Казакстандын атайын кызматы Бишкекте жок кылынган жарандары боюнча түшүндүрмө берди

Жазылуу
Казакстандын Улуттук коопсуздук комитети билдиргендей, 2015-жылдын май айында Абхин менен Амиров колониядан качып чыккан. Коңшу мамлекеттин атайын кызматы кылмышкерлерди кармоо боюнча кыргызстандык кесиптештерине жардам берди.

БИШКЕК, 18-июль — Sputnik. Бишкекте жок кылынган Казакстандын жарандары Альберт Абхин менен Жанболот Амиров Кыргызстан аркылуу Сирияга жана Иракка кетүүгө камынышкан. Бул тууралуу Казакстандын Улуттук коопсуздук комитетинин расмий сайтында жарыяланды.

Аскердик граната. Архив - Sputnik Кыргызстан
Издөө салынган Казакстандын жараны кармоо учурунда өзүн-өзү жардырып жиберди
Бейшемби күнү Бишкектин борборунда контртеррористтик операция жүрүп, төрт согушчан жок кылынганын Кыргызстандын Улуттук коопсуздук комитети билдирген. Террордук топтун башчысы Казакстандын жараны Жанболот Амиров болгон, ал Кыргызстанда соттолгон жана абактан качып чыканы үчүн ага расмий түрдө издөө жарыяланган. Аны менен кошо абактан Казакстандын жараны Альберт Абхин качып чыккан.

2015-жылдын 1-июлунда Бишкектин жаңы конуштарынын биринде УКМК ыкчам иликтөө иш чарасын жүргүзүп, Абхинди кармоого аракет кылганда ал өзүн-өзү жардырып жиберген. Амиров болсо изин жашырганга үлгүргөн.

Казакстандын улуттук коопсуздук комитетинен билдиришкендей, Казакстандын эки жараны тең Батыш-Казакстан облусунда жашаган. Алар радикалдык пропаганданын таасири менен Сирия жана Ирактагы согушка катышууну чечишкен. Кыргызстандын аймагына 2014-жылдын май айында Абхин, август айында Амиров мыйзамсыз кирип, андан ары чет жакка чыгып кетүүгө аракет кылышкан.

Казакстандын атайын кызматтары билдиргендей, 2014-жылдын жай айында алар Кыргызстандын атайын кызматтары тарабынан кармалып, чек арадан мыйзамсыз өткөнү үчүн Кыргызстанда кылмыш жоопкерчилигине тартылган. Абхин төрт жылга эркинен ажыратылса, Амиров үч жылга кесилген.

Тротил шашкалары. Архив - Sputnik Кыргызстан
УКМК: жок кылынган Казакстандын жараны террористтик жардырууну пландаган
Казакстандын Улуттук коопсуздук комитети билдиргендей, 2015-жылдын май айында Абхин менен Амиров колониядан качып чыккан. Казакстандын атайын кызматы кылмышкерлерди кармоо боюнча кыргызстандык кесиптештерине жардам берди. Кармоо учурунда алар куралдуу каршылык көрсөткөндүктөн жок кылынган.

Абхин жана Амировдун жетекчилиги алдында түзүлгөн террордук уюм Казакстандын аймагында ишмердигин жүргүзүп жатат деген маалыматтар чындыкка коошпой турганын коңшу мамлекеттин атайын кызматы баса белгиледи.

Жаңылыктар түрмөгү
0