Нооруз

Коңшу мамлекеттердин башчылары Атамбаевди, кыргызстандыктарды Нооруз менен куттуктады

101
(жаңыланган 11:20 24.03.2015)
Президент Алмазбек Атамбаевди жана Кыргызстандын элин Нооруз майрамы менен Өзбекстандын, Казакстандын, Тажикстандын, Түркмөнстандын, Афганистандын президенттери куттуктады.

БИШКЕК, 21-мар. – Sputnik. Нооруз майрамынына карата КР мамлекет башчысы Алмазбек Атамбаевдин жана Кыргызстан элинин дарегине Өзбекстан президенти Ислам Каримовдон, Казакстан президенти Нурсултан Назарбаевден, Тажикстан президенти Эмомали Рахмондон, Түркмөнстан президенти Гурбангулы Бердымухамедовдон, Афганистандын президенти Мохаммад Ашраф Ганиден куттуктоо телеграммалары келди. Бул туурасында президенттин маалымат кызматы билдирет.

Афганистандын президенти Мохаммад Ашраф Гани келе жаткан жаңы жыл эки элге тең тынчтык, бейпилдик жана өнүгүү, эки тараптуу достук мамилелердин өнүгүшүн алып келет деген ишенимин билдирген.

Назарбаевдин куттуктоосунда “Достукка жана өз ара түшүнүүгө негизделген, Казакстан менен Кыргызстандын ортосундагы мамиле мындан ары да биздин элдин жыргалчылыгы үчүн бекемдей берээрине ишенем”, — деп айтылат. 

Президенттер Каримов, Бердымухамедов, Рахмон КР мамлекет башчысы Алмазбек Атамбаевге чың ден-соолук, бакубат жашоо жана жаңы ийгиликтерди, ал эми Кыргызстандын достук элине тынчтык жана гүлдөп өнүгүүнү каалашкан.

101
Тема:
Кыргызстандагы Нооруз майрамы (9)
Кыргызстандык балбан Акжол Махмудов

Бирде жигит төө минет... Акжолдун Токиодон элге кайрылган видеосу

322
(жаңыланган 20:12 02.08.2021)
Кыргызстандык балбан учурда ал үчүн ар бир кармаш, мүнөт, секунд маанилүү болуп болуп жатканын айткан.

БИШКЕК, 2-авг. — Sputnik. Олимпиада оюндарынын финалына чыккан Акжол Махмудовдун кыргызстандыктарга кайрылган видеосу жарыяланды.

Видеону кыргызстандык балбан Үзүр Жусупбеков Instagram баракчасынын тарыхча бөлүмүнө жүктөдү.

"Ассолому алейкум кыргыз элим, жеңишим сиздерге арналат! "Бирде жигит төө минет, бирде жигит жөө жүрөт. Төө мингенде жигитти, төбөсүнө көтөрүп, тегеректеп эл жүрөт. Жөө жүргөндө жигитти, жөөлөй түртүп эл күлөт" дейт, ошондуктан бүгүн утулуп, максатына жетпей калган жигиттерибизди эч качан сындабагыла. Бул — спорт. Өзүңдө жакшы нерсе болбосо башкалардын да жакшы жагын көрө албайсың. Ошондуктан адам канчалык жамандык кылбасын ар дайым жакшы жагын көргөнгө аракет кылгыла", — деди Махмудов.

Андан ары балбандын казакстандык журналисттерге интервью берип жатканын көрүүгө болот. Анда ал ар бир кармаш, мүнөт, секунд маанилүү болуп жатканын айткан.

"Бүгүн бизди кудай жалгады. Мен бүгүн болбосо качан күрөшөм. Бүгүн утпасам дагы качан утушум мүмкүн. Мындай мүмкүнчүлүк ар кимге эле ар дайым бериле бербейт. Ошондуктан ар бир мүнөт, секунд сайын кудайдан мен тарапта болуп бер деп тиленип жаттым, мен жеңишке муктажмын деп сурандым. Кудай өтүнүчүмдү аткарып жатат", — деди балбан.

Акжол Махмудов Олимпиада-2020 медешинин алтын байгеси үчүн венгриялык Тамаш Лёринц менен эртең күч сынашат.

322
Белгилер:
Акжол Махмудов, олимпиада, күрөш, жеңиш
Тема:
2021-жылы Токиодо өтө турган Олимпиада оюндары
Тема боюнча
Баары алдыда! 22 жаштагы Айпери Медет кызы коло медалын ала албай калды
Үзүр Жусупбеков Олимпиаданын коло байгеси үчүн ат салышууга мүмкүнчүлүк алды
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Кыргызстан балбаны Акжол Махмудов

Атаандашын ай-буйга келтирбей жыккан Акжол. Жарым финалдагы жүрөк толкуткан видео

3237
(жаңыланган 17:20 02.08.2021)
Акжол биринчи эле бөлүктө тик туруп жасаган мыкты ыкмаларды колдонуп, жеңишти камсыздоого жетиштүү упай топтоп койду.

БИШКЕК, 2-авг. — Sputnik. Токио Олимпиадасында грек-рим күрөшү боюнча кыргызстандык балбан финалга чыкты.

Ал жарым финалда армениялык Карапет Чалянды 6:2 эсеби менен утту.

Акжол биринчи эле бөлүктө тик туруп жасаган мыкты ыкмаларды колдонуп, жеңишти камсыздоого жетиштүү упай топтоп койду. Башында кыргызстандык балбандын чабал аракети үчүн атаандашы бир упай алып, андан соң калыс Акжол Махмудовду партерге коюп берди. Чалян көтөрүүгө аракет кылганда кыргызстандык балбан контрчабуул жасап, өзүн басып түштү. Бул үчүн Акжолго эки упай берилди. Кийин армениялык спортчуну партер абалына койду. Албетте, Акжол мындай мүмкүнчүлүктү колдон чыгарбай көтөрүп чаап, төрт упай алды. Чалянга тегерек чийинден качып чыгууга аракет кылганы үчүн эскертүү берилип, аны кайра партерге койду. Дагы бир ирет партер берилди эле көтөрүүгө жетишпей калды.

Ал эми экинчи бөлүктө Акжол көп чабуул жасабай, мыкты коргонууга өттү. Мелдештин бүтөрүнө аз калганда армениялык балбан килемден түртүп чыгып бир упай алды.

Натыйжада Махмудов Чалянды 6:2 эсеби менен жеңип, финалга чыкты. Эми ал алтын медаль үчүн күрөшөт.

Кырызстандык балбан 77 килограмм салмак категориясы боюнча ат салышууда. Буга чейин Тунис өлкөсүнөн барган Ламджед Маафини (11:0) жана азербайжандык Рафиг Гусейиновду (9:1) мөөнөтүнөн мурда жеңип алган.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

3237
Белгилер:
Акжол Махмудов, олимпиада, финал, күрөш, жеңиш
Тема:
2021-жылы Токиодо өтө турган Олимпиада оюндары
Тема боюнча
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Мээрим Жуманазарова Олимпиаданын коло байгеси үчүн ат салышмай болду
Зергерлер жана ишкерлер союзунун президенти Сталбек Акматов

Акматов: өзгөчө кырдаал жөнүндө мыйзам инвестицияга бөгөт коет

0
Зергерлер жана ишкерлер союзунун президенти Сталбек Акматов "Экономикалык өзгөчө кырдаал жөнүндө" мыйзам долбоору шашылыш кабыл алынгандыгын билдирди.

Аталган мыйзам ишке кирсе ички жана сырткы инвестицияга бөгөт коет. Мындай пикирин Сталбек Акматов Sputnik Кыргызстан радиосунда маек куруп жатып белгиледи.

Акматов: өзгөчө кырдаал жөнүндө мыйзам инвестицияга бөгөт коет

Анын айтымында, мыйзамдын чийки жерлери көп жана ал президент кол койгонго чейин дыкат каралып чыгышы керек.

"Экономикалык өзгөчө кырдаал жөнүндө" мыйзам долбоорун эмнеликтен Жогорку Кеңеш өтө шашылыш тартипте карап, үч окуудан тең бир заматта өткөрүп койгонун ишкерлер түшүнгөн жокпуз. Кыргызстанда ансыз да бизнес жасоо оор болуп, бир четинен пандемия күчөп турган учурда бул долбоор ишкерликке чоң тоскоолдуктарды жаратат. Анда чийки, дыкат иштелип чыкпаган жерлери арбын экен. Биз ишкерлер президент кол койгонго чейин бул мыйзамдын кайрадан каралып чыгышын өлкө башчыдан өтүнүп жатабыз. Аталган мыйзам иштеп баштаса ички дагы, сырткы дагы инвестицияга бөгөт коет",— деди Акматов.

Ал өлкө экономикасын көтөрүү үчүн тескерисинче ишкерлерге колдоо көрсөтүү зарылдыгын кошумчалады.

Эске сала кетсек, Жогорку Кеңеш ушул жылдын 29-июль күнү "Экономикалык өзгөчө кырдаал жөнүндө" мыйзам долбоорун үч окуудан өткөрүп кабыл алган. Анын демилгечиси, экономика жана финансы министри Акылбек Жапаровдун айтымында, мыйзам өлкө экономикасынын төмөндөшүнүн алдын алыш үчүн иштелип чыккан.

0
Белгилер:
Сталбек Акматов, экономика, ишкерлик, мыйзам
Тема боюнча
Экономикалык өзгөчө кырдаал боюнча мыйзам жактырылды. Ал эмне үчүн керек