Ымыркайдын колу. Архив

Казакстанда ымыркайларды сатты деп шектелген төрөт үйүнүн кызматкерлери кармалды

44
(жаңыланган 12:49 10.06.2015)
Балдарды өз энелери баш тарткандан кийин сатышкан деп билдирет Чымкенттин прокуратурасынын кызматкерлери.

БИШКЕК, 10-июнь — Sputnik. Чымкенттеги (Казакстан) төрөт үйүнүн эки кызматкери ымыркайларды сатууга катыштыгы бар деп шектелип жаткандыгы тууралуу РИА Новости облустук прокуратура башкармалыгынын жетекчисинин орун басары Болат Жуматаевге таянуу менен.

2013-2014-жылдары кылмыш жолу менен балдар сатылып кеткендиги боюнча 10 факты аныкталгандыгы кабарланат.

"Сот бөбөктөрдү сатууга катыштыгы бар деп шектелген Чымкенттеги төрөт үйдүн эки кызматкерин камакка алуу жөнүндө чечим чыгарды", — деген Жуматаевдин сөзүн келтирет РИА Новости.

Прокуратура кызматкери камакка алынгандардын айтылган кылмыштын канчасына тиешеси бар экендигин тергөө аныктаганга аракет кылып жаткандыгын билдирди.

Чымкенттин прокуратурасынын маалымат катчысы Тамара Утелбекованын билдирүүсүндө, балдар өз энелери баш тарткандан кийин сатылган.

44
Белгилер:
бала сатуу, Төрөт үйү, Тамара Утельбекова, Болат Жуматаев, Чымкент, Казакстан
Тема боюнча
Бишкек паркына жаңы төрөлгөн ымыркайды таштап кетишти
Эгиздердин бирөөнү бербей коюшту – кыргызстандык аял Москвадагы төрөтү жөнүндө
Казакстандын тез жардам кызматкерлери. Архив

COVID: Казакстанда өлгөндөрдүн саны көбөйүп, Нур-Султан кызыл зонага кирди

210
Эрежеге ылайык, аталган аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.

БИШКЕК, 16-янв. — Sputnik. Казакстанда акыркы 24 саат ичинде коронавирустан 12 адам көз жумду. Бул тууралуу Sputnik Казакстан агенттиги жазды.

Өткөн суткада коңшу өлкөдө бир миңден ашуун адамдан коронавирус жана пневмония аныкталган. Ушу тапта ооруканада коронавирустан 12 284 киши, пневмониядан 11 781 дарыланууда. Ал эми мурдагы суткада илдеттерден жети адам каза болгон.

Жалпысынан Казакстанда COVID-19га кабылгандардын саны бүгүн 213 855 кишиге жетти.

Өлкөдө абал жакшырбай жаткандыктан, Саламаттык сактоо министрлиги борбор калаа Нур-Султан шаарын кызыл зонага киргизди. Эми эрежеге ылайык, бул аймакка кайрадан бир катар чектөөлөр жарыяланмакчы. Азыр Нур-Султан менен кошо эң кооптуу аймактарга Акмоло жана Костанай облустары кирет.

210
Белгилер:
абал, коронавирус, Нур-Султан, Казакстан
Тема:
Дүйнөгө жайылган коронавирус
Тема боюнча
Россияда COVID-19ду бир саатта аныктай турган тест-система жасалды
Ким оорушу мүмкүн? Иммунолог коронавирустун жазындагы жаңы толкунуна баа берди
Казакстандын премьер-министри Аскар Мамин. Архивдик сүрөт

Аскар Мамин кайрадан Казакстандын премьер-министри болду

146
(жаңыланган 18:53 15.01.2021)
Казакстандын биринчи президенти Нурсултан Назарбаев буга чейин Nur Otan фракциясындагы партиялаштарына кайрылып, эгер мамлекет башчысы талапкерлигин сунуштаса, Маминди колдоп коюуга чакырган.

БИШКЕК, 15-янв. — Sputnik. Казакстандын премьер-министри болуп кайрадан Аскар Мамин дайындалды. Бул тууралуу Sputnik Казакстан жазды.

Президент Касым-Жомарт Токаев Маминди өкмөт башчылыкка дайындоо боюнча жарлыкка кол койду.

Коңшу өлкөнүн мыйзамына ылайык, парламенттик шайлоодон кийин министрлер кабинети отставкага кеткен. Казакстандыктар 10-январь күнү жаңы депутаттарды шайлашкан. Анын жыйынтыгы менен Nur Otan, "Ак Жол" жана Казакстан Элдик партиясы жеңүүчү болгон.

Казахстандык шахматчы кыз Жансая Абдумалик
© Фото / пресс-служба "Казахстанской федерация шахмат"
Токаев премьер-министрликке сунуштаган Маминдин талапкерлигин жаңы депутаттар колдоп берди. Залда мажилистин 99 депутаты болгон. Мамин үчүн алардын 78и добуш берсе, 21и карманган.

Добуш бербей койгон депутаттардын бардыгы "Ак Жол" менен Казакстан Элдик партиясы болду. Маминди Nur Otan партиясынын 78 өкүлү колдоп берген. Мажилисте ушул үч партиянын гана депутаттары бар.

Казакстандын биринчи президенти Нурсултан Назарбаев буга чейин Nur Otan фракциясындагы партиялаштарына кайрылып, эгер мамлекет башчысы талапкерлигин сунуштаса, Маминди колдоп коюуга чакырган.

Аскар Мамин 2019-жылдын февраль айында Казакстандын премьер-министри болуп дайындалган.

146
Белгилер:
Аскар Мамин, мажилис, премьер-министр, Казакстан
Тема боюнча
Казакстандын өкмөтү отставкага кетти
Мамдума төрагасы: АКШ шайлоо өткөрүүнү Кыргызстан менен Казакстандан үйрөнсө болот
Шприц чыгарган ишкана. Архивдик сүрөт

Министр Кара-Суудагы шприц чыгарган ишкананы көрдү. Сүрөт

10
(жаңыланган 15:11 17.01.2021)
Ишкананын ээси мурда шприцтер менен түштүк аймагын гана камсыздап келишсе, жакынкы убакыттарда республиканы камсыздап жатышканын айткан.

БИШКЕК, 17-янв. — Sputnik. Саламаттык сактоо министри Алымкадыр Бейшеналиев Оштун Кара-Суу районундагы шприц чыгаруучу ишкана менен таанышканын мекеменин маалымат кызматы кабарлады.

Белгилей кетсек, соңку күндөрү министр түштүк жергесинде иш сапары менен жүрөт.

Жеке ишкер Канатбек Кадыров ишкана 5 жана 10 граммдык шприцтер менен инсулин алганга ылайыкталган шприцтерди чыгарарын айткан.

"Мурда шприцтер менен түштүк аймагын гана камсыздасак, жакынкы убакыттарда республиканы камсыз кылганга жетиштик. Эми медициналык кол каптарды дагы чыгаралы деп турабыз", — деген ишкер.

Министр мындай кадамдар өлкө үчүн жеңилдик экенин айтып, ишкана жетекчисине ыраазычылыгын билдирген.

10
Белгилер:
ишкер, ишкана, Алымкадыр Бейшеналиев, КР Саламаттык сактоо министрлиги, Кара-Суу району, Ош
Тема боюнча
Ош облусунун ооруканаларына 26 тез жардам унаасы берилди