Берлиндеги Аренадагы эмдөө борборунун алдында кезекте турган беткапчан кишилерди полиция кызматкерлери карап турат

Батыш вакцина үчүн күрөшүүгө даяр

(жаңыланган 21:30 30.01.2021)
Дүйнөлүк экономикалык форумдагы сөзүндө ФРГ канцлери Ангела Меркель COVID-19га каршы вакцинаны калыс бөлүштүрүүгө үндөдү.

Канцлер коронавируска каршы дары-дармекке өлкөлөр өз байлыгынын деңгээлине жараша гана жетип жатканынан коңгуроо каккан Дүйнөлүк саламаттык сактоо уюмун формалдуу түрдө колдоду.

ДССУ башчысы билдиргендей, ушул тапта болжол менен 50 мамлекетте эмдөө жүрүүдө. Дээрлик алардын баары бай өлкөлөргө кирет, ал эми вакцина ченемдеринин 75 пайызы болгону он өлкөдө колдонулган. Ушул жагдайга кесиптешибиз Ирина Алкснис сереп салган.

Ачыгы, германиялык лидердин ДССУ менен шериктештиги амалкөйлүккө окшоп кетет, анткени адилеттүүлүк – бул салыштырмалуу түшүнүк жана аны ар кандай кабылдоого болот.

Меркель менен катар эле Германиянын саламаттык сактоо министри да Давосто сүйлөгөн сөзүндө Европа биримдигинде өндүрүлгөн вакциналарды лицензиялоо боюнча Брюсселдин демилгесин колдоду.

Йенс Спан: "Акыры биз өндүрүштүк кубаттуулукту кеңейтүүгө мүмкүндүк берүү үчүн Европа биримдигинде кол коюлган келишимдердин дээрлик бардыгы боюнча жүздөгөн миллион еврону алдын ала төлөдүк", – деп ачык айтты. Ошондой эле: "Кеп биринчи болууда эмес, бул калыстык маселеси". Чындап эле мындай жагдайда кандай ыкма туура: баарына тең бөлгөнбү же бул процесске ким көп салым кошкон болсо, ошолорго артыкчылык берүү керекпи? Канткен күндө да "жакыр өлкөлөр — бай өлкөлөр" деп бөлүү менен көйгөй чечилип кетпейт. Анан да алар экинчи сапта, анткени Батыштын өзүндө вакцина үчүн эң башкы кармаш башталды.

Европа биримдигинин AstraZeneca англиялык-швед компаниясы менен чатагы улам ырбап бараткандай. Ал өндүрүштүк-логистикалык кыйынчылыктардан улам келишимде макулдашылган көлөмдү 60 пайызга кыскартууга аргасыз экенин Брюсселге маалымдаган.

Европага мындай жагдай таптакыр жакпайт, ал келишимдик милдеттенмелерди аткарууну талап кылат. Бирок Лондондун AstraZeneca менен жеке макулдашуусу боюнча аталган продукцияга артыкчылыктуу укугу бар. Өз кезегинде Европанын колунда да көзүр бар, себеби өз аймагында өндүрүлгөн вакцинаны Улуу Британияга экспорттоого бөгөт кое алат. Ошону менен бирге эле Улуу Британия кыйла жакшы абалда. Азыр аралда калктын он пайызга жакыны эмделди. Биринчи кварталда королдуктун Европа биримдигине караганда үч эсе көп вакцина ченемин алары болжонууда.

Кырдаалды саясий өңүт да күчөтүүдө. Жалпысынан жагдайлардын айкалышына байланыштуу маалымат каражаттарында тараптар ортосунда кеңири масштабдуу "вакцина согушу" тутанышы ыктымал деген ойлор айтылууда.

Батыштын негизги көйгөйү вакцина өндүрүүнүн масштабы ага болгон талапты тез аткарууга мүмкүн болбогонунда. Ошондуктан вакцина үчүн жөөлөшмөй башталып туру.

Тигил же бул түрдө ушундай эле кыйынчылыкка бөлөк өлкөлөр да, анын ичинде өз препараттарын иштеп чыгып жаткандар, маселен, Россия менен Кытай да кабылууда. Баары көп жана тезирээк алгысы келет, бирок өндүрүш кубаттуулугунда объективдүү чек бар. Батыштын эң башкы көйгөйү, балким, катачылыгы деген да туурадыр, COVID-19га каршы күрөштө баарынан куткаруучу чара катары дал эмдөөгө чечкиндүү басым жасаганында.

Ушул мааниде Европа (Улуу Британия менен кошо) бул ыкманын кыйла таза үлгүсү болууда. Вакцинаны күтүүдө баш катырып отурбастан бийлик карантинди эң негизги ыкма катары карманып келбедиби. Андай саясаттын натыйжасы европалык калаалардын көчөлөрүндө так көрүнүп турбайбы. Коом сансыз катаал чектөөлөрдү көтөрө албай калды. Жакында эле Нидерланд айрыкча айырмаланды. Мунун аягы көрүнчүдөй эмес.

Ага катар ошол эле Россия менен Кытайда мамлекет өз саясатында кыйла ийкемдүүлүктү көрсөтүүдө. Калктын басымдуу бөлүгү эпидемияга каршы киргизилген чаралардан мүмкүн болушунча ыңгайсыздыкты аз сезет. Чектөөлөр жумшартылууда. Кырдаал жалпысынан туруктуу, абал акырындап жакшырууда. Саламаттык сактоо системасына анчалык күч келген жок. COVID-стационарларда ноокастардын саны акырындап азаюуда. Адистер да өз божомолдорунда этият оптимизмди карманууда.

Мындай шартта европалык ыкма таптакыр майнапсыз көрүнөт. Антсе да тийиштүү өлкөлөрдүн бийлиги саясатын өзгөртө албайт же башкача иш алып барууга болорун билбейт. Натыйжада таңсык вакциналарды бири-биринен талашуудан башка аргалары жок.

Анан да, албетте, аларга россиялык вакциналарга каршы маалыматтык согушту унутууга туура келди. Алгачкылардан болуп Ангела Меркель андай кадамга барып, Владимир Путинге Европа биримдигинде "Спутник V" препаратын жактыруу жол-жобосунда Германиянын колдоосун сунуштады.

Белгилер:
дары-дармек, Бүткүл дүйнөлүк саламаттык сактоо уюму, Ангела Меркель, Европа, коронавирус, Батыш, вакцина
Тема:
Дүйнөгө жайылган коронавирус (1371)
Тема боюнча
Батыш бышты: "COVID — бул Гитлер, демек Россия менен союздаш болуунун убагы"
Күндүзгү стационардагы медицина кызматкери. Архив

11 миңдей орун даяр турат. Өкмөт COVID-19дун үчүнчү толкунунан кантип өтөт

(жаңыланган 11:47 12.04.2021)
Кыргызстанда коронавирустун божомолдонуп жаткан үчүнчү толкуну күндөн-күнгө жакындап келе жаткандай сезилүүдө. Март айынан бери Бишкек менен Чүйдө ооругандардын саны кескин көбөйдү.

Акыркы суткаларда COVID-19 боюнча Республикалык штабдын расмий статистикасы чеке жылытарлык эмес. Буга чейин бир күндө вирус аныкталгандардын саны 100дүн тегерегинде болуп келсе, 8-апрелде 222ге жетти.

Мындан улам Sputnik Кыргызстан агенттиги кыргыз өкмөтү жаңы толкунга канчалык даяр экенине кызыкты.

Саламаттык сактоо министри Алымкадыр Бейшеналиев коронавирустун үчүнчү толкуну Кыргызстанда май-июнь айларында башталышы мүмкүн экенин айтууда.

Буга чейин кыргызстандыктар коронавирустун эки толкунун баштан кечирди. Биринчиси июль айына туура келип, жуктургандардын саны боюнча эң жогоку көрсөткүч (1 264 киши) 18-июлда катталды. Экинчи толкун октябрь, ноябрь айларында болду. Жуктуруп алгандар 25-октябрь күнү (606 киши) эң көп болду.

Эмдөө

Учурда адам баласын COVID-19дан сактап калчу бирден-бир айла вакцина экени айтылууда. Препараттар иштелип чыгып көптөгөн өлкөлөр жарандарын эмдөөдөн өткөрүп жатат. Кыргызстанда вакцинация 29-мартта башталып, Кытайдын SinoPharm препараты колдонулууда. Ал 75 миң кишиге жетет.

Күтүлүп жактан вакциналар:

  • гуманитардык жардам иретинде убадаланган Россиянын 500 миң доза "Спутник V" вакцинасы май, июнь айларында келери айтылууда;
  • Саламаттык сактоо министрлиги "Спутник V" вакцинасын Россияда иштеп жүргөн мигранттар менен ишкерлердин эсебинен да сатып алууну пландоодо. Мындай демилгени сыртта иштеп жүргөн кыргызстандыктар  көтөргөнү айтылган;
  • COVAX программасынын алкагында өлкөгө 2 миллион 600 миң доза вакцина алынары дагы маалымдалган. Ал 1 миллион 300 миң адамга жетет;
  • Кытай бийлиги менен вакцина боюнча сүйлөшүүлөр жүргүзүлүп жатат;

Дүйнөлүк банк, Ислам банкы жана өз ыктыяры менен вакцина алып берүүгө даяр тараптар бар.

Медициналык кызматкерлер. Архив
© Фото / пресс-служба мэрии города Ош
Мунун бардыгын эске алуу менен министр Алымкадыр Бейшеналиев Кыргызстан күзгө чейин вакцина менен толук камсыз болорун айтууда.

Баса, Саламаттык сактоо жана социалдык өнүктүрүү министрлиги Дүйнөлүк саламаттык сактоо уюму менен биргеликте жүргүзгөн сурамжылоонун жыйынтыгына караганда, Кыргызстан калкынын 55 пайызы вакцина алууга толук даяр же бир аз да болсо каалоосу бар. Ал эми жалпысынан өлкөдө 18 жашка чейинки балдарды эске албаганда 2,5-3 миллион адам эмделиши керек.

Антитело канча убакытка чейин коргойт?

Министр Алымкадыр Бейшеналиевдин окумуштуулардын изилдөөсүнө таянып билдиргенине караганда, антитело сегиз айдан бир жылга чейин жетет. 

Министр здравоохранения Кыргызстана Алымкадыр Бейшеналиев во время беседы на радио Sputnik Кыргызстан
© Sputnik / Табылды Кадырбеков
Саламаттык сактоо жана социалдык өнүктүрүү министри Алымкадыр Бейшеналиев
"2020-жылдын июнь-июль айларында ооруп айыккандарда антитело көбүрөөк. Кимдики жеңил формада өткөн болсо, алардын антителосу азайып кайра ооруп калуу коркунучу бар", — деди министр.

Ошол себептүү министрлик COVID-19ду жугузуп айыккандарга деле вакцина алып коюуну сунуштап жатат.

Кыргызстанда COVID-19дун кандай штаммдары бар?

Көпчүлүк кыргызстандыктар буга чейин COVID илдетине чалдыгып айыккан соң аларда антитело бар деген ойлор айтылууда. Бирок дүйнөдө коронавирустун жаңы штаммдары пайда болуп жатат.

Март айынын соңунда Казакстандын Алматы шаарында өтө тез тарап кетчү "британиялык" жана "түштүк африкалык" штаммдар табылган эле.

Учурда коңшуларда коронавируска кабылгандардын саны күн санап өсүп барат. Ал эми Алматы шаарынын Санитардык-эпидемиологиялык көзөмөл департаментинин жетекчисинин орун басары Асел Калыкова балдар арасында вирустун тарашына мутация болгон штаммдардын түздөн-түз тиешеси бар экенин айтып келет.

Бактыга жараша, Кыргызстанда азырынча коронавирустун "британиялык" штаммы жок. Саламаттык сактоо министрлигинин билдиргенине караганда, ушул тапта өлкө аймагында COVID-19дун мурда Россия, АКШ, Нидерланд, Германия, Исландия, БАЭ, Латвия, Щвейцария, Щвеция, Япония жана Израилде аныкталган түрлөрү кездешүүдө.

Чектөөлөр

Буга чейин Бишкекте тойлорду өткөрүүгө чектөө киргизүү пландалып жатканы айтылган. Өткөн аптада борбор калаанын жетекчилиги 55 жаштап өтүп тобокелдик тобуна кирип калган жарандарды өзгөчө зарылдык жаралмайынча сыртка чыкпай туруусун өтүндү.

Ал эми өкмөттөн мурдагыдай катаал чектөөлөр азырынча киргизилбесин, бирок коомдук жайларда, эл көп топтолгон жерлерде санитардык-эпидемиологиялык коопсуздук нормалары күчөтүлөрүн айтышты.

Балдарды дарылоого дарыгерлер даярбы?

Өкмөттөн билдиришкендей, акыркы 4-6 жума ичинде коронавируска кабылган балдар арасында көп тутумдуу сезгенүү синдрому (Кавасаки сыяктуу синдром) катталды.

"Бул дарт менен 26 бала Эне жана баланы коргоо борборундагы кардиоревматология бөлүмүндө дарыланышты. Анда баланын денесине кызамык сыяктуу бүртүктөр чыгып, дене табы көтөрүлүп, ашказан, ичегиси жабыркашы мүмкүн. Конъюнктивит болушу дагы ыктымал. Бактыга жараша, көпчүлүк балдарда синдром жеңил өтүп жатат. Учурда балдардын көп тутумдуу сезгенүү синдромун аныктоо жана дарылоо боюнча клиникалык протокол бар, дары-дармек жетиштүү", — деп айтылат билдирүүдө.

Тез жардам унаалары 70 пайыз гана муктаждыкты жабат

Кыргызстанда 2014-жылдан бери Тез жардам кызматынын автопаркы жаңыланган эмес. Андыктан пандемия учурунда анын абдан тартыштыгы билинип, кийин бийлик бир канча автоунаа алганын айтат.

"Пандемия убагында саламаттык сактоо тармагына Дүйнөлүк банк жана Ислам банкынын долбоорунун алкагында — 143, "Коопсуз шаар" тарабынан 39 автоунаа сатып алынды. Гуманитардык жардам иретинде Өзбекстандан — 20, жергиликтүү кайрымдуулук фондунан — 7, ишкерлер тарабынан 20 автоунаа берилди. Учурда Азия өнүктүрүү банкы тарабынан дагы 17 тез жардам автоунаасын сатып алуу каралууда. Бирок бул муктаждыктын 70 пайызын гана жабат", — дешти өкмөттөн.

Кошумча орундар

Ушул тапта Кыргызстан боюнча коронавируска чалдыккандар үчүн 1500дөй орун бар. Анын ичинде 200гө чукулу интенсивдик терапия палатасында. Бирок бул сандар күн сайын эпидемиологиялык кырдаалга жараша өзгөрүп турат.

Саламаттык сактоо министрлигинин планы боюнча, эгер ооругандардын саны көбөйүп кетсе, өлкө боюнча дагы 11 237 орун ачылат. Республикалык деңгээлдеги ооруканаларда — 1 752, Бишкек шаарындагы ооруканаларда – 1 164, Чүй облусунда 1 352 орун болсо, калганы аймактарда иштей баштайт.

Вирус жуктургандар кокус андан дагы көбөйсө, республика боюнча кошумча 4 907 орун ишке берилет.

Белгилер:
оорукана, даярдык, өкмөт, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Изилдөө: кыргызстандыктардын 55%ы COVID-19га каршы эмделгиси келет
Бишкекте COVID-19 жуктурган бейтаптарды 5 оорукана кабыл алууда. Тизме
Украинанын аскер кызматкерлери. Архив

Украина НАТОго кирет деп ишенип... Россияга ким чагымчылык жасоодо

Украинанын геосаясий абалы Россия менен Батыштын ортосундагы мамилеге байланыштуу. Москва үчүн бул талкууланбай турган маселе болсо, Батыш үчүн анчалык принципиалдуу эмес.

Донбасста болчу согушту, башкача айтканда "Россиянын кол салуусун" күткөнү Киевдин жалгыз эле чагымчылыгы эмес. Владимир Зеленскийдин шейшемби күнү айткан сөзү алда канча кооптуураак болуп чыкты.

НАТО менен Украина "алакасына" Петр Акопов баам салып, макала РИА Новости агенттигине жарыяланды.

"Биз армия менен коргонуу секторун реформалоого умтулуп жатабыз, бирок Россияны жалгыз эле реформа менен токтотуу мүмкүн эмес. НАТО — Донбасстагы согушту токтотууга жападан жалгыз жол. Мүчөлүк боюнча иш-аракеттердин планы Россия үчүн чындап сигнал боло алат", — деди президент.

Мындай пикирин Украина ажосу НАТОнун башкы катчысы Столтенберг менен сүйлөшүп жатып билдирди. Ушул эле сөзүн ал Британия жана Канаданын премьерлери менен жолукканда да кайталады. Зеленский мүчөлүк боюнча иш-аракеттердин планына интеграция боюнча конкреттүү кадамдар жана НАТОго кирүү мөөнөтү так жазылышын талап кылууда. Премьер-министри кечээ жакында эле Украина альянска беш-алты жылдын ичинде кошулуп каларын айткан. Зеленскийдин сөзүнө НАТО өлкөлөрү "эл көзүнө" эле реакция жасады. Мисалы, АКШ макул экенин, бирок маселени НАТОнун бардык мамлекеттери чечиши керектигин (башкача айтканда, каршы) кыйытты. Ал эми Берлин "Украина саясий муктаждыктарын эркин тандоо укугуна ээ өлкө экенин айтып, бирок мүчөлүк боюнча кийинки кадамдар тууралуу сөз кылуу мүмкүн эместигин" белгиледи.

Зеленский чындап эле Украина Түндүк Атлантика альянсына кирет деп ишенип жатабы? Ооба, ишенип жатат, Украинанын талуу жери да ушунда.

Анткени Украина НАТО мүчөсү боло албайт. СССР кыйрагандан кийин Россиянын бир бөлүгүндө пайда болгон Украина мамлекети Советтер Союзуна каршы туруу үчүн англосакстар тарабынан Экинчи дүйнөлүк согуштан кийин түзүлгөн түндүк атлантикалык альянска кире албайт. Украинанын элитасы аябай каалашы мүмкүн, калктын басымдуу бөлүгү да бул кадамды колдошу ыктымал, бирок мүчөлүк эгерим ишке ашпай турган кыял. Эмне үчүн? Анткени НАТО Россияны ооздуктоого багытталган, ал эми Украина — тарыхый Россиянын бир бөлүгү.

Антейин десең Украинаны антиРоссияга айландыруу аракети күч болуп жатпайбы, анда эмне үчүн Россиянын каршылаштарынын тобуна киргизбей жатышат.

Анткени Украина — насилинде субъект эмес, ал Россия менен Батыштын ортосунда талашка түшкөн объект. Батыш Россияны маанилүү бөлүгүнөн ажыратып, геосаясий чек араны бөлүп-жарып, өлкөнү чыгышты көздөй сүрүп чыгарууга ниеттенип жатат. Ал эми Россия үчүн Украина талкууланбай турган маселенин катарында: орустар мамлекеттүүлүгүнүн негизин түзүп турган пайдубалдан ажырай албайт, ага жол бербейт. Эки башка мамлекетке бөлүнүүнү түшүнсө болот. Бирок атлантизация, башкача айтканда, Украинанын европалык да эмес, таптакыр бөлөк-бөтөн, башынан эле орустарга каршы турган атлантикалык геосаясий мейкиндикке кирип кетиши Россия үчүн да, жалпы орус цивилизациясы үчүн да таптакыр акылга сыйгыс көрүнүш. Орус цивилизациясынын бир бөлүгүн украин эли да түзөт.

Ошондуктан Украинанын геосаясий абалы Россия менен Батыштын ортосундагы мамилеге байланыштуу. Москва үчүн бул талкууланбай турган маселе болсо, Батыш үчүн анчалык принципиалдуу эмес. Муну ал сөз менен эле эмес, иш жүзүндө да тастыктап келет.

Батыш Украина үчүн Россия менен болчу чыныгы кармашка даярбы? Жок, анткени Батыш үчүн Украинанын Россиядагыдай баасы жок. Европалыктар да, англосакстар да ушундай пикирде. Албетте, булар Украина менен Россиянын убактылуу бөлүнүп-жарылуусун турукташтырып жиберип, өзүнө кошуп алсак дейт. Бул үчүн Россиянын каршылыгын сындырып (ишке ашкыс ой), тарыхый тандоо жасашы керек.

Анда Батыш Россия менен касташкан мамилеге даяр болушу кажет, башкача айтканда, Украинаны кошуп алып Россияны душманга айлантып аларына даяр болушу зарыл. Азыр маалыматтык согушта айтылып жаткан эмес, кадимки душман менен бет келет. Анткени орустар байыркы шаарларынын биринен ажырап тынч отуруп калбайт, мындан улам Батыштын да, Европанын да геосаясий стратегиясы ушул жөпжөнөкөй фактыга баш ийиши керек.

Украинанын атлантизацияланышына ким ишенет? Тарыхты билбегендер, мурдунан алысты көрө албагандар, же Европаны уруп ойнобогондор менен орустарды европалыктар менен каршылаштырууга кызыкдар тараптар. Антлантика элитасында ушундайлар барбы? Албетте, бар, бирок азыркы элитанын басымдуу бөлүгү Украинаны атлантизациялоо демилгесинин өзү канчалык кооптуу экенин жакшы түшүнөт. Европа үчүн кооптуу.

Бирдиктүү Европанын курулушу элитаны реалдуулуктан алыстатып жиберди. Анын бир бөлүгү болгон чыныгы атлантисттер бардык нерсе бирдиктүү Батыштын эркинен көз каранды деген жомокко ишенип алган, көрсө, тарыхты, коңшу цивилизацияларды унутуп койсо болот экен. Глобализациянын атлантикалык долбоорунун кризиске кептелгенин көргөн экинчи бөлүгү деле евроинтеграцияны көзөмөлдөө жөндөмүн сактап калам деп ишенип турат. Бул үчүн англосакстардан бөлүп, европалык чеп куруу менен ишке ашырат имиш.

Бирок канчалык өз алдынчалуу болуп кетсе да Европа Россия менен алака түзбөй кое албайт, ал эми душмандашуу тууралуу ойлонуп да кереги жок. Бирдиктүү Европадан кол жууш үчүн Украинанын артынан түшүү ушунчалык зарылбы? Европалыктар мынчалыкка баргыдай боло элек.

Эмне кылыш керек? Россия качандыр бир кезде өзүнөн өзү алсызданып, Украина эмес өзүнүн айласын таппай калчу учурун күтүш керек. Дал ушул маалда Украинаны өзүнө алып алса болот. Бирок мындай ойдун ишке ашары күндөн-күнгө күмөн болуп бара жатат. Ал эми Европа менен Россиянын өнүгүү тенденциялары күмөнсүнүүнү бекемдеп жатканы айкын.

Белгилер:
Владимир Зеленский, мүчө, НАТО, тарых, Батыш, Украина, Россия
Тема боюнча
Климат көйгөйүнө жамынып ааламды аңтаргандар. Сереп
Эки тизгин, бир чылбырды бере тургула. Дүйнөнү башкарууга умтулган ЕБ лидерлери
Жанып турган лампа. Архив

Эртең Бишкектин бир нече көчөсүндө жарык болбойт. Тизме

Шаршемби күнү тиешелүү адистер подстанциялардагы электр жабдыктарын оңдоп, бутактарды кыйышат.

БИШКЕК, 13-апр. — Sputnik. Эртең, 14-апрелде, Бишкек шаарынын бир нече жеринде электр жарыгы өчүрүлөт. Бул тууралуу "Түндүк электр" ачык акционердик коомунан кабарлашты.

Ал күнү адистер подстанциялардагы электр жабдыктарын оңдоп, бутактарды кыйып жана башка жумуштарды жасамакчы.

Жарык берүү үзгүлтүккө учурай турган аймактар:

  • 9:00дөн 13:00гө чейин — Дэн Сяопин, Алыкулов, Астрахань, Белгород, Камчатка көчөлөрүнүн кесилишинде;
  • 9:00дөн 17:00гө чейин — Каховский көчөсүндөгү №37 үйдө жана Абдымомунов, Фрунзе, Осмонкул көчөлөрүнүн кесилишинде;
  • 9:00дөн 18:00гө чейин — Лев Толстой, Леваневский, Профсоюз, Фучик жана Арча-Бешик жаңы конушунун кээ бир бөлүгүндө (Ак-Түз, Кызыл-Адыр, Садыбакасов көчөлөрүндө);
  • 9:30дан 17:00гө чейин — Жибек жолу жана Манас проспектилеринин кесилишинде, Осипенко, Тюмень, Күрөңкеев, профессор Зима, Ананьев жана Ташкент көчөлөрүнүн кесилишинде;
  • 9:30дан 18:40ка чейин — Фере көчөсүндө;
  • 9:30дан 19:00гө чейин — Жогорку Төкөлдөш жаңы конушунда жана Литов, Кийизбаев, Октябрь, Армейская көчөлөрүнүн кесилишинде;
  • 9:40тан 18:00гө чейин — Байтик баатыр, Үсөнбаев, Абдрахманов көчөлөрүнүн кесилишинде.
Белгилер:
электр жарыгы, Бишкек
Тема боюнча
Бишкекте түркүн түстүү жоогазындар гүл ачты. Ажайып сүрөттөр