Учак аркылуу жөнөтүлгөн гуманитардык жардам. Архивдик сүрөт

Гуманитардык жардам дүйнөлүк саясий тартипти өзгөрттү. Саресеп

228
(жаңыланган 18:24 22.04.2020)
Россия Өзбекстандан гуманитардык жардамды ыраазы болуп кабыл алды. Жалпысынан Россияга беш миллион медициналык бет кап жана медициналык марля берилмекчи.

Бул жаңылык "улуу держава болуп туруп, негизги медициналык материалдар менен өз керектөөсүн жаба албай, коңшуларынын көмөгүнөн пайдаланууга аргасыз" дегендей көптөгөн ачуу жана шылдың пикирлерди жаратканын жазат Ирина Алкснис.

Маскаралоо менен курчтуктун ортосунда көп учурда болуп жаткан окуянын башкы маңызы көз жаздымда калат. Аны түшүнүү үчүн айрым фактыларды кайра бир эске салуу абзел.

Март айынын биринчи жарымында Россия Өзбекстанга коронавирусту аныктоочу бир нече миң тест-система берген. Өзбекстан мындай жардам жөнөтүлгөн тек жалгыз борборазиялык республика болгон эмес. Февралдын башынан бери Москва көптөгөн коңшуларын тест менен жабдып келет.

Өзбекстан Россияга гана көмөктөшкөн жок. Эки ай мурун Ташкент эпидемия күч алып турган Кытайга да гуманитардык жардам жөнөткөн. Пекин аны кабыл алып, "чын дилден берилген жардам" үчүн ыраазычылык билдирген. Ал эми бир жарым айдан кийин кырдаал дал тескерисинче кайталанып, марттын аягында Кытай Эл Республикасы Өзбекстанга жардамдашты.

Россия менен Кытайдын ортосундагы абал да бирдей: февралда бул державага РФ эки миллион бет кап жиберсе, бир-эки апта мурун кайра андан жардам алды. Иш жүк алмашуу менен гана чектелбейт. Адегенде коңшуларга эпидемияга каршы күрөшүү боюнча россиялык адистер жөнөшкөн, ал эми жакында Россияга кытай медиктери келди.

Жардамдашуунун айланышы кызык көрүнөр, бирок анын аркасында мурдагы гуманитардык механизмди принципиалдуу түрдө кайра кароо жана кайрадан түзүп чыгуу аракети жатат. Бул процессти кыймылдатып турган күч катары дүйнөлүк саясий тутумдун негизги "козгогучтары" Россия менен Кытай болууда.

Заманбап дүйнөдө гуманитардык жардам концепциясынын өзү кызык, кээде эки жүздүү жана ачык эле тескери түс алууда. Биринчиден, жардам көрсөтүү үчүн башкы "сценарийи" көйгөйдү территориалдык жактан чектеп, даректүү мүнөз алды: эгер кайсы бир өлкө кырсыкка чалдыкса (кандай гана болбосун, табигый апааттан техногендик кырсыкка дейре), анда мындай кыйынчылыктарга кабылбаган өлкөлөр көмөк көрсөтө алат.

Азыркы COVID-19 пандемиясы баарында бир убакта бирдей көйгөй жаратып, дүйнө унутууга умтулган каатчылык, мүмкүнчүлүктөрдү эске салууда.

"Талаа шарттарында сыноолордун" жыйынтыгы көңүл жубатарлык эмес, айрыкча, Батышта. Өздөрүн таза ыймандуулуктун үлгүсү катары көрсөткөн айрым мамлекеттер ушундай кыйчалыш маалда чатак иш кылды: башкаларга жиберилген медициналык товарларды эч буйдалбастан, уялып да койбостон тартып алууда.

Экинчиден, гуманитардык көмөк демилгесине бир топ шарттар жана чектөөлөр артылды. Кимдир бирөө чабалдыгын, өз күчү менен жеңүүгө жөндөмсүз экенин көрсөтүүдөн чочулоодо. Мындай адат көбүнесе державалык дымагы бар мамлекеттерге тиешелүү. Башкалар үчүн союздаштардын кол кабыш кылышы ылайыктуу, ал эми ортосунда тиреш бар өлкөлөрдүн жардам боюнча сунушунда кандайдыр бир кооптуулук туюлат. Маселен, 2016-жылы россиялык өрт өчүрүүчү учактар Португалиядагы алоолонгон жалынды өчүрүүгө катышкан. Ал эми андан эки жылдан кийин ушундай эле көйгөйгө кабылган Греция Москванын жардамдашуу демилгесин көз жаздымда калтырууну туура көргөн. Мындай жагдайда Россия таптакыр башка ыкма мүмкүн жана зарыл экенин сөз түрүндө эмес, иш жүзүндө көрсөтүүгө тырышууда.

Адегенде белгилей кетчү нерсе, жалпы дүйнөлүк каатчылык да мамлекеттерге ар-намысын жоготууга шылтоо боло албайт. Бөлөк өлкөлөргө көмөк көрсөтүүдө улуттук керектөөлөрдү садага чабуу керектигин эч ким кеп козгогон жери жок. Бирок резервдер жардамдашууга мүмкүндүк берсе, анда аны басып жатып албай бир бөлүгүн кыйналып турган тараптарга бөлүшүү — туура жана акылга сыярлык кадам. Андай күн сенин да башыңа келерин, мындай жардамга сен да муктаж болуп каларыңды эстен чыгарбоо керек. Пандемия сымал мындай чакырыктар эл аралык деңгээлде, жалпы ааламдын башына мүшкүл иш түшүп турган маалда гуманитардык иштердин натыйжалуулугун жогорулатууга себеп. Болуп жаткан окуялар мындай кадамдын мүмкүн экенин айгинелеп турат.

Экономикалык дарамети жана өндүрүштүн ийкемдүүлүгүнө карабастан Кытай февралда, эпидемия күч алып турган маалда кол сунгандардын жардамын эч буйдалбай туруп кабыл алды. Абал турукташа баштаганда Пекин башкаларга кызуу көмөктөшүүгө киришти.

Сунушталып жана ишке ашырылып жаткан өз ара гуманитардык колдоо демилгесин дүйнөлүк саясий тутумдун негиздерин өздөрү курчутууда. Оор жоготууларга тушукса да айрым мамлекеттер өздөрүнө ыңгайсыз жана көңүлдөрүнө жакпаган өлкөлөрдөн жардам алуудан тегин жерден баш тартып жаткан жок. Муну менен алар АКШнын катаал үстөмдүк иерархиясын улантууда, анда ар бир өлкө өзүнө так бекитилген орунду гана ээлеп, аны өзгөртүү туурасында ойлонбоого да милдеттүү.

Куба Республикасынын Өзгөчө кырдаалдар жана саламаттыкты сактоо системасы америкалык тутумдан алда канча сапаттуу экени көп ирет тастыкталса да, Кошмо Штаттар үчүн Кубанын аракети ойго келгис нерседей көрүнүүдө. Ушундай эле себептерден Россияга берилген Өзбекстандын жардамы боюнча да шылдыңга алган пикирлер жаңырууда: урап бараткан, бирок дале уланып келе жаткан дүйнөнүн мурдагы түзүмүндө мындай көрүнүш улуу державанын чабалдыгы жана кемсингени катары кабылданат. Бирок Россия дагы, Кытай дагы мындай ойдон алыс. Тескерисинче, алар үчүн COVID-19га каршы жалпылап күрөшүү — жаңы системанын курулушу боюнча кезектеги кадам. Жаңы түзүмдө акылга сыйбаган иерархиялык оюндарсыз, бирок өнөктөштөр ортосунда сый мамиле өкүм сүргөн жана эрежелер баарына бирдей система орун алмакчы.

228
Белгилер:
көмөк, жардам, Өзбекстан, коронавирус, АКШ, Россия, Кытай
Тема боюнча
Кыргызстанга Өзбекстандан гуманитардык жардам келди. Сүрөттөр
Кыргыз өкмөтү Кытайдан гуманитардык жардам сурап кайрылды
Нью-Йорктогу полиция кызматкерлери. Архивдик сүрөт

АКШда расизмге каршы күрөш мародерлор менен кармашка айланды

143
(жаңыланган 11:42 05.06.2020)
Полициянын колунан каза тапкан афроамерикалык Жорж Флойддун өлүмүнөн улам тутанган массалык башаламандык, карактоо жана өрт коюу басылбай келет. Штаттын жарымына коменданттык саат киргизилген, бирок жергиликтүү бийликтин аракети байкалбайт.

Полициянын күчү жетпей барат, вандализм менен мародерлукту токтотуу үчүн Дональд Трамп регулярдык армияны пайдаланууга ниеттенүүдө. Президент үчүн бул канчалык кооптуу экенин биздин өнөктөш РИА Новости агенттигиндеги кесиптешибиз Софья Мельничук сураштырып көрдү.

Кайрадан мыйзам жана тартип

Америкалыктар өлкө башчысынын улутка кайрылуусун күтүшкөн. Бирок президент создуктуруп отуруп, Вашингтондогу витриналар болушунча талкаланган соң, 2-июнда гана элге кайрылды.

"Жорж Флойддун өлүмү көңүл чөгөртөт, — деп баштады ал. — Бирок жаалданган топтун тынч митингди бузушуна жол бере албайбыз. Жабыр тарткандардын көбү — калктын мыйзамга баш ийген жана жакыр катмары. Аларды коргоо үчүн күрөшөм".

"Мен мыйзам жана тартиптин президентимин", — деп белгиледи Трамп. Америкага бул ураан жакшы тааныш. 1968-жылы да кыйын маалда өлкө президенттик шайлоого даярданып жаткан. Вьетнамдагы согушка каршы массалык демонстрациялар, аялдарды жана расалык азчылыкты колдоо акциялары өтүп жаткан.

Ынды каралардын укугу үчүн күрөшкөн Мартин Лютер Кинг (кенже), андан кийин эл чоң үмүт арткан сенатор Роберт Кеннеди өлтүрүлгөн соң Ричард Никсон шайлоого "мыйзам жана тартип" деген ураан менен чыккан.

"Көйгөйдүн баары чындап эле ынды караларда экенин моюнга алуу зарыл", — деп түшүндүргөн ошол убакта Ак үй администрациясынын башчысы Гарри Холдеман. Ошондон бери "мыйзам жана тартип" дегенди ынды кара америкалыктар полициянын зордугу катары кабыл алат.

Тынч митинг башаламандыкка өтүп кетти

Ушул таптагы окуяларды Трамп ички терроризм деп атады. Улутка кайрылуусунда президент козголоңчулардын колу менен "кыялдары көз алдында талкаланып" жаткан чакан бизнес ээлери боюнча да токтолду. Көчөдөгү мародерлук тууралуу видео далилдер интернетте жайнап кетти. Демонстранттар витриналарды талкалап, товарларды алып чыгып, дубал, каалга-терезелерге чиймелеп кетип жатышат. Мисалы, Санта-Моникада Vans спорттук кийим дүкөнүнөн дээрлик баарын тоноп кетишти.

Fox 11 телеканалынын журналисттери көчөдөгү кишилерден кроссовки салынган кутуларды кайдан алгандарын сурашканда алар унчукпай эле жай өтүп кетип жатышты. Айланада бир дагы полиция кызматкери көрүнгөн эмес.

Ушундай эле нерселер өлкөнүн булуң-бурчунда болуп жатат. Бийликтин вандализмди токтотуу чакырыктары куру эле жаңыргандай. Менчик жайларды тынч демонстранттар жана бизнес ээлери өздөрү коргоп жатышат. Ошол эле Санта-Моникадагы дүкөндөрдүн биринин эшигинде "Зордукту токтоткула" деген жазуу менен бир кыз туруп алган. Аны түртүп салууга аракет кылып, ал түгүл түтөмө шашканы ыргытышкан, бирок кыз корккон эмес.

Көп өтпөй ага "Биз протестке чыктык, мародерлук кылган жокпуз" деген плакат менен ынды кара киши кошулган. Бул жаштар тынч митингди жаманатты кылып жаткан талап-тоноочуларга жолтоо болуу үчүн атайын шаардын борборуна келген.

Вашингтондогу митингчилер

Сан-Диегодогу окуя орус мафиясы тууралуу тамашаны эске салды. Ал жакта мурдагы СССРдин курамындагы республикалардан келгендер Pushkin аталган ресторанын талоончулардан коргоп калышты. Аталган жайдын кожоюну Айк Газарян өзү аракет кылышы керектигин тез эле түшүнгөн.

"Мендей эле республикачыл маанайдагы (митингчилерден айырмалана – ред. тактоосу) досторум көп. Жекшемби күнү жаман нерселер болорун аңдап баарына телефон чалып чыктым. Жарым саат өтпөй ресторандын алдына чогулушту. Тапанча, курал көтөргөн он эки киши элек. Курал-жарагыбыз расмий катталган, кантип колдонуу керектигин үйрөнгөнбүз. Менчигибиздеги жайларда жеке коргонуу үчүн аларды пайдаланууга укугубуз бар", — деп түшүндүрөт Газарян.

Алар Pushkin ресторанын гана эмес, ага удаа жайгашкан бир нече жайды, анын ичинде улгайган ирактык кишинин да алкомаркетин коргоп калышкан. Өлкөнүн бөлөк бурчунда, тагыраак, Нью-Йорктогу Бруклинде полиция аракет көргөнчө эле шаардыктар топтолуп, тартипти сактоону колго алышууда. "Биз коргоо үчүн чыктык. Расизмге каршы күрөштү жана протест кылуу укугун сыйлайбыз. Бирок үй-бүлөбүз менен жашаган жерди талкалоого эч кимдин укугу жок, — дешет күзөттүн уюштуруучулары Айзек Болтянски жана Дэвид Бродски. — Бизди коргобогон Нью-Йорктун мэрине уят эле".

Карантинден каршылык акциясына карай

Жергиликтүү бийликтин аракетсиздигине көпчүлүк нааразы. Нью-Йорктун мэри Билл де Блазиону мародерлорду жактоодо деп айыпташууда, өткөндө эле анын кызы көчөдөгү кагылышта кармалды. Штаттын губернатору Эндрю Куомого да ушундай эле күнөө тагышууда. Болбосо жакында эле аны коронавирус эпидемиясына каршы күрөштө баатыр катары көкөлөтүп жатышкан. Дүйшөмбүдө Де Блазио аскерлерди киргизүү кооптуу, бул кырдаалды курчутуп жибериши мүмкүн деген ойдо: "Куралдуу күчтөр киши жайгашкан райондорго кирсе, аягы жакшы бүтпөйт". Ошондой болсо да көчөдө полиция санын эки эсеге арттырып, төрт миңден сегиз миңге көбөйтүлдү. Шаарда коменданттык саат жарыяланган.

Улуттук гвардияны киргизүүгө башка аймактар да, негизинен демократтар эч ашыкпайт. Билл де Блазио келтирген аргументтерди Орегондун губернатору Кейт Браун, Иллинойстуку Жей Роберт Прицкер, Неваданыкы Стив Сисолак жана Мичигандын губернатору Гретчен Уитмер да кайталоодо. Вашингтон штатынын башчысы Жей Инсли аскердик бөлүктөрдү даярдыкка келтиргени менен шаарларга азырынча киргизбеди.

Анткен менен Трамп көчөгө аскерлерди өзү чыгарарын айтып коркутту. Башкы командачы болгону менен президент штаттардын аймагында федералдык куралдуу күчтөрдү өз билгениндей пайдалана албайт.

Бирок ал 1807-жылкы "Көтөрүлүш жөнүндөгү мыйзамга" таянса, Улуттук гвардия анын буйругу менен губернаторлорго карабастан аракетке кирет. Акыркы ирет аны Жорж Буш (улуусу) Лос-Анджелесте төрт ак жуумал полиция кызматкери тарабынан ынды кара киши сабалганда тутанган протест маалында колдонгон.

Бирок губернаторлордун митингчилер менен мамилени курчутпоого аракет кылганында саясий өңүт бар деп эсептейт Америка боюнча саясат таануучу Дмитрий Дробницкий. "Демократтардын башкы милдети – Трамптын экинчи мөөнөткө шайлануусуна жол бербөө. Протесттер баштала электе адамдарды карантинде кармап турууга мүмкүн болчу. Эми аларга ачуулануу акысын беришти, — дейт ал. — Демократтардын риторикасына ылайык, азыркы президент расист, коомдо жек көрүүнү жаратканы үчүн Трампты элге жаман көрсөтүү керек".

Эгер бүлгүнгө салган ушунча күндөн кийин президент башкарууну Улуттук гвардия менен колго алса, анда саясий упай топтойт. Анда демократтардын айткандары маанисин жоготот. Тартипке салган Трампка добуш беришет", — дейт серепчи.

Өлкөдөгү расалык дискриминацияга байланышкан кырдаал чындап эле үрөй учурарын баса белгилейт саясат таануучу. Протесттен кеп козгогондо муну да унутта калтырбоо абзел.

Демократтар Трамптын натыйжасыздыгын гана көрсөтпөстөн, азчылык арасында шайлоочуларды чочутуп албоого да тырышып жаткандарын айтат РФ Жогорку экономикалык мектеби улуттук изилдөө университетинин Европалык жана эл аралык комплекстик изилдөөлөр борборунун директорунун орун басары Дмитрий Суслов.

"Калктын ак жуумал эмес катмарынын колдоосунан ажырап калуудан абдан коркушат, дал афроамерикалыктар — шайлоодо Жо Байдендин негизги таянычы болуп саналат", — деп эске салат эксперт.

Анткен менен эки тарап тең кылдын кырында экенин кошумчалайт ал.

"Демократтар токтоо жана оома электоратты чочутуп алууну да тобокелге салып, Трампты жок кылууга аракет кылышууда. Ал эми Трамп дагы зордуктун күч алышына жана дагы көп өлүмгө алып келчү катуу чараларга барууда", — деп түшүндүрөт ал.

Америкалык коомдо ансыз деле жик кеткен. Протесттер тирештин тереңдигин даана көрсөттү. Карапайым адамдар полициянын кордугуна, талап-тоноолорго нааразы. Ал эми демократтар менен республикачылар мурдагыдай эле тил табыша албай келишет.

Жорж Буштун (улуусу) саясий карьерасында "Көтөрүлүш жөнүндөгү мыйзамдын" ролу кандай болгонун айтыш кыйын. Бирок 1992-жылы өткөн шайлоодо ал утулган. Трамп болсо катаалдыкка басым жасаганы айдан ачык. Эми аягы эмне менен бүтөрүн убакыт көрсөтөт.

143
Белгилер:
кайрылуу, Дональд Трамп, шайлоо, тополоң, расизм, башаламандык, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Унчукпай кутулушту. Ак үйдү митингчилерден кайтарган аскерлердин видеосу
Пентагон Вашингтондун аймагына 1,6 миң аскер жиберди
Электр зымдары. Архив

Эскирген жабдуу, тарифтүү болгон майнинг-фермалар. Энергетиканын азыркы абалы

230
(жаңыланган 13:52 03.06.2020)
Кыргызстанда электр энергиясына байланыштуу көп маселени Токтогул суу сактагычындагы суунун көлөмү чечет. Быйыл ал азайып кеткендиктен, экспортту унутуп, тескерисинче, электр жарыгын сатып алганы жатабыз.

Быйыл Кыргызстандын энергетика тармагында бир катар өзгөрүүлөр болду. Айрым категориялар боюнча электр жарыгынын баасы өзгөртүлдү. Ошондой эле мурда өзүнчө тариф каралбаган майнинг-фермаларга анык бир төлөм белгиленди.

Мындан тышкары, 2020-жылда кургакчылык болору күтүлүп жаткандыктан, электр энергиясын эскпорттоону токтотуп, тескерисинче, коңшу өлкөлөрдөн импорттогону турабыз.

Төмөндө Sputnik редакциясынын окурмандарын Кыргызстандын энергетика тармагындагы азыркы абал менен тааныштырабыз.

Тариф саясаты

Өкмөт 27-мартта 2020-2023-жылдарга карата баа саясаты боюнча токтом кабыл алган. Ага ылайык, ушул жылдын 1-июлунан тарта электр энергиясына болгон жаңы баа айрым категориялар үчүн өзгөрөт.

Бир киловатт-саатка тарифтер төмөндөгүдөй (салыктарды эске албаганда):

  • Балдар үйлөрү үчүн — 1,58 сом (азыркысы 2,24 сом);
  • Электр кубаты менен жүргөн транспорт заряд алчу жайлар — 1,58 сом (эгер мындай жайлар ачылып калса, алар троллейбустук ишканалардын тарифи менен төлөй турганы каралган);
  • Майнинг-фермалар үчүн — 2,91 сом (бул категорияга өзүнчө тариф каралган эмес).

Суу  сактагыч. Архивдик сүрөт
© Пресс-служба президента КР / Султан Досалиев
Мындан тышкары, Улуттук энергохолдинг тоо-кен тармагында иштеген компаниялар үчүн электр энергиясынын тарифин көтөрүүнү өкмөткө сунуштап жатат. Энергохолдингдин төрагасы Айтмамат Назаровдун айтымында, эгер өкмөт компаниянын сунушун жактырса, бул ишканалар электр энергиясынын бир киловатт-сааты үчүн 1 сом 3 тыйындан төлөп калат. Мындай жол менен Улуттук энергохолдингдин карыздарынан кутулса болот экен.

Кредиттер

Карыз демекчи, Кыргызстан өз алдынча мамлекет болгондон бери энергетика тармагында жалпы суммасы 2 миллиард 152,8 миллион долларга бааланган 42 келишимге кол коюлган (анын ичинен дээрлик 300 миллиону грант, калганы насыя түрүндө). Жалпы суммадан 1 миллиард 434,8 миллион доллар өздөштүрүлдү. Калган сумма долбоорлорду ишке ашырууда же тендерлерден үнөмдөлдү. Экинчиден, айрым долбоорлор аягына чыга элек.

Эми бул береселерден акырындык менен кутулуу керек. Өнөр жай, энергетика жана жер казынасын пайдалануу боюнча мамлекеттик комитет жетекчисинин милдетин аткаруучу Мухаммедимин Аскаровдун айтымында, эң жогорку төлөмдөр 2025-2031-жылдарга туура келет.

Кийинки 13 жыл ичинде төлөм 5 миллиард сомдон төмөн.

Буга чейин премьер-министр Мухаммедкалый Абылгазиев энергетика тармагынын тышкы карыздагы үлүшү 103 миллиард сом (1,35 миллиард доллар) экенин жана аны бересе компаниялар өздөрү төлөй турганын айткан эле. Баса, бул жаатка насыялар жабдууларды жаңылоо үчүн алынат.

Кендирди кескен кургакчылык

Кыргызстанда электр энергиясына байланыштуу көп маселени Токтогул суу сактагычындагы суунун көлөмү чечет. Быйыл курчакчылык болору божомолдонуп, эмитен эле суунун көлөмү азыраак экени айтылууда. Мисалы, былтыркы май айында 13 миллиард куб метр болсо, быйыл өткөн айда бул көрсөткүч 12 миллиардга түштү. Мындан улам Кыргызстан 2020-жылы 1 миллиард киловатт-саатка чейин электр энергиясын импорттоону пландап жатат. Анын ичинен 500 миллион киловатт-саат электр энергиясын алуу боюнча Казакстан менен макулдашуу болду.

Депутат ЖК от фракции Кыргызстан Айтмамат Назаров
© Фото / пресс-служба ЖК
Улуттук энэргохолдингдин башчысы Айтмамат Назаров
"Ал декабрь айынын соңунан баштап келе баштайт. Мындан сырткары, Кыргызстан менен Казакстан 300 миллион киловатт-саатты алмашат: электр кубаты жайкысын Казакстанга жиберилсе, күзүндө кайра кайтарылат", — деди Улуттук энэргохолдингдин башчысы Назаров.

Анын айтымында, импорт ички баага таасир этпейт. Учурда Тажикстан жана Түркмөнстан менен дагы сүйлөшүүлөр жүрүп жатат.

Жабдуулардын абалы

Улуттук энергохолдингдин генерация жана энергетика өткөрүү башкармалыгынын эксперти Аскат Абылаев Кыргызстандагы энергетика жабдуусунун 90 пайызы эскирип бүткөнүн айтат. Анын пикиринде, бул абал өтө эле начар дегенди билдирет. Адис ушу тапта жабдууларды алмаштыруу боюнча иштер жүрүп жатканын белгилеп, тизмеде Үч-Коргон жана Ат-Башы ГЭСтери бар экенин кошумчалады.

230
Белгилер:
импорт, насыя, энергетика, Кыргызстан
Тема боюнча
Электр энергиясына коюлган жаңы тариф 1-июлдан тарта күчүнө кирет
Каатчылык коркунучу жана ЕАЭБдин жаңы стратегиясы. Жыйынга сереп
Тоо-кен компаниялары колдонгон электр энергиянын баасын көтөрүү сунушталды
Медициналык беткаптагы балдар ойноп жатышат

COVID-19: Кытайда эпидемиологиялык кооптуулук төмөндөдү

0
Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталган.

БИШКЕК, 7-июн. — Sputnik. Кытайдагы аймактардын баарында коронавирус боюнча эпидемиологиялык кооптуулук төмөндөдү. Бул тууралуу РИА Новости жазды.

Билдирмеге ылайык, жекшемби күнү Цзилинь шаарынын бийлиги райондордогу эпидемиологиялык кооптуулукту жогорку көрсөткүчтөн төмөнкү, ортоңкудан төмөнкү көрсөткүчтөргө ылдыйлата алышкан.

Жыйынтыгында Кытайда коронавирус боюнча эпидемиологиялык абал кооптуу делген бир да район калган эмес.

Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталгандыктан, айрым шаарлар кайра кооптуу аймакка кирген.

Коронавирус тууралуу

2019-жылдын декабрь айынын аягында Кытайдын Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.

0
Белгилер:
кооптуулук, эпидемия, коронавирус, аймак, Кытай
Тема:
Кытайдагы жаңы типтеги коронавирус
Тема боюнча
Казакстан президентинин маалымат катчысынан COVID табылды
G20 өлкөлөрү коронавирус менен күрөшүүгө 21 миллиард доллар бөлөт