Оорукана. Архив

Күйдүргүдөн Казакстандын эки жараны каза болгону айтылууда

54
(жаңыланган 12:54 21.06.2016)
Карагандынын Еркиндик айылынын беш тургуну облустук ооруканага күйдүргү дартын жугузуп алды деген шек менен жаткырылган.

БИШКЕК, 21-июн. – Sputnik. Казакстандын Караганда аймактык ооруканасына күйдүргү дартына шектелип жаткырылган беш кишинин экөө каза болуп калды. Бул туурасында РИА Новости "Новости-Казахстан" агенттигине таянып кабарлады.

Карагандынын Шет районуна караштуу Еркиндик айылынын беш тургуну облустук ооруканага күйдүргү дартын жугузуп алды деген шек менен жаткырылган. Алдын ала божомолдор боюнча, илдет сойгон малдан жуккан. Лабораториялык анализ оорунун күйдүргү экендигин тактай элек.

Агенттикке маалымат берген булактын айтымында, ооруп калгандар оор абалда келип, денесин жара басып кеткени байкалган.

54
Белгилер:
Казакстан, өлүм, күйдүргү, оору
Тема боюнча
Күйдүргүгө шектелген Сузактын тургуну дартка чалдыкканы аныкталды
Гашиш. Архив

Өзбекстанда Кыргызстандан ири көлөмдө баңгизат ташыган адамдар кармалды

89
Пахта-Абад районунун эки тургуну 7,5 миң долларга бааланган 1 килограмм гашиш сатып жаткан жеринен колго түшүрүлдү.

БИШКЕК, 18-сен. — Sputnik. Өзбекстандын Анжиян облусунун баңгизатка каршы күрөшүү кызматы Кыргызстандан ири көлөмдө наркотикалык каражат ташып жүргөн кылмыштуу топтун мүчөлөрүн кармады. Бул тууралуу облустук милицияга шилтеме берип Sputnik Өзбекстан агенттиги жазды.

"Пахта-Абад районунун эки тургуну 7,5 миң долларга бааланган 1 килограмм гашиш сатып жаткан жеринен колго түшүрүлдү. Алар Кыргызстандан Өзбекстанга ири көлөмдө баңгизат ташышчу", — деп айтылат кабарда.

Аталган факты боюнча кылмыш иши козголуп, тергөө иштери улантылууда.

89
Белгилер:
Өзбекстан, Кыргызстан, баңгизат, мыйзам бузуулар
Тема боюнча
Жалал-Абадда бир суткада 9 килограммга жакын нашаа табылды. Видео
Кыргызстандын президенти Садыр Жапаров Душанбеде Шанхай кызматташтык уюмуна (ШКУ) мүчө мамлекет башчыларынын Кеңешинин отуруму учурунда

ШКУ саммитинин жыйынтыгы боюнча кол коюлган документтер. Тизме

161
(жаңыланган 17:03 17.09.2021)
Өлкө президенттери уюм мейкиндигиндеги жана дүйнөдөгү стабилдүүлүктү колдоо, ошондой эле маданий-гуманитардык кызматташтыкты чыңдоо боюнча маселелерди талкуулашкан.

БИШКЕК, 17-сен. — Sputnik. Душанбеде Шанхай кызматташтык уюмуна (ШКУ) мүчө мамлекет башчыларынын Кеңешинин отурумунун жыйынтыгында бир катар документке кол коюлду. Бул тууралуу президенттин маалымат кызматы билдирди.

Уюмга мүчө өлкөлөрдүн жетекчилери туруктуу өнүгүү, уюм мейкиндигиндеги жана дүйнөдөгү стабилдүүлүктү колдоо, ошондой эле маданий-гуманитардык кызматташтыкты чыңдоо маселелерин карашкан.

Отурумдун жыйынтыгы боюнча төмөнкү документтерге кол коюлду:

  1. Шанхай кызматташтык уюмунун 20 жылдыгынын Душанбе декларациясы;
  2. Шанхай кызматташтык уюмуна мүчө мамлекеттердин 2022-2024-жылдарга терроризм, сепаратизм жана экстремизмге каршы күрөшүү боюнча программасын бекитүү жөнүндө;
  3. Шанхай кызматташтык уюмуна мүчө мамлекеттердин 2018-2023-жылдардагы антинаркотикалык стратегиясынын программасындагы пунктуларды ишке ашыруу боюнча иш планын (2021-2023-жж.) бекитүү жөнүндө;
  4. Шанхай кызматташтык уюмуна мүчө мамлекеттердин эл аралык маалыматтык коопсуздукту камсыздоо маселелери боюнча 2022-2023-жылдарга карата өз ара аракеттенүү планын бекитүү жөнүндө;
  5. Шанхай кызматташтык уюмуна мүчө мамлекеттердин 2021-2023-жылдарга COVID-19 пандемиясынын социалдык-экономикалык терс кесепеттерин жоюу боюнча биргелешкен чаралар планын бекитүү жөнүндө;
  6. Шанхай кызматташтык уюмуна мүчө мамлекеттердин коопсуздугуна чакырык жана коркунучтарга каршы туруу механизмдерин жакшыртуу жөнүндө;
  7. Шанхай кызматташтык уюмунун башкы катчысы жөнүндө;
  8. Шанхай кызматташтык уюмунун регионалдык антитеррордук түзүмүнүн аткаруучу комитетинин директору жөнүндө;
  9. Шанхай кызматташтык уюмунун гимни тууралуу жобону бекитүү жөнүндө;
  10. Шанхай кызматташтык уюмунун "Жашыл алкак" программасын бекитүү жөнүндө;
  11. Шанхай кызматташтык уюмуна мүчө мамлекеттердин 2022-2024-жылдар аралыгында айлана-чөйрөнү коргоо жаатында кызматташуу концепциясын ишке ашыруу боюнча иш-чаралар планын бекитүү жөнүндө;
  12. Шанхай кызматташтык уюмунун башкы катчысынын Шанхай кызматташтык уюмунун өткөн жылдагы ишмердүүлүгү тууралуу баяндамасын бекитүү жөнүндө;
  13. Шанхай кызматташтык уюмунун регионалдык антитеррордук түзүмүнүн 2020-жылдагы ишмердүүлүгү тууралуу Регионалдык антитеррордук кеңешинин баяндамасын бекитүү жөнүндө;
  14. Шанхай кызматташтык уюмунун туристтик жана маданий борбору тууралуу жобону бекитүү жөнүндө;
  15. Шанхай кызматташтык уюмунун экономикалык форумунун концепциясын бекитүү жөнүндө;
  16. Шанхай кызматташтык уюмунун катчылыгы менен Бириккен Улуттар Уюмунун ортосунда өнөр-жай өнүгүүсү боюнча өз ара түшүнүшүү тууралуу меморандумга кол коюу жөнүндө;
  17. Шанхай кызматташтык уюмунун катчылыгы менен Араб мамлекеттеринин лигасынын катчылыгынын ортосунда өз ара түшүнүшүү тууралуу меморандумга кол коюу жөнүндө;
  18. Шанхай кызматташтык уюмунун катчылыгы менен Бириккен Улуттар Уюмунун соода жана өнүгүү боюнча конференциясынын катчылыгынын ортосундагы өз ара түшүнүшүү меморандумуна кол коюу жөнүндө;
  19. Шанхай кызматташтык уюмунун катчылыгы менен баңгизаттарын көзөмөлдөө боюнча эл аралык комитеттин катчылыгы ортосундагы өз ара түшүнүшүү меморандумуна кол коюу жөнүндө;
  20. Иран Ислам Республикасын Шанхай кызматташтык уюмуна мүчөлүккө алуу жараянын баштоо жөнүндө;
  21. Катар мамлекетине Шанхай кызматташтык уюмунда диалог боюнча өнөктөш макамын берүү жөнүндө;
  22. Египет Араб Республикасына Шанхай кызматташтык уюмунда диалог боюнча өнөктөш макамын берүү жөнүндө;
  23. Сауд Аравия Королдугуна Шанхай кызматташтык уюмунда диалог боюнча өнөктөш макамын берүү жөнүндө;
  24. Шанхай кызматташтык уюмуна мүчө мамлекет башчыларынын Кеңешинин илим, технология жана инновация жаатында кызматташууну бекемдөө боюнча билдирүүсү;
  25. Шанхай кызматташтык уюмуна мүчө мамлекет башчыларынын кеңешинин азык-түлүк коопсуздугу боюнча билдирүүсү;
  26. Шанхай кызматташтык уюмуна мүчө мамлекеттердин ыйгарым укуктуу органдарынын ортосундагы жаштар менен иштөө жаатында кызматташуу жөнүндө келишими;
  27. ШКУга мүчө мамлекеттердин өкмөттөрүнүн ортосундагы маданий мурастардын объектилерин коргоо жаатында кызматташуу жөнүндө келишими;
  28. Шанхай кызматташтык уюмуна мүчө мамлекеттердин маданият жана искусство жаатындагы жогорку жана орто билим берүү уюмдарынын ортосундагы кызматташуу жөнүндө меморандуму;
  29. Шанхай кызматташтык уюмунун банктар аралык бирикмесин мындан ары өнүктүрүүнүн орто мөөнөттүү стратегиясы (2022-2026-жж.);
  30. Шанхай кызматташтык уюмунун катчылыгы менен Евразиялык экономикалык комиссиянын ортосундагы өз ара түшүнүшүү меморандуму.
161
Белгилер:
Кыргызстан, Душанбе, ШКУ, Садыр Жапаров, документ
Тема боюнча
Афганистанга жардам, коопсуздук, кызматташуу. Жапаровдун Душанбедеги сөзү
Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр
Путин ШКУнун террорчулукка каршы түзүмүн күчтөндүрүүнү сунуштады
Кыргызстан кубогун жеңип алган Нефтчи футболдук клубунун оюнчулары

Футбол: Кыргызстан кубогунун ээси аныкталды

0
(жаңыланган 19:53 18.09.2021)
Эсеп негизги убакытта да, кошумча берилген мөөнөттө да ачылган жок. Финалдык оюндун жеңүүчүсү пенальти сериясынан соң белгилүү болду.

БИШКЕК, 18-сен. — Sputnik. Кочкор-Атанын "Нефтчи" футболдук клубу Кыргызстан кубогунун ээси аталганын Кыргыз футбол союзу билдирди.

90 мүнөттүк негизги убакытта "Нефтчи" да, ага атаандаш болгон Бишкектин "Алга" командасы да гол киргизе алган эмес. Кошумча берилген эки таймда да эсеп ачылган жок.

Жеңүүчүнү пенальти сериясы аныктап, "Нефтчи" 4:2 эсеби менен жеңүүчү аталды.

Оюн биринчи жолу Баткен шаарынын борбордук стадионунда өттү.

0
Белгилер:
футбол, кубок, мелдеш, команда
Тема боюнча
Кыргызстандын футбол командасы FIFA рейтингинде алдыңкы жүздүккө илинди