундуу жугуштуу илдеттер ооруканасы ачылып, пайдаланууга берилди
    © Фото / пресс-служба полпредства правительства в Ошской области
  • Ага ылайык, аталган имарат 1996-жылы курулуп бүткөн
    Ага ылайык, аталган имарат 1996-жылы курулуп бүткөн
    © Фото / пресс-служба полпредства правительства в Ошской области
  • 1999-жылы орто мектеп катары колдонууга берилген
    1999-жылы орто мектеп катары колдонууга берилген
    © Фото / пресс-служба полпредства правительства в Ошской области
  • Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.
    Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды
    © Фото / пресс-служба полпредства правительства в Ошской области
1 / 4
© Фото / пресс-служба полпредства правительства в Ошской области
Алай районунда 60 орундуу жугуштуу илдеттер ооруканасы ачылып, пайдаланууга берилди

Ага ылайык, аталган имарат 1996-жылы курулуп бүткөн. 1999-жылы орто мектеп катары колдонууга берилген. Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.

Учурда толук бүтүп, жабдылган портативдүү рентген да орнотулду. Оорукана коронавирус илдетине чалдыккан бейтаптарды кабыл алат.

Эскерте кетсек, өкмөттүн Оштогу өкүлү Жарасул Абдураимов ушул айдын башында курулуш иштеринен кабар алган.

0
Белгилер:
мектеп, курулуш, имарат, оорукана, Алай району
Тема:
Коронавируска байланыштуу Кыргызстандагы кырдаал
Тема боюнча
Жуктургандар, айыккандар. Кыргызстандагы коронавирус боюнча абал
Ош шаарында беш жаңы мектеп курулуп жатат. Даректери