Америкалык бейөкмөт уюм Умар Фаруктун КРден чыгарылышын сынга алды

Америкалык бейөкмөт уюм Умар Фаруктун КРден чыгарылышын сынга алды

(жаңыланган 14:10 31.03.2015)
Уюмдун Европа менен Борбор Азиядагы программаларынын координатору Нина Огнианованын айтымында, кармалган журналист диний экстремисттердин табиятын иликтеп жана анын жүрүшүндө коррупциялык көрүнүштөргө каршы күрөшүүчү жергиликтүү бейөкмөт уюмдарынын өкүлдөрү менен жолугушуп жүргөн.

БИШКЕК, 31-мар. — Sputnik. "Журналисттерди коргоо комитети" (CPJ) бейкмөт уюму америкалык журналисттин Кыргызстандан чыгарып жиберилишин сынга алды деп билдирет РИА Новости.

КРдин атайын кызматтары Умар Фарукту 25-мартта Ош шаарында кармашкан. Аны тинтүү учурунда диний-экстремисттик жана террористтик мүнөздөгү, жихадга жана улуттар аралык келишпестикке үгүттөөчү видеоматериалдар жазылган DVD-дисктер, ошондой эле "Хизб ут-Тахрир" диний экстремисттик уюмунун жакында кармалган лидерине жана террористтик топтордун айрым мүчөлөрүнө каршы козголгон кылмыш иштери боюнча документтердин көчүрмөлөрү табылган.

Ош шаардык сотунун чечими менен америкалык жаран Кыргызстандын аймагынан чыгарылган. Бирок, АКШнын бейөкмөт уюуму жана анын Европа менен Борбор Азиядагы программаларынын координатору Нина Огнианова өлкөдөн чыгарып жиберилген жаран журналисттик иштерин аткарып жаткан болчу деп билдирди.

"АКШнын жаранын кармап өлкөдөн чыгарып жиберүү расмий Бишкек эркин журналисттерге карата жаман мамиле кыла тургандыгын көрсөтөт. Биз КРди коркутууларды токтотуп, ЖМК кызматкерлерине өз иш-аракеттерин эч коркунучсуз жана кесепетсиз жүргүзүүгө мүмкүндүк берүүгө чакырабыз", — деди Огнианова.

Анын айтымында, журналист диний экстремисттердин табиятын иликтеп жана анын жүрүшүндө коррупциялык көрүнүштөргө каршы күрөшүүчү жергиликтүү бейөкмөт уюмдарынын өкүлдөрү менен жолугушуп жүргөн.

Уюмдун жабдуулары менен материалдарын күч органдары алып кеткендигин белгиледи Огнианова.

Америкалык жаран мурда Los Angeles Times басылмасы, IRIN жана Daily Beast жаңылык агенттиктери менен иштеген деп билдиришти бейөкмөт уюмунан.

Белгилер:
журналист, бейөкмөт уюму, CPJ, Умар Фарук, Нина Огнианова, Кыргызстан, Бишкек, АКШ
Ооруканадагы медициналык кызматкер жана бейтап. Архив

Жакшы кабар! Казакстанда эки күндөн бери COVID жуктургандардын саны азаюуда

(жаңыланган 12:13 13.04.2021)
Буга чейин коңшу өлкөдө коронавируска кабылгандардын саны кескин өсүп, күн сайын 2,5 миңдей кишиден COVID табылып жаткан. Мындан улам Казакстанда карантиндик чектөөлөр күч алган.

БИШКЕК, 13-апр. — Sputnik. Акыркы эки күндөн бери Казакстанда коронавирус жуктургандардын саны азайып жатат. Бул тууралуу Sputnik Казакстан агенттиги жазды.

Маалыматка ылайык, мурдагы күнү ооругандардын саны 2 290 болсо, өткөн суткада 2 016 кишиден вирус аныкталды. Ал эми каза тапкандардын саны күн сайын 20нын тегерегинде болууда.

Күндүзгү стационардагы медицина кызматкери. Архив
© Фото / пресс-служба правительства / Алишер Алиев
Эске салсак, өткөн апталарда коңшу өлкөдө коронавируска кабылгандардын саны кескин өсүп, күн сайын 2,5 миңден ашуу кишиден COVID-19 табылып жаткан. Мындан улам Казакстанда карантиндик чектөөлөр күч алган болчу.

Жон Хопкинс атындагы изилдөө институтунун маалыматына караганда, ушул тапта Казакстанда коронавирус жуктургандардын жалпы саны 325 миңден ашты.

Белгилер:
карантин, чектөө, абал, коронавирус, Казакстан
Тема:
Дүйнөгө жайылган коронавирус
Тема боюнча
Коронавирустун жаңы штаммынын өлүмгө жеткирери далилденген эмес. Изилдөө
Акыркы суткада 227 адамдан COVID аныкталып, төрт киши көз жумду. Статистика
Россияда коронавируска каршы дагы бир вакцина иштелип жатат
Тажикстан аял-милиционерлердин жаңы форманын дизайны

Тажикстанда аял-милиционерлер үчүн жаңы форма иштелип чыкты. Сүрөт

Варианттар өлкө президенти Эмомали Рахмонго көрсөтүлдү. Бул формалар азырынча мамлекет башчысы тарабынан жактырыла элек.

БИШКЕК, 12-апр. — Sputnik. Тажикстанда аялдар үчүн милициянын формасынын эки дизайны (параддык жана талаада жүрүүгө ылайыкташкан) сунушталды. Бул тууралуу Sputnik Тажикстан жазды.

Дизайн новой милицейской формы для женщин в Таджикистане
© Фото / пресс-служба МВД Таджикистана
Тажикстанда аялдар үчүн милициянын формасынын эки дизайны (параддык жана талаада жүрүүгө ылайыкташкан) сунушталды

Өлкөнүн Ички иштер министрлигинин маалыматы боюнча, форма атлас жана адрас материалдары менен улуттук жана европалык стилде тигилген. Моделдер Согди облусунун дизайнерлери тарабынан иштелип чыккан.

Дизайн новой милицейской формы для женщин в Таджикистане
© Фото / пресс-служба МВД Таджикистана
Өлкөнүн Ички иштер министрлигинин маалыматы боюнча, форма атлас жана адрас материалдары менен улуттук жана европалык стилде тигилген

Талаада жүрүүгө ылайыкташкан форма камуфляж түрүндө даярдалган.

Варианттар өлкө президенти Эмомали Рахмонго көрсөтүлдү. Бул формалар азырынча мамлекет башчысы тарабынан жактырыла элек.

Белгилер:
форма, аял, милиция, Тажикстан
Тема боюнча
Ворух анклавы алмашылабы. Тажик президентинин пикири
Жол кырсыгынан жабыркаган унаа. Архив

Чүйдө төрт унаа кагышып, эки адам жабыркады. Кырсыктын видеосу

(жаңыланган 18:53 13.04.2021)
Жол кырсыгы Александровка айылында катталган. Жеринде ыкчам тергөө тобу иштеп жатат.

БИШКЕК, 13-апр. — Sputnik. Чүй облусунун трассасында төрт унаа кагышып, эки адам жабыркады. Бул тууралуу Чүй облустук жол кыймылы коопсуздугун камсыздоо башкармалыгынын (ЖКККБ) маалымат кызматы билдирди.

Кырсыктын видеосу "Короче" Тelegram-каналына жарыяланган. 

Каргаша Александровка айылында 15:00дөр чамасында болгон. Анда Honda Stepwgn, Ford Transit, Lexus LX470 жана Merceses-Benz үлгүсүндөгү микроавтобус кагышкан.

Натыйжада Ford үлгүсүндөгү унаанын эки жүргүнчүсү жабыркаган. Жеринде ыкчам тергөө тобу иштеп жатат.

Күбөлөрдүн айтымында, жол кырсыгынан улам Бишкекти көздөй кеткен жолдо унаа тыгыны жаралган.

Белгилер:
тыгын, унаа, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Түптө жол кырсыгынан 19-20 жаштагы үч бала көз жумду. Дагы үчөө ооруканада